Morgunblaðið - 06.12.2001, Side 6

FRÉTTIR
6 FIMMTUDAGUR 6. DESEMBER 2001 MORGUNBLAÐIÐ
SKIPVERJA af togbátnum Ófeigi II
VE 325 er saknað eftir að Ófeigur
sökk skammt undan Suðurlandi og
um 40 sjómílum austur af Vest-
mannaeyjum í fyrrinótt. Átta skip-
verjum af Ófeigi var bjargað um borð
í skipið Danska Pétur VE 423 og var
komið með þá til hafnar í Vestmanna-
eyjum seinnipartinn í gær. Við kom-
una til hafnar var einn skipverji færð-
ur til aðhlynningar í sjúkrahúsið í
Vestmannaeyjum vegna meiðsla sem
hann hlaut á fæti. Ekki er þó talið að
um alvarleg meiðsl sé að ræða. Skip-
verjarnir fengu tafarlausa áfalla-
hjálp. Rannsóknarnefnd sjóslysa hef-
ur hafið rannsókn á tildrögum
slyssins og verður tekin skýrsla af
áhöfn Ófeigs í dag. Orsakir slyssins
eru ókunnar, en mjög slæmt veður
var á slysstað þegar Ófeigur sökk. Í
gær var leitað að skipverjanum, sem
saknað er, úr lofti, á sjó og landi en
leitin bar ekki árangur. Leit verður
haldið áfram í dag, fimmtudag. Ekki
er unnt að birta nafn hans að svo
stöddu.
Að sögn Agnars Angantýssonar,
yfirlögregluþjóns í Vestmannaeyj-
um, barst tilkynning um slysið kl.
1.19 til lögreglunnar frá Neyðarlín-
unni, eða um einni klukkustund eftir
að skipið sökk. Þá þegar hafði Danski
Pétur, sem staddur var fáeinum sjó-
mílum suðaustan við Ófeig, bjargað
skipverjunum átta eftir að hafa num-
ið neyðarkall frá skipinu. Að sögn
Hjalta Elíassonar, stýrimanns á
Danska Pétri, liðu ekki nema 2-3
mínútur frá því neyðarkallið barst
þar til Ófeigur sökk. Þá höfðu skip-
verjar komist í björgunarbáta og
sendu upp reykblys sem áhöfnin á
Danska Pétri greindi eftir að hafa
siglt að staðnum þar sem skipið sökk.
Bjargvættir skipverjanna gátu sett
rétta stefnu á skipið áður en það
hvarf af ratsjá en björgunarbátarnir
sáust óskýrt á ratsjá allt þar til skip-
verjum var bjargað um borð í Danska
Pétur. Slæmt veður var á slysstað,
vestsuðvestan rok og mikill sjór.
Hjalti sagði að veðrið hefði verið
þokkalegt fram að miðnætti þegar
rokið skall skyndilega á. Sjö önnur
skip ásamt Danska Pétri héldu áfram
leit að skipverjanum undir stjórn TF-
LÍF þyrlu Landhelgisgæslunnar,
sem einnig leitaði á svæðinu. Síðar
um morguninn leysti Fokker flugvél
gæslunnar þyrluna af og allt að 30
björgunarsveitamenn frá Vík og
Álftaveri leituðu á svæðinu austur frá
Múlakvísl að Kúðafljóti. Vegna veð-
urs og sjólags þótti Björgunarfélagi
Vestmannaeyja ekki ráðlegt að senda
bát út til leitar. Samkvæmt upplýs-
ingum Adolfs Þórssonar, formanns
Björgunarfélags Vestmannaeyja, var
sjávarhiti 3,2 gráður í nágrenni slys-
staðarins.
Aðstandendur skipbrotsmanna af
Ófeigi biðu ástvina sinna á hafnar-
bakkanum í Friðarhöfn þegar Danski
Pétur kom með þá að landi rétt fyrir
kl. 16.30 og voru endurfundirnir
þrungnir miklum tilfinningum eftir
rúmlega hálfs sólarhrings bið. Einn
skipbrotsmanna var fluttur í sjúkra-
húsið í Vestmannaeyjum vegna
meiðsla á fæti sem ekki voru þó talin
alvarleg. Félagar hans fóru rakleiðis í
húsnæði útgerðar Ófeigs, Stíganda
ehf., þar sem veitt var áfallahjálp
með aðstoð sr. Báru Friðriksdóttur
og sr. Kristjáns Björnssonar.
Hilmar Stefánsson, skipstjóri
Danska Péturs, sagði í samtali við
Morgunblaðið við komuna til Eyja í
gær, að sett hefði verið á fulla ferð að
þeim stað, þar sem Ófeigur sendi út
neyðarkallið skömmu eftir miðnætti
aðfaranótt miðvikudags. „Þremur til
fimm mínútum eftir neyðarkallið var
þessi punktur horfinn af radarnum.
Skipverjarnir voru í flotgöllum í sjón-
um í einhvern tíma og komust síðan
um borð í björgunarbátana. Við byrj-
uðum á því að taka einn mann úr ein-
um báti um borð og því næst sjö
menn úr öðrum báti. Við hífðum þá
um borð í Björgvinsbelti og höfðum
tekið alla átta mennina um borð til
okkar um 50 mínútum eftir að neyð-
arkallið barst. Einn þeirra hafði mar-
ist á fæti við að komast úr brúnni á
Ófeigi og meiddist meira þegar hon-
um var kippt um borð. Þarna voru
vestsuðvestan átta vindstig og stór-
sjór, sem gerði björgunina erfiðari en
ella,“ sagði Hilmar.
Þakklæti efst í huga
Sem fyrr gat var sjávarhiti aðeins
rúmar 3 gráður en að sögn Hilmars
kvörtuðu skipbrotsmennirnir ekki
undan kulda þegar þeir komu um
borð í Danska Pétur, enda allir í flot-
göllum. Að lokinni björguninni tók
Danski Pétur þátt í leit að skipverj-
anum sem saknað er af Ófeigi og hélt
síðan til hafnar um kl. 10 í gærmorg-
un. Skipverjinn mun ekki hafa komist
í flotgallann sinn og fannst gallinn
skömmu síðar í sjónum auk annars
flotgalla sem enn var í umbúðunum,
en alls voru tíu gallar um borð í
Ófeigi, þ.e. einn aukagalli miðað við
níu manna áhöfn skipsins. Ennfrem-
ur fannst ýmislegt brak úr bátnum,
að sögn Hilmars.
Skömmu eftir komuna til hafnar
sagði Gunnar Oddsteinsson, vélstjóri
á Ófeigi, í samtali við Morgunblaðið,
að sér væri þakklæti í garð áhafnar
Danska Péturs efst í huga. „Björg-
unin gekk eins og í sögu og það voru
engir hnökrar á henni, þótt veðrið
væri slæmt,“ sagði Gunnar. „Það
gekk mjög vel að ná mannskapnum
upp þegar báturinn [Danski Pétur]
sá okkur,“ sagði hann ennfremur.
Að sögn Gunnars sást síðast til
skipverjans, sem saknað er, þegar
hann var að hálfu leyti kominn í flot-
galla og kominn frá borði. „Þegar
sjórinn fer að flæða inn í skipið sekk-
ur skipið á tveimur mínútum. Það var
ekki tími til neins annars en að
hlaupa upp og út.“
Að sögn Gunnars var Ófeigur að
toga um 4-5 sjómílur sunnan við land-
ið þegar slysið varð og sagði hann að-
spurður að engin ísing hefði verið á
skipinu.
Fulltrúi Rannsóknarnefndar sjó-
slysa kom til Vestmannaeyja í gær til
að hefja rannsókn með skýrslutökum
en nefndin hefur ekki beðið um sjó-
próf.
Ófeigur II VE 325 var 138 brúttó-
lesta stálbátur, smíðaður í Svíþjóð ár-
ið 1990 og var gerður út af Stíganda
ehf. frá upphafi. Ófeigur mun vera
sjöundi báturinn með Ófeigsnafninu
síðan 1916 að meðtöldum báti sem er
í smíðum erlendis. Samkvæmt upp-
lýsingum Þorsteins Viktorssonar,
framkvæmdastjóra, hafa þrír bátar
með Ófeigsnafninu farist, en ekki
hefur verið rætt um hvort nýjasti
Ófeigur verði látinn breyta um nafn.
Ófeigur VE
sökk á örfá-
um mínútum
Rannsóknarnefnd sjóslysa hefur hafið rannsókn á
tildrögum sjóslyss sem varð skammt suður af land-
inu í fyrrinótt er 138 brúttólesta stálbátur, Ófeigur
VE, sökk á skammri stund. Eins manns er saknað
eftir slysið en átta skipverjum var bjargað naum-
lega úr gúmbjörgunarbátum, skrifar
Örlygur Steinn Sigurjónsson frá Vestmannaeyjum.

 




 




 




  
 
 
   

 















    


 

 
 ! 
"


#"$
   







Danski Pétur kom með skipbrotsmennina til hafnar í Vestmannaeyjum seinnipartinn í gær. Í baksýn má sjá ann-
an björgunarbátinn sem skipbrotsmennirnir komust í eftir að Ófeigur sökk í fyrrinótt.
Hilmar Stefánsson og Hjalti Elíasson í Danska Pétri.Flytja þurfti einn skipverjann á sjúkrahúsið í Eyjum.
Morgunblaðið/Sigurgeir Jónasson
Ófeigur VE 325 sökk á örfáum mínútum í fyrrinótt.
orsi@mbl.is