Morgunblaðið - 19.06.2001, Blaðsíða 17
LANDIÐ
18 ÞRIÐJUDAGUR 19. JÚNÍ 2001 MORGUNBLAÐIÐ
DAVÍÐ Oddsson forsætisráðherra
var viðstaddur þjóðhátíðarhöld 17.
júní á Hrafnseyri, fæðingarstað
Jóns Sigurðssonar forseta, og flutti
forsætisráðherra ræðu á samkom-
unni. Aldrei hefur verið meira fjöl-
menni á þjóðhátíð á Hrafnseyri í
vestanverðum Ísafjarðarbæ, en að
þessu sinni.
Eiríkur Finnur Greipsson, for-
maður Hrafnseyrarnefndar, stjórn-
aði samkomunni, sem hófst með
messu í kirkjunni. Prestur var séra
Guðrún Edda Gunnarsdóttir og
kirkjukór Þingeyrarkirkju söng
undir stjórn Sigurðar G. Daníelsson-
ar organista. Að henni lokinni flutti
forsætisráðherra ræðu í hvammin-
um þar sem Jón Sigurðsson lék sér í
bernsku en í ár eru liðin 190 ár frá
fæðingu hans.
Lýðveldið Ísland í öndvegi
Í ræðunni lagði Davíð megin-
áherslu á staðfasta framtíðarsýn
Jóns, sem aldrei vék frá þeirri
stefnu að Ísland ætti að vera frjálst
land og þjóðin fullvalda. En hann
sagði að það væri þó ekki Jón Sig-
urðsson, sem væri í öndvegi í dag,
heldur lýðveldið Ísland, endapunkt-
ur þjóðfrelsisbaráttunnar, kórónan
á því mikla verki sem Jón vann að.
,,En það var Jón Sigurðsson, hinn
jarðbundni vísindamaður, sem fór
fyrir þessum veruleikafirrtu mönn-
um og barátta hans og þeirra var
ekki síst reist á heilsteyptri þekk-
ingu á sögu og rétti þjóðarinnar og
röksemdarfærslu, sem öguð og aka-
demísk vinnubrögð lögðu grunn að,“
sagði Davíð.
Sá lengra en aðrir
Síðar í ræðu sinni sagði forsætis-
ráðherra: ,,En hann sá lengra en
aðrir vegna þess að hann studdist
stefnufastur við nokkrar megin-
kenningar og pólitískar gildisreglur,
sem ganga eins og rauður þráður í
gegn um orð hans og gerðir. Það
vafðist aldrei fyrir Jóni Sigurðssyni
að frjálsri og fullvalda þjóð myndi
farnast betur en þeirri sem misst
hefði forsjá sína að öllu eða verulegu
leyti í annarra hendur. Frjáls við-
skipti manna og þjóða á milli voru að
hans mati ein þýðingarmesta for-
senda framfara og almennrar vel-
sældar. Auðvitað er það rétt, sem
sumir undirstrika í tíma og ótíma, að
misskipting lífsins gæða er meiri en
þegar fátæktin var eina sameign
þjóðarinnar. En sá er vonandi vand-
fundinn sem þættist betur staddur
ef frelsið væri takmarkaðra og for-
ræði íslenskra mála væri fremur í
annarra höndum en okkar sjálfra.“
Í lok ræðu sinnar sagði Davíð:
„Hann Jón Sigurðsson frá Hrafns-
eyri við Arnarfjörð á það að minnsta
kosti inni hjá okkur að við nýtum
þau tækifæri sem gefast, en glötum
þeim ekki.“
Vestur-íslenskir bræður
sérstakir gestir við athöfnina
Að lokinni ræðu forsætisráðherra
söng kvartettinn Vestan fjögur
nokkur lög.
Sérstakir gestir forsætisráðherra
og Hrafnseyrarnefndar við athöfn-
ina voru vestur-íslensku bræðurnir
Eric og Kristjan Stefanson. Þeir eru
báðir frá Manitoba-fylki í Kanada og
hafa oft áður komið til Íslands, þótt
þetta sé fyrsta ferð þeirra til Vest-
fjarða. Eric er fyrrverandi varafor-
sætisráðherra og fjármálaráðherra í
Manitoba, en Kristjan æðsti dómari
fylkisins.
Meðal hátíðargesta á Hrafnseyri
var Hálfdán Kristjánsson, trillukarl
frá Flateyri, en hann dreifði derhúf-
um meðal hátíðargesta með áletr-
uninni: Smábátar 3 x meiri atvinna.
Forsætisráðherra flutti ræðu á þjóðhátíð á Hrafnseyri 17. júní
„Nýtum þau
tækifæri
sem gefast“
Morgunblaðið/Úlfar
Aldrei hefur verið annað eins fjölmenni á þjóðhátíð á Hrafnseyri og nú. Gestir hlýddu á ræðu forsætisráðherra,
Davíðs Oddssonar, undir berum himni í blíðviðrinu undir vegg endurbyggðs bæjarins sem Jón Sigurðsson
fæddist og ólst upp í.
Hrafnseyri
KVENNAHLAUPIÐ var hlaupið í
Stykkishólmi á laugardag í blíð-
skaparveðri eins og víðar á landinu
þennan dag.
Þátttaka í hlaupinu er mjög. Alls
voru 165 konur skráðar og þar af
hlupu 30 þeirra út í Flatey á Breiða-
firði. En það sem vakti athygli
þetta árið var að Svava Oddsdóttir
mætti til hlaupsins, en hún varð 100
ára á síðasta ári. Hún tók þátt í
hlaupinu í sínum hjólastól með að-
stoð starfsfólks sjúkrahússins og
hafði gaman af.
Morgunblaðið/Gunnlaugur Árnason
Hundrað ár eru á milli þessara þátttakenda í hlaupinu í Stykkishólmi.
Svava Oddsdóttir er fædd árið 1900 en Eyrún Björk árið 2000.
100 ára þátttakandi
í kvennahlaupinu
Stykkishólmur
KVENNAHLAUPIÐ var haldið
hér í Búðardal eins og víða um
land og reyndar erlendis líka.
Mætingin var ágæt en 38 konur
skráðu sig og voru þær á öllum
aldri.
Farinn var hringur hér um bæ-
inn og eins og áður var hlaupið,
skokkað, hjólað, gengið og farið
um í vagni eða kerru. Eftir
hlaupið var teygt á og síðan var
boðið frítt í sund á Laugum fyrir
þær sem tóku þátt og var það vel
þegið því veður var mjög gott,
sól og hiti. Því voru margir vel
sveittir eftir átökin.
Morgunblaðið/Guðrún Kristinsdóttir Föngulegur hópur leggur af stað.
Góð mæting
í kvennahlaup
Búðardal
RÍFLEGA eitt hundrað þátttakend-
ur voru í kvennahlaupi ÍSÍ 16. júní á
Laugarvatni. Hlaupið var frá
Íþróttamiðstöðinni þrjár mislangar
leiðir, 3 km, 5 km og 7 km í kringum
þéttbýlið á Laugarvatni og inn í dal-
inn. Létu konurnar ekki rigningar-
skúrir hafa áhrif á sig og mátti sjá
margar með börnin með sér, ýmist
undir belti, í kerrum og vögnum eða
sér við hlið. Eftir hlaupið bauð
Íþróttamiðstöðin öllum þátttakend-
unum í sund.
Kvennahlaupið
Eitt hundrað
konur hlupu á
Laugarvatni
Laugarvatn