Morgunblaðið - 26.07.2001, Síða 2

FRÉTTIR
2 FIMMTUDAGUR 26. JÚLÍ 2001 MORGUNBLAÐIÐ
Fylgstu
með
nýjustu
fréttum
www.mbl.isRúnar Kristinsson á leið
í uppskurð? / B1
Jakob Jóhann Sveinsson tvíbætti
Íslandsmet sitt / B3
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
FORMAÐUR stjórnar Sameinaða lífeyrissjóðsins
segist telja það ábyrgðarhluta af stjórn stærsta
lífeyrissjóðs landsins, að vilja ekki taka þátt í að
kanna kosti fyrirhugaðs álvers í Reyðarfirði sem
fjárfestingarkosts. Stjórnarformaður Lífeyris-
sjóðs verslunarmanna segir að ákvörðun stjórnar
LSR sé athyglisverð.
Eins og fram kom í Morgunblaðinu á þriðjudag
er stjórn Lífeyrissjóðs starfsmanna ríkisins ekki
einhuga um þátttöku sjóðsins í samstarfi fjárfesta
um rekstur og uppbyggingu álvers í Reyðarfirði.
Verður sjóðurinn því ekki að óbreyttu með í sam-
starfi nokkurra stærstu lífeyrissjóða landsins um
könnunarviðræður við lánastofnanir vegna Reyð-
arálsverkefnisins.
Hallgrímur Gunnarsson, stjórnarformaður
Sameinaða lífeyrissjóðsins, segist skilja ákvörðun
Lífeyrissjóðs starfsmanna ríkisins þannig að þar á
bæ hafi menn efasemdir um að skoða málið. „Það
finnst mér vera ábyrgðarhluti. Svona stór dæmi
verður að skoða ofan í kjölinn og taka svo af-
stöðu.“
Hallgrímur bendir á að LSR sé einn stærsti líf-
eyrissjóður landsins og því sé ákvörðun hans nú
umhugsunarefni. „Okkar framkvæmdastjóri er að
kanna þessi mál, en við höfum enga ákvörðun tek-
ið, um að vera með eða ekki, frekar en aðrir lífeyr-
issjóðir. Við höfum hreinlega ekki fengið þau gögn
í hendur, að við höfum nokkra möguleika á að
meta þennan fjárfestingarkost sem slíkan. Þetta
verkefni er af þeirri stærðargráðu, að beita verð-
ur skipulegum vinnubrögðum og horfa til fram-
tíðar,“ segir Hallgrímur.
Starfshópurinn á ekki að
taka neinar ákvarðanir
Magnús L. Sveinsson, formaður stjórnar Líf-
eyrissjóðs verslunarmanna, segir að þau tíðindi að
svo stór lífeyrissjóður eins og LSR hyggist ekki
taka þátt í starfshópnum séu „athyglisverð út af
fyrir sig“, eins og hann orðar það. „Við höfum gef-
ið forstjóra okkar grænt ljós á að taka þátt í störf-
um þessa hóps, enda er honum aðeins ætlað að
afla gagna til að stjórnin geti betur áttað sig á því
hvort um sé að ræða fýsilegan fjárfestingarkost,“
segir hann.
Magnús leggur áherslu á að starfshópurinn,
sem í eiga sæti framkvæmdastjórar fimm af sex
stærstu lífeyrissjóðum landsins, eigi ekki að taka
neinar ákvarðanir, enda sé það verk stjórna sjóð-
anna. Þær beri ábyrgðina gagnvart sjóðfélögum.
Af hálfu Hæfis, hlutafélags íslenskra lánastofn-
ana um Reyðarálsverkefnið, hefur áhersla verið
lögð á að eitthvað liggi fyrir um áhuga lífeyr-
issjóðanna á verkefninu fyrir lok þessa mánaðar.
„Það er allt of skammur tími og ég benti strax á
það. Þetta er stórt mál og verður að hafa sinn
gang. Það er alveg ljóst að menn þurfa og eiga að
fá sinn tíma til að skoða þetta verkefni allt mjög
vandlega,“ sagði Magnús L. Sveinsson.
Viðbrögð annarra lífeyrissjóða við ákvörðun stjórnar LSR
Ábyrgðarhluti að vilja ekki
skoða málið ofan í kjölinn
SJÖTTA aðildarríkjaþing
Loftslagssamnings Sameinuðu
þjóðanna, SÞ, stendur enn yfir í
Bonn en til stendur að sérmál
Íslands og annarra smáríkja,
eða íslenska ákvæðið svo-
nefnda, komist á dagskrá á
morgun, föstudag, þegar ganga
á frá öllum ákvörðunum.
Halldór Þorgeirsson, skrif-
stofustjóri í umhverfisráðu-
neytinu og fulltrúi Íslands í
Bonn, segir að eftir að sam-
komulag náðist á mánudag um
framkvæmd Kyoto-bókunar-
innar um losunarmörk gróður-
húsalofttegunda hafi öll önnur
mál þróast hægt. Ágreiningur
sé einnig uppi um form og fyr-
irkomulag samkomulagsins.
Hugsanlega endanlega
afgreitt í haust
Halldór segir að sá möguleiki
sé fyrir hendi að íslenska
ákvæðið fái ekki umfjöllun fyrr
en á sjöunda aðildarríkjaþingi
samningsins, sem fram fer í
Marokkó í nóvember nk.
Sem kunnugt er er Ísland
ekki aðili að Kyoto-bókuninni
en í stefnuyfirlýsingu ríkis-
stjórnarinnar segir að stefnt sé
að því að Ísland gerist aðili þeg-
ar fyrir liggur viðunandi niður-
staða í sérmálum þess.
Á fundi SÞ í Kyoto í Japan
árið 1997 bentu íslensk stjórn-
völd á að fámenn ríki með litla
losun ættu í erfiðleikum með að
framfylgja bókuninni þar sem
einstakar framkvæmdir, s.s.
bygging álvers, gætu leitt til
mikillar hlutfallslegrar aukn-
ingar á losun gróðurhúsaloft-
tegunda. Því var samþykkt í
Kyoto að skoða sérstaklega
stöðu lítilla ríkja og hefur sú
ákvörðun síðan gengið undir
nafninu íslenska ákvæðið.
Loftslagsráðstefna
SÞ í Bonn
Íslenska
ákvæðið
rætt á
morgun
OKKUR Íslendingum þykir sól-
brúnkan vera nokkuð eftirsókn-
arverð og því þarf að nýta sólina vel
þegar hún skín jafnglatt á okkur og
hún hefur gert síðustu daga. Það
gerðu að minnsta kosti íbúar Grund-
ar, þar sem þeir skemmtu sér með
dansi í gær.
Sumir létu sér þó nægja að sitja í
rólegheitum og var þá vissara að
maka svolítilli sólarolíu á andlitið til
að verjast sólbruna. Það þótti að
minnsta kosti manninum á myndinni
og fékk hann til þess dygga aðstoð.
Aldraðir
í sólbaði
á Grund
Morgunblaðið/Sverrir
Á FUNDI Alþjóðahvalveiðiráðsins í
London var skipuð nefnd til að
kanna kjörbréf Indlands og skilaði
hún skýrslu um málið í gærkvöldi, en
greint verður frá niðurstöðunni í
dag.
Stefán Ásmundsson, þjóðréttar-
fræðingur í sjávarútvegsráðuneyt-
inu og formaður íslensku sendi-
nefndarinnar, segir að enginn efist
um að kjörbréf Indverja séu gild
sem slík, en einhver vafi leiki á því
hvort viðkomandi menn hafi rétt til
að kjósa. Samkvæmt reglum hval-
veiðiráðsins getur hvert ríki útnefnt
einn aðalfulltrúa og varamann fyrir
hann og aðeins þeir mega kjósa.
Stefán segir að málið snúist um það
hvort Indverjinn, sem kaus á mánu-
dag, hafi haft til þess leyfi.
Stefán segir að ekkert hafi breyst í
stöðu Íslands á fundinum. „Við sitj-
um sem fullgilt aðildarríki og tökum
fullan þátt í umræðum en svo er tvö-
falt bókhald yfir atkvæðagreiðslur.“
Hann segir að eftir hverja atkvæða-
greiðslu geri hann formanninum
grein fyrir að láðst hafi að lesa upp
Ísland í nafnakallinu og skýri síðan
afstöðu Íslands til viðkomandi máls.
Í gær var lögð fram ályktun þar
sem Norðmenn voru gagnrýndir fyr-
ir að stunda hvalveiðar í atvinnu-
skyni þrátt fyrir að í gildi sé núll-
kvóti, sem þeir eru reyndar ekki
bundnir af. Þeir voru hvattir til að
hætta hvalveiðum en Stefán segir að
Ísland hafi stutt Norðmenn eins og
önnur ríki sem hlynnt eru hvalveið-
um, enda ekkert athugavert við
sjálfbærar veiðar.
Enn átök á ársfundi Al-
þjóðahvalveiðiráðsins
Skoða
kjörbréf
Indlands
MINNINGARSKJÖLDUR með
nöfnum skipverjanna á HMS Hood,
sem fórust þegar þýska herskipið
Bismarck sökkti því á Grænlands-
sundi 24. maí 1941, var settur við
flak skipsins í gær. Með Hood fórust
1.415 manns en þrír komust lífs af.
Einn þeirra, Ted Bricks, er enn á lífi
og tók hann þátt í minningarathöfn-
inni.
Bricks sigldi á staðinn með Lóðs-
inum frá Vestmannaeyjum. Þegar
Morgunblaðið hafði samband við
Lóðsinn í gærkvöldi hafði Bricks
lagt sig, enda langur og erfiður dag-
ur að baki. Ágúst Bergsson, skip-
stjóri á Lóðsinum, sagði að minning-
arskjöldurinn hefði verið settur að
flakinu með kafbáti. Krans hafi síð-
an verið lagður á hafflötinn fyrir of-
an flak Hoods.
Á heimasíðu leiðangursins sem
fann Hood er birt netspjall við Dav-
id Mearns leiðangursstjóra. Þar
kemur fram að ekki standi til að
lyfta hlutum af flakinu af hafsbotni
eða ná einstökum munum upp á yf-
irborðið. Flakið er enda verndað
með breskum lögum um stríðsgraf-
ir. Spurður um fyrstu viðbrögð hans
við myndum af flakinu sagði Mearns
að sér hefði brugðið mjög þegar
hann sá hve umfangsmiklar
skemmdirnar á Hood reyndust vera.
Greinilegt væri að Hood hefði sokk-
ið mjög hratt. Eftir að hafa séð flak-
ið væri hann í raun undrandi á því
að þrír skipverjar skyldu þó komast
af.
Minningarskjöldur
settur við HMS Hood