Morgunblaðið - 17.07.2001, Blaðsíða 6

FRÉTTIR
6 ÞRIÐJUDAGUR 17. JÚLÍ 2001 MORGUNBLAÐIÐ
FORRÁÐAMENN helstu lífeyrissjóða landsins
telja að þrátt fyrir lægð á hlutabréfamarkaði sé
lag fyrir sjóðina að fjárfesta til langs tíma í
þeim hlutabréfum innlendra félaga sem hafa
verið að lækka töluvert í verði. Þá þykja
skuldabréf eftirsóttur kostur um þessar mundir
þar sem skuldabréfasjóðir hafa sýnt góða
ávöxtun á árinu, eða um allt að 25%. Fjárfest-
ingar í erlendum hlutabréfum hafa verið að
minnka töluvert vegna óhagstæðrar gengisþró-
unar og dregið hefur úr lánsfjáreftirspurn sjóð-
félaga.
Þorgeir Eyjólfsson, forstjóri Lífeyrissjóðs
verslunarmanna, segir framboð vera mikið af
ágætum skuldabréfum, ásamt því að eftirspurn
sjóðsfélaga eftir lánum sé enn töluverð þótt hún
hafi minnkað á síðustu vikum. Þrátt fyrir
breyttar aðstæður í efnahagslífinu sé ekki
ástæða til að breyta fjárfestingarstefnu sjóðsins
sérstaklega.
„Hlutabréf ásamt skuldabréfum eru einnig
áhugaverður fjárfestingarkostur. Þau hafa
lækkað mikið í verði. Í þó nokkrum hluta-
félögum hafa skapast kauptækifæri fyrir lang-
tímafjárfesta. Á það er horft,“ segir Þorgeir.
Örn Arnþórsson, skrifstofustjóri Lífeyris-
sjóðs Framsýnar, segist halda að á fyrsta
stjórnarfundi að loknum sumarleyfum verði án
efa teknar ákvarðar um hvort ástæða sé til að
breyta fjárfestingarstefnu sjóðsins. Búið sé að
gera áætlanir fyrir þetta ár, sem hafi verið unn-
ið eftir fram að þessu hjá vörsluaðilum sjóðsins,
en þær hafi verið í endurskoðun að undanförnu.
„Það hefur dregið úr kaupum á erlendum
hlutabréfum að undanförnu og vel má vera að
nú gefist kauptækifæri innanlands,“ segir Örn.
Í nýlegum pistli á vef Landsbankans segja
sjóðstjórarnir Friðrik Nikulásson og Anna
Margrét Guðjónsdóttir að árið 2001 stefni í að
verða ár skuldabréfamarkaðarins.
„Skuldabréfasjóðir hafa sýnt framúrskarandi
ávöxtun á árinu eða á bilinu 20 til 25% upp-
reiknað á ársgrundvöll. Ástæðuna fyrir þessum
góða árangri má rekja til lækkandi ávöxtunar-
kröfu á skuldabréfamarkaði. Ástæður lækkandi
ávöxtunarkröfu eru nokkrar. Fjárfestar hafa
sýnt skuldabréfum aukinn áhuga og er lægð á
hlutabréfamörkuðum ein ástæða hans. Fé hefur
því streymt úr hlutabréfum í skuldabréf bæði
hér heima og erlendis,“ segir m.a. í grein sjóð-
stjóranna.
Góð ávöxtun skuldabréfa
og lækkandi hlutabréf
Lífeyrissjóðir huga að fjárfestingum sínum innanlands og utan
REYK lagði frá turni Hallríms-
kirkju um klukkan 17 í gærdag og
þurfti að rýma kirkjuna. Sam-
kvæmt upplýsingum Slökkviliðs
höfuðborgarsvæðisins stóð bremsa
á lyftu á sér og lagði reyk frá henni
vegna þess en ekki var um eld að
ræða.
Enginn var í lyftunni þegar
óhappið átti sér stað og þegar
slökkviliðið mætti á staðinn voru
allir kirkjugestir komnir í anddyrið
en þeir voru 15 talsins.
Morgunblaðið/Ásdís
Reykur í
turni Hall-
grímskirkju
FORMLEGA var gengið frá samn-
ingi Íslenskrar erfðagreiningar og
Roche Diagnostics, sem fyrirtækin
tilkynntu um fyrir tveimur vikum, á
fréttamannafundi í gær. Auk þess
var kynnt nýtt lífupplýsingakerfi
Íslenskrar erfðagreiningar, sem
jafnframt er hluti af samningnum,
en það mun gegna mikilvægu hlut-
verki við þróun nýrra DNA-
greiningarprófa sem beinast að al-
gengum sjúkdómum. Í samningnum
felst að Roche Diagnostics er fyrsti
viðskiptavinur þessa nýja kerfis.
Lífupplýsingakerfi Íslenskrar
erfðagreiningar eru tæki til þess að
greina ættfræði, erfðafræði og
læknisfræði sjúkdóma, ásamt full-
komnum hugbúnaði til úrvinnslu
gagna, eftir því sem fram kemur í
frétt frá Íslenskri erfðagreiningu.
Kerfið gerir vísindamönnum Ís-
lenskrar erfðagreiningar og Roche
kleift að stunda erfðafræðirann-
sóknir með tölvum og leita svara
við spurningum sem tæki marga
mánuði að svara á rannsóknarstofu.
Fyrirtækin munu nota lífupplýs-
ingakerfið til að flýta fyrir upp-
götvunum á erfðamörkum sem
tengjast algengum sjúkdómum.
Upplýsingar um slík erfðamörk
verða grunnur að þróun nýrra
DNA-greiningarprófa. Kerfið mun
einnig auðvelda smíði hugbúnaðar
sem auðveldar læknum að meta nið-
urstöður slíkra prófa. Fyrirtækin
hyggjast í sameiningu þróa og
markaðssetja slíkan hugbúnað, seg-
ir í fréttatilkynningu.
Davíð Oddsson forsætisráðherra
sagði á fundinum að það væri hon-
um sérstök ánægja að fá að vera
viðstaddur þennan atburð. „Ég
hygg að það hafi ekki allir áttað sig
á því hvílík stærð felst í atburði af
þessu tagi og hvaða möguleika
hann er að undirstrika á þessu
sviði, sem við höfum verið að fylgj-
ast með á undanförnum árum.
Hann fyllir upp í þá mynd sem við
höfum gert okkur að framtíð þessa
mikla fyrirtækis. Það hlýtur að
vera okkur Íslendingum öllum sér-
stakt gleði- og ánægjuefni að fá að
sjá þennan samning og þetta sam-
starf ganga fram með þeim hætti
sem hér er að gerast,“ sagði Davíð.
Heino von Prondzynski, sem á
sæti í yfirstjórn Roche og er yf-
irmaður alþjóðlegs greiningarsviðs
fyrirtækisins, sagði samninginn
ekki eingöngu viðskiptasamning.
Samningurinn væri meira en það,
hann væri mikilvægur áfangi ein-
beittra vísindamanna í átt til nýrrar
framtíðarsýnar í læknavísindum.
Hann sagði að með samvinnu Roche
við Íslenska erfðagreiningu og með
beitingu lífupplýsingakerfis þeirra,
væri hægt að kanna nýjar og fram-
sæknar lausnir á sviði sjúkdóms-
greininga og gagnastýringar. Hann
taldi mikla möguleika vera á að
samstarfið myndi geta af sér lausn-
ir sem myndu nýtast vel í heilsu-
gæslu framtíðarinnar.
Kári Stefánsson, forstjóri Ís-
lenskrar erfðagreiningar, sagði
það einkennilega tilfinningu að
standa á þessum tímamótum, u.þ.b.
fimm árum eftir stofnun fyrirtæk-
isins, og sjá hve miklum árangri
fyrirtækið hefði náð á stuttum tíma.
„Ég vona að það sem okkur hefur
tekist að ljúka hingað til sé aðeins
lítill hluti af því sem við komum til
með að gera á næstu árum,“ sagði
Kári. Hann sagði að fyrirtækið
hefði átt mjög gott samstarf við
Roche og hann væri ánægður með
að geta, í samvinnu við Roche, not-
að lífupplýsingakerfið til að hraða
vinnu við rannsóknir og þróun
nýrra afurða.
Morgunblaðið/Arnaldur
Við undirritun samningsins í gær. F.v. Heino von Prondzynski, sem á sæti í yfirstjórn Roche, Davíð Oddsson
forsætisráðherra og Kári Stefánsson, forstjóri Íslenskrar erfðagreiningar.
Samningur Íslenskrar erfðagreiningar og Roche Diagnostics
Lífupplýsingakerfið mik-
ilvægt við þróun nýrra
DNA-greiningarprófa
MJÓLKURKVÓTI næsta verð-
lagsár, sem hefst 1. september,
hefur verið ákveðinn 104 millj-
ónir lítra, að því er fram kemur í
orðsendingu til kúabænda og
birt er í Bændablaðinu. Er það
aukning um eina milljón lítra og
samsvarar ársframleiðslu hjá
alls 10 meðalstórum kúabúum.
Snorri Sigurðsson, fram-
kvæmdastjóri Landssambands
kúabænda, sagði við Morgun-
blaðið að þessi aukning væri
sérstakt fagnaðarefni fyrir kúa-
bændur og staðfesti að neysla á
mjólkurvörum væri stöðugt að
aukast meðal landsmanna.
Nefndi Snorri töluverða sölu-
aukningu á skyri í því sambandi.
Einnig hefur verið ákveðið að
breyta ráðstöfun beinna
greiðslna á þann hátt að svo-
nefndar C-greiðslur skiptast á
mánuðina með öðrum hætti en
áður. Á yfirstandandi ári greið-
ast þessar greiðslur allar á inn-
legg í nóvember til febrúar en á
næsta verðlagsári greiðist einn-
ig innlegg í mánuðunum júlí og
ágúst. Greiðslur á innlegg í nóv-
ember til febrúar lækka tilsvar-
andi. Miðað við núgildandi verð
á mjólk og jafna innvigtun allt
árið verða greiðslurnar næsta
verðlagsár þannig að nóvember
til febrúar verða þær rúmar 12
kr. á lítra, rúmar 4 krónur í júlí
og rúmar 8 krónur í ágúst.
Í orðsendingu Landssam-
bands kúabænda kemur fram
að á núgildandi verðlagsári hafi
afurðastöðvarnar þegar óskað
eftir kaupum á próteini úr 1
milljón lítra af umframmjólk.
Áætlanir gera ráð fyrir að út-
flutningsverð fyrir umfram-
mjólk, sem voru tæpar 4 kr. á
lítra í fyrra, verði hærri nú, eða
4,50–5,50 kr. á lítra. Landssam-
bandið telur því engan vafa
leika á því að öll mjólk eigi að
koma í samlag.
Mjólkur-
kvótinn
aukinn
um millj-
ón lítra
REFSIFANGI á Litla-Hrauni hefur
verið sýknaður af ákæru um að hafa
undir höndum einn skammt af LSD.
Efnið fannst þegar fangaverðir leit-
uðu í klefa hans í mars sl.
Í dómnum kemur fram að þrátt
fyrir að það megi ætla að fíkniefnið
sem fannst í klefa fangans hafi verið
LSD sé ekki hægt að líta framhjá mis-
munandi lýsingum starfsmanna fang-
elsisins og lögreglumanna á bútnum
með fíkniefninu.
Rannsóknarstofa háskólans í lyfja-
fræði hafi lýst honum sem fernings-
laga, um 8x8 mm á kant. Í grunninn
hafi hann verið blár og grænn en í
miðjunni var hvít og blá stjarna.
Starfsmenn fangelsisins lýsi honum
hins vegar ekki þannig heldur sem
hvítum pappírsbút og stærðin var
nokkuð á reiki. Í dómnum segir að
engar vitrænar skýringar hafi komið
fram á þessum mismun. Sökum þessa
þótti varhugavert annað en að sýkna
fangann af ákærunni.
Í niðurstöðum Héraðsdóms Suður-
lands kemur fram að framburður
fangans var afar mismunandi. Í
fyrstu neitaði hann sök en við fyrir-
töku málsins játaði hann á sig brotið.
Sama dag barst réttinum hins vegar
bréf þar sem fanginn kvaðst „hafa
verið“ dæmdur saklaus. Við aðalmeð-
ferð neitaði fanginn sök. Dómnum
þóttu skýringar hans á reikulum
framburði ekki marktækar. Annars-
vegar sagðist hann vilja spara skatt-
borgurum peninga en hins vegar að
hann hefði aldrei játað á sig brotið.
Sakarkostnaður féll allur á ríkis-
sjóð, þ.m.t. málsvarnarlaun skipaðs
verjanda fangans.
Refsifangi
sýknaður