Morgunblaðið - 17.07.2001, Blaðsíða 21
ERLENT
MORGUNBLAÐIÐ ÞRIÐJUDAGUR 17. JÚLÍ 2001 21
Ármúla 21,
sími 533 2020
Fagmennirnir þekkja Müpro
Rörafestingar
og upphengi
Allar stærðir og gerðir
rörafestinga og
upphengja
HEILSALA - SMÁSALA
AQUA VITAL baðvörur
10%
kynningar-
afsláttur
+ kaupauki
Kynningar
Apótekið Suðurströnd
17. júlí 14–18.
Apótekið Iðufelli
18. júlí 14–18.
Apótekið Firðinum
19. júlí 14–18.
Apótekið Mosfellsbæ
20. júlí 14–18.
Apótekið Smiðjuvegi
21. júlí 11–14.
HÓPUR sem rannsakað hefur hvarf
flugkonunnar Ameliu Earhart fyrir
64 árum telur nú að fram séu komn-
ar vísbendingar um hvar flak flug-
vélar hennar sé að finna, að því er
The Sunday Times greinir frá.
Nýjar gervitunglamyndir sem
teknar voru yfir lítilli óbyggðri
baugey, sem tilheyrir lýðveldinu
Kirabati í Kyrrahafi suðvestan-
verðu, virðast sýna ryðgaða málm-
hluti á kóralrifi úti fyrir strönd eyj-
arinnar, á svæði þar sem sagt er að
sjómenn hafi einu sinni séð flak flug-
vélar.
„Þetta eru bestu vísbendingar
sem við höfum nokkurn tíma feng-
ið,“ sagði Richard Gillespie, foringi
hóps sem hefur leitað síðan 1989 á
Nikumaroro-eyju að vísbendingum
um afdrif Earharts.
Earhart, sem var bandarísk, varð
fyrsta konan til að fljúga yfir Atl-
antshaf. Hún og siglingafræðingur
hennar, Fred Noonan, hurfu yfir
Kyrrahafi 2. júlí 1937 þegar þau
voru að gera tilraun til að fljúga um-
hverfis jörðina.
Gillespie kveðst ekki geta fullyrt
að um sé að ræða flakið af flugvél
Earharts, sem var af gerðinni Lock-
heed Electra. Í næsta mánuði ætlar
hann að fara fyrir köfunarleiðangri
til að taka af allan vafa.
Telja flugvél
Earhart fundna
NORSKA köfunarskipið Mayo er
komið að staðnum þar sem rúss-
neski kjarnorkukafbáturinn Kúrsk
sökk 12. ágúst og kafarar undirbúa
nú tilraun til að lyfta kafbátnum af
botni Barentshafsins.
Gert er ráð fyrir að norskir og
rússneskir kafarar æfi fyrst djúp-
sjávarköfun við slysstaðinn. Þeir
eiga síðan að skoða flak kafbátsins,
taka myndir af því með sjónvarps-
myndavélum og fjarlægja botnleðju
undan stafni kafbátsins. Boruð
verða göt í skrokk bátsins fyrir
togvíra og stafninn verður skorinn
af, en hann verður skilinn eftir á
hafsbotninum og fjarlægður síðar.
Gert er ráð fyrir því að hafist
verði handa við að lyfta flakinu af
hafsbotninum um miðjan septem-
ber. Stefnt er að því að flakið verði
flutt til Múrmansk 20. september.
Í kafbátnum voru 18 tundurskeyti
og 24 stýriflaugar þegar hann sökk.
Rússnesk stjórnvöld segja að engin
kjarnavopn hafi verið í bátnum.
Norsk stjórnvöld hafa ítrekað
spurt hvaða ráðstafanir verði gerðar
ef tveir kjarnakljúfar kafbátsins lið-
ast í sundur en Rússar hafa ekki
svarað því.
Geislavarnastofnun Noregs hvatti
til þess í vikunni sem leið að björg-
unaraðgerðinni yrði frestað til að
hægt yrði að rannsaka til hlítar
hvort hætta væri á geislamengun
fari eitthvað úrskeiðis. „Komið hef-
ur í ljós að rannsóknum Rússa á
hugsanlegum afleiðingum fyrir um-
hverfið er ekki lokið,“ sagði tals-
maður stofnunarinnar eftir að sér-
fræðingar hennar ræddu björgunar-
aðgerðina við rússneska sérfræð-
inga.
Kúrsk af hafsbotni
Moskvu. AFP, AP.
!
"#!
! $ # #
#
%
%
&
'
&
'
"()*+,
-.
+
)*
+
,
!
"#
$%
&
&' !
/
#
!
0
!
NÍTJÁN ára þýskur piltur var í gær
dæmdur í sex mánaða fangelsi fyrir
þátttöku í uppþotunum í Gautaborg í
Svíþjóð í tengslum við leiðtogafund
Evrópusambandsins fyrir réttum
mánuði. Hópur fólks bíður enn dóms
vegna ólátanna, sjö Danir, Ítali og
fjórir Svíar. Auk fangelsisvistarinnar
var Þjóðverjanum vísað úr landi og
má hann ekki koma til Svíþjóðar
næstu fimm árin.
Skiptar skoðanir
um dóminn
Flestir sakborninganna neita því
að hafa tekið þátt í uppþotunum en
Þjóðverjinn sem dæmdur var í gær
viðurkenndi þó að hafa kastað stein-
um. Hann neitaði að hafa farið til Sví-
þjóðar til að efna til óláta heldur hefði
hann dregist inn í þau. Lagði dóm-
arinn í Gautaborg trúnað á þessa
skýringu piltsins. Flestir eru ákærðir
fyrir að kasta steinum, ráðast að lög-
reglu og „grófa árás á lýðræðisleg
gildi réttarþjóðfélags“ eins og segir í
dómnum yfir Þjóðverjanum.
Saksóknari hafði krafist 2–3 ára
fangelsis yfir manninum og lýsti því
yfir er dómurinn féll að hann væri
óvenju stuttur. Verjandi mannsins
kvað hann hins vegar harðari en von
hefði verið á. Verjandi eins Dananna
sjö sem bíða dóms lýsti því yfir í gær
að hann ætti von á því að þeir hlytu
svipaða dóma.
Málið hefur vakið mikla athygli í
Svíþjóð og Danmörku og er afstaðan
til óeirðaseggjanna tvíbent; annars
vegar er almenningur ánægður með
hve hratt er gengið til verks að dæma
ungmennin en hins vegar þykir sum-
um sem fullhart hafi verið gengið
fram. Þá þykja hinum sömu sannan-
irnar standa á veikum grunni þar sem
aðalvitnið gegn óeirðaseggjunum er
lögreglumaður sem þóttist vera mót-
mælandi og bar kennsl á flesta sak-
borningana, þrátt fyrir að steinkast-
ararnir hefðu verið með grímur.
Eftirmál fundar ESB í Gautaborg
Í fangelsi
fyrir grjótkast
Kaupmannahöfn. Morgunblaðið.
FERNANDO de la Rua, forseti Arg-
entínu, kvaðst í gær hafa tryggt
stuðning fylkisstjóra í flokki sínum
við áform stjórnarinnar um að grípa
til erfiðra sparnaðaraðgerða, lækka
m.a. laun opinberra starfsmanna, til
að landið geti staðið í skilum við er-
lenda lánardrottna.
Stjórnin hóf í gær viðræður við
forystumenn flokks peronista, sem
er í stjórnarandstöðu, til að leita eftir
stuðningi hans við áformin. Domingo
Cavallo efnahagsráðherra kvaðst
vera vongóðir um að perónistar
styddu sparnaðaraðgerðirnar þar
sem þær væru eina leiðin til að leysa
efnahagsvanda landsins.
Laun lækkuð
um allt að 13%
Samkvæmt sparnaðaráætlun
stjórnarinnar á að lækka laun og elli-
lífeyri ríkisstarfsmanna til að eyða
fjárlagahalla ríkisins, auk þess sem
gerðar verða ráðstafanir til að
stemma stigu við skattsvikum. Laun
ríkisstarfsmanna, sem hafa meira en
andvirði 20.000 króna í mánaðar-
tekjur, verða lækkuð um allt að 13%.
Ellilífeyrir þeirra sem fá meira en
sem svarar 30.000 kr. á mánuði verð-
ur einnig skertur.
Samtök ríkisstarfsmanna sögðust
vera að íhuga að boða til verkfalla
vegna áformanna.
Sparnaðaraðgerðirnar eru taldar
nauðsynlegar til að tryggja að arg-
entínska ríkið geti staðið í skilum við
erlenda lánardrottna sína. Tekjur
ríkisins hafa minnkað verulega
vegna þriggja ára efnahagssam-
dráttar í landinu og ríkissjóður er
því rekinn með miklum halla.
Slæm fjárhagsstaða ríkisins varð
til þess að það neyddist til að selja
skammtímaskuldabréf með mjög
háum vöxtum fyrir viku. Með sparn-
aðaraðgerðunum vonast stjórnin til
þess að geta fengið fjármagn á við-
ráðanlegum kjörum á alþjóðlegum
skuldabréfamörkuðum.
Gengi hlutabréfa í argentínskum
fyrirtækjum lækkaði um 8,3% í vik-
unni sem leið vegna óvissu um hvort
pólitísk samstaða næðist um sparn-
aðaraðgerðirnar. Umrótið í Argent-
ínu, öðru stærsta hagkerfi Suður-
Ameríku, varð til þess að gengi
hlutabréfa og gjaldmiðla lækkaði í
Brasilíu, Mexíkó og Chile.
Fjármálaumrót í Argentínu
Leitað eftir stuðn-
ingi við sparnað
Buenos Aires. AP, AFP.