Morgunblaðið - 01.11.2001, Blaðsíða 4

FRÉTTIR
4 FIMMTUDAGUR 1. NÓVEMBER 2001 MORGUNBLAÐIÐ
BORGARSTJÓRI, Ingibjörg Sól-
rún Gísladóttir, segist sjá nokkur
vandkvæði á því að verða við ósk
fulltrúa Sjálfstæðisflokksins í borg-
arráði um að borgarendurskoðandi
geri yfirlit yfir fjárhagsstöðu Línu.-
Nets hf. M.a. var óskað eftir upp-
lýsingum um fjármálaleg samskipti
fyrirtækisins og Orkuveitu Reykja-
víkur.
Ingibjörg Sólrún segir Vilhjálm
Þ. Vilhjálmsson, borgarfulltrúa
Sjálfstæðisflokksins, hafa óskað eft-
ir svipuðum upplýsingum í byrjun
október. Málið snúi annars vegar að
Orkuveitunni og hins vegar að
Línu.Neti, sem sé hlutafélag. Þó að
borgin sé meirihlutaeigandi verði að
taka tillit til annarra hluthafa. Af
þeim ástæðum sé erfitt að verða við
öllum þessum óskum. Borgin ráði
þessu ekki ein, aðrir aðilar eigi
einnig hagsmuna að gæta og rétt-
arstöðu þeirra þurfi að tryggja.
„Ég get ekki tekið einhliða
ákvörðun um það, eða þá skrifstofa
borgarstjórnar og forstjóri Orku-
veitunnar, hvað hlutafélagið Lína.-
Net lætur þessu fólki í té af upplýs-
ingum. Stjórn Línu.Nets getur
tekið þá ákvörðun. Hins vegar er
verið að taka saman, á vegum for-
stjóra Orkuveitunnar, þær upplýs-
ingar sem lúta að samskiptum við
Línu.Net. Þær upplýsingar fær Vil-
hjálmur, eins og hann bað um,“ seg-
ir Ingibjörg Sólrún.
Hún segir jafnframt að fram-
kvæmdastjóri Línu.Nets hafi ítrek-
að reynt að ná sambandi við fulltrúa
minnihlutans í borgarstjórn til að
kynna þeim stöðu fyrirtækisins.
„Mér finnst það dálítið mótsagna-
kennt að vera stöðugt að óska eftir
upplýsingum með þessum hætti í
gegnum borgarkerfið en sinna svo
ekki skilaboðum frá framkvæmda-
stjóranum, sem eru í samræmi við
samþykktir stjórnar Línu.Nets, að
bjóða minnihlutanum til fundar til
að upplýsa hann,“ segir Ingibjörg
Sólrún.
Pólitísk ákvörðun að
láta fyrirtækið ekki í friði
Aðspurð hvort yfirlit um fjár-
hagsstöðu Línu.Nets og samskiptin
við Orkuveituna ættu ekki að
hreinsa andrúmsloftið í kringum
fyrirtækið segir borgarstjóri það
virðast engu skipta hvað sagt sé og
gert af hálfu stjórnenda Línu.Nets
og Orkuveitunnar. Tekin hafi verið
um það pólitísk ákvörðun að láta
fyrirtækið ekki í friði. Þegar slíkar
ákvarðanir hafi verið teknar geti
menn unnið mikinn skaða, dæmin
sanni það og nefnir Ingibjörg Sól-
rún Hafskipsmálið forðum daga.
„Varðandi Línu.Net er talað um
að ausið sé úr sjóðum og jafnvel tal-
að um fjárglæfra í því sambandi.
Menn sem þannig tala ættu að líta
sér nær. Þeir settu í Perluna 2 til
2,5 milljarða króna úr opinberum
sjóðum. Þessi fjárfesting þeirra hef-
ur kostað skattgreiðendur um 600
milljónir í rekstri á umliðnum árum.
Þar er bara verið að tala um nettó-
kostnað af Perlunni, sem er í bull-
andi samkeppni við annan veitinga-
rekstur. Í Línu.Neti er þó verið að
leggja ákveðið grunnkerfi um borg-
ina sem skapar forsendur fyrir
samkeppni á sviði fjarskipta,“ segir
Ingibjörg Sólrún.
Borgarstjóri telur tormerki á að veita yfirlit um stöðu Línu.Nets
Tryggja þarf
réttarstöðu ann-
arra hluthafa
ÍSLENSKUR og norskur arkitekt
sem starfa í Björgvin hafa ásamt
samstarfsmönnum teiknað yf-
irbyggða skíðamiðstöð sem reisa
á í miðborg London. Verður
byggingin alls 15 þúsund fer-
metrar og skíðasvæðið þar af um
9 þúsund fermetrar með yfir 60
m háum brekkum og landslagi og
verður snjó dreift yfir brekk-
urnar úr snjóframleiðsluvélum í
þakinu.
Norski arkitektinn Eilif B.
Lund í Björgvin er aðalhönnuður
miðstöðvarinnar. Með honum að
verkinu hefur unnið íslensk kona
hans, Guðrún Elísabet Stef-
ánsdóttir en hún er að aðalstarfi
yfirarkitekt Björgvinar. Sam-
starfsmenn Eilifs B. Lund á arki-
tektastofu hans unnu einnig að
verkinu. Hefur hönnunar- og
teiknivinnan staðið í hálft annað
ár.
Kostnaður við framkvæmdina
er ráðgerður um tveir milljarðar
íslenskra króna en gert er ráð
fyrir að framkvæmdir hefjist í
næsta mánuði og að þeim ljúki í
nóvember 2002. „Það verður að
opna svona miðstöð að haustlagi
þegar menn eru tilbúnir að huga
að skíðaiðkun,“ sagði Eilif B.
Lund í samtali við Morgunblaðið
og sagði að fjármagn í verkið
kæmi frá Bretum, Norðmönnum
og Svisslendingum. Hann sagði
þessa miðstöð vera fyrstu sinnar
tegundar í Englandi en kvaðst
vita um þrjár slíkar í Þýskalandi
og Hollandi. Svona miðstöð hefði
hins vegar ekki verið reist í miðri
stórborg áður.
Skíðasvæðið tekur yfir rúman
helming hússins og þar eru eins
og fyrr segir brekkur og verður
einnig komið fyrir skíðalyftu. Þá
verða í húsinu veitingastaðir fyr-
ir um 500 manns og geta gestir
notið útsýnis yfir skíðasvæðið úr
sætum sínum og segir Eilif eðli-
legan stofuhita verða á veit-
ingastöðunum en hitinn á skíða-
svæðinu verði rétt undir
frostmarki. Hugmyndin er að
reka miðstöðina allt árið og að
menn geti stundað skíðaíþróttina
jafnt um hásumar sem miðjan
vetur.
Norsk-íslensk arkitektahjón sem starfa í Björgvin
Teiknuðu
skíðahöll
sem reisa á
í London
FRÁ og með degin-
um í dag verður
óheimilt að nota far-
síma án handfrjáls
búnaðar við akstur.
Tekur þá gildi breyt-
ing á umferðarlögum
sem samþykkt var á
Alþingi sl. vor. Öku-
menn fá hins vegar
aðlögunartíma og
ekki verður farið að
sekta fyrir brot á
lögunum fyrr en að
ári liðnu.
Ákveðið var síð-
astliðið vor að setja í
umferðarlög ákvæði
um að ekki megi
nota farsíma án
handfrjáls búnaðar
við akstur enda
sýndu rannsóknir,
svo ekki varð um
villst, að notkun
þeirra eykur mjög
hættu í umferðinni
og dregur úr færni ökumanns til
að stjórna bifreið.
Sektin mun nema að minnsta
kosti fimm þúsund krónum
Var talið nauðsynlegt að setja
slík lög enda hefur notkun farsíma
aukist gífurlega hér á landi hin
síðari ár. Eru í dag um 210 þúsund
GSM-farsímanúmer virk og rétt
um 200 þúsund SMS-skilaboð eru
send á degi hverjum, að því er
fram kemur í fréttatilkynningu frá
Umferðarráði.
Hvetur Umferðarráð einstak-
linga til að kynna sér það fjöl-
breytta úrval sem í boði er af
hentugum handfrjálsum búnaði og
bendir m.a. á að Síminn veitir 30%
afslátt af handfrjálsum búnaði
fyrstu vikuna í nóvember.
Eins og áður segir fá menn að-
lögunartíma að breyttum lögum að
því leytinu til að ekki verður farið
að refsa mönnum fyrir brot á þeim
fyrr en að ári liðnu. Má gera ráð
fyrir því, að þegar refsiákvæði
taka gildi 1. nóvember 2002 verði
menn sektaðir um a.m.k. fimm
þúsund krónur og byggist það á
þeirri sektarreglugerð í umferð-
arlögum sem fyrir hendi er.
Notkun farsíma í akstri án handfrjáls
búnaðar bönnuð frá og með 1. nóv.
Ekki byrjað að
sekta fyrr en
að ári liðnu
Nú þurfa menn að nota handfrjálsan búnað,
sem þann sem sjá má á myndinni, hyggist þeir
tala í farsímann undir stýri.
Morgunblaðið/Kristinn
BROTIST hefur verið inn í fyrirtæk-
ið Glóey í Ármúla tvo daga í röð nú í
víkunni og stolið ýmsum verðmæt-
um. Ekki er talið ólíklegt að sömu
aðilar hafi verið að verki í bæði skipt-
in. Tilkynnt var til lögreglunnar um
innbrot á þriðjudagsmorgun þar sem
gluggi hafði verið brotinn og
skemmdir unnar innandyra. Í gær-
morgun var að nýju tilkynnt um inn-
brot á sama stað þar sem skiptimynt
var stolið auk tveim tölvum.
Brotist inn á sama
stað tvo daga í röð
FANGAVERÐIR á Litla-Hrauni
fundu í fyrrinótt 36 skammta af LSD í
klefa fanga á svokölluðum fyrirmynd-
argangi í fangelsinu. Í öðrum klefa
fannst efni sem grunur leikur á að sé
ólöglegt en ekki er enn ljóst um hvaða
efni er að ræða.
Þorsteinn A. Jónsson, forstjóri
Fangelsismálastofnunar, segir að
leitin í klefunum hafi verið mjög ít-
arleg. Fangaverðir hafi t.a.m. flett
hverri einustu síðu í þeim bókum sem
voru inni í klefunum. LSD-skammt-
arnir fundust faldir í kili einnar bók-
arinnar. Leitin í klefanum fór fram
eftir að grunur um fíkniefnamisferli
vaknaði.
Aðspurður hvort fíkniefnaneysla sé
algeng í fangelsinu segir Þorsteinn að
fangelsismálayfirvöld viti ekki hversu
víðtæk neyslan sé en hún sé til staðar.
Litla-Hraun
36 LSD-
skammtar í
bókarkili
♦ ♦ ♦