Morgunblaðið - 06.12.2001, Side 4

FRÉTTIR
4 FIMMTUDAGUR 6. DESEMBER 2001 MORGUNBLAÐIÐ
F
í
t
o
n
/
S
Í
A
www.bi.is
– Engar sveiflur milli mánaða
– Enginn gluggapóstur
– Engir dráttarvextir
– Engar biðraðir
– Engar áhyggjur
Kynntu þér útgjaldareikning HeimilislínuLáttu þér líða vel
HÉRAÐSDÓMUR Reykjavíkur
dæmdi í gær Tryggva Rúnar Guð-
jónsson í 11 ára fangelsi en hann var
fundinn sekur um að hafa smyglað
16.376 e-töflum, 59,33 g af töflumuln-
ingi rúmlega 200 g af kókaíni og ríf-
lega átta kílóum af hassi til landsins í
vor. Fyrir dómi í gær lýsti hann því
yfir að hann myndi áfrýja dómnum til
Hæstaréttar.
Með brotum sínum rauf Tryggvi
skilorð vegna tveggja ára og þriggja
mánaða fangelsisdóms og var þeirri
refsingu bætt við dóminn nú og refs-
ing tiltekin í einu lagi. Engu að síður
er um að ræða þyngsta dóm sem
kveðinn hefur verið upp í fíkniefna-
máli á Íslandi.
Tryggvi framdi brot sín áður en
breytingar á refsiramma vegna fíkni-
efnabrota tóku gildi. Hámarksrefsing
er nú 12 ár en var 10 ár áður en í lög-
um er heimild til að auka refsiramm-
ann rjúfi sakborningur skilorð. Þess
má geta að Hollendingur sem hand-
tekinn var á Keflavíkurflugvelli með
65.000 e-töflur 27. september sl. bíður
nú dóms.
Upphaf málsins var að snemma árs
bárust fíkniefnadeild lögreglunnar í
Reykjavík upplýsingar sem bentu til
þess að Tryggvi hefði í hyggju að
smygla umtalsverðu magni af hassi til
landsins. Í mars hóf lögregla að
hlusta á og hlera símtöl hans. Í lok
mars fór Tryggvi til Amsterdam og
fylgdist lögregla með ferðum hans
þegar hann kom til baka 3. apríl.
Tveimur dögum síðar veitti lögregla
honum og öðrum manni eftirför þar
sem þeir óku að afgreiðslu TVG-
Ziemsen og þaðan að flugfrakt Flug-
leiða. Þar sáu lögreglumenn Tryggva
setja tvo kassa í bifreiðina. Nokkrum
mínútum síðar var hann handtekinn
ásamt manninum sem var með hon-
um í bifreiðinni. Auk þess var tæp-
lega sextugur karlmaður handtekinn
en sendingin var stíluð á fyrirtæki
hans.
Í kössunum fyrrnefndu voru tvö
hátalarabox og fundust fíkniefnin
þar. Hjá lögreglu og fyrir dómi bar
Tryggvi að hann hefði talið sig vera
að smygla 12 kílóum af hassi. Hann
lýsti tildrögum innflutningsins þann-
ig að vinur hans, sem nú er látinn,
hefði stofnað til skulda í Amsterdam
vegna fíkniefna. Þegar þeir voru sam-
an á ferð í Amsterdam í fyrra hefðu
þeir hitt tvo menn og hefði vinur hans
kynnt Tryggva sem samstarfsmann
sinn, væntanlega til að auka láns-
traust sitt hjá þeim. Eftir að vinur
hans lést hefðu þessir menn gert
hann ábyrgan fyrir skuldunum. Þeg-
ar hann hitti þá í desember í fyrra
hefðu þeir gert honum ljóst að ann-
aðhvort greiddi hann skuldina, um
níu milljónir króna, eða fara eina ferð
með fíkniefni til Íslands og fá að auki
fyrir það tvær milljónir króna.
Tryggvi sagði að sér hefði verið gert
ljóst að skuldin yrði innheimt af
hörku og menn jafnvel sendir til Ís-
lands til að herja á hann, fjölskyldu
hans eða ekkju hins látna. Að endingu
hefði hann fallist á að flytja 12 kíló af
hassi til landsins.
„Ég er að koma upp
stöðugum flutningum“
Í lok mars hitti hann mennina tvo í
Amsterdam og sýndu þeir honum
pakkningar sem hann taldi samsvara
12 kílóum af hassi. Hann hefði á hinn
bóginn ekki séð þá koma efnunum
fyrir í hátalaraboxunum. Tryggvi
kvaðst ítrekað ekki geta gert grein
fyrir þeim e-töflum og því kókaíni
sem lögreglan fann í hátölurunum.
Tryggvi var spurður um samtöl
sem lögregla hljóðritaði. Við þann
eldri sem handtekinn var í tengslum
við málið sagði hann m.a.: „Ég er að
koma upp stöðugum flutningum. Ég
var bara að koma þessu heim núna.
Ég gat ekki borgað flutninginn, þú
skilur.“ Tryggvi svaraði því til að
hann hefði skuldað honum 10–12
milljónir og væri að telja honum trú
um að hann ætti von á fé.
Maðurinn, sem handtekinn var
með honum í bílnum, bar að skömmu
áður en Tryggvi fór til Amsterdam í
mars hafi Tryggvi sagt honum að
hann þyrfti að flytja inn 30.000 e-töfl-
ur og 1½ kíló af kókaíni til að losa sig
úr skuldum. Aðspurður sagðist
Tryggvi ekki vita hvað manninum
gekk til með þessum framburði en
hann væri úr samhengi við samtöl
þeirra.
Í niðurstöðu dómsins segir að
framburður Tryggva um að hann hafi
talið sig vera að flytja inn hass væri
sérdeilis ótrúverðugur og þótti sann-
að að hann hefði flutt inn efnið í
ágóðaskyni. Valtýr Sigurðsson hér-
aðsdómari kvað upp dóminn. Sigríður
Jósefsdóttir sótti málið fyrir hönd
ríkissaksóknara en Kristinn Bjarna-
son hrl. var til varnar.
Tryggvi á alllangan brotaferil að
baki. Þyngsta dóminn hlaut hann árið
1999 vegna fíkniefnamáls en hann var
dæmdur fyrir að hafa falið tæplega
tvö kíló af hassi í lystigarðinum
Hellisgerði í Hafnarfirði og fyrir að
hafa í vörslu sinni 350 grömm af kók-
aíni og álíka magn af hassi. Maðurinn,
sem handtekinn var með Tryggva
þegar hann sótti fyrrnefnd hátalara-
box, var einnig ákærður í því máli.
Tryggvi hlaut þá 2½ árs fangelsi en
refsingin var skilorðsbundin, fyrir ut-
an þrjá mánuði, þar sem óhæfilegar
tafir voru á að ákæra væri gefin út.
Dæmdur í 11 ára fangelsi fyrir að smygla e-töflum, kókaíni og hassi
Þyngsti dómur
sem fallið hefur
í fíkniefnamáli
ÞAÐ var heldur óskemmtileg sjón
sem blasti við starfsmönnum skíða-
brekkunnar í Árbæ í gær þegar
lyftan þar var opnuð, en sýnilegt
var að búið var eyðileggja brekk-
una með jeppaakstri.
Að sögn Sigurðar Más Helgason-
ar, lyftuvarðar í Árbæ, hafði
brekkan verið troðin á þriðjudag
eða daginn áður en skemmdirnar
voru unnar. „Það var verið að gera
allar brekkurnar fallegar og fínar
í borgarlandinu en þegar við kom-
um að henni núna [í gær] og opn-
uðum var búið að eyðileggja
brekkuna í Árbænum. Ökumaður
var búinn að keyra í hana og
brekkan er öll skorin akkúrat í
miðju þannig að það er aðeins
hægt að renna sér á mjórri ræmu
sitthvoru megin við hjólförin.“
Sigurður segir fólk í nágrenni
brekkunnar hafa orðið vart við að
jeppaeigendur komi gjarnan til að
keyra þar þótt um friðlýst svæði sé
að ræða.
Hann segir ekki einfalt mál að
bæta skemmdirnar. „Það kostar
stórfé að vera með troðara og tugi
þúsunda bara að koma tækjunum á
staðinn. Maður finnur hreinlega til
yfir þessari vitleysu.“
Bæði fullorðnir og börn nýta sér
aðstöðuna í brekkunni, að sögn
Sigurðar, og er diskalyftan tölu-
vert vinsæl. „Það hafa ekki verið
færri en 50 manns síðustu daga og
það er alltaf beðið eftir lyftunni,“
segir hann og bætir því við að fólk
sé mjög ánægt með þessa þjónustu.
„Þetta kostar ekkert og hér get-
urðu átt stund eftir að þú kemur
úr vinnu og verið með börnunum.“
Jeppamenn
eyðileggja
skíðabrekku
Morgunblaðið/Árni Sæberg
Þessir krakkar létu jeppaförin ekki hindra sig í að renna sér á skíðum í brekkunni í Árbæ í gærkvöldi.
VEGNA fréttar og viðtals við
Þóri Guðjónsson, starfsmann
Eflingar, í ríkissjónvarpinu
mánudaginn 3. desember sl. um
málefni blaðbera vill Árvakur
hf., útgáfufélag Morgunblaðs-
ins, taka fram eftirfarandi:
Blaðberar Morgunblaðsins
njóta allra þeirra réttinda sem
launþegar njóta samkvæmt lög-
um, þ.á m. orlofs- og veikinda-
réttar. Greitt er í lífeyrissjóð
vegna blaðbera 16 ára og eldri.
Greitt er tryggingagjald af
launum blaðbera og þeir njóta
slysatryggingar eins og aðrir
launamenn. Laun blaðbera
hækka í samræmi við kjara-
samninga landssambanda ASÍ
og SA. Morgunblaðið gerir
skriflega ráðningarsamninga
við blaðbera sína og eru þar
réttindi blaðbera sérstaklega
áréttuð og staðfest.
Í október 2000 framkvæmdi
IMG-Gallup könnun fyrir
Morgunblaðið meðal blaðbera
um margvísleg mál sem snerta
þeirra störf fyrir blaðið. Í þeirri
könnun kom fram lítill áhugi á
aðild að stéttarfélagi. Útgáfu-
félag Morgunblaðsins telur það
ekki á sínu valdi að ákveða fyrir
hönd blaðburðarfólks, sem nýt-
ur allra almennra réttinda laun-
þega, að það skuli gerast fé-
lagsmenn í stéttarfélagi og
greiða félagsgjöld. Morgunblað-
ið telur að blaðburðarfólk þurfi
sjálft að taka um það ákvörðun,
hvort og þá hvaða stéttarfélagi
það kýs að tilheyra.
Eins og sjá má af ofangreindu
eru staðhæfingar Þóris Guð-
jónssonar, starfsmanns Efling-
ar, í áðurnefndri frétt ríkissjón-
varpsins, um að útgáfufélög fari
ekki að lögum í samskiptum við
blaðbera rangar að því er út-
gáfufélag Morgunblaðsins varð-
ar.
Athugasemd
frá Morgun-
blaðinu
TVEIMUR saltfiskgámum á vegum
Samskipa var stolið á Suður-Ítalíu í
síðasta mánuði. Verðmæti saltfisks-
ins í þessum tveimur gámum er talið
nema um 40 milljónum króna á
markaði í Napólí, en þjóðvegarán af
þessu tagi kosta Samskip árlega 2–3
gáma.
Frá þessu segir á heimasíðu Ís-
lensku umboðssölunnar á Netinu.
Segir þar að gámarnir hafi báðir
verið teknir í nágrenni Napólí, sá
fyrri í byrjun október og sá seinni í
lok október. „Það er nokkuð ljóst að
ítalska mafían stendur aðallega á
bak við þetta. Starfsemin er alger-
lega takmörkuð við þetta landsvæði.
Ránin eru þaulskipulögð og þjófarn-
ir virðast meira að segja vita hvað er
í gámunum,“ segir Hjálmar Diego
hjá útflutningssviði Samskipa.
Fram kemur að stoppi bílstjór-
arnir við þjóðveginn til að borða,
sofa eða taka bensín, séu mestar lík-
ur á að bílnum og farminum verði
stolið. Við þessu hafi fyrirtækið
brugðist með því að beina þeim til-
mælum til bílstjóranna að þeir fylli
olíutankana áður en þeir fara frá
Róm auk þess að leggja bílunum á
vöktuðum svæðum þegar þeir þurfa
að hvílast.
Norðmenn flytja út umtalsvert
meira af fiskafurðum til svæðanna
sunnan Napólí og hafa þeir gripið til
umfangsmikilla aðgerða til að
stemma stigu við ránunum. Hafa
sex norsk flutningsfyrirtæki gripið
til þess ráðs að setja vopnaða verði í
bílalestir sem flytja skreið til Napólí
til að bregðast við auknum afföllum
vegna þjóðvegarána.
Mafían talin hafa
rænt saltfiski
fyrir 40 milljónir
GÆSLUVARÐHALD yfir Lettan-
um sem handtekinn var á Dalvík
hinn 22. nóvember sl. að beiðni al-
þjóðadeildar ríkislögreglustjóra var
framlengt í gær til 19. desember.
Samkvæmt þeim gögnum sem
ríkislögreglustjóri fékk frá skrif-
stofu alþjóðalögreglunnar Interpol í
Riga er maðurinn grunaður um að-
ild að tveimur morðum í Lettlandi.
Framsalskrafa hefur enn ekki bor-
ist en ríkislögreglustjóri hefur
fengið það staðfest að ríkissaksókn-
ari Lettlands hyggist krefjast fram-
sals. Að sögn Smára Sigurðssonar,
yfirmanns alþjóðadeildar, hyggst
Lettinn ekki kæra þennan úrskurð.
Samkvæmt Evrópusamningi um
framsal sakamanna getur gæslu
lokið hafi framsalsbeiðni ekki borist
18 dögum eftir handtökuna en
gæslan skal ekki undir neinum
kringumstæðum vara lengur en 40
daga.
Gæsluvarðhald fram-
lengt um tvær vikur