Morgunblaðið - 01.11.2001, Blaðsíða 62

62 FIMMTUDAGUR 1. NÓVEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í MORGUNBLAÐINU 19. septem-
ber sl. svaraði samgönguráðherra
gagnrýni leigubílstjóra á frumvarp
hans um leigubíla. Ráðherra segir að
um sé að ræða
nokkra bílstjóra
sem geti ekki farið
eftir núgildandi
lögum eða reglum.
Þetta er rangt hjá
samgönguráð-
herra. Þeir sem
eru á móti frum-
varpinu koma úr
öllum félögunum.
80% bílstjóra eru
á móti þessu frumvarpi.Það getur
ekki talist „nokkrir bílstjórar“. Bíl-
stjórar vilja hafa þetta í því formi sem
það er í dag, en með þeirri breytingu
að ráðherra sjálfur fari eftir lögunum
eins og þau eru í dag og að bílstjórar
úr öllum félögum starfi í umsjónar-
nefnd leigubíla sem geta mótað allar
þarfir bílstjóra. Í frumvarpinu gerir
ráðherra ráð fyrir að bílstjórar eigi
allt að 35% í bílum sínum. Þetta stenst
ekki stjórnsýslulög. Af hverju mega
bílstjórar ekki vera í hefðbundnu við-
skiptaumhverfi eins og aðrir í þessu
landi á meðan fjármögnunarfyrirtæk-
in lána til þessarar starfsemi? Maður
skilur ekki afstöðu ráðherra að halda
þessu til streitu. Þetta er allt frá
Frama komið. Samgönguráðherra
virðist ekki geta gert sér grein fyrir
að lög Frama eru lög ráðuneytis í dag.
Samgönguráðuneytið hefur ekki
komið með nein lög eða reglur sem
taka á allri starfsemi bílstjóra eða fé-
laga. Lögum um leigubíla var breytt
árið 1999 og var nafnið Frami tekið út
og sett orðið félög í staðinn. Lög
Frama eru því lög Samgönguráðu-
neytisins. Samgönguráðherra hefur
ekki gefið bílstjórum, né nýju félög-
unum tækifæri á að koma með neinar
breytingar eða taka þátt í að móta
stefnu í þessum málum. Bílstjórar
sem sögðu sig úr Frama og stofnuðu
þessi nýju félög eru ekki sáttir við að
starfa undur lögum Frama. Ráðherra
hefur ekki gefið nýjum félögum neinn
kost á að starfa undir öðrum lýðræð-
islegum lögum sem öll þrjú félögin
gætu sætt sig við og ráðuneytið. Af-
staða ráðherra er óskiljanleg og ekki í
neinu samræmi við stefnu ríkisstjórn-
ar né stefnu sjálfstæðismanna í þess-
um málum. Ráðherra ásamt Frama
virðist ætla að slá tvær flugur í einu
höggi og starfa í andstöðu við þessa
bílstjóra, félög á höfuðborgarsvæðinu
og stefnu ríkisstjórnar.
Bílstjórar í Frama eru að átta sig
betur á að stjórn Frama starfar ekki
fyrir bílstjóra enda eru fleiri bílstjór-
ar í Frama að segja sig úr Frama
enda er helmingur stjórnar Frama
ekki nema í hálfu starfi sem leigubíl-
stjórar í dag. Þeir eru að sinna öðrum
störfum. Ráðherra sakar bílstjóra í
þessum nýju félögum um að fara ekki
eftir lögum. Ég held að ráðherra eigi
að líta í eigin barm því að hann hefur
ekki sjálfur virt lögin um leigubíla eða
virt skoðanir bílstjóra né ábendingar
nýju félaganna á hlutlausan hátt, sem
stjórnsýsluaðili eins og lög og reglur
gera ráð fyrir. Ráðherra hundsar
lagalegan rétt félaganna á samstarfi í
umsjónarnefnd fólksbifreiða, hefur
alltaf neitað þeim um, sem skekkir
samkeppnisstöðu félaganna sem er í
andstöðu samkeppnislaga. Hvað á að
gera þegar sjálfur löggjafinn bregst?
Það er ekki nema ein leið að mínu
mati. Það er að þingmenn taki fram
fyrir hendur á ráðherra og komi með
breytingartillögur í þá veru að bíl-
stjórar sitji allir við sama borð og séu í
sama viðskiptaumhverfi og aðrir í
þjóðfélaginu.
JÓN STEFÁNSSON,
leigubílstjóri.
Afstaða samgöngu-
ráðherra óskiljanleg
Frá Jóni Stefánssyni:
Jón Stefánsson
SAMKEPPNI í bílasölu hefur verið
hörð hérlendis undanfarin ár. Bíla-
umboðin keppa sín á milli um að
bjóða bestu tilboðin og er það vel.
Hinsvegar er annað sem kemur ekki
alltaf fram og það er útbúnaður bif-
reiðanna. Ég kannaði sérstaklega
Ford Focus og þar kemur ýmislegt
fram sem kemur ekki heim og saman
við það sem umboðið hérlendis hefur
haldið fram. Ford Focus er bíll sem
fékk mörg verðlaun á sínum tíma og
var vel að þeim kominn. Útgáfa Foc-
us sem þekktust er í Evrópu er fimm
dyra bíll með fjórum öryggispúðum
og diskahemlum á öllum hjólum með
ABS/EBD. Hérlendis hefur hinsveg-
ar verið boðið upp á bílinn með
tveimur loftpúðum og skálabrems-
um að aftan sem er allt önnur útgáfa
heldur en fór í gegnum virt árekstr-
arpróf á sínum tíma. Ástæðan er sú
að bifreiðin er framleidd á Spáni og
er því ódýrari í innkaupum heldur en
þýska útgáfan sem er með meiri ör-
yggisbúnaði og betur smíðuð að
mínu mati heldur en sú spænska.
Umboðið hérlendis ber því við að
annað bjóðist ekki hér. Þetta þykir
mér miður og ekki síst þegar horft er
á verðlagningu bílsins. Margir muna
eftir muninum á þýskum og enskum
Ford á sínum tíma, sá þýski reyndist
betur í alla staði og ég tel það líka nú
að þýski bíllinn sé örugglega betur
útbúinn en sá spænski og væntan-
lega líka betur úr garði gerður. Ég
skora því á bifreiðaumboðin að bjóða
okkur neytendum það besta sem
boðið er upp á, þannig að öryggi og
gæði séu tryggð öllum til hagsbóta.
SIGURÐUR B. STEFÁNSSON
Hjallabrekku 43, Kópavogi.
Bifreiðaumboðin
og neytendur
Frá Sigurði B. Stefánssyni: