Morgunblaðið - 17.07.2001, Qupperneq 17

NEYTENDUR
MORGUNBLAÐIÐ ÞRIÐJUDAGUR 17. JÚLÍ 2001 17
ÞEGAR blaðamaður og ljósmyndari röltu á
útsölur nýlega voru margir á Laugavegin-
um en færri í Kringlunni en vanalega, enda
góðviðrisdagur. Flestir viðmælendur höfðu
þegar kíkt á einhverjar útsölur og sumir
hverjir gert góð kaup enda afsláttur yfir-
leitt á bilinu 30–70%. Talsmenn verslana
voru sammála um að þær hefðu farið vel af
stað, umræða um samdrátt í þjóðfélaginu
virtist ekki hafa áhrif á verslun, því hún
væri síst minni í ár og jafnvel heldur meiri
en í fyrra.
Í Hagkaupi hafði útsalan staðið í viku og
gengið vel að sögn Finns Árnasonar fram-
kvæmdastjóra. „Afsláttur er 40-50% en
einnig bjóðum við tilboðsvörur á allt að 89%
afslætti. Stærstur hluti þess sem er á útsölu
eru vörur frá fyrri helmingi ársins en við
fáum líka inn nýjan fatnað sem fer beint á
útsölu.“ Hann taldi dömu- og barnafatn-
aðinn hafa selst hvað best.
Fjölmargir í biðröð
Í versluninni Nanoq hófst útsalan 5. júlí
og sagði Þorbjörn Stefánsson fram-
kvæmdastjóri að þá hefðu fjölmargir beðið í
röð fyrir utan verslunina. „Afsláttur er
svipaður og í fyrra 40–60%. Verslun hefur
farið vel af stað og gengur hraðar fyrir sig
en í fyrra.“ Útsalan stendur fram eftir mán-
uðinum en útsölulok hafa ekki verið ákveð-
in.„Við erum með sumarmarkað í gangi sem
byrjaði í júní og mun standa fram í ágúst,“
sagði Ármann Snævarr, starfsmaður Mús-
íkur og mynda í Austurstræti. Hann sagði
mikið hafa verið keypt á markaðnum. „Við
bætum reglulega inn nýju efni en hér er
hægt að fá geisladiska frá 99 krónum.“
Unga fólkið fer mikið í Kringluna en eldra
fólkið heldur sig frekar við Laugaveginn, að
sögn Bjarna Pálssonar, verslunarstjóra
herrafataverslunarinnar Dressmann á
Laugavegi, en þar er allt að 60% afsláttur.
„Í fyrra var meira um að konurnar kæmu
og keyptu á eiginmennina en nú koma þeir
miklu meira sjálfir.“
Í Top Shop hafði útsalan staðið í viku og
sagði Sigrún Andersen framkvæmdastjóri
hana hafa byrjað viku fyrr nú en síðasta
sumar. „Afslátturinn er 50–75% nú, en var
minni í fyrra. Þó er fólk að kaupa fyrir
hærri upphæðir þannig að svo virðist sem
fólk sé að versla meira nú. Karlar og konur
hafa verið jafndugleg að mæta á útsöluna og
að því leyti hefur herradeildin komið
skemmtilega á óvart.“
Útsölur eru í hámarki um alla borg og salan síst minni en í fyrra
Afsláttur yfirleitt um 30–70%
Hægt er að gera góð kaup á sumarútsöl-
unum sem eru hafnar í mörgum verslunum.
Sumarútsölur eru hvarvetna í
fullum gangi og virðast þær
vera heldur fyrr á ferðinni nú
en áður. Bryndís Sveinsdóttir
og Brynjar Gunnarsson ljós-
myndari hittu vegfarendur
sem höfðu gert góð kaup.
Hvers vegna er hægt að borga
með Visa kredit- og debetkort-
um í Kentucky Fried Chicken
en ekki Eurocard-greiðslu-
kortum og Mastercard-debet-
kortum?
Það er rétt að í augnablikinu
taka allir staðir Kentucky
Fried Chicken einungis
greiðslu- og debetkort frá Visa.
Ástæðan er einföld að sögn
Helga Vilhjálmssonar eiganda.
Kentucky Fried Chicken-stað-
irnir hafa ekki tekið greiðslu-
kort undanfarin tuttugu ár en
eru nú að breyta þeirri stefnu.
Búið er að semja við Visa Ís-
land og verið að semja við Eu-
ropay, svo í náinni framtíð
verða bæði kortin jafngild á öll-
um stöðunum. „Þeir voru ein-
faldlega á undan í heimsókn til
okkar frá Visa og þess vegna
komum við þeirra kortum í
gang fyrr,“ segir Helgi.
Spurt og svarað
Kentucky
Fried Chicken
um neytendamál
„Hér er þó nokkuð dýrara að
versla en heima en samt má finna
hluti innan um eins og þessa X-18
skó sem ég var að kaupa mér, en
þeir kosta mun meira í Dan-
mörku,“ sagði hin danska Rikke B.
Strøyberg sem ásamt vinkonu
sinni Minelle B. Jensen var í viku-
fríi á Íslandi. Þær höfðu kíkt á út-
sölur á Laugavegi og fannst gam-
an að versla þar. „Við vissum ekki
af Kringlunni fyrr en í dag en núna
erum við nánast búnar með pen-
ingana okkar svo ég held við látum
gott heita,“ sögðu þær og hlógu.
Búnar með
peningana
Minelle og Rikke ætluðu ekki
að kaupa meira.
„Ég keypti mér þessa fínu tösku
áðan,“ sagði hin mexíkóska Ilana
Baradon, greinilega hæstánægð
með afrakstur dagsins á Lauga-
veginum. „Ég er búin að vera
hér í klukkutíma og ætla að
halda áfram að skoða í dag. Út-
sölurnar eru frábærar eins og
allt hér en þó eru hlutirnir miklu
dýrari en heima.“ Þegar hún er
spurð hvort hún fari gjarnan á
útsölur hlær hún. „Mér finnst
alltaf gaman að versla, sama
hvar það er og hvort sem það er
útsala eða ekki.“
Ánægð með
afraksturinn
Ilana Baradon var nýbúin að
kaupa sér tösku.
„Já, mér finnst gaman að fara á
útsölu, ég fékk allavega fín föt,“
sagði Jakob Friðþórsson sem
var að versla með pabba sínum,
Friðþóri Jakobssyni, í Kringl-
unni. „Mér líst ágætlega á þetta,
annars mætti afslátturinn alveg
vera meiri, mér finnst varla
hægt að tala um útsölu ef af-
sláttur er ekki 50% eða meira,“
sagði Friðþór. Aðspurður sagð-
ist hann fara mjög sjaldan á út-
sölur. „Ég kom aðallega til að
kaupa á strákinn og við fengum
góð föt á hann.“
„Fékk fín
föt“
Feðgarnir Friðbjörn og Jakob
voru búnir að gera góð kaup.
„Ég er búin með minn kvóta á út-
sölum í ár enda búin að eyða ein-
hverjum tugum þúsunda á þeim.
Samt er ég alltaf að sjá eitthvað
flott sem mig langar í og keypti því
einn bol í safnið áðan, en nú er ég
hætt,“ sagði Guðný Skúladóttir sem
spókaði sig á Laugaveginum ásamt
Bryndísi Bjarnadóttur sem hafði
keypt sér buxur í Vinnufatabúð-
inni. „Ég fer alltaf á útsölurnar en
finnst skemmtilegra að versla þeg-
ar ekki eru útsölur og kaupi meira
þá, kannski af því að þá eru nýjar
vörur í búðum,“ sagði Bryndís.
Búin með
kvótann
Bryndís og Guðný höfðu keypt
sér buxur og bol.