Morgunblaðið - 26.07.2001, Qupperneq 15

SUÐURNES
MORGUNBLAÐIÐ FIMMTUDAGUR 26. JÚLÍ 2001 15
UNDANFARNAR þrjár vikur hafa
13 ungmenni frá 11 þjóðlöndum á
aldrinum 16 til 21 árs dvalið í
Garði í boði Lionshreyfingarinnar.
Átta Lionsklúbbar á Suðurnesjum
standa að komu krakkanna hingað.
Verkefnið er alþjóðlegt en á bilinu
6 til 7 þúsund ungmenni taka þátt í
því og leggja land undir fót.
Kristinn Hannesson, unglinga-
skiptastjóri, hefur yfirumsjón með
verkefninu en Jana Guðlaugsdóttir
hefur umsjón með búðunum og sér
til þess að allt gangi vel fyrir sig í
hinu daglega amstri. Krakkarnir
hafa aðsetur í grunnskólanum í
Garði en fyrstu vikuna á Íslandi
voru þau í heimagistingu hjá
stuðningsfjölskyldum. Að auki
hafa ýmis fyrirtæki og stofnanir
styrkt hópinn og vilja Kristinn og
Jana þakka sérstaklega alla aðstoð
sem þeim hefur borist.
Ekkert sumar
á Íslandi
Þegar blaðamaður og ljós-
myndari áttu leið þar um einn
sólríkan morgun í vikunni voru
krakkarnir að gæða sér á gómsætu
morgunverðarhlaðborði. Sumir
kúrðu ennþá í rúminu og
einhverjum þeirra fannst það illa
gert að vera að spjalla við þau
svona snemma morguns.
Jan Benes, 21 árs nemi í um-
hverfisfræðum frá Prag í Tékk-
landi, sagðist hafa kynnst mörgum
í ferð sinni hingað til lands. Hann
sagðist einnig hafa sannreynt að
það væru ekki sumur á Íslandi.
Aðrir í hópnum skelltu upp úr við
athugasemdina og tóku undir.
„Við erum búin að fara í margar
sundlaugar,“ sagði Jan. „Átta
sundlaugar að mig minnir og búin
að skrifa í 18 gestabækur.“
Jan vildi fyrir alla muni ítreka
að mannskapurinn væri frekar
þreyttur í morgunsárið, þótt
klukkan væri langt gengin í ellefu
þegar hér var komið sögu. Þau
höfðu verið að kveðja einn úr
hópnum sem hélt til síns heima
daginn áður.
Konrad Zeltner, tvítugur Sviss-
lendingur og nemi í jarðfræði,
sagðist hafa smakkað þó nokkuð af
séríslenskum mat þegar hann bjó
hjá stuðningsfjölskyldunni. Ýmsar
fisktegundir hafði hann bragðað,
þar á meðal þorsk, auk lambakjöts.
Aðspurður um ágæti lambakjötsins
sagði hann: „Það var svolítið skrýt-
ið á bragðið. En allt í lagi.“
Fóru á
Snæfellsjökul
Nokkrir úr hópnum höfðu farið
á Snæfellsjökul í hópferð sem farin
var fyrir skemmstu. Í þeim hópi
var Casper Jensen, 18 ára frá
Ringsted í Danmörku. Casper, sem
er nemi í tækniháskólanum þar í
bæ, stafar nafn sitt fyrir blaða-
mann og getur ekki varist brosi
þegar blaðamaður spyr hvort hann
sé nokkuð frá Danmörku. Casper
er mjög ánægður með dvölina á Ís-
landi og segist ekki geta tekið neitt
eitt fram yfir annað. Þegar hann er
spurður hvort hann hafi getað not-
að móðurmál sitt á Fróni kemur
svipur á hann.
„Íslendingar eru hrikalega lé-
legir í dönsku. Ég gat notað hana
eitthvað,“ bætir hann við.
Melinda Szabó Gaborjáni, 17 ára
menntaskólanemi frá Ungverja-
landi, er líka ánægð með dvölina á
Íslandi. Að öðru leyti segir hún
fátt, enda nývöknuð og ekki farin
að bragða nokkurn bita af morg-
unverðarhlaðborðinu.
Hópurinn er sammála um að
ferðin hafi verið ákaflega
skemmtileg í alla staði. Þau bæta
þó við í léttu gríni að þau hafi einn-
ig fengið staðfestingu á ýmsu í fari
Íslendinga og varðandi siði þeirra
og venjur. Bæði sé maturinn nokk-
uð undarlegur á köflum og eins er
tungumálið mjög frábrugðið öðr-
um tungumálum í Evrópu.
Við skiljum við krakkana þar
sem þau eru að ljúka við að snæða
morgunverðinn. Það er næðingur
úti og krakkarnir „búnir að fín-
kemba svæðið“ eins og Jana Guð-
laugsdóttir orðaði það. Ætlunin er
að fara í verslunarferð til Reykja-
víkur en dvöl þeirra lýkur á föstu-
dag.
13 ungmenni frá 11 þjóðlöndum í unglingabúðum Lionshreyfingarinnar
Frá vinstri: Konrad, Casper, Melinda og Jan auk Jönu sem er umsjón-
armaður búðanna og Kristins sem er unglingaskiptastjóri.
Morgunblaðið/Billi
Krakkarnir byrja hvern morgun á myndarlegu morgunverðarhlaðborði.
Margir voru enn í kojum sínum þegar blaðamenn voru á ferðinni.
Garður
8 sundlaugar og
18 gestabækur
á þremur vikum
BÆJARRÁÐ Sandgerðis gerir at-
hugasemdir við að ekki hafi verið
haft samráð við skipulagsyfirvöld á
svæðinu áður en auglýst var breyt-
ing á deiliskipulagi þjónustusvæðis
við Flugstöð Leifs Eiríkssonar.
Mannvirki á Keflavíkurflugvelli
eru á varnarsvæði en jafnframt á
landi Sandgerðisbæjar.
Í bókun sem bæjarráðið gerði á
fundi sínum í gær er vísað til laga,
þar sem kveðið er á um samráð
skipulags- og byggingarnefndar
varnarsvæða við sveitarfélög sem
hlut geta átt að máli, svo sem á Suð-
urnesjum.
„Bæjarráð telur það lágmarks-
kröfu til auglýsenda [flugvallarstjór-
ans á Keflavíkurflugvelli og varnar-
málaskrifstofu utanríkisráðuneyt-
isins] að fullt samráð sé haft við
fagnefndir á vegum sveitarfélaga á
Suðurnesjum er varðar skipulags-
og byggingarmál á varnarsvæðum,“
segir í bókuninni. Jafnframt er tekið
fram í samþykktinni að bæjarráðið
fagni framlögðum breytingartillög-
um og telji nauðsynlegt að herða alla
uppbyggingu á umræddu svæði.
Ekki sam-
ráð við
sveitar-
félögin
Sandgerði
FORELDRAR leita í ríkari mæli til
fjölskyldu- og félagsþjónustu
Reykjanesbæjar eftir upplýsingum
og leiðbeiningum varðandi uppeldi
barna sinna.
Barnavernd er yfirgripsmesti
málaflokkur fjölskyldu- og félags-
þjónustunnar, að því er fram kemur
í ársskýrslu stofnunarinnar fyrir
síðasta ár. Heildarkostnaður við
málaflokkinn nam rúmum 25 millj-
ónum kr. Á árinu voru mál 149 fjöl-
skyldna til meðferðar vegna 211
barna. Þar af var 61 nýtt mál vegna
87 barna.
Flest málin bárust frá foreldrum,
47 talsins, og 35 bárust stofnuninni
frá skólum eða skólayfirvöldum.
Málin komu til kasta yfirvalda eftir
ýmsum öðrum leiðum, meðal ann-
ars 15 frá lögreglu, 13 frá öðrum
félagsmálayfirvöldum, 17 frá
heilsugæslu og 25 frá nágrönnum.
Einungis 2 mál komu frá börnunum
sjálfum.
Jákvæð þróun
Í inngangi ársskýrslunnar skrif-
ar Hjördís Árnadóttir félagsmála-
stjóri að það sé jákvæð þróun, sér-
staklega þegar litið sé til þeirra
fordóma sem ríkt hafi í garð barna-
verndar. „Þessa þróun viljum við
þakka markvissri kynningu á starf-
semi stofnunarinnar og jákvæðri
hugarfarsbreytingu almennings til
félagsþjónustu almennt,“ segir
Hjördís.
Í barnaverndarstarfinu er meg-
ináhersla lögð á stuðning við for-
eldra. Gerð er meðferðaráætlun
sem reglulega er endurskoðuð. Í
þeim tilvikum sem meðferðaráætl-
un nær ekki fram að ganga eða ekki
næst samkomulag við foreldra um
viðunandi lausnir getur reynst
nauðsynlegt að beita þvingunarúr-
ræðum, segir í skýrslunni.
Barnaverndarmálin
eru yfirgripsmikil
Meira um
að foreldr-
ar leiti eft-
ir aðstoð
Reykjanesbær