Morgunblaðið - 01.11.2001, Side 13

FRÉTTIR
MORGUNBLAÐIÐ FIMMTUDAGUR 1. NÓVEMBER 2001 13
YFIR 150 fyrirtæki starfa nú í
tengslum við vísindagarða sem komið
hefur verið upp í tengslum við há-
skólana í Tampere í Finnlandi. Þar
starfa nú um 3.500 manns og stunda
fyrirtækin rannsóknir og sölu á fram-
leiðsluvörum og sérþekkingu sinni.
Olli Niemi, framkvæmdastjóri
Hermia-vísindagarðsins, líkir þessari
starfsemi við nýja iðnbyltingu en
hann kynnti starfsemi garðsins í Há-
skóla Íslands í síðustu viku.
Hermia-vísindagarðurinn var
stofnaður fyrir rúmum 15 árum og
sagði Olli Niemi í samtali við Morg-
unblaðið að hann hefði verið mikil-
vægt tæki til að endurnýja uppbygg-
ingu borgarinnar. Þegar lægð væri í
efnahagslífinu væri brýnt að finna
áhættufjármagn til þess að koma af
stað uppbyggingu og nýjum rekstri.
Hann sagði að borgaryfirvöld Tamp-
ere hefðu tekið vel í hugmynd há-
skólamanna að laða að skólanum ný
fyrirtæki og lagt til lóð við háskóla-
svæðið og 100 milljón finnsk mörk,
kringum 1,5 milljarða ísl. króna, til að
reisa byggingar og koma upp að-
stöðu. Hluta fjárins hefðu borgaryf-
irvöld fengið aftur þegar fleiri aðilar
gengu inn í hlutafélagið.
15 vísindagarðar í Finnlandi
Fimmtán vísindagarðar eru nú í
Finnlandi. Í Tampere búa um 200
þúsund manns og annar eins fjöldi í
nálægum byggðum. Þar eru tveir há-
skólar og tveir tækniháskólar auk
fjölda iðnskóla og margháttuð iðn-
starfsemi er á svæðinu en miklir erf-
iðleikar steðjuðu að járn-, leður- og
textíliðnaði fyrir allmörgum árum.
– Hvaða aðilar leggja fram fé til að
hefja rekstur vísindagarða?
„Borgaryfirvöld og háskólarnir
höfðu í okkar tilviki forgöngu með
fyrstu fjárframlögunum og háskólinn
gat líka boðið fram þekkingu starfs-
manna sinna. Með þessu eru komin
skilyrði til þess að bjóða þeim sem
hafa viðskiptahugmynd að kanna
hvort slík aðstaða hentar og um leið
hvort viðskiptahugmyndin er raun-
hæf,“ sagði Olli Niemi. Hann benti
um leið á að stjórn vísindagarðsins
léti meta hvort viðkomandi hugmynd
að framleiðslu, þjónustu eða rann-
sóknum ætti framtíð fyrir sér.
Fyrirtækin sem stofnuð hafa verið
við Hermia-vísindagarðinn starfa á
sviði fjarskiptatækni, þróunar í lækn-
ingatækjum, tölvutækni og hvers
kyns sjálfvirkni- og vökvakerfa. Þau
leigja húsnæði fyrir aðstöðu sína hjá
Hermia og segir framkvæmdastjór-
inn þau ekki síst sjá kosti þess, auð-
velt sé að stækka eða minnka við sig
eftir þörfum, og fyrirtækin vilji ekki
festa fjármagn í eigin húsnæði.
Olli Niemi ræddi nokkuð staðsetn-
ingu háskólalóða og vísindagarða sem
hann sagði mikilvægt atriði. Vegna
samskipta við háskóla yrði vísinda-
garður að vera tengdur slíkri stofnun,
þangað gætu fyrirtæki vísindagarðs
sótt ráðgjöf og þekkingu og hefðu þar
greiðan aðgang að nauðsynlegri að-
stoð. Umhverfið væri ekki síður mik-
ilvægt, fólk í þekkingariðnaði vildi
helst vera nálægt miðborgum og um-
hverfið yrði að vera örvandi og lifandi.
Þar yrði t.d. að vera hægt að vinna all-
an sólarhringinn og öll aðstaða yrði að
vera hin besta. Allt slíkt hefði mikils-
verð áhrif á öll samskipti manna.
Í samtali við Morgunblaðið lagði
Olli Niemi líka áherslu á að útfærsla
vísindagarða væri misjöfn og menn
yrðu að laga þá að aðstæðum á hverj-
um stað. Þeir væru líka síbreytilegir
og í stöðugri þróun.
Einn ráðgjafa Háskóla Íslands
Olli Niemi er einn af ráðgjöfum Há-
skóla Íslands varðandi undirbúning
að byggingu þekkingarþorps á há-
skólasvæðinu. Sat hann í leiðinni
vinnufundi vegna þess með fulltrúum
Háskólans. Stefán Ólafsson prófessor
er formaður húsnæðis- og skipulags-
nefndar sem vinnur að undirbúningn-
um. Hann segir mikilvægt í þessu
sambandi að nefndin kynni sér bæði
kennisetningar og fræðin á bak við
starfsemi vísindagarða áður en hafist
er handa við framkvæmdir og að ráð-
gjöf Finnans sé hluti af þeim undir-
búningi.
Líkir starfi vísindagarða
við nýja iðnbyltingu
Morgunblaðið/Golli
Olli Niemi kynnti reynslu Finna
af rekstri vísindagarða í fyrir-
lestri í Háskóla Íslands nýlega.
Samvinnuferð-
ir – Landsýn
leitar minna
húsnæðis
ÁHUGI er hjá því hjá forráðamönn-
um Alþýðusambands Íslands að
flytja höfuðstöðvarnar að Sætúni 1 í
Reykjavík þar sem Samvinnuferðir-
Landsýn er til húsa en fyrirtækið
hefur hug á að verða sér úti um
minna húsnæði. Húsnæðið er um
1.300 fermetrar og segir Gylfi Arn-
björnsson, framkvæmdastjóri ASÍ,
að stærðin henti sambandinu vel og
staðsetningin einnig.
Guðjón Auðunsson, framkvæmda-
stjóri Samvinnuferða-Landsýnar,
segir fyrirtækið ekki þurfa 1.300 fer-
metra til starfsemi sinnar í dag eftir
að starfsmönnum hefur fækkað úr
130 en stöðugildin í dag eru 72. Því sé
ætlunin að leita eftir því að losna frá
núverandi leigusamningi og sé málið
í athugun hjá ASÍ. Hann segir ætlun
fyrirtækisins að huga að 550 til 750
fermetra húsnæði til leigu sem lækk-
að geti húsnæðiskostnað fyrirtækis-
ins umtalsvert. Telur Guðjón ekki
vandkvæðum bundið að finna slíka
aðstöðu á höfuðborgarsvæðinu.
Gylfi Arnbjörnsson segir ASÍ
þurfa á stærra húsnæði að halda og
segir henta sambandinu betur að
kaupa húsnæði en leigja. Málið hafi
verið rætt nokkuð innan ASÍ og
ákvörðunar sé að vænta mjög bráð-
lega.