Morgunblaðið - 01.08.2001, Page 52

SÖNGKONAN
Macy Gray ætlar að
leggjast í teikni-
myndagerð og
skrifa handrit að
þáttum sem verða
byggðir á ævi henn-
ar. Í viðtali við
VH1-sjónvarpsstöð-
ina sagði Gray þættina eiga að
fjalla um hana og . „Í þættinum
mun einnig koma fram þekkt fólk
úr skemmtanaiðnaðinum, sem
börn,“ upplýsti Gray. „Erykah
Badu og Shaquille ÓNeill eru meðal
þeirra sem kíkja í heimsókn.“ Gray
mun sjálf tala fyrir sína persónu í
þáttunum.
Önnur breiðskífa söngkonunnar,
The Id, er væntanleg þann 17. sept-
ember næstkomandi.
Macy Gray er fjölhæf
Æviferillinn
teiknaður
Macy Gray
FÓLK Í FRÉTTUM
52 MIÐVIKUDAGUR 1. ÁGÚST 2001 MORGUNBLAÐIÐ
WAKE ME UP e. Hallgrím Helgason
Stórsöngleikur Leikfélagsins WMU
VEGNA FJÖLDA ÁSKORANA -
AUKASÝNINGAR
Fimmtudaginn 9. ágúst kl. 20.00
Laugardaginn 11. ágúst kl. 20.00
Miðasala: 568 8000
Miðasalan er opin kl. 13-18 og fram að sýningu
sýningardaga. Sími miðasölu opnar kl. 10 virka daga.
Fax 5680383 midasala@borgarleikhus.is
Stóra svið


VERSLUNARMANNA-
HELGINA 4., 5. og 6. ágúst
HENRY PURCELL,
Sonnata’s of III Parts.
Jaap Schröder, fiðla
Svava Bernharðsdóttir, fiðla
Sigurður Halldórsson, celló
Kees de Wijs, orgel
JOHANN SEBASTIAN BACH,
tónverk fyrir tvo sembala.
Elín Guðmundsdóttir, semball
Helga Ingólfsdóttir, semball
Jaap Schröder, fiðluleikari,
flytur erindi um Henry Purcell.
11. og 12. ágúst
GREGORSSÖNGVAR og ítölsk
orgelverk. Ítalski sönghópurinn
Schola Gregoriana Virorum og
Giancarlo Parodi, orgel.
Dom Daniel Saulnier O.S.B.
flytur erindi um Gregorssöng.
TÓNLEIKATÍMI
Laugardaga kl. 15 og 17
Sunnudaga kl. 15
Aukatónleikar 4. ágúst kl. 21 og 6. ágúst kl. 15.
Messa kl. 17 á sunnudögum hefst með
tónlistarflutningi kl. 16:40
Erindi eru flutt í Skálholtsskóla
laugardaga kl. 14
Boðið er upp á barnapössun
og kaffiveitingar í Skálholtsskóla.
Velkomin á Sumartónleika í Skálholtskirkju!
A Ð G A N G U R Ó K E Y P I S




 

Í HLAÐVARPANUM
Fimmtudag 2. ágúst kl. 21.00.
Tónleikar Bag of joys



 




  




  
ÞAÐ kom mörgum á óvart þegar
kvikmyndin um ofurhetjuhópinn X-
Men sló í gegn í fyrra. Sérstaklega í
ljósi þess að sala blaðanna hafði far-
ið dvínandi síðustu áratugi. Eldri
aðdáendur áttu erfitt með að við-
halda áhuga sínum á blaða-
sápuóperunni þar sem aldursmark-
hópurinn var alltaf sá sami og
þroskuðust upprunalegu aðdáend-
urnir því frá hetjum sínum. Á sama
tíma áttu nýir lesendur erfitt með að
komast inn í hina áralöngu forsögu
sem ávallt var verið að vísa í. Les-
endafjöldi í gegnum þau 38 ár sem
liðin eru frá útgáfu fyrsta blaðsins
nær örugglega milljónum. Því hefur
fólk líklegast safnast saman á mynd-
ina af afar misjöfnum ástæðum.
Sumir til þess að sjá endurvarp
barnæsku sinnar á hvíta tjaldinu en
aðrir til þess að bera saman kvik-
myndaútgáfurnar af hetjum sínum
við þær sem þeir hafa upplifað sæt
og súr ævintýri með í gegnum tíð-
ina.
Það var svo á svipuðum tíma í
fyrra og myndin kom út að ný blaða-
sería um X-Mennina hóf göngu sína,
Ultimate X-Men, þar sem byrjað var
upp á nýtt í nútímalegra umhverfi.
Þó er söguþráðurinn afar ólíkur
þeim sem er í myndinni. Til þess að
höfða til breiðari aldurshóps leitaði
Marvel-útgáfan á náðir yngri og
ferskari höfundar, Mark nokkurs
Millar sem hafði getið af sér gott orð
sem kaldrifjaður andskoti og skap-
ari ævintýra The Authority ofur-
hetjuhópsins.
Þrátt fyrir að hann hafi gert ýms-
ar betrumbætur á uppruna X-
Mannanna eru grundvallaratriðin
þau sömu. Mannveran er, eins og
allar aðrar lífverur, í stöðugri þróun
og skyndilega verður almenningur
var við það, að til eru einstaklingar
sem eru betur til þess fallnir af nátt-
úrunnar hendi að komast af. Þessu
veldur viss stökkbreyting á DNA-
kóða þeirra sem veldur því að hver
og einn „hinna stökkbreyttu“ þróar
með sér sinn sérstaka ofurmanna-
kraft.
Eins og alltaf hræðist fjöldinn hið
óþekkta og því hafa „hinir stökk-
breyttu“ fengið sinn skammt af
höfnunum, fordómum og eru jafnvel
eltir uppi af ríkistjórnum sem vilja
helst bútasauma mannréttindi
þeirra þar sem þær telja þá ógn við
„hina eðlilegu“ borgara.
Charles Xavier, betur þekktur
sem Prófessor X, lítur ef til vill út
fyrir að vera afskaplega brothættur
í hjólastól sínum. Í raun er hann ein
þó öflugasta mannvera í heiminum,
gæddur dulrænum kröftum sem
gera honum kleyft að sniglast inn í
huga hvers sem er og stjórna gjörð-
um þeirra eftir sínum vilja.
Hann setur upp sérstakan skóla
sem á yfirborðinu er ætlaður börn-
um sem hafa ýmislegt til brunns að
bera en er í raun skóli fyrir „hina
stökkbreyttu“ til þess að læra að
beisla og þroska meðfædda hæfi-
leika sína. Þessa hæfileika vill Pró-
fessor X nýta í að þjóna mannkyn-
inu, sem hann álítur sig og aðra
X-Menn vera hluta af.
Erkifjandi hans, Magneto, er svo
vitanlega á gjörólíkri skoðun, en
hann telur homo sapiens vera bakt-
eríu og að lækningin sé hinn æðri
kynstofn, homo superior eins og
hann kallar hina stökkbreyttu.
Þannig að það er einhver pólitík í
þessu, eins og öllu öðru, en án henn-
ar yrði söguþráðurinn líklegast eins
bitlaus og nýfætt barn.
MYNDASAGA
VIKUNNAR
Nýjar stökk-
breytingar
Ultimate X-Men: The Tomorrow
People eftir Mark Millar. Teiknuð
af Adam og Andy Kubert. Útgefin
af Marvel 2001. Fæst í mynda-
söguverslun Nexus.
Birgir Örn Steinarsson
EINHVER misskilningur virðist
hafa orðið á skrifstofu þeirra Beta
Bandmanna austur á Bretlandseyj-
um. Ekki nóg með það að síminn hafi
hringt tveimur tímum fyrr en áætlað
var heldur var kolrangur maður á lín-
unni; John Maclean (plötuspilarar,
hljóðbútar og píanó) í stað Richard
Greentree (bassi og ásláttur).
Og enn seinna komst ég að því að
ég hafði verið að tala við Richard allan
tímann en var tilkynnt af skrifstof-
unni að hann væri John!
Til allrar hamingju hafði ég hripað
niður nokkra punkta fyrr um morg-
uninn þannig að ég var sosum hæfi-
lega undirbúinn. Gallinn var hins veg-
ar sá að síminn hringdi á öðru
skrifborði en mínu og þar neyddist ég
til að taka viðtalið. Spurningarnar
voru því fastar inni í tölvunni sem er á
mínu skrifborði!
Á meðan ég hélt John, fyrirgefið,
Richard í ofvæni á innihaldsrýru
snakki hlupu starfsfélagarnir út um
alla skrifstofu, reddandi viðtalstæki
og spurningum. Þær komu svo fram-
sendar úr tölvunni minni (eða Morg-
unblaðsins) í þá sem ég hafði fyrir
framan mig. Hvílíkt snjallræði!
Þessi óvænti þeytingur allur; vesen
og hamagangur, er ekki fjarri eðli og
inntaks Beta Band en eina stefna
sveitarinnar er nefnilega að hafa enga
en vaða því meir úr einu í annað á
fremur órökvísan hátt að því er virð-
ist.
Mun betri en sú síðasta
Spurningarnar sem sagt komnar
og ekkert því til fyrirstöðu að láta
vaða:
Nýja platan er nokkuð frábrugðin
síðustu plötu...
„Já, guði sé lof fyrir það,“ svarar
John með hægð. “ Hann segist að-
spurður þeir einfaldlega hafa reynt að
gera betri plötu en síðast. „Og ég er á
því að þessi sé mun betri en sú síð-
asta.“
Sem þið voruð nú ekkert sérstak-
lega ánægðir með [The Beta Band
(1999)]. Sögðuð meira að segja að hún
væri hrein hörmung?
„Jaa...umm...hún er nú ekki eins
slæm og við sögðum hana vera á þeim
tíma. Við bara sáum eftir á að við
hefðum getað gert svo miklu betur.
Við reyndum bara að vera hreinskiln-
ir með þetta.“
Nýja platan lýtur í raun lögmálum
hins hefðbundna lagaforms á meðan
að fyrri verk voru til muna „loft-
kenndari“. Engu að síður er mikið um
tilraunastarfsemi innan einstakra
laga...
„Já, við höfum alltaf byggt mikið á
tilraunastarfsemi,“ segir John, hálf-
drafandi. „Í þetta skiptið tókst okkur
þó að hafa einhverja stjórn á henni,
lögin hagnast á henni fremur en að
hún sé þeim byrði.“
Vinnið þið þetta náið saman?
„Já. Steve (Mason gítarleikari,
ásláttarleikari og söngvari og „leið-
togi sveitarinnar“) kemur með prufu-
upptökur og svo vinnum við saman að
því að byggja eitthvað í kringum
það.“
Er það markmið hjá ykkur að
reyna að brjóta reglurnar, fara í
kringum kerfið og vera óútreiknan-
legir?
„Jaaá, já,“ svarar John og og er far-
in að hressast lítið eitt. Kannski búinn
að fá sér kaffi. „Mér finnst að allir
ættu að gera það. Ég ætla ekki að
segja að við séum að reyna að forðast
frægðina en ef menn ganga einvörð-
ungu á gróðasjónarmiðum þá getur
það ruglað menn í ríminu um hvað
þeir vilja raunverulega gera. Við
reynum að viðhalda sköpunarkraftin-
um eins og við getum. Jú...ég skrifa
undir þetta.“
En Richard. Hvað fór eiginlega úr-
skeiðis með The Beta Band breiðskíf-
una?
„Jaaa...Við vorum eiginlega hálf-
áttavilltir. Við notuðum sama upp-
tökusjóra og tók þrjár fyrstu þröng-
skífurnar upp með okkur [sem hefur
verið mikið hampað af gagnrýnend-
um sem leikmönnum]. Og...umm....við
hefðum átt að vinna með einhverjum
öðrum, svei mér þá. Hann var fastur í
sjöunda áratugnum og hann náði ekki
þeim hljómi sem við vildum ná. Þann-
ig að ofsóknarkennd og ranghug-
myndir tóku völdin og vandamálin
hlóðust upp.“
Leggið þið ykkur í líma við að búa
til „glænýja tónlist“ eða er þetta bara
rokk og ról eins og 90% hljómsveita
segja gjarnan?
„Fyrri staðhæfingin er rétt. Rokk-
ið er ágætt sem slíkt en það er búið að
gera rokk og ról er það ekki? Ég skil
ekki af hverju allir eru að hjakka
endalaust í þessu gamla formi. Af
hverju eru allir svona hræddir við
„núið“, „framtíðina“? Við erum í raun
að reyna að forðast rokkið eins og við
getum.“
En eruð þið áhugamenn um tónlist,
þá svona meira en gengur og gerist?
„Já, ég myndi segja það. Við hlust-
um þó helst á hipp-hopp. En líka á
reggí, fönk og sálartónlist. Við höfum
ekki mikinn áhuga á gítarrokki. Og
við kaupum bara vínyl.“
Rödd kemur inn á símtalið og til-
kynnir mér að ég hafi tíma fyrir eina
spurningu í viðbót. Ég kýs þó að nota
ekki þann möguleika og kveð bara.
Jæja, þá er þetta bara komið held
ég. Takk fyrir spjallið og gangi ykkur
vel.
„Takk.“
Það er búið að
gera rokk og ról
... er það ekki?
Beta Band eru á mikilli siglingu um þessar mundir. Richard
er þessi stórskorni, lengt til vinstri.
Skrýtirokksveitin Beta Band fer vægast sagt
ótroðnar slóðir í tónlistarsköpun sinni. Arnar Egg-
ert Thoroddsen ræddi við Richard Greentree
um nýja breiðskífu sveitarinnar, Hot Shots II.
Beta Band gefur út Hot Shots II
arnart@mbl.is