Morgunblaðið - 21.10.2001, Blaðsíða 57

FÓLK Í FRÉTTUM
MORGUNBLAÐIÐ SUNNUDAGUR 21. OKTÓBER 2001 57
ÞEGAR ég var lítil og varað læra á píanó höfðuðutónskáldin misjafnlega tilmín. Helst vildi ég spila
eitthvað eftir þau rómantísku og
tregafullu. Bach var t.d. ekki efst-
ur á vinsældalistanum því ég fann
ekki í honum neinn trega, bara há-
tíð.“
En tónskáldið og söngkonan
Magga Stína virðist ekkert sérlega
tregafull, hún er skælbrosandi að
vanda. Enda hefur hún næga
ástæðu til, hún á von á sínu öðru
barni auk þess sem annars konar
barn, sólóplata númer tvö, er kom-
ið í heiminn og ber titilinn Kossa-
far á ilinni.
„Fyrri platan mín hét Cut my
Strings, og fabúlunafnið hef ég
notað síðan þá. Nafnið merkir
spunasaga og textarnir mínir eru
það stundum. Ég hef notað það
nafn bæði á hljómsveitina mína og
ein og sjálf.“
Líka leikkona
Flestir mun vel eftir laginu
hennar „Röddin þín“ í undan-
keppni Evróvisjón þar sem það
lenti í 3.sæti. Lagið er einmitt á
diskinum en á ensku. „Ég byrjaði
fyrst að semja í menntaskóla, að-
allega blúslög og texta. Nokkrum
árum eftir menntaskóla fór ég til
Noregs og bjó þar í fimm ár, og
var þar með blúsband,“ segir
Magga Stína og sannar að trega-
tónlistin á stóran hluta af henni. Í
Noregi lærði hún leiklist, blandaða
kvikmyndanámi, og var að hugsa
um að snúa sér að leiklistinni en
svo æxlaðist það þannig að hún
valdi tónlistina. En hún hefur líka
þurft að nota leiklistarhæfileikana
þegar hún fór með hlutverk Gras-
kersins í leikritinu Ávaxtakörf-
unni. „Já, þetta helst allt í hendur.
Ávaxtakarfan er annars klassískt
verk sem ég held að Íslendingar
eigi eftir að setja upp aftur og aft-
ur. Tónlistin hans Þorvaldar er
frábær og sagan mjög skemmtileg.
Þá var ég einmitt ófrísk að mínu
fyrsta barni og var að syngja hlut-
verkið þangað til ég var komin á
steypirinn. Það passaði bara vel
við hlutverk graskersins. Ég söng
t.d „ef horft er á í réttu ljósi, hvað
það er í raun sem fær lítið hjarta
til að slá.“ Þá gat ég strokið mag-
ann um leið,“ segir tilvonandi
mamman, brosir og strýkur yfir
magann sinn.
Leyfi því að flæða ómeðvitað
– Hvaðan koma hugmyndirnar
að lögunum þínum?
„Ég held þær læðist bara inn.
Héðan og þaðan. Beinar upplifanir
og annað sem býr í tilfinninga-
bankanum. Þær koma hvenær sem
er, en oft sest ég niður við píanóið
og reyni að hleypa hugmyndinni
að. Byrja ómeðvitað um það sem
ég er að gera, og leyfi hugmynd-
inni að flæða. Og svo verður það
meðvitaðra þegar fer að líða á,
bæði orðin, hljómarnir og laglín-
an.“
– Hvernig tónlist hlustar þú á?
„Allt sem hefur sál. Ég ólst upp
á klassíkinni, en djassinn og
blúsinn hófu svo sterka innreið.
Það sem ég sem, heyrir undir
popptónlist og í þeim geira á ég
mörg uppáhöld. Hljómsveitin Bel
Canto, Björn Eidsvaag og Kari
Bremnes eru nöfn sem ég ætt-
leiddi þegar ég bjó í Noregi. Mark
E Nevin, sem samdi flest lög
Fairground Attraction held ég upp
á og Ricky Lee Jones er bara
perla perlnanna. Undanfarið hef
ég verið að hlusta á Bic Runga.
Það er erfitt að segja hvaðan
áhrifin koma, þau síast líka inn á
svo löngum tíma. Og svo eru það
leikhúsáhrifin. Þegar ég gaf út
síðustu plötu kallaði einn stíl-
spekingurinn hana „teknóróman-
tískt leikhúsdjasspopp“. Ég held
að ef ég á mér einhvern stíl, þá
eru lögin „Heavy Secret“ af fyrri
plötunni og „My true Love“ á
þessari, svona dæmigerðust fyrir
þann stíl. Einföld hljómasamsetn-
ing í einum kafla, óhefðbundin í
næsta kafla og svo viss leikhús-
stemmning.“
Nakin lög
– Útsetningarnar eru mjög
skemmtilegar.
„Við unnum útsetningarnar
saman, við Valgeir Sigurðsson.
Matthías Hemstock kom mjög
snemma inn með slagverk og
trommur og hann á líka heilmikinn
þátt í þessu, og svo bættust fleiri
hljóðfæraleikarar í hópinn, Kjart-
an Valdemarsson, Guðni Franzson,
Bjarni Sveinbjörnsson og Hilmar
Jensson. Samúel Jón Samúelsson í
Jagúar gerði blástursútsetninguna
í laginu „Anna the Librarian“ fyrir
mig og Eyjólfur Þorleifsson og
Kjartan Hákonar spila með hon-
um. Annars liggja útsetningarnar
mjög ljósar fyrir þegar lög er nak-
in. Þá eru þau nánast bara tilbúin,
önnur lög eru í meiri búning.“
– En textarnir?
„Það eru fleiri ástartextar á
þessi plötu en þeirri eldri. Hún var
blárri en þessi er frekar rauð. Ég
eignaðist barn fyrir tveimur árum
síðan, skilurðu?“
– Dropinn er samt sorglegt ást-
arlag.
„Já einmitt. Stundum sest ég
niður og held að ég sé að fara að
semja gleðipopp en svo endar það
mjög tregafullt. Ég get bara ekk-
ert að því gert!“ segir Magga
Stína og hlær.
– Þú er mjög hamingjusöm í tit-
illaginu...
„Já, ástin mín sem ég syng um
er dóttir mín. Ég er með barna-
vagn og geng upp og niður Lauga-
veginn einsog ég er búin að gera
alla vega 1400 sinnum síðan að
hún fæddist.“
Vildi ekki sleppa
íslensku lögunum
– Lögin eru bæði á ensku og ís-
lensku hjá þér.
„Það er kannski skrýtið en ég
sem bæði á ensku og íslensku, það
fer kannski eftir þemanu eða
stemmningunni. Ég talaði um að
byrja ómeðvitað, og texti og lag
verða til um leið. Það fer af stað á
öðru tungumálinu og ég leyfi því
að halda þannig áfram. Hin platan
var alfarið á ensku. Við gerð þess-
arar var ég með safn af lögum til
að velja úr, og gat ekki sleppt öll-
um íslensku lögunum eða öllum
ensku og vildi ekki fara út í að
þýða þau öll og ákvað að fara
þessa leið að hafa flest lögin á
ensku. Læða svo tveimur íslensk-
um að.“
– Á að fara með plötuna til út-
landa?
„Ja ... það væri mjög gott að
koma einhverju sem ég bý til til
útlanda, því við erum svo fá. Ef ég
á að geta lifað á tónlistinni þá væri
það mjög gott. Skífan gefur þetta
út með mér og aðstoðar mig við að
kynna efnið erlendis á einhvern
hátt,“ segir Magga Stína brosandi,
og lofar að halda útgáfutónleika í
nóvember, auk þess sem kannski
fer bráðlega að glitta í hana í sjón-
varpinu í nýju myndbandi.
Morgunblaðið/Kristinn
„... og ég labba niður Laugaveginn, held mig mest hægra megin ...“
Hugmyndirnar
læðast inn
Hún semur lögin sín á níðþungt gamalt
píanó sem hún bjargaði frá dauða úr gömlu
safnaðarheimili sem var verið að leggja
niður í Noregi. Hildur Loftsdóttir hitti
Möggu Stínu á Laugaveginum.
Fabúla gefur út Þingholtadjasspopp með leikhúsáhrifum
Derhúfa
aðeins 800 kr.
NETVERSLUN Á mbl.is