Morgunblaðið - 23.11.2001, Page 16

HÖFUÐBORGARSVÆÐIÐ
16 FÖSTUDAGUR 23. NÓVEMBER 2001 MORGUNBLAÐIÐ
FRAMKVÆMDA- og
hagsmunafélag miðbæjar
Garðabæjar hefur farið
fram á að Garðabær taki
þátt í kostnaði við rekstur
og endurnýjun Garðatorgs.
Félagið telur að torgið fari
halloka í harðnandi sam-
keppni um viðskiptavini.
Í bréfi sem stjórn félags-
ins hefur skrifað til bæjar-
stjórnar segir að það sé
„verulegt áhyggjuefni, að í
harðnandi samkeppni á
borð við hinn glæsilega
verslunarkjarna Smáralind
í Kópavogi, auk annarra
verslunarmiðstöðva í næstu
nágrannabyggðum, teljum
við að Garðatorg fari hall-
oka í að laða viðskiptavini
að miðbæ Garðabæjar“.
Í bréfinu segir að ástand
og útlit Garðatorgs sé í dag
óviðunandi og að þörf sé á
að fara í framkvæmdir, m.a.
á gólfi, útihurðum, lýsingu
o.fl., til að koma torginu í
viðunandi ástand. „Telur
stjórnin að slíkar fram-
kvæmdir hafi úrslitaáhrif
varðandi framtíð verslunar
og þjónustu í miðbæ Garða-
bæjar,“ segir í bréfinu.
Kemur fram að áætlaður
heildarkostnaður við fram-
kvæmdirnar sé 17,5 millj-
ónir króna.
Reksturinn íþyngjandi
Í bréfinu segir ennfrem-
ur að rekstur Garðatorgs
undanfarin ár hafi verið
verulega íþyngjandi fyrir
félagið. Það hafi haldið uppi
miðbæjarstarfsemi á
Garðatorgi sem annars
staðar væri að miklum
hluta rekin af viðkomandi
sveitarfélagi.
Er farið fram á að Garða-
bær taki þátt í endurnýjun
og rekstri Garðatorgs með
því að leggja til lágmarks-
þrif og sorplosun á torginu,
sem myndi kosta allt að 215
þúsund krónur mánaðar-
lega, og að bærinn sjái um
öryggisgæslu, sem gæti
kostað allt að 50 þúsund
krónur mánaðarlega. Eins
er farið fram á að bærinn
borgi kostnað við endurnýj-
un á hellum og hitalögnum
og er áætlaður kostnaður
við það allt að 8,1 milljón á
næsta ári. Loks er óskað
eftir aðstoð við að breyta
eignaskiptasamningum
vegna torgsins og að bær-
inn gefi bindandi yfirlýs-
ingu um þátttöku í rekstr-
arkostnaði þess. Kostnaður
vegna þessa er sagður geta
orðið 3 milljónir á árinu
2002 og allt að 2,5 milljónir
árlega eftir það.
Efasemdir um aðkomu
bæjarins að rekstrinum
Ásdís Halla Bragadóttir
bæjarstjóri segir Garðabæ
hafa í gegn um tíðina átt
samstarf við verslunareig-
endur og aðra sem séu með
rekstur við Garðatorg og
komið að uppbyggingu
torgsins með margvíslegu
móti. „Núna erum við að
skoða með hvaða hætti
megi efla miðbæ Garða-
bæjar og þá má sérstaklega
nefna að við höfum ákveðið
að fara í samkeppni um
skipulag miðbæjarins. Við
erum í viðræðum þessa
dagana um hvað er hægt að
gera en það eru margir ólík-
ir aðilar sem koma að
rekstri hér og margs konar
ólíkir hagsmunir. Það er
ekki alltaf svo að hagsmun-
ir þessara aðila fari saman.“
Þegar hún er spurð að því
hvort til greina komi að
bæjarfélagið fallist á óskir
Framkvæmda- og hags-
munafélags miðbæjar
Garðabæjar segir Ásdís:
„Það hafa lengi verið uppi
efasemdir um að Garðabær
eigi að koma að rekstri
torgsins með einhverjum
hætti. Í gegn um tíðina hef-
ur það frekar verið þannig
að Garðabær komi að af-
mörkuðum verkefnum, end-
urbótum eða uppbygg-
ingu.“
Hún segir það verða að
koma í ljós í samtölum við
félagið á næstu vikum hver
lendingin verður en ekki sé
hægt að segja til um hve-
nær slíkrar niðurstöðu er
að vænta.
Hagsmunaaðilar óska eftir aðkomu bæjarfélagsins
að rekstri og endurbótum á Garðatorgi
Fer halloka í samkeppn-
inni um viðskiptavini
Garðabær
HELGI Pétursson, formaður
samgöngunefndar Reykjavík-
urborgar, hefur verulegar
efasemdir um opnun Hafnar-
strætis og segir að með því
verði umferð hleypt á helstu
biðstöð strætisvagna í mið-
bænum. Hann sér ekki hvern-
ig hægt verður að tryggja ör-
yggi strætisvagnafarþega á
biðstöðinni verði gatan opnuð.
Í gær greindi Morgunblað-
ið frá samþykkt skipulags- og
bygginganefndar Reykjavík-
ur um að opna aftur fyrir um-
ferð um Hafnarstræti. Helgi
segist hafa verulegar efa-
semdir um ágæti þessarar til-
lögu. „Að mínu viti var nógu
arfavitlaust þegar þessu var
lokað en að ætla að opna þetta
núna eftir öll þessi ár er
ennþá vitlausara. Þarna hefur
orðið til mjög þýðingarmikil
samgöngumiðstöð og skipti-
stöð fyrir strætó sem hefur
verið endurnýjuð með ærnum
tilkostnaði. Í ljósi yfirlýsinga
minnihluta og meirihluta um
eflingu almenningssam-
gangna og forgang þeirra í
umferðinni kemur það nú úr
hörðustu átt að ætla sér að
hleypa bílaumferð í gegnum
helstu biðstöð strætó í mið-
bænum.“
Hann segist ekki sjá hvaða
forsendur hafi breyst síðan
götunni var lokað á sínum
tíma. „Þarna er biðstofa inni
og biðstöð við húsið og farþeg-
ar ganga þarna yfir út að
vögnunum sem standa þarna
á planinu við. Ég get ekki séð
hvernig í veröldinni á að
tryggja öryggi farþega strætó
með akandi umferð þarna í
gegn.“
Að hans mati hefði einnig
átt að huga að því að fyrirhug-
að er að reisa tónlistar- og
ráðstefnuhús á svæðinu þar
sem líklegt er að þessi mál
yrðu til endurskoðunar.
Tillagan kemur, að sögn
Helga, til umfjöllunar sam-
göngunefndar áður en hún
verður afgreidd í borgarráði.
Umferð hleypt
í gegnum mikil-
vægustu biðstöð
strætisvagna
Miðborg
Formaður samgöngunefndar
um opnun Hafnarstrætis
FJÖLDI gesta lagði leið
sína í Salaskóla í gær þegar
opnunarhátíð skólans fór
fram en skólinn tók til
starfa í haust. Jafnframt
var tekin fyrsta skóflu-
stungan að næsta áfanga
skólans.
Í vetur eru 80 nemendur í
skólanum í 1.–4. bekk en
næsta skólaár bætast við
þrír árgangar, þ.e. 5.–7.
bekkur. Í gærmorgun
skemmtu nemendur skólans
gestum og gangandi en á
milli uppákomna gafst fólki
kostur á að skoða húsnæðið
og kynna sér starfsemina.
Klukkan þrjú var svo form-
leg opnun skólans með at-
höfn fyrir boðsgesti og var
þá einnig tekin fyrsta
skóflustungan að næsta
áfanga skólahússins.
Í fréttatilkynningu frá
skólanum segir að áhersla
sé lögð á að sinna hverjum
nemanda eins og best verð-
ur á kosið og í því skyni sé
t.d. kennt í árgangablönd-
uðum hópum. Skólinn legg-
ur áherslu á umhverfismál
og gott samstarf við for-
eldra m.a. með þátttöku
þeirra í að móta stefnu
skólans og með öflugri
heimasíðu. Þeir sem hafa
áhuga á að kynna sér starf-
semi skólans nánar geta því
farið inn á slóðina
www.salaskoli.kopavogur.is.
Krakka-
fjöld í
Salaskóla
Kópavogur
Þessir ungu listamenn voru meðal þeirra sem skemmtu
gestum og gangandi á opnunarhátíðinni í gær.
Morgunblaðið/Þorkell
Það var mikil stemmning meðal nemendanna í Salaskóla í gær þegar skólinn var opnaður.
MAGNÚS Gunnarsson, bæj-
arstjóri Hafnarfjarðar, segir
að brugðist hafi verið við hús-
næðisvanda Víðistaðaskóla
með auknum fjárframlögum á
næsta ári. Hann segir m.a.
ráðgert að skipta um gólf
íþróttahússins og laga lóð
yngri bekkja.
Foreldrafélag Víðistaða-
skóla hefur ítrekað kvartað
undan slæmu ástandi húsnæð-
is og lóðar skólans og í gær
greindi Morgunblaðið frá
ályktun félagsins vegna máls-
ins. Að sögn Magnúsar hafa
verið ærin verkefni undanfar-
in ár við að einsetja grunn-
skóla Hafnarfjarðar en enginn
þeirra var einsetinn í upphafi
kjörtímabilsins. „Sannarlega
er ástand húsnæðis Víðistaða-
skóla ekki gott en við erum þó
búnir að leggja um 100 millj-
ónir á þessu tímabili, frá 1998
og til og með næsta ári, í skól-
ann. Til dæmis er í fjárhags-
áætlun ráðgert að verja 25
milljónum á næsta ári til skól-
ans en í rammafjárhagsáætlun
til fimm ára var einungis gert
ráð fyrir 5 milljónum á næsta
ári þannig að við bættum þar
í.“
Hönnun hefjist 2003
Hann segir að undanfarið
hafi aðbúnaður í skólanum
verið bættur að ýmsu leyti.
„Við höfum verið að taka á
ýmsum þáttum varðandi
tölvubúnað skólans og farið í
gegn um brunaöryggismál.
Það stendur til að skipta um
gólf íþróttahússins og laga lóð
yngri bekkja og ljúka frágangi
við heilsdagsskólann. Við höf-
um varið fjórum milljónum í
tölvutengingar, átta milljónum
vegna lausra kennslustofa og
þetta er á sama tíma og ljóst er
að þessi skóli verður ekki ein-
setinn fyrr en árið 2004.“
Hann segir að hönnun skól-
ans hefjist væntanlega árið
2003 þó að rammafjárhags-
áætlun geri ráð fyrir því ári
síðar. „Ég á frekar vona á því
að við reynum, ef eitthvert
færi gefst, að hefja hönnun
fyrr,“ segir Magnús.
Bæjarstjóri um fjárveitingar vegna
húsnæðismála Víðistaðaskóla
Tuttugu milljónir
aukalega á næsta ári
Morgunblaðið/Kristinn
Bæjarstjóri segir ráðgert að lagfæra lóð yngri bekkja Víðistaðaskóla en foreldrar barna
þar hafa kvartað undan aðstöðunni í skólanum.
Hafnarfjörður