Morgunblaðið - 21.10.2001, Blaðsíða 41

MORGUNBLAÐIÐ SUNNUDAGUR 21. OKTÓBER 2001 41
lengri tíma þykja horfurnar hins
vegar ágætar, samkvæmt upplýs-
ingum frá einum sjóðanna. Athygli
vekur að lágt gengi krónunnar mild-
aði nokkuð lágt gengi erlendra
hlutabréfa, þannig fengust fleiri
krónur fyrir bréfin en hefðu annars
fengist.
Einn viðmælandi Morgunblaðsins
sagðist ekki finna fyrir því að fólk
hefði áhyggjur af falli hlutabréfa og
þeim áhrifum sem þessi þróun hefði
á ávöxtun lífeyrissparnaðarins.
Hann sagði að eitthvað væri hringt
út af þessu, en hann sagðist telja að
flestir áttuðu sig á því að þetta væri
langtímasparnaður og því væri eðli-
legt að ávöxtunin sveiflaðist. Fólk
sem ekki vildi sveiflur gæti þannig
valið ávöxtunarleiðir þar sem mikið
væri um skuldabréf. Hann segir þó-
nokkuð hafa verið um að menn láti
færa sig milli ávöxtunarleiða, en
segir þó að betra sé að bíða þar sem
inneignin geti hafa rýrnað þar sem
markaðurinn sé í lægð.
Samkvæmt lögum tekur það sex
mánuði að flytja viðbótarlífeyris-
sparnaðinn milli fjármálastofnana
eða séreignarsjóða, í reynd mun það
þó ekki taka svo langan tíma. Hægt
er að færa sig milli vörsluaðila og
ávöxtunarleiða hvenær sem er.
Söluþóknun og umsýslugjöld
Einnig skiptir máli upp á ávöxt-
unina hversu mikið umsýslugjald
vörsluaðili tekur. Á lífeyrisbókum
bankanna er ekki tekið umsýslu-
gjald, séreignardeildir lífeyrissjóð-
anna taka yfirleitt ekki slíkt gjald og
er algengt að gjaldið sé um 0,5% í
ávöxtunarleiðum fjármálafyrir-
tækja. Þá eru eru sjóðir, eins og
Vista, nýr sjóður hjá Kaupþingi, þar
sem launþegi er heimsóttur af vá-
tryggingamiðlara. Iðgjöld fyrstu
átta mánaða fara í kostnað og fer
þar af greiðsla fyrstu sex mánað-
anna í söluþóknun til vátrygginga-
miðlarans. Tveir af þessum átta
mánuðum eru greiddir út við 60 ára
aldur. Til viðbótar greiðir sjóðfélagi
0,5% umsýslugjald og fær hann um-
sýslugjöld áranna þegar hann er 57–
60 ára endurgreidd. Þær upplýsing-
ar fengust hjá Kaupþingi að vá-
tryggingamiðlararnir fengju aðeins
greidd laun með söluþóknuninni,
þessi afurð hefði verið sett á markað
fyrir þá og það væri þess virði fyrir
viðskiptavininn að fá þessa ráðgjöf
vátryggingamiðlara heim til sín, þótt
hann þurfi að borga sex mánaða ið-
gjöld fyrir það. Sjóðurinn hefði verið
settur á markað í samkeppni við er-
lend fyrirtæki eins og Sun Life og
Friends Provident, sem sum hefðu
tekið allt að átján mánaða greiðslu í
sölukostnað.
Hægt er að velja milli mismun-
andi vörsluaðila. Nokkrir af stærstu
lífeyrissjóðunum hafa séreignar-
deildir. Þeir taka yfirleitt ekki um-
sýslugjald og þá lægra en fjármála-
stofnanir gera. Séreignardeildir
lífeyrissjóða hafa ekki jafn rúmar
heimildir til fjárfestinga og fjár-
málafyrirtækin, þar sem þær þurfa
að lúta sömu takmörkunum um fjár-
festingar og fyrir skyldutryggingu
lífeyrisréttinda. Hrafn Magnússon,
framkvæmdastjóri Landssamtaka
lífeyrissjóða, segir að samtökin hafi
gagnrýnt þetta. Sömuleiðis hafi þau
gert athugasemd við að ábyrgðar-
sjóður launa tekur ekki til viðbót-
arlífeyrissparnaðar, en sá sjóður
greiðir iðgjöldin, bæði hlut atvinnu-
rekanda og launþega verði vinnu-
veitandi gjaldþrota. Hrafn segir að
samtökin hafi óskað eftir því að við-
bótarlífeyrissparnaðurinn falli einn-
ig undir þetta ákvæði og er það, að
hans sögn, í athugun en nú fer fram
endurskoðun á þessum lögum.
Þá hafa fyrirtæki í verðbréfa-
þjónustu heimildir til að taka við við-
bótarlífeyrissparnaði og er hann
geymdur þar í formi fjárvörslu-
samninga. Bankar eru bæði með
fjárvörslusamninga og innlán og
bjóða líftryggingafélögin síðan upp
þennan sparnað í formi trygginga.
Páll Gunnar Pálsson, forstjóri Fjár-
málaeftirlitsins segir að fylgst sé
með viðbótarlífeyrissparnaðinum,
t.d. fái stofnunin allar reglur sem
fjármálaráðuneytið þarf að sam-
þykkja til umsagnar, einnig hafi ver-
ið kallað eftir samningsformum
vegna lífeyrissparnaðarins. Páll
Gunnar segir að almennar reglur
sem gilda um þessi félög gildi einnig
um viðbótarlífeyrissparnaðinn,
þannig sé til tryggingasjóður inn-
stæðueigenda og fjárfesta sem er
notaður til að bæta innlán hjá bönk-
um og fjármuni hjá viðskiptamönn-
um verðbréfafyrirtækja sem tapast
hafa.
ninabjork@mbl.is
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni
Golfkúlur 3 stk. í pakka
aðeins 850 kr.
NETVERSLUN Á mbl.is
M O N S O O N
M A K E U P
litir sem lífga