Morgunblaðið - 01.11.2001, Qupperneq 69

FÓLK Í FRÉTTUM
MORGUNBLAÐIÐ FIMMTUDAGUR 1. NÓVEMBER 2001 69
Kynning í Lyfju, Smáralind, fimmtudaginn 1. nóvember og
föstudaginn 2. nóvember kl. 15-19. Boðið er upp á förðun.
Flottur kaupauki ef keyptir eru tveir hlutir í Le Clerc.
Le Clerc förðunarvörurnar eru einstakar hvað efnisinnihald varðar,
en það er einkum hrísgrjónasterkja og hrísgrjónapúður.
Le Clerc, franskar förðunarvörur
SMALADRENGIRNIR hafa nú
verið hlaupandi um holt og hæðir
raddbandanna í á þriðja ár. Upphaf
sveitarinnar má rekja allt aftur til
ársins 1997 en í núverandi mynd hef-
ur hún verið starfandi síðan vorið
1998.
Smalarnir eru annars þeir Bragi
Þór Valsson, Hugi Þórðarson, Óskar
Þór Þráinsson og Daníel Brandur
Sigurgeirsson og sjá þeir um fjór-
radda söng og margs konar hljóð-
færaleik. Til spjalls voru mættir allir
nema Bragi sem var vant við látinn
vegna anna á erlendri grundu.
Í upphafi töldu Smaladrengirnir
sex manns en með fækkun í fjóra var
tekið til við að fínpússa hljóm og
slíkt. Flokkurinn hefur verið þokka-
lega iðinn við að troða upp og hefur
komið fram í sjónvarpi, brúðkaup-
um, á veitingastöðum og hinum
ýmsu hátíðum.
Árið 1999 tóku drengirnir þátt í
Músíktilraunum þar sem frammi-
stöðu þeirra í þessu blaði hér var lýst
á svofelldan hátt: „Þeir piltar hefðu
sómt sér betur sem skemmtiatriði á
Íslandsmótinu í félagsvist.“ Þessa
umsögn eru þeir piltar harla ánægð-
ir með enda segja þeir drauminn
alltaf hafa verið að fá að leika á slík-
um mótum.
Fínt aukastarf
Það er glatt á hjalla í Gula sóf-
anum. Eins og Smaladrengjum er
bent á í kerksni margborgar það sig,
tímalega séð, að fá einn fulltrúa frá
hljómsveit í viðtal fremur að fá hana
margliðaða. Enda byrjar viðtalið
hægt, þar sem hver talar ofan í ann-
an og menn ekki á eitt sáttir um sögu
og tildrög sveitarinnar.
„Upphaflega verkefnið hjá okkur,
þ.e. hjá þessari endanlegu mynd
sveitarinnar var að syngja í Galta-
læk,“ tjáir Daníel mér. „Og síðan
höfum við tekið að okkur að syngja á
ýmsum stöðum, aðallega á árshátíð-
um, brúðkaupum og afmælum og
svoleiðis.“
Enn sem komið er sinna þeir pilt-
ar Smaladrengjunum með öðrum
störfum.
„Þetta er fínt aukastarf,“ segir
Daníel, sem hefur svona mestmegnis
orð fyrir þeim félögum.
Hugi útskýrir að starfsemin sé
tarnabundin, það komi jólatörn og
árshátíðartörn o.s.frv. Hann bætir
því svo við að eitt af aðalsmerkjum
sveitarinnar væri nú að reyna að
vera sniðugir og skemmtilegir.
„Við höfum nú viljað halda því
fram að við værum músíkantar,“
segir Daníel. „En eftir útgáfutón-
leikana okkar síðasta föstudag var
mál manna að við værum frekar
grínistar en hitt.“
„Ef við reynum að vera alvarlegir
þá er bara hlegið að okkur,“ skýtur
Óskar inn í.
Það verður fátt um svör þegar fé-
lagarnir eru spurðir út í fyrirmyndir.
Þeir segja – og það réttilega – að
sveitin sé það fjölhæf, snerti á poppi,
þjóðlagatónlist og öllu þar á milli.
„Við höfum auðvitað hlustað á King’s
Singers, þar sem við komum að
svona rakarakvartettsöngvum,“ seg-
ir Daníel. Að öðru leyti segja þeir að
áhrifin komi alls staðar að.
„Ætli mætti ekki bara segja að við
tökum fyrirmynd frá Victor Borge,“
segir Hugi. „Að sameina skemmtun
og hljómlist.“
Gleðin ræður ríkjum
Þeir félagar segja að vinna við
plötuna hafi staðið lengi yfir og
fyrstu lögin hafi verið tekin upp
1998. Svo hafi verið gripið í hljóðrit-
anir þegar færi hafi gefist undanfar-
in ár.
„Í sumar sáum við svo fram á það
að Bragi yrði á landinu í einhvern
tíma,“ upplýsir Daníel. „Þá fannst
okkur vera komið tækifæri til að
reka smiðshöggið á plötu.“
Óskar segir að nú geti þeir sýnt
fram á að þeir hafi gert eitthvað.
„Nú stendur eitthvað eftir okkur,“
eins og hann orðar það. Þess má til
gamans geta að á meðal gesta á plöt-
unni eru Árni Johnsen, séra Pálmi
Matthíasson og Óli Þórðar.
Daníel segir plötuna bæði hugsaða
sem minnisvarða og svo kynningar-
efni. „Við höfum sungið fyrir fleiri
þúsund manns í gegnum árin,“ segir
Hugi og sammælumst við um að það
sé þjóðráð að hafa hljómdiska með í
för til að svala áhugasömum.
Um diskinn segir Daníel að lok-
um:
„Það er engin heildarhugsun á bak
við diskinn. Eina hugmyndin er að
gleðin ráði ríkjum. Það er engin ráð-
andi tónlistarstefna né neitt slíkt.“
Strákapör eru fáanleg í hljóm-
plötuverslunum og öðrum þeim stöð-
um sem hafa með sölu á tónlist að
gera.
Gáskafullt
gaman
Söngflokkurinn Smaladrengirnir er búinn
að veita lífsfjöri sínu inn á hljómdisk. Arnar
Eggert Thoroddsen rabbaði við þrjá Smala.
Smaladrengirnir í einkennisklæðnaði: F.v. Bragi, Hugi, Óskar og Daníel.
arnart@mbl.is
Smaladrengirnir gera Strákapör