Morgunblaðið - 01.11.2001, Blaðsíða 14
HÖFUÐBORGARSVÆÐIÐ
14 FIMMTUDAGUR 1. NÓVEMBER 2001 MORGUNBLAÐIÐ
ÞEGAR gengið er inn í versl-
unina Rangá dettur manni
helst í hug pínulítið kaup-
félag á landsbyggðinni. Þetta
er ekki bara vegna nafnsins
og stærðarinnar, heldur ekki
síst vegna ótrúlegs vöruúr-
valsins sem hvaða versl-
unarmiðstöð gæti verið stolt
af. Þarna ægir saman vasa-
ljósum, kristalsglösum, nær-
brókum, kaffikvörnum og
heimaprjónuðum lopapeys-
um innan um mjólkurkex og
niðursuðuvörur. Þessi versl-
un er þó ekki á landsbyggð-
inni heldur í sjálfri höf-
uðborginni, nánar tiltekið í
Skipasundi og í dag heldur
hún upp á 70 ára afmæli sitt.
Kaupmaðurinn í Rangá
heitir Agnar Árnason en
hann hefur haldið um stjórn-
artaumana þar frá árinu
1971. Þá keypti hann versl-
unina ásamt Sigrúnu Magn-
úsdóttur af Jóni Jónssyni
sem stofnaði hana 1. nóv-
ember 40 árum áður. Þannig
er verslunin elsta mat-
vöruverslunin í Reykjavík,
sem hefur verið rekin undir
sama nafni, ásamt versl-
uninni Vísi sem einnig hefur
starfað í um 70 ár.
Þegar Agnar tók við versl-
uninni voru um 8–10 versl-
anir í hverfinu en nú er
Rangá sú eina sem er eftir.
„Þetta hefur tekist hjá okkur
en á tímabili var þetta mjög
erfitt,“ segir Agnar. „Þegar
þetta var þannig að heildsal-
inn seldi vöruna á tvenns eða
þrenns konar verði kom upp
sú staða að það var ódýrara
fyrir okkur að fara í mark-
aðina og kaupa vöruna þar
heldur en að kaupa hana af
heildsölunum.“
Þegar Agnar er beðinn um
að lýsa vöruúrvalinu hlær
hann við. „Ég segi nú bara
eins og margir kúnnarnir,
það er allt milli himins og
jarðar en mér finnst þetta
allt nauðsynlegt sem er
hérna inni.“
Agnar segir langstærsta
kúnnahópinn vera úr hverf-
inu. „Hún Guðrún, sem er bú-
in að vinna hjá mér í 17 ár á
bak við búðarborðið þekkir
orðið nánast alla hérna í
hverfinu. Það er rosalega
mikils virði að hafa svona
manneskju sem er glögg á
fólk og þekkir til því það
skapar líka svo mikið traust
hjá kúnnunum.“
Nafn kaupmannsins
aftur á bak
Nafn verslunarinnar vekur
óneitanlega athygli svona
mitt í Sundunum. „Það stend-
ur svoleiðis á því að hann Jón
Jónsson, sem stofnaði versl-
unina með dætrum sínum,
var ættaður af Rangárvöllum
á milli Rangánna. Nafnið er
þaðan komið og hefur haldið
sér í 70 ár. Það hefur aldrei
fallið skuggi á það og því er
maður svolítið stoltur af.“
Agnar bendir á að ekki hafi
spillt fyrir þegar hann keypti
búðina að ef nafn hennar er
lesið afturábak kemur út
nafn hans sjálfs.
Skyndilega hringir síminn
og Agnar býður viðkomandi í
afmæliskaffi. Viðmælandinn
virðist hafa áhyggjur af því
að afmælisgestirnir komist
ekki allir fyrir á þeim 50 fer-
metrum sem verslunin er en
Agnar slær á það hið snar-
asta. „Það er alltaf hægt að
finna pláss, það hefur aldrei
verið vandamál hér í Rangá
að finna pláss. Ef okkur vant-
ar pláss þá tökum við bara
til.“ Það kemur í ljós að mik-
ið verður um að vera í versl-
uninni í dag í tilefni dagsins.
Öllum viðskiptavinum verð-
ur boðið upp á kaffi og tertu
auk þess sem börnin fá eitt-
hvað gott í gogginn.
Á leiðinni út úr versluninni
kaupir blaðamaður sér
morgunkorn og fjöltengi,
feginn að hafa sloppið við
skarkala verslunarmiðstöðv-
anna við innkaup á því allra
nauðsynlegasta þennan dag-
inn.
Ein elsta matvöruverslun borgarinnar heldur upp á 70 ára afmæli í dag
Morgunblaðið/Ásdís
Guðrún Þorbjörnsdóttir, sem staðið hefur á bak við búðarborðið í 17 ár, Agnar kaupmaður
og Magnhildur Friðriksdóttir, kona hans, við lítið brot af vöruúrvalinu í Rangá.
„Ef okkur vant-
ar pláss tökum
við bara til“
Langholtshverfi
SAMFELLA í skólagöngu,
heilsdagsskóli, frístundastarf
og samábyrgð heimilis og
skóla er meðal þess sem verð-
ur til umræðu á ráðstefnu um
skólastefnu Mosfellsbæjar
sem haldin verður í Lágafells-
skóla í kvöld. Ráðstefnan er
opin öllum bæjarbúum þar
sem þeim gefst kostur á að
kynna sér og koma með at-
hugasemdir um nýja skóla-
stefnu bæjarins.
Skólastefnan hefur verið
nefnd heildstæð skólastefna og
segir í fréttatilkynningu frá
bænum að ástæða nafngiftar-
innar sé sú að í stefnunni sé
horft á skólagöngu einstak-
linganna sem heild og stefnt sé
að því að brúa bil milli skóla-
stiga til að svo megi verða. „Þá
er stefnt að því að gera skóla-
daginn samfelldan og að frí-
stundastarf falli það vel að
skóladeginum að hægt sé að
segja að borin sé sómasamleg
virðing fyrir vinnudegi
barnanna. Þannig getur skipu-
lag skólanna aukið við gæði
fjölskyldulífs þar sem meiri
tími verður til samveru að
loknum vinnudegi hinna full-
orðnu sem og barnanna,“ segir
í tilkynningunni.
Ráðstefnan verður sem fyrr
segir haldin í Lágafellsskóla
og hefst klukkan 19:30 í kvöld.
Ráðstefna
um skóla-
stefnu
Mosfellsbær
UMFERÐ, skuggavarp hárra
bygginga, skólamál og að-
staða til útivistar voru í
brennidepli á fjölsóttum fundi
sem boðað var til í Rimaskóla
á þriðjudagskvöld til að kynna
fyrirhugaða íbúðabyggð á lóð-
inni sem kennd er við Lands-
símann í Gufunesi. Það voru
Borgarskipulag og Miðgarður
– fjölskylduþjónustan í Graf-
arvogi sem stóð fyrir fundin-
um að beiðni hverfisnefndar
Grafarvogs.
Áætla má að um 200 manns
hafi verið á fundinum og mátti
heyra að hiti var í fólki vegna
tillagnanna. Í upphafi fundar
ávarpaði Árni Þór Sigurðs-
son, formaður skipulags- og
bygginganefndar Reykjavík-
ur, fundinn þar sem hann fór
yfir afgreiðsluferli tillögunnar
og undirstrikaði að enn væri
skipulagsnefnd ekki búin að
samþykkja tillögurnar. Orri
Árnason, arkitekt hjá Zeppel-
in arkitektum, höfundum til-
lögunnar, hafði framsögu þar
sem hann kynnti tillögurnar
en um þær var ítarlega fjallað
í Morgunblaðinu 30. ágúst síð-
astliðinn. Tæknilegir erfið-
leikar settu þó strik í reikn-
inginn á fundinum og var
fljótlega efnt til hlés á meðan
arkitektinn fékk tölvukost,
sem nota átti til kynningar-
innar, til að virka.
Óskað eftir íþrótta-
og útivistarsvæði
Að lokinni kynningu arki-
tektsins var opnað fyrir fyr-
irspurnir fundargesta. Voru
margir fundargesta á því máli
að á reitnum ætti ekki að
byggja enda hefðu íbúasam-
tök hverfisins barist fyrir því
að reiturinn yrði nýttur sem
íþrótta- og útivistarsvæði.
Bent var á að íþróttasvæði
vantaði í hverfið og spurt var
hvar íþróttamiðstöð og sund-
laug sem þjónaði Borgarholt-
inu ætti að koma. Í tengslum
við þetta var þeirri skoðun
lýst að fólk ætti að hafa rétt á
að búa í dreifðri byggð í út-
hverfum borgarinnar enda
væri nóg af byggingarsvæði.
Árni Þór sagði svæðið hafa
verið byggingarsvæði lengi og
menn hafi mátt búast við því
að þar yrði byggt. Hægt væri
hins vegar að deila um hversu
hátt, hversu mikið og svo
framvegis.
Hann sagði að það kynni að
vera rétt að illa væri staðið að
útivistar- og íþróttamálum í
hverfinu og þyrftu borgaryf-
irvöld að ræða við hverfis-
nefnd um úrbætur þar að lút-
andi.
Hann sagðist ekki vera
þeirrar skoðunar að nóg væri
til af landi í borginni. Land
væri auðlind og borgaryfir-
völd þyrftu að hafa það í huga
við skipulagningu svæða.
Þorgils Arason, fulltrúi
landeiganda, sem er bygging-
arfélagið Viðar ehf., upplýsti
að þegar lóðin hafi verið aug-
lýst til sölu hafi forsögn borg-
arinnar sagt til um að á henni
ætti að vera atvinnuhúsnæði.
Viðar ehf. hafi óskað eftir
breytingu á þessu í íbúða-
byggð þar sem bygginga-
félagið taldi að meiri sátt
myndi nást um það en at-
vinnusvæðið meðal íbúa.
Umferðarmálin voru rædd í
þaula og kom fram í fyrir-
spurnum fundargesta að þeir
töldu ófært að öll umferð um
hverfið færi um eina aksturs-
leið. Var það gagnrýnt að fyr-
irhuguð væru tvö hringtorg
þar sem aðeins væru nokkrar
bíllengdir á milli og taldi fyr-
irspyrjandi að umferðin gæti
hæglega stíflast vegna þessa.
Annar fundargestur lýsti
þeirri skoðun sinni að í
tengslum við þessa nýju
byggð væri brýnt að taka
ákvarðanir varðandi brú yfir
Sundin.
Þorgils sagði að aðkoma
umferðar að hverfinu hafi ver-
ið samkvæmt forsögn borgar-
innar við kaup á landinu þar
sem tekið var fram að einung-
is ein aðkoma með hringtorgi
ætti að vera að hverfinu. Þá
benti hann á að þar sem gert
væri ráð fyrir því að stór hluti
hverfisins yrði fyrir eldri
borgara yrði umferðin að öll-
um líkindum minni en ella.
Ágústa Sveinbjörnsdóttir,
arkitekt hjá Borgarskipulagi,
sagði að aðkoma að hverfinu
úr norðri væri ekki möguleg
og hún teldi að fyrirliggjandi
lausn á umferðinni ætti að
geta gengið mjög vel upp.
Árni Þór svaraði því til að
augljóst væri að með byggð
ykist umferð og beðið væri
eftir því að umferðardeild
borgarverkfræðings skilaði
inn til skipulagsnefndar út-
reikningum um hversu mikla
umferðaraukningu byggðin
muni þýða. Hann sagði að
ákvarðanir varðandi Sunda-
braut væru í aðalskipulags-
vinnu sem stendur yfir. Gert
væri ráð fyrir að framkvæmd-
ir hæfust árið 2003 og hægt
yrði að taka fyrsta áfanga í
notkun árið 2004. Hinsvegar
væru ríki og borg ekki sam-
mála um legu vegarins og
stæðu viðræður yfir milli
þessara aðila varðandi það
mál. Þetta gerði það að verk-
um að hann væri ekki bjart-
sýnn á að fyrrgreindar áætl-
anir stæðust.
Nýr barnaskóli jákvæð-
ur fyrir Rimaskóla
Nokkrar fyrirspurnir komu
fram um skólamál í hverfinu
en fram kom í kynningunni að
gert væri ráð fyrir nýjum
skóla fyrir börn á aldrinum
7–9 ára börn og í tengslum við
hann væri ráðgerður leik-
skóli. Komu fram áhyggjur á
fundinum vegna aukningar
nemenda í hverfinu sem leiddi
af nýju byggðinni en Rima-
skóli er einn stærsti skóli
landsins með 800 nemendur.
Kom fram í svari Árna Þórs
að skipulagsyfirvöld borgar-
innar hefðu haft efasemdir
um að reisa íbúðabyggð nema
það yrði tekið sérstaklega á
skólamálum. Því hafi verið
rætt við fræðsluyfirvöld og
niðurstaðan orðið sú að þetta
gæti orðið jákvætt ef byggður
yrði sérstakur skóli fyrir
yngstu árgangana sem myndi
létta á Rimaskóla.
Helgi Árnason, skólastjóri
Rimaskóla, sagði frá því að til
sín hefði verið leitað í vor þar
sem fjórar hugmyndir voru
uppi á borðinu um lausn máls-
ins og þessi hafi orðið ofan á.
Sagði hann talið að um 150
nemendur kæmu frá nýju
byggðinni. Samkvæmt hans
upplýsingum yrði bygging
nýja skólans fyrsta verkefni
fræðsluyfirvalda eftir að ein-
setningu lýkur og taldi hann
að hægt verði að koma upp
betri aðstöðu í Rimaskóla með
tilfærslu yngstu nemendanna
yfir í nýja skólann þrátt fyrir
að fjölga myndi í árgöngum.
Áhyggjur af skuggavarpi
Þrír þrettán hæða turnar
voru þó nokkuð til umræðu á
fundinum og kom fram tölu-
verð óánægja meðal fundar-
gesta með þá.
Höfðu menn sérstaklega
áhyggjur af skuggavarpi sem
af þeim myndi leiða og einn
fundargesta lýsti þeirri skoð-
un sinni að turnarnir myndu
kæfa hina lágreistu byggð
sem gert er ráð fyrir um-
hverfis þá.
Í svari Orra Árnasonar
kom fram að arkitektarnir
hefðu lagt mikla áherslu á að
áhrif skugga á íbúðabyggð
yrðu sem minnst.
Í lok fundarins sagði Árni
Þór að fram hefðu komið skýr
skilaboð fundargesta varð-
andi byggðina í Gufunesi og
það væri óhjákvæmilegt að
skipulagsyfirvöld færu ræki-
lega yfir þær athugasemdir
sem þar komu fram.
Regína Ásvaldsdóttir,
fulltrúi Miðgarðs, stjórnaði
fundinum og upplýsti hún að
fundargerð fundarins, spurn-
ingar og svör yrðu sett inn á
fréttavefinn grafarvogur.is í
lok vikunnar.
Fjölsóttur kynningarfundur í Rimaskóla um nýtt skipulag Landssímareits í Gufunesi
Skýr skilaboð
íbúa í hverfinu
Morgunblaðið/Ásdís
Meðal þess sem hægt var að skoða á fundinum var líkan af fyrirhugaðri íbúðabyggð.
Grafarvogur