Morgunblaðið - 21.10.2001, Blaðsíða 39

FRÉTTIR
MORGUNBLAÐIÐ SUNNUDAGUR 21. OKTÓBER 2001 39
Jesús segir:
„Hjarta yðar skelfist ekki;
trúið á Guð og trúið á mig.“
Jóhannes 14.k. 1. vers.
Útg: Immanúel - S. 588 7740
UM þessar mundir stendur Hafrann-
sóknastofnun fyrir umræðufundum í
bæjar- og sveitarfélögum við sjávar-
síðuna um störf stofnunarinnar. Nú
nýverið voru þeir Jóhann Sigurjóns-
son, forstjóri stofnunarinnar, Björn
Ævarr Steinarsson fiskifræðingur og
Hreiðar Valtýsson, útibússtjóri stofn-
unarinnar á Akureyri, á ferð á Húsa-
vík. Fundurinn var haldinn á Foss-
hóteli Húsavík og var Reinhard
Reynisson, bæjarstjóri á Húsavík,
fundarstjóri.
Sigurður Gunnarsson, trillusjó-
maður á Húsavík, spurði hvaða áhrif
þær miklu loðnu- og rækjuveiðar sem
stundaðar hefðu verið undanfarna
þrjá áratugi hefðu á þorskstofninn.
Hann vísaði til þess að veiðar hefðu
lítið verið stundaðar fyrir þann tíma.
Jóhann svaraði því til að rækjan væri
ekki svo mikilvæg miðað við loðnuna í
fæðu þorsksins en aftur á móti hefði
þorskurinn mikil áhrif á vöxt rækju-
stofnsins. Björn Ævarr sagði svo
miklar loðnuveiðar sem stundaðar
væru nú rýra afrakstursgetu þorsk-
stofnsins.
Heimir Bessason, trillusjómaður á
Húsavík, spurði þar sem grásleppu-
veiðin hefði brugðist undanfarin ár,
hvort auka ætti rannsóknir á grá-
sleppu. Jóhann sagði ekki vera nein
sérstök áform um auknar grásleppu-
rannsóknir, fylgst væri með veiðun-
um og þeim mannafla og því fjár-
magni sem stofnunin hefði og það
þyrfti einfaldlega að forgangsraða
hlutunum. Stofnunin þyrfti á meira
fjármagni og mannskap að halda ef
vel ætti að vera.
Sigurður V. Olgeirsson, útgerðar-
maður á Húsavík, sagði einföldustu
leiðina til að auka fjármagn til Hafró
vera að láta hið nýja skip þeirra Árna
Friðriksson fá kvóta, „skipið myndi
síðan búa til peninga handa stofnun-
inni“.
Guðmundur Birkir Þorkelsson,
skólameistari á Húsavík, spurði út í
meint brottkast á afla, hvort kvóta-
kerfið sem slíkt hamlaði rannsóknum
á brottkastinu og hvort hægt væri að
koma með einhverja lausn á þessu
vandamáli. Jóhann svaraði að Haf-
rannsóknastofnunin væri ekki með
neina lausn á þessu vandamáli. „Þetta
væri mál sem ekki væri hægt að horfa
fram hjá, hins vegar væri þetta lög-
brot og því erfitt að rannsaka það.“
Greina þyrfti hvatann fyrir brottkasti
í þessu kerfi og sagði hann að þetta
væri vandamál í öðrum veiðikerfum
líka. Heimir Bessason sagði „brott-
kastið er miklu eldra en kvótinn,
miklu eldra“.
Jóhann sagði í framsögu sinni að
dregið hefði úr nýliðun í greininni,
þ.e.a.s. fólki sem menntaði sig til
starfa sem stofnunin byði upp á. „Við
teljum að við getum boðið upp á
skemmtilegt starf á Hafrannsókna-
stofnun og verðug viðfangsefni fyrir
ungt fólk. Við verðum hins vegar ekki
vör við að fólk streymi til okkar eða
sæki mikið um störf hjá okkur og
þetta er verulegt áhyggjuefni,“ sagði
Jóhann.
Steindór Sigurðsson, sveitarstjóri
Öxarfjarðarhrepps, spurði hvort ver-
ið gæti að léleg laun fældu fólk frá því
að starfa við stofnunina. Hreiðar Val-
týsson svaraði þessu og sagði að laun-
in væru sennilega ekki ástæðan, hins
vegar væri almennt lítill áhugi í dag
hjá ungu fólki að mennta sig til og
starfa við sjávarútveg. Það menntaði
sig frekar frá honum, þetta sæist
greinilega á aðsókn í sjávarútvegs-
deild Háskólans á Akueyri miðað við
aðrar deildir skólans.
Steindór spurði einnig um ástand
rækjunnar í Öxarfirði, „Ég get glatt
þig, Steindór, með því að segja að út-
litið í Öxarfirði er heldur betra nú en
fyrir ári en vegna seiðagengdar get-
um við ekki mælt með opnun nú í
haust,“ sagði Jóhann.
Kristján Halldórsson, fram-
kvæmdastjóri Geflu á Kópaskeri,
spurði hvort ekki yrði farið í annað
innfjarðarrækjurall í vetur og Jóhann
svaraði að svo yrði.
Hermann Sigurðsson, stýrimaður
á rækjufrystitogaranum Geira Pét-
urs, spurði hvort sérfræðingarnir
teldu að rækjustofninn við Ísland
væri einn stofn. Jóhann svaraði að til
þessa hefði verið gengið út frá því en
segja mætti að vísbendingar um fleiri
stofneiningar eða undirstofna væri að
ræða, t.d væri talið að rækjan í Kollu-
ál og við Eldey væru aðskildir stofn-
ar. Hermann sagði sjómenn telja að
stofninn við Norður- og Austurland
væri tveir til þrír stofnar.
Hafrannsóknastofnun með fund á Húsavík
„Brottkastið miklu
eldra en kvótinn“
Morgunblaðið/Hafþór Hreiðarsson
Júlíus og Heimir Bessasynir, Bárður Guðmundsson og Kári Páll
Jónasson skiptust á skoðunum við sérfræðingana.
Húsavík. Morgunblaðið.
HÁSKÓLINN í Reykjavík mun
bjóða háskólanám með vinnu í tölv-
unarfræði frá og með janúar á
næsta ári. Nemendur geta valið
um að taka kerfisfræðipróf HR
sem er 60 einingar eða ljúka BS-
prófi sem er 90 einingar.
Námsefni og próf er það sama í
háskólanámi með vinnu og í hefð-
bundnu námi í tölvunarfræðideild
HR og réttindi að loknu prófi eru
þau sömu. Munurinn á háskóla-
námi með vinnu og hefðbundnu
námi við tölvunarfræðideild HR
liggur í kennsluaðferðinni, hvar og
hvernig námsefninu er komið til
skila. Nemendur í háskólanámi
með vinnu sækja sér hljóðfyrir-
lestra ásamt glærum inn á tölvunet
skólans og hlusta á þá þegar þeim
hentar, segir í fréttatilkynningu.
Nemendur sækja síðan dæmatíma
í skólanum tvo daga í hverri viku
kl. 16:15-19. Námsannir eru þrjár
á ári í stað hefðbundinna tveggja
námsanna og fá nemendur sum-
arfrí í júlí og ágúst. Nemendur
taka að jafnaði 6 eða 9 einingar á
önn og þeir sem hefja námið í jan-
úar 2002 geta lokið prófi í kerf-
isfræði vorið 2004.
Opinn kynningarfundur um
námið verður haldinn þriðjudaginn
6. nóvember. Nánari upplýsingar
um háskólanám með vinnu má
finna á www.ru.is. Umsóknarfrest-
ur um námið er til 30. nóvember,
en þeir sem sækja um fyrir 15.
nóvember fá svar fyrir mánaða-
mót.
Háskólanám
með vinnu
í tölvunarfræði
UM ÞESSAR mundir er Hanna
Kristín Gunnarsdóttir ljósmyndari
að taka ljósmyndir af öllum íbúum
Tálknafjarðar. Þetta gerir hún að
eigin frumkvæði og hugsar þetta
sem heimildaröflun.
Myndirnar tekur hún í svart/
hvítu og áætlar að myndatakan
sjálf taki um 80 til 100 tíma, en síð-
an fari það eftir umfangi eft-
irvinnslunnar, hvað langur tími fari
í verkið í heild. Hanna nam ljós-
myndun hjá Barna- og fjölskyldu-
ljósmyndum og síðan í Stockport
Collage í Manchester í Englandi.
Tekur myndir
af öllum Tálkn-
firðingum
Morgunblaðið/Finnur
Tálknafirði. Morgunblaðið.
GUNNHILDUR Óskarsdóttir, lekt-
or við Kennaraháskóla Íslands, og
Guðrún Sturlaugsdóttir, kennari við
Melaskóla, munu halda fyrirlestur á
vegum Rannsóknarstofnunar KHÍ
næstkomandi miðvikudag 24. októ-
ber kl. 16.15, í sal Sjómannaskóla Ís-
lands við Háteigsveg.
Í fyrirlestrinum verður hugað að
samvinnu foreldra og kennara í
gegnum náttúrufræðinám nemenda.
Fjallað verður um verkefni í nátt-
úrufræði sem börn vinna heima með
foreldrum sínum og hvernig foreldr-
ar, kennarar og börn hafa tekið þess-
ari nýjung. Einnig verður sagt frá
því hvernig unnið er með niðurstöð-
ur nemenda og hvernig heimaverk-
efnin geta orðið kveikja að frekari
vinnu í skólanum.
Fundurinn er öllum opinn.
Samstarf heimila og
skóla í tengslum við
náttúrufræðinám
ALLIR sem hófu nám í Hagaskóla
haustið 1973, flestir fæddir 1960,
ætla að hittast laugardaginn 27. nóv-
ember 2001 í sal Múrarafélagsins,
Síðumúla 34. Opnuð hefur verið
heimasíða og er sú síða í stöðugri
uppfærslu. Hægt er að nálgast síð-
una frá <http://hagaskoli.ismennt.-
is> og þaðan fyrir nemendur.
Hagaskóli 1973–1977
RÁÐSTEFNA verður á Grand hót-
eli í Reykjavík þriðjudaginn 23. októ-
ber kl. 8.15 um verslun og skipulag,
samkeppni og borgarskipulag og
nýja strauma í viðskiptaháttum.
Meðal fyrirlesara eru: Ari Skúla-
son, framkvæmdastjóri Aflvaka hf.,
John A. Dawson, prófessor við Ed-
inborgarháskóla, Ingjaldur Hanni-
balsson, prófessor við Háskóla Ís-
lands, Ian Clarke, prófessor við
Lancasterháskóla, og Ingibjörg Sól-
rún Gísladóttir, borgarstjóri Reykja-
víkur.
Ráðstefna
um verslun og
skipulagÞJÓÐMINJASAFN Íslands, Nes-stofusafn og Félag áhugamanna um
sögu læknisfræðinnar hafa ákveðið að
heiðra minningu pófessors Jóns Stef-
fensens með því að veita styrk að upp-
hæð kr. 200.000 til háskólanema sem
hyggst skrifa BA- eða MA-ritgerð um
efni sem tengist sögu heilbrigðismála.
Styrknum verður úthlutað í fyrsta
sinn nú á haustmisseri. Umsóknir um
styrk þennan skulu berast Þjóðminja-
safni Íslands, Lyngási 7, 210 Garða-
bæ, fyrir 20. nóvember næstkomandi
í umslagi merktu „styrkumsókn“.
Umsókninni skal fylgja greinar-
gerð um ritgerðarefni og umsögn um-
sjónarkennara.
Styrknum getur fylgt vinnuaðstaða
í húsnæði Nesstofusafns, Bygggörð-
um 7, Seltjarnarnesi. Nánari upplýs-
ingar gefur Sigurborg Hilmarsdóttir,
Nesstofusafni, netfang sigurborg-
@natmus.is.
Styrkur til rann-
sókna á sögu
heilbrigðismála