Morgunblaðið - 23.11.2001, Page 31
LISTIR/KVIKMYNDIR
MORGUNBLAÐIÐ FÖSTUDAGUR 23. NÓVEMBER 2001 31
FULLTRÚARÁÐ SJÁLFSTÆÐISFÉLAGANNA
Í KÓPAVOGI
Fulltrúaráð Sjálfstæðisfélaganna í Kópavogi auglýsir eftir framboðum
til prófkjörs vegna bæjarstjórnarkosninganna í maí 2002.
Prófkjörið vegna bæjarstjórnarkosninganna 2002 fer fram hinn 9. feb. nk.
Væntanlegir frambjóðendur skulu skila framboðum sínum til formanns
Fulltrúaráðsins og formanns kjörnefndar, Halldórs Jónssonar, Hvann-
hólma 30, eða í síðasta lagi til kjörnefndarfundar fyrir klukkan 12 á hádegi
hinn 31. desember nk. í Hamraborg 1, 3. hæð.
Val frambjóðenda fer fram með tvennum hætti:
a. Gerð er tillaga til kjörnefndar innan ákveðins framboðsfrests. Tillagan
er því aðeins gild að hún sé bundin við einn flokksmann. Tillagan skal
studd af 20 flokksmönnum.
b. Kjörnefnd Fulltrúaráðsins er heimilt að tilnefna prófkjörsframbjóðendur
til viðbótar frambjóðendum skv. a-lið hér að framan.
Kjörnefnd auglýsir hér með eftir frambjóðendum til prófkjörs skv. a-lið
hér að framan. Framboð skal bundið við flokksbundinn einstakling í
Kópavogi enda liggi fyrir skriflegt samþykki hans um að hann gefi kost á
sér til prófkjörs. Frambjóðendur skulu vera kjörgengir í næstu bæjar-
stjórnarkosningum. Hver tillaga skal borin fram skriflega af 20 flokks-
mönnum í Kópavogi. Enginn flokksmaður getur staðið að fleiri en 8
tillögum, sem er sá fjöldi sem hann skal kjósa í prófkjörinu sjálfu.
Með framboði skal skila mynd af frambjóðanda ásamt stuttu æfiágripi.
Kópavogi, 17. nóvember 2001.
F.h. stjórnar og kjörnefndar Fulltrúaráðs Sjálfstæðisfélaganna í Kópavogi,
Halldór Jónsson, formaður.
ÍMYNDAÐU að þú eigir þér annað
sjálf, einhversstaðar óralangt úti í
geimnum! Hitt sjálfið eigi sitt
einkalíf, væntingar og þrár, góðar
hliðar sem illar. Hvað ef þessi fjar-
læga helft réðist á þig einn góðan
veðurdag, gerði allt sem í hennar
valdi stæði til að ryðja þér úr vegi
og taka yfir líf þitt og veruleika?
Hvar stæðir þú þá, góði maður?
Þessi fjarstæðukennda, vísinda-
skáldsögulega atburðarás, fer ein-
mitt í gang í myndinni The One. Sá
kattliðugi, kínverski leikari og bar-
dagasnillingur Jet Li fer með tvö-
falt hlutverkið; í fyrsta lagi lög-
regluforingjans Gabriels Yulawa, í
öðru lagi sitt annað sjálf, sem safn-
ar kröftum, einhversstaðar úti í
buskanum, á annarri stjörnu, í öðru
sólkerfi, kröftunum sem helftin
hyggst nota til að drepa Yulawa.
Geimveran er illskan uppmáluð, fer
drápshendi um geiminn og hyggst
koma helft sinni á Móður Jörð fyrir
kattarnef.
Leikstjórinn, James Wong, notar
háþróaða, austurlenska bardagalist
jafnt sem hátæknibrellur, sjónræn-
ar og hljóðrænar. Flytur áhorfand-
ann af einni víddinni yfir í aðra.
Jet Li, sem síðast vakti athygli
fyrir óvenjulega fimi í Romeo Must
Die og Kiss of the Dragon, verður
að taka á honum stóra sínum í tvö-
földu hlutverkinu og fást við nýjan
andstæðing – sem er hann sjálfur.
Leikarar: Jet Li (Kiss of the Dragon,
Romeo Must Die, Lethal Weapon 4);
Carla Gugino (Spy Kids, Snake Eyes);
Jason Statham (Snatch, Lock, Stock
an Two Smoking Barrels); Delroy
Lindo (Gone in 60 Seconds, Romeo
Must Die, The Cider House Rules).
Leikstjóri: James Wong (Final
Destination).
Vágestur utan úr geimnum
Laugarásbíó, Smárabíó og Borgarbíó
Akureyri frumsýna The One með Jet Li,
Cörlu Gugino, Jason Stahan og Delroy
Lindo.
Jet Li í kvikmyndinni The One.
SHANNON (Minnie Driver) og
Frances (Mary McCormack) eru
vinkonur sem leigja saman íbúð
í London. Frances er bandarísk
leikkona sem berst við að láta
endana ná saman. Shannon er
hjúkrunarkona sem jafnan
stendur á höfði í annríkinu á
slysadeild sjúkrahúss í borginni.
Kærastinn hennar er hljóðmað-
ur, sem styttir sér stundir við að
hlera farsíma, með þar til gerð-
um skanna. Eitt kvöldið verða
vinkonurnar vitni að samtali þar
sem bankaræningjar bollaleggja
innbrot í nágrenninu. Þegar lög-
reglan skellir skollaeyrum
ákveða vinkonurnar að stappa í
sig stálinu, hringja í ræningjana
og krefjast hlutdeildar.
Stúlkurnar hafa ekki hug-
mynd um hvað er í gangi eða
hvílíkt kviksyndi þær eru álpast
út í. Sjá aðeins fyrir sér fata-
drauma sem rætast og ef eitt-
hvað er afgangs hyggst Shann-
on láta aurana renna til spít-
alans.
Glæpamennirnir (Michael
Gambon og Kevin McNally),
sem óvitarnir ergja með fjár-
kúgununni, eru forhertir þrjótar
sem hafa lítinn áhuga á að deila
fénu með öðrum. Hóta stúlk-
unum öllu illu, senda þeim fals-
aða seðla o.s.frv. Smám saman
breytist kjánaleg hugmynd í
hættuspil, nú reynir á vitsmuni
vinkvennanna, þeir einir geta
bjargað þeim úr lífshættunni
sem þær hafa komið sér í.
Kvenmannsdugur, krimmar,
spenna og skemmtun er inn-
takið sem þeir lögðu upp með,
leikstjórinn Mel Smith og hand-
ritshöfundurinn Uri Frucht-
mann. Smith er gamninu vanur,
á m.a. að baki myndina um Mr.
Bean (Rowan Atkinson). Mich-
ael Gambon er annar, þrælsjó-
aður aðstandandi myndarinnar.
Sir Michael (hann var aðlaður
’97), var löngum kallaður „The
Great Gambon“, af ekki ómerk-
ari manni en Sir Ralph Rich-
ardson. Meðmæli gerast ekki
betri í leiklistinni
Leikarar: Minnie Driver (Circle of
Friends, Grosse Point Blank, Big
Night, Good Will Hunting). Mary
McCormack (Private Parts, Deep
Impact); Kevin McNally (Entrap-
ment, Sliding Doors, The Long
Good Friday); Michael Gambon
(The Cook, The Thief, His Wife and
Her Lover, The Insider, Sleepy
Hollow). Leikstjóri: Mel Smith (The
Tall Guy, Radioland Murders,
Bean).
Græningjar og
ræningjar
Mary McCormack og Minnie Driver í High Heels and Low Lifes.
Sambíóin frumsýna High Heels and
Low Lifes með Minnie Driver, Mary
McCormack, Kevin McNally og Mich-
ael Gambon.
SYSTKININ Trisha (Gina Philips)
og Barry (Justin Long), yngri bróðir
hennar, eru á leiðinni heim í lang-
þráð frí eftir annir vetrarins. Leiðin
er löng en styttist óðum og þau eru
að gantast hvort við annað eins og
góðum systkinum sæmir er þau taka
eftir ógnvænlegum sendibíl sem
geysist fram úr þeim á hraðbraut-
inni. Örskömmu síðar beygir hann út
af veginum og staðnæmist við nið-
urnídda kirkju. Systkinin hægja á
ferðinni og fylgjast með er stór og
óárennilegur mannrumur kemur út-
úr bílnum og kastar einhverju inn-
pökkuðu og þrælbundnu niður um op
við kirkjuna. Á leiðinni aftur að bíln-
um virðist rumurinn gefa systkinun-
um gaum er þau keyra fram hjá.
Enn fer þessi dularfulla bifreið
fram úr en í þetta skipti með geig-
vænlegum afleiðingum. Bílstjórinn
neyðir þau út af áður en hann
brennir áfram. Trisha og Barry
sleppa með skrekkinn en áhuginn er
vakinn. Þau snúa við, aka heim að
kirkjunni og gægjast niður í holuna,
sem reynist endi á e.k. pípulögn. Þau
heyra raddir niðri í myrkrinu, Barry
verður fyrir því óláni að hrasa og
fellur niður um opið. Finnur fyrir
rænulítinn dreng með hrikaleg
skurðsár og fjölda ókennilegra
pakka sem virðast innihalda manns-
líkama… Þannig hefst ægileg at-
burðarás þar sem dularfull kvenper-
sóna og lögreglumenn bætast í
hópinn. Leiðin liggur aftur út á hrað-
brautina. Fyrr en varir birtist sendi-
bíllinn, með hinn óhugnanlega
óskapnað undir stýri, á ný í bak-
sýnisspeglinum. Nú er dauðinn kom-
inn fast á hæla þeirra.
Victor Salva, höfundur og leik-
stjóri Jeepers Creepers, er mikill
hryllingsmyndaunnandi frá blautu
barnsbeini og vonar að sá áhugi komi
fram í gæðum myndarinnar. Salva
skrifaði handritið sumarið 1999, eftir
sýningu á The Blair Witch Horror og
The Sixth Sense.
Myndin dregur dám af þeim báð-
um, segir hann, auk þess sem hrað-
brautin og ógnir hennar bæta einnig
við hrollvekjuna. Salva hefur löngum
verið skjólstæðingur Francis Ford
Coppola sem framleiddi fyrstu
myndina og er einn af bakhjörlum
Jeepers…
Leikarar: Gina Philips (Living Out
Loud); Justin Long (Galaxy Quest);
Eileen Brennan (Private Benjamin).
Leikstjóri og handritshöfundur: Victor
Salva (Powder).
Hrollvekja á hraðbrautinni
Jeepers Creepers: Gina Philips og Justin Long.
Háskólabíó og Sambíóin frumsýna Jeep-
ers Creepers, með Ginu Philips, Justin
Long, Eileen Brennan, Brandon Smith.
HLUTSKIPTI Jóa litla skíts (Erik
Per Sullivan) er álíka lágreist og
nafnið. Þessi 8 ára trítill og foreldr-
ar hans lifa einsog hundar, á mol-
unum sem falla af borðum hús-
bændanna. Sem í þeirra tilfelli eru
túrhestarnir sem koma við á
skyndibitastað við Miklagljúfur.
Eitt sinn, þegar Jói litli skríður
uppúr ruslagám, hefur borðað
nægju sína af hálfétnum hamborg-
urum og öðrum ámóta kræsingum,
kemst hann að því að pabbi og
mamma eru farin. Stungu þau hann
af, gleymdist hann ofaní sorpinu?
Árin líða og Jói (David Spade) er
orðinn hálffullorðinn maður. Starf-
ar sem ræstitæknir, með hárið sítt
að aftan (einsog David Bowie), enda
komið fram á áttunda áratuginn.
Jói á upptjúnað, aflóga tryllitæki,
hlustar á Lynyrd Skynyrd daginn
út og inn, er fullur órökréttrar
bjartsýni. Hættir í vinnunni, sest
uppí bílinn, skrúfar upp í græjun-
um. Ætlar að skoða Ameríku og
finna pabba og mömmu í leiðinni.
Fá að vita svarið við spurningunni
sem lætur hann aldrei í friði; „Af
hverju fóruð þið frá mér?“
Á leiðinni kynnist hann undar-
legri blöndu af löndum sínum, lend-
ir í hverju mislukkaða ævintýrinu á
eftir öðru. Endar að lokum í Los
Angeles, þar sem málin taka nýja
stefnu og eitthvað fer að greiðast úr
svörum við spurningum Jóa skíts
um leyndardóma tilverunnar.
David Spade er einn kunnasti
aulamyndaleikari heimsins, að auki
úr þeim glæsilega hópi sem hlaut
eldskírnina í gamanleik í SNL,
sjónvarpsþáttunum vinsælu. Hefur
að undanförnu verið fastagestur á
tjaldinu. Spade er einnig annar höf-
undur handritsins. Fred Ward
bregður fyrir í aukahlutverki, líkt
og poppstjörnunni og emmyverð-
launahafanum Kid Rock.
Leikarar: David Spade (Tommy Boy,
Black Sheep, Lost and Found); Britt-
any Daniel (The Basketball Diaries);
Dennis Miller (The Net, Murder at
1600); Adam Beach (Mystery,
Alaska). Leikstjóri: Dennie Gordon
(frumraun).
Jói skítur skoðar heiminn
Joe, David Spade, og félagar í myndinni Joe Dirt.
Smárabíó og Stjörnubíó frumsýna Jóa
skít – Joe Dirt, með David Spade, Britt-
any Daniel, Dennis Miller, Kid Rock og
Christopher Walken.