Morgunblaðið - 19.06.2001, Blaðsíða 26
LISTIR
MORGUNBLAÐIÐ ÞRIÐJUDAGUR 19. JÚNÍ 2001 27
KARLAKÓRINN Fóstbræður
hreppti gullverðlaun í alþjóðlegri
kórakeppni og -hátíð í Prag í Tékk-
landi á laugardag. Bar sigurorð af
fjórtán öðrum kórum sem þátt tóku
í keppninni. Kórstjóri Fóstbræðra
er Árni Harðarson. Kórinn hélt að
auki tvenna tónleika í Ungverja-
landi 10. og 11. júní í þessari ferð
um Mið-Evrópu.
Jón Þorsteinn Gunnarsson, for-
maður kórsins, segir ferðina hafa
gengið afar vel. „Við flugum til Vín-
arborgar 8. júní og ókum strax til
Ungverjalands. Við sungum sunnu-
daginn 10. júní í fæðingarborg
Kodálys, Kecskemét og daginn eftir
í sal Tónlistarakademíunnar í
Búdapest, einum fegursta tónleika-
sal sem Fóstbræður hafa nokkurn
tíma komið inn í og margir telja
fegursta tónleikasal Mið-Evrópu.
Salurinn tekur um 1.200 manns í
sæti og það voru um 800 manns í
salnum en tónleikarnir mörkuðu
jafnframt formlega opnun skrif-
stofu ræðismanns Íslands í Búda-
pest.“ Jón Þorsteinn segir að Fóst-
bræðrum hafi þótt mikið koma til
hljómburðarins í salnum. „Árni
Harðarson, sem hefur ekki áður
stjórnað kórnum í jafn hljóm-
fögrum tónleikasal, sagðist í hófinu
eftir tónleikana ekki hafa vitað að
kórinn væri svona góður!“ Frá
Búdapest var haldið til Prag og á
fimmtudagskvöldið söng kórinn á
opununartónleikum kórakeppn-
innar. Aðalkeppnin fór fram á laug-
ardaginn en krafa var um að kepp-
endur syngju fjögur verk frá
þremur tímabilum tónlistarsög-
unnar, 17. 18. og 19. öld. Fóst-
bræður sungu Bæn nr. eftir
Poulenc, Matona mia cara, eftir
Orlando di Lasso, og þá Holubicka,
eða Dúfuna eftir Leos Janácek.
„Þetta verk var býsna erfitt að læra
en þegar það náðist saman var það
óskaplega fallegt enda sungið á
tékknesku.“ Fjórða verkið var ís-
lenskt þjóðlag, Það var barn í daln-
um í útsetningu Árna Harðarsonar.
„Þetta voru fjögur lög á fjórum
tungumálum, allt nótnalaust, og
þegar úrslit voru tilkynnt höfðum
við fengið 92 stig af 100 mögu-
legum og fengum því gullverðlaun.
Sem sigurvegarar sungum við svo
einnig við verðlaunaafhending-
una.“
Hörð samkeppni frá Tékkum
Keppnin í Prag annars vegar
kórahátíð og hins vegar keppni en
að sögn Jóns Þorsteins kepptu sam-
an blandaðir kórar með kirkjuleg
verk, þá kvennakórar og loks karla-
kórar, og verðlaun veitt í hverjum
flokki. „Við vorum smeykir við
gríðargóðan tékkneskan karlakór
sem keppti þarna en við náðum að
bera sigur úr býtum.“ Tékkneski
kórinn fékk einnig gullverðlaun en
náði ekki jafn mörgum stigum og
Fóstbræður. Hollenskur karlakór
fékk silfurverðlaun. Í flokki bland-
aðra fékk enginn kór gull, en kór
frá Búlgaríu hreppti silfur. „Búlg-
arski kórinn var nú með þá tónlist
sem höfðaði mest til okkar. En nú
erum við komnir til Vínarborgar og
ég stend hér í götunni við hús Hunt-
ertwassers; við ætlum aðeins að
grípa andann í borg tónlistarinnar.
Við syngjum á tónleikum hér
klukkan sex í kvöld og þá verða
með okkur Rannveig Fríða Braga-
dóttir og Jónas Ingimundaron en
þau voru með okkur í Búdapest,“
sagði Jón Þorsteinn í gærdag.
Mikil stemmning og gleði ríkti í
kórnum að keppninni lokinni, að
sögn Jóns Þorsteins. „Við héldum
okkur veislu á Marriot-hótelinu í
Prag. Það var allt skipulagt, en
gullverðlaunin gerðu þá hátíð enn
glæsilegri og ánægjulegri.“
Að sögn Árna Harðarsonar er
þetta búin að vera ævintýraleg og
skemmtileg ferð. „Við náðum hér
þeim markmiðum sem stefnt var að.
Þó voru tónleikarnir í Búdapest
ekki síðri upplifun; að syngja í
þessu frábæra húsi.“ Árni segist
ekki frá því að þessi sigur muni efla
áhuga kórsins á að taka þátt í
keppni af þessu tagi víðar. „Mér
finnst þetta vera mjög mikilvægt
fyrir kórinn að vinna í svona sam-
keppni og mér finnst árangurinn
sýna það að kórinn á heima meðal
betri kóra og er kominn í gullflokk-
inn.“
Karlakórinn Fóstbræður sigraði á alþjóðlegu kóramóti í Prag
Karlakórnum Fóstbræðrum klappað lof í lófa í kórakeppninni í Prag á laugardaginn. Árni Harðarson kórstjóri hneigir sig fyrir áheyrendum.
Sýnir að kórinn
er kominn í
gullflokkinn
UM langt árabil hefur verið sam-
starf milli nemenda Listaháskóla
Íslands (áður Myndlista- og hand-
íðaskóla Íslands) og Búnaðarbank-
ans við Hlemm.
Nemar í Listaháskólanum hafa
sýnt verk sín í útstillingarglugga
bankans sem snýr að Rauðarárstíg.
Verk hvers nemenda eru til sýnis
hverju sinni í tvær vikur.
Einu sinni á ári var nafn eins
listamanns sem sýnt hafði í glugg-
anum á tímabilinu dregið úr potti
og hlaut sá styrk frá Búnaðarbank-
anum.
Í ár var ákveðið að styrkja tvo
listamenn og voru þeir dregnir út í
hófi í bankanum á dögunum. Vinn-
ingshafar í ár útskrifuðust báðir
með BA-gráðu frá hönnunardeild
skólans, Björg Stefánsdóttir með
textíl sem sérsvið og Ingibjörg
Böðvarsdóttir með grafík sem sér-
svið.
Björg Stefánsdóttir og Ingibjörg Böðvarsdóttir hlutu styrk.
Listnemar sýna í Búnaðar-
bankanum við Hlemm
HUGVÍSINDASTOFNUN Háskóla
Íslands hefur skipulagt fyrirlestra-
dagskrár bókmenntafræðinga Há-
skólans í samvinnu við heimamenn á
sex stöðum á landsbyggðinni í sum-
ar. Nú þegar er búið að halda Skáld-
sagnaþing í Stykkishólmi en á morg-
un, miðvikudag, fer þingið fram á
Þorlákshöfn í Menningar- og stjórn-
sýsluhúsinu kl. 20 og á sunnudaginn
á Ísafirði.
Í júlí verður það haldið á Höfn í
Hornafirði, Hólum í Hjaltadal og á
Skriðuklaustri.
„Þessi hugmynd kviknaði í vor eft-
ir að vel heppnuðu Skáldsagnaþingi
Hugvísindastofnunar og Bók-
menntafræðistofnunar lauk í Há-
skólanum. Á þinginu fluttu 33 bók-
menntafræðingar við Háskólann
stutt erindi, hver um eina skáldsögu
að eigin vali,“ segir Jón Ólafsson for-
stöðumaður Hugvísindastofnunar.
„Þegar farið var að kanna hvort
áhugi væri fyrir því að fá nokkra fyr-
irlesara af þinginu til að flytja fyr-
irlestra sína aftur úti á landi í sumar
kom í ljós að svo var og því var hafist
handa um að skipuleggja sumardag-
skrá með 3–6 fyrirlestrum á hverjum
stað. Sá háttur hefur verið hafður á
að heimamenn leggja fram óskalista
um fyrirlesara og sjá um skipulagn-
ingu á staðnum en Hugvísindastofn-
un um skipulagninguna að öðru leyti.
Háskóli Íslands vinnur nú að fjöl-
mörgum verkefnum sem miða að því
að auka starfsemi Háskólans og
starfsemi tengda honum á lands-
byggðinni. Sumardagskrá Skáld-
sagnaþings er hluti af þeirri við-
leitni.“
Á hausti komandi er væntanleg
bók með erindunum og er Ástráður
Eysteinsson ritstjóri bókarinnar en
hann átti upphaflegu hugmyndina að
Skáldsagnaþinginu.
Menningarborgarsjóður, Íslands-
banki og menntamálaráðuneytið
styrkja sumardagskrá Skáldsagna-
þings.
Skáld-
sagnaþing
á lands-
byggðinni
SÖNGSVEITIN Fílharmónía er
um það bil að leggast í ferðalög en
það er einn af þeim kostum, sem kór-
starfsemi býður upp á, með þeirri
ætlan, eins og frægur maður orðaði
það, „að syngja fyrir þjóðir.“
Fílharmónía hyggst nú hleypa
heimdraganum og halda sem leið
liggur suður í Evrópu. Til þeirrar
ferðar hefur kórinn nestað sig með
fjölbreyttu söngefni, að meginþorra
íslensku en einnig norrænu og ensku,
jafnvel allt frá tímum Tudoranna.
Fyrsta lagið á efnisskránni var hið
fræga Alta trinita beata, undurfallegt
ítalskt tónles-lag, sem var sérlega fal-
lega sungið. Þrjú ensk lög frá tímum
Tudoranna fylgdu, Lord, for thy
tender mercieś sake, eftir Richard
Farrant (d. 1581), Gentleman of the
Chapel Royal og John Bull. Hvort
hér er átt við tónskáldið Bull, (1562-
1628), sem einnig var kórdrengur við
Chapel Royal, er ekki ljóst en þessi
fallegi hymni var sérlega fallega
sunginn. Thomas Tallis (1505-1585)
átti næsta lag, If ye love me, fallegt
lag sem var mjög vel sungið. Síðasta
Tudor-lagið, Ave verum corpus, er
eftir eitt af mestu tónskáldum Eng-
lendinga, William Byrd, en hann mun
hafa lært tónlist hjá Tallis, sem kór-
drengur við Chapel Royal. Ensku
lögin voru sérlega fallega flutt og
einnig næstu fjögur lög, sem tilheyra
íslenskum veruleika dagsins í dag:
Heyr himnasmiður eftir Þorkel Sig-
urbjörnsson, Grátandi kem ég nú
Guð minn til þín, í raddsetningu Jóns
Leifs, Faðir vor eftir undirritaðan og
Jesús, mín morgunstjarna, í gullsleg-
inni raddsetningu Jóns Þórarinsson-
ar. Öll lögin voru flutt mjög fallega og
ríkti töluverð stemmning í túlkun
kórsins, sem er sérlega samstæður í
hljómi. Trúarlega hlutanum lauk með
I will prais thee, o Lord eftir Nystedt,
rismikið lag er reyndi um of á sópr-
aninn.
Veraldlegi hlutinn hófst með
skemmtilegri Amorsvísu eftir Snorra
Sigfús Birgisson, er var helst til of
hratt sungin. Heilræðavísur eftir Jón
Nordal og Vísur Vatnsenda-Rósu,
eftir undirritaðan hljómuðu hreinar
og fallega mótaðar. Frá Norðurlönd-
um voru þrjú lög, fyrst Einki er sum
summarkvøld við strendur, lag eftir
Hans Jacob Højgaard frá Færeyjum,
þá finnska þjóðlagið On suuri sun
rantaś autius og síðast sænski smell-
urinn Uti vår hage, í raddsetningu
Alfvén, sem eins og lag Snorra, var
helst til of órólegt til að skemmtileg
sveiflan og hraðabreytingarnar hefðu
nægilegt vægi. Eftir að hafa sungið
skemmtilegt lag eftir Vaughan-Will-
iams voru sungin þrjú íslensk þjóðlög
í raddsetningu Hafliða Hallgrímsson-
ar, Nú vil ég enn í nafni þínu, Hættu
að gráta hringaná og Sof þú blíðust
barnkind mín, sem öll voru sérlega
fallega sungin einkum þó Nú vil ég
enn og Sof þú blíðust, þar sem þýður
hljómur kórsins naut sín sérlega vel í
nærfærinni túlkun stjórnandans.
Sem smá millispil söng kórinn O
thou, the central orb, eftir Charles
Wood (1866-1926) enskt tónskáld,
fræðimann og kennara og þar kom til
sögu píanóleikarinn Guðríður St. Sig-
urðardóttir er fylgdi kórnum svo það
sem eftir var af efnisskránni, er var
eingöngu íslensk tónlist, Úr útsæ rísa
Íslandsfjöll, eftir Pál Ísólfsson, Einn
dunandi dans eftir Sigvalda Kalda-
lóns, Lokakórinn úr Þrymskviðu, eft-
ir undirritaðan og Fuglinn í fjörunni
eftir Jón Þórarinsson, sem öll voru
flutt af reisn og myndugleik.
Kórinn er sérlega vel æfður og náði
oft mjög fallegri hljóman og t. d. í
trúarlega hlutanum var túlkunin oft
borin uppi af sterkri tilfinningu fyrir
innihaldi texta og tónbyggingu lag-
anna. Þetta sama mátti og heyra í
þjóðlagaútsetningum Hafliða, sér-
staklega í Nú vil ég enn og Sof þú
blíðust. Í tóntakssterkari lögununum
og þar sem hraðinn var meiri, vantaði
frekast að söngfólkið réði yfir nægi-
legri tóntaksskerpu.
Hvað sem þessu líður, var mjög
góður heildarsvipur yfir söng kórsins
og í síðasta hlutanum lék Guðríður
St. Sigurðardóttir með og átti sinn
þátt í góðum flutningi kórsins, sem er
óskað góðs leiðis yfir hafið og heilu
heim að koma.
Að syngja fyrir þjóðir
TÓNLIST
S e l t j a r n a r n e s k i r k j a
Flutt voru íslensk og erlend kórlög
í trúarlegum og veraldlegum anda.
Stjórnandi: Bernharður Wilkinson.
Píanóleikari: Guðríður St. Sig-
urðardóttir. Miðvikudagurinn
13. júní. 2001.
KÓRTÓNLEIKAR
Jón Ásgeirsson