Morgunblaðið - 01.11.2001, Blaðsíða 15

AKUREYRI
MORGUNBLAÐIÐ FIMMTUDAGUR 1. NÓVEMBER 2001 15
Nú býðst þér ótrúlegt tækifæri til þessarar heill-
andi borgar. Þú bókar tvö sæti til Prag, en greiðir
bara fyrir eitt, og kemst til einnar fegurstu borgar Evrópu á frábærum kjörum.
Allar ferðir í október eru nú uppseldar og þér bjóðast nú síðustu sætin þann 5.
nóvember á einstökum kjörum. Hjá Heimsferðum getur þú valið um gott úrval
3ja og 4 stjörnu hótela og fararstjórar Heimsferða bjóða þér spennandi kynnis-
ferðir meðan á dvölinni stendur.
Verð kr. 16.850
Flugsæti á mann, m.v. 2 fyrir 1.
33.700/2 = 16.850
Skattar kr. 3.350, ekki innifaldir.
Gildir eingöngu 5. nóv., 3 nætur.
Ferðir til og frá flugvelli kr. 1.800.
Forfallagjald, kr. 1.800.
Aðeins 28 sæti
2 fyrir 1 til
Prag
5. nóvember
frá kr. 16.850
Skógarhlíð 18, sími 595 1000. www.heimsferdir.is
Verð hótela:
Verð á mann
Hotel Korunek – 3 stjörnur,
kr. 3.890 nóttin
í tveggja manna herbergi.
Expo – 4 stjörnur,
kr. 4.900 nóttin
í tveggja manna herbergi.
Á FJÓRÐA hundrað keppenda,
nemendur og starfsfólk, tók þátt í
hinu árlega Brunnárhlaupi, sem er
hlaupa-, skokk- og göngukeppni
milli framhaldsskólanna VMA og
MA. VMA hafði betur í fjölda kepp-
enda, enda mun fleiri nemendur þar
en í MA. Rúmlega 200 keppendur
mættu til leiks frá VMA og um eitt
hundrað MA-ingar. Sigurvegar-
arnir í karla- og kvennaflokki komu
aftur á móti frá MA, þau Sigurður
Bjarklind kennari og Jóhanna
Hauksdóttir nemandi.
Aðstæður voru frekar leiðinlegar,
snjóbylur og frekar kalt í veðri, en
þátttakendur létu það ekki á sig fá.
Morgunblaðið/Kristján
Það var létt yfir keppendum í Brunnárhlaupinu þrátt fyrir frekar leiðinlegt veður.
Tvöfaldur
sigur MA
Árlegt Brunnárhlaup Verkmennta- og Menntaskólans
KAÞÓLSKA KIRKJAN: Allra heil-
agra messa kl. 18 í dag, fimmtudag-
inn 1. nóvember, í Péturskirkju við
Hrafnagilsstræti 2 á Akureyri.
Kirkjustarf
DR. HJALTI Hugason flytur erindi
í Safnaðarheimili Akureyrarkirkju
í kvöld, fimmtudagskvöldið 1. nóv-
ember, kl. 20.30. Erindið fjallar um
lýðræðið í kirkjunni og mun Hjalti
m.a. koma inn á spurninguna um
hvort aðskilnaður ríkis og kirkju sé
tímabær. Eyjafjarðarprófastsdæmi
efnir til fundarins.
Lýðræði
í kirkjunni
UNDIRSKRIFTALISTAR með
nöfnun 475 foreldra voru afhentir
bæjarstjóranum á Akureyri í vikunni,
þar sem mótmælt er hækkunum á
leikskólagjöldum, bæði þeirri sem
varð 1. júlí sl. og fyrirhugaðri hækkun
þann 1. janúar nk. Foreldrar leik-
skólabarna fara jafnframt fram á að
bæjaryfirvöld endurskoði ákvarðanir
sínar varðandi hækkanir á leikskóla-
gjöldum og vænta viðbragða fyrir 15.
nóvember nk.
Foreldrarnir benda á að breytingar
á gjaldskrá hafi verið frá því að vera
lækkun upp á rúm 16% upp, í 30%
hækkun. Þá sé fyrirhuguð 8% hækk-
un í viðbót og því sé mesta hækkunin
upp undir 38%.
Foreldrarnir segja það vissulega
jákvætt að gjöldin lækki í einhverjum
tilvikum en benda á að lækkunin eigi
eingöngu við 4 og 4,5 klst vistun fyrir
einstæða foreldra eða þar sem báðir
foreldrarnir séu í námi og að ekki séu
margir sem geti nýtt sér þennan
flokk. Foreldrar leikskólabarna gera
sér fulla grein fyrir því að kostnaður
við rekstur leikskóla sé mikill og ein-
hverjar hækkanir því nauðsynlegar
en telja þá hækkun sem varð 1. janúar
sl. nægilega. Frekari hækkanir en
þar komi fram séu ekki í nokkru sam-
ræmi við launaþróun í landinu. Leik-
skólagjöld séu mjög stór þáttur í út-
gjöldum barnafjölskyldna og því
raski svona hækkanir fjárhagsramma
heimilanna verulega.
Þá vilja foreldrarnir vekja athygli á
því að þessar hækkanir séu ekki til
þess fallnar að laða barnafjölskyldur
til bæjarins eins og sé þó markmið
bæjaryfirvalda. Fjórar hækkanir á
því kjörtímabili sem er á senn á enda,
þar af þrjár á einu ári, séu ekki til
þess fallnar að freista ungs fólks með
börn til þess að setjast að í bænum.
Mótmæla
hækkun leik-
skólagjalda
HAFDÍS Finnbogadóttir frá Náms-
gagnastofnun kynnir námsvefinn
Lífsferlar í náttúrunni og notkun
hans í kennslu í dag, fimmtudaginn
1. nóvember.
Fyrirlesturinn verður fluttur í
Háskólanum á Akureyri/Sólborg,
stofu L-203, kl 16:00 18:00. Lífs-
ferlar í náttúrunni er gagnvirkt
námsefni í náttúrufræðum sem
einkum er ætlað 1. – 4. bekk grunn-
skóla. Í námsefninu læra nemendur
að þekkja nokkrar tegundir lífvera
og kynnast ólíkum lífsferlum þeirra
á gagnvirkan og skemmtilegan
hátt.
Lífsferlar í
náttúrunni
STÓRVIRKAR vinnuvélar eru fyrir-
ferðarmiklar á knattspyrnuvöllum
Þórs við Skarðshlíð þessa dagana en
þar standa nú yfir gríðarlega um-
fangsmiklar jarðvegsframkvæmdir í
tengslum við byggingu fjölnota
íþróttahússins á svæðinu. Jarðvegs-
framkvæmdir hófust strax eftir að
Kristján Þór Júlíusson bæjarstjóri
tók fyrstu skóflustunguna að húsinu á
dögunum og hefur íþróttasvæðið tekið
miklum breytingum síðustu daga.
Stórir og öflugir vörubílar, þ.e. tíu
dráttarbílar með malarvagna og þrjár
svokallaðar Búkollur, eru notaðir við
efnisflutningana en bæði er verið að
keyra mold úr byggingarstæðinu og
möl á staðinn. Alls þarf að keyra 25-30
þúsund rúmmetra af mold í burtu og
20-22 þúsund rúmmetra af möl á
svæðið. Moldin er þó aðeins færð til
innan svæðisins þar sem malarvöllur
Þórs og svæði sunnan hans verða
hækkuð upp og tyrfð. Fyrirtækið GV
gröfur ehf. á Akureyri er undirverk-
taki Íslenskra aðalverktaka hf. við
jarðvegsframkvæmdirnir og vegna
umfangs verksins hefur fyrirtækið
fengið til liðs við sig vörubíla allt frá
Raufarhöfn og vestur til Sauðár-
króks. Eftir að jarðvegsvinnu lýkur
nú í haust verður gert hlé á fram-
kvæmdum þar til næsta vor en þá
verður hafist handa við uppsteypu
hússins, sem á að verða tilbúið til
notkunar í desember á næsta ári.
Ekki þarf að fjölyrða um hversu mikil
bylting nýja fjölnotahúsið verður fyrir
þá sem stunda knattspyrnu og frjáls-
ar íþróttir í bænum. Aftur á móti mun
verða þröngt um knattspyrnumenn
Þórs á svæðinu á meðan þessar miklu
framkvæmdir standa yfir.
Morgunblaðið/Kristján
Gríðarlegar jarðvegsframkvæmdir standa nú yfir á félagssvæði Þórs
við Skarðshlíð, í tengslum við byggingu fjölnota íþróttahússins, og eru
notaðar stórvirkar vinnuvélar til verksins.
Stórvirkar vinnuvélar
á knattspyrnuvöllunum
SIGMUNDUR Einar Ófeigsson
framkvæmdastjóri Matbæjar ehf.
hefur verið ráðinn framkvæmda-
stjóri Norðlenska ehf. Hjá félaginu
verða starfandi tveir framkvæmda-
stjórar, en fyrir er starfandi Jón
Helgi Björnsson. Á næstu vikum er
fyrirhugað að skipta félaginu í tvö
meginsvið, þ.e. svið er lýtur að
vinnslu og annað er lýtur að slátrun.
Ákveðið hefur verið að Sigmundur
muni sinna framkvæmdastjórn á
sviði vinnslu en Jón Helgi á sviði
slátrunar.
Norðlenska ehf. varð til við sam-
runa Kjötiðju K.Þ. og Kjötiðnaðar-
stöðvar KEA á miðju ári 2000. Í
ársbyrjun sameinaðist Nýja Bauta-
búrið hf. félaginu auk þess sem
Norðlenska keypti kjötvinnslur
Kjötumboðsins hf. (áður Goði hf.) í
júlíbyrjun. Umfang félagsins hefur
vaxið mikið frá stofnun þess og er
áætluð ársvelta félagsins tæpir 3
milljarðar króna.
Félagið starfrækir fjórar kjöt-
vinnslur á Húsavík, Akureyri, Borg-
arnesi og í Reykjavík auk þess að
reka sláturhús á Húsavík, á Akur-
eyri og í Borgarnesi. Á þriðja
hundrað stöðugildi eru hjá Norð-
lenska.
Sigmundur hefur verið fram-
kvæmdastjóri Matbæjar frá stofnun
þess og þar áður framkvæmdastjóri
verslunarsviðs KEA. Sigmundur er
iðnrekstrarfræðingur frá Háskólan-
um á Akureyri. Hann er kvæntur
Önnu Lilju Stefánsdóttur og eiga
þau einn son, Stefán Einar.
Sigmundur
E. Ófeigs-
son til
Norðlenska
Morgunblaðið/Þorkell
Guðjón Stefánsson og Sigmundur
E. Ófeigsson verða framkvæmda-
stjórar hins sameinaða félags.
Ungbarnafatnaður
Komdu í bæinn og skoðaðu úrvalið og
verðið. Allt fyrir mömmu.
Þumalína, Pósthússtr. 13, s. 551 2136.
FRÉTTIR
mbl.is