Morgunblaðið - 01.11.2001, Qupperneq 49

UMRÆÐAN
MORGUNBLAÐIÐ FIMMTUDAGUR 1. NÓVEMBER 2001 49
Einstök
þægindi
og eðlileg,
geislandi áferð

heimsækið
www.lancome.com
PHOTOGÉNIC ULTRA CONFORT
Light-Reflecting Makeup-SPF 12-Dry Skin
NÝTT! Einstök þægindi fyrir þurra húð.
Formúlan, sem inniheldur apríkósuolíu
og C vítamín, nærir húðina og tryggir
henni ómæld þægindi og fallega áferð.
Photoflex© samsetningin endurkastar ljósi, svo áferð
húðarinnar verður jöfn og eðlileg allan daginn.
ÁRANGUR: Í 8 klukkustundir hlýtur húðin stöðuga
rakagjöf og langvarandi næringu.
Teygjanleiki húðarinnar bætist, litarhátturinn
er geislandi og fullkomlega náttúrulegur.
Fullkomið svar fyrir þurra húð og húð sem hefur
tilhneigingu til að þorna.
TRÚÐU Á FEGURÐ
ÞORNAR HÚÐIN ÞEGAR KÓLNAR Í VEÐRI? LOKSINS FÁANLEGUR
Á NÝ FARÐI FYRIR ÞURRA HÚÐ FRÁ
Ráðgjafar frá verða í verslunum okkar í dag, föstudag, og laugardag
og ráðleggja um val á snyrtivörum.
GLÆSILEGIR KAUPAUKAR: Fallegt armbandsúr*
Strandgata 32, s. 555 2615 Álfheimum 74, s. 568 5170
Á undanförnum
misserum hafa um-
ferðaröryggismál oft
verið í brennidepli
fjölmiðla og ástæðan
fyrir því hefur verið
sú dapurlega stað-
reynd að fjöldi Íslend-
inga lætur lífið í um-
ferðarslysum á ári
hverju. Þegar þessi
grein er skrifuð eru
t.d. tveir látnir þann
daginn. Í allri þessari
umfjöllun hafa hug-
myndir um hækkun
bílprófsaldurs oft ver-
ið nefndar, bæði í
ræðu og riti. Greinar-
höfundur ætlar ekki
að leggja dóm á það hvort hækkun
bílprófsaldurs um eitt ár myndi
gera gæfumuninn til fækkunar bíl-
slysa, en þó er vert að benda á eina
fámunavitlausa ráðstöfun sem nú
viðgengst á landi voru í sambandi
við unga ökumenn.
Þegar greinarhöfundur var að
byrja sinn ökuferil fyrir 15 árum
þurftu menn að vera 20 ára til að
geta fengið próf á stóra vörubíla.
Nú í dag er mögulegt
fyrir 18 ára ungling að
vera á ferðinni á
stórum flutningabíl
með 40 feta gám á
vagni í eftirdragi á
sama tíma og hann
ætti í raun að vera
með bráðabirgðaskír-
teini að afla sér akst-
ursreynslu.
Í dag er kerfið
þannig að þú getur
tekið svokölluð aukin
ökuréttindi 18 ára og
fengið strax að því
loknu réttindi til að
aka bifreið með allt að
7.500 kg heildar-
þunga, eða bíl og vagn
sem samtals verða 12.000 kg að
heildarþunga. Þessi unglingur fær
svo réttindi á stærri bifreiðar þeg-
ar þeir verða 21 árs. En bíðum nú
við, til að aumingja unglingarnir
þurfi nú ekki að bíða eins lengi eft-
ir prófinu sínu er gefinn sá mögu-
leiki að vinnuveitandi hans geti
gefið út svokallað starfshæfnisvott-
orð um það að þessi unglingur sé
búinn starfa sem aðstoðarmaður á
vöruflutningabifreið í minnst 4
mánuði. Þetta vottorð verður svo
til þess að unglingurinn fær strax
bílpróf á stærstu bifreiðar lands-
ins.
Eftir því sem ég best veit hefur
þessi leið talsvert verið farin og því
nokkrar líkur á því, kæri vegfar-
andi, að þú eigir eftir að mæta 18
ára unglingi sem ætti að vera með
bráðabirgðaökuskírteini á 40 tonna
trukk á þjóðvegum landsins.
Þetta kalla ég tvískinnung hjá
stjórnvöldum því ekki fæ ég séð
hvernig þessi ráðstöfun getur bætt
umferðaröryggið á Íslandi.
Umferðin og
tvískinnungur
stjórnvalda
Óskar Þór
Guðmundsson
Höfundur er nemi í Lögregluskóla
ríkisins.
Ökuréttindi
Eins og lögin eru núna
getur 18 ára unglingur,
sem ætti að vera
með bráðabirgðaöku-
skírteini, segir Óskar
Þór Guðmundsson,
fengið réttindi á 40
tonna trukk.
HANNES Hlífar Stefánsson var
maður sjöundu umferðar á minning-
armótinu um Jóhann Þóri Jónsson
þegar hann lagði hinn stigaháa eist-
neska stórmeistara Jaan Ehlvest
(2.626) og það með svörtu. Þar með
náði hann efsta sætinu á mótinu
ásamt Ivan Sokolov. Sigurinn var
sannfærandi og Ehlvest fékk aldrei
færi á að snúa skákinni sér í hag.
Þeir tefldu spænska leikinn og
fylgdu þekktum leiðum fram yfir 20.
leik í afbrigði sem Jóhann Hjart-
arson hefur m.a. margsinnis beitt
með svörtu með ágætum árangri.
Hannes komst vel frá byrjuninni.
Ehlvest virtist eiga í erfiðleikum
með að finna sér áætlun og Hannes
náði smám saman að bæta stöðu
sína og vann peð 48. leik. Þegar
Ehlvest loksins ákvað að grípa til
róttækra aðgerða og freista þess að
vinna peðið til baka var það um sein-
an og Hannes átti þvingaða vinn-
ingsleið og Ehlvest gafst upp þegar
hann var orðinn manni og peði und-
ir.
Ivan Sokolov, sem var efstur á
mótinu fyrir þessa umferð gerði
stutt jafntefli við Jan Timman. Úr-
slit sem Timman hefur líklega verið
sáttur við eftir hina erfiðu skák gegn
Peter Heine Nielsen í sjöttu umferð.
Þessi úrslit þýða, að þeir Hannes og
Sokolov eru einir efstir fyrir loka-
sprettinn á mótinu, en nú eru þrjár
umferðir eftir. Þeir hafa staðið sig
áberandi best þegar frammistaðan í
fyrstu sjö umferðunum er mæld í
stigum, en hún svarar til u.þ.b. 2.750
skákstiga hjá þeim báðum. Það er
því greinilegt að Hannes er í gríð-
arlega góðu formi og ætlar sér ekk-
ert annað en efsta sætið á mótinu.
Af öðrum athyglisverðum úrslit-
um sjöundu umferðar má nefna að
Jón Viktor Gunnarsson lagði stór-
meistarann Þröst Þórhallsson. Helgi
Ólafsson vann Tomi Nyback á
skemmtilegan hátt og er nú farinn
að nálgast efstu menn ásamt Jóni
Viktori. Friðrik Ólafsson er einnig
kominn í þann hóp eftir sigur gegn
Ingvari Jóhannessyni í skák þar
sem allt var lagt undir og rúmlega
það, en Friðrik átti síðasta orðið og
mátaði Ingvar í 40. leik.
1.-2. Ivan Sokolov, Hannes Hlífar
Stefánsson 5½ v.
3.-5. Peter Heine Nielsen, Jan H.
Timman, Jonny Hector 5 v.
6.-12. Jaan Ehlvest, Murray G.
Chandler, Lars Schandorff, Jón
Viktor Gunnarsson, Helgi Ólafsson,
Leif Erlend Johannessen, Friðrik
Ólafsson 4½ v.
13.-15. Arnar Gunnarsson, Henrik
Danielsen, Björn Þorfinnsson 4 v.
16.-26. Tomi Nyback, Ingvar Þór
Jóhannesson, Þröstur Þórhallsson,
Stefán Kristjánsson, Ingvar Ás-
mundsson, Magnús Örn Úlfarsson,
Róbert Harðarson, Páll A. Þórarins-
son, Bragi Þorfinnsson, Tómas
Björnsson, Björn Þorsteinsson 3½ v.
o.s.frv.
Teflt er í ráðhúsi Reykjavíkur.
Áhorfendur eru velkomnir. Teflt er
daglega og umferðir hefjast klukkan
17, fyrir utan lokaumferðina 2. nóv-
ember sem hefst klukkan 13.
Hannes sigraði
Ehlvest og náði Sokolov
SKÁK
R á ð h ú s
R e y k j a v í k u r
MINNINGARMÓT UM
JÓHANN ÞÓRI JÓNSSON
23.10.–1.11. 2001
Daði Örn Jónsson
Hannes Hlífar Stefánsson
Sjöunda umferð
1 Jan H. Timman - Ivan Sokolov ½-½
2 Jaan Ehlvest - Hannes H. Stefánsson 0-1
3 Jonny Hector - Lars Schandorff ½-½
4 Henrik Danielsen - Peter Heine Nielsen 0-1
5 Leif E. Johanness. - Murray G. Chandler ½-½
6 Helgi Ólafsson - Tomi Nyback 1-0
7 Friðrik Ólafss.- Ingvar Þór Jóhanness. 1-0
8 Þröstur Þórhallss. - Jón Viktor Gunnarss. 0-1
9 Stefán Kristjánsson - Arnar Gunnarsson ½-½
10 Ingvar Ásmundsson - Bragi Þorfinnsson ½-½
11 Róbert Harðarson - Páll A. Þórarinsson ½-½
12 Björn Þorfinnsson - Dagur Arngrímsson 1-0
13 Lenka Ptacnikova - Björn Þorsteinsson 0-1
14 Halldór Halldórss. - Guðmundur Gíslas. ½-½
15 Magnús Ö. Úlfarss. - Guðm. Pálmas. 1-0
16 Davíð Kjartansson - Askell Ö. Kárason ½-½
17 Guðm. Kjartanss. - Tómas Björnss. 0-1
18 Sævar Bjarnason - Jon Árni Halldórsson 0-1
19 Sigurður P. Steind. - Olavur Simons. 1-0
20 Gylfi Þórhallss. - Guðjón H. Valgarðss. 1-0
21 Hrannar Baldurss. - Kristján Eðvarðss. 0-1