Morgunblaðið - 06.12.2001, Qupperneq 58

LANDIÐ
58 FIMMTUDAGUR 6. DESEMBER 2001 MORGUNBLAÐIÐ
Jólabæklingurinn
er kominn út !
Dreift á öll heimili landsins.
NÚ eru flestallir bændur búnir að taka sauðfé á hús
og farnir að gefa hey enda farið að harðna verulega
á dalnum hjá þeim kindum sem enn þá eru úti eftir
kuldakastið sem búið er að standa á aðra viku. Hey-
rúllur eru sjaldan til neinnar prýði þó að þær séu
þægilegar til að afla góðra heyja, en þegar frétta-
ritari Morgunblaðsins átti leið fram hjá þessum
rúllustafla gat hann ekki stillt sig um að taka mynd
af sólarupprásinni sem litaði skýin fagurrauð yfir
snæviþakinni jörðinni og myndaði glampa á rúllu-
plastinu. Enda þótt sólin sé orðin mjög lágt á lofti
er aldrei fallegri birta en einmitt á þessum árstíma,
bæði þegar sólin er að koma upp á morgnana og
setjast á kvöldin.
Morgunblaðið/Jónas Erlendsson
Vetrarforðinn baðaður
í morgunsólinni
Fagridalur
Á ÞESSU ári hafa farið fram mikl-
ar endurbætur á húsnæði dval-
arheimilisins í Stykkishólmi. Verk-
inu er nú lokið og var áfanganum
fagnað með kaffisamsæti á dval-
arheimilinu þann 1. desember s.l.
Við það tækifæri voru kvaddir tveir
starfsmenn dvalarheimilisins, þær
María Guðmundsdóttir og Kristín
Björnsdóttir.
Borðsalur dvalarheimilisins var
stækkaður með viðbyggingu. Þá
voru öll tæki í eldhúsi endurnýjuð
auk þess sem útbúin var aðstaða
fyrir starfsmenn og forstöðumann.
Breytingar á húsnæðinu voru
búnar að vera lengi í undirbúningi
og töfðust m.a. af miklum önnum
hönnuða við önnur verk. Arkitekt
hússins er Gunnar Guðnason og að-
alverktaki var Skipavík hf í Stykk-
ishólmi. Breytingarnar kostuðu alls
um 20 milljónir króna. Mikil ánægja
er meðal heimilismanna og starfs-
fólks með bætta aðstöðu.
Í sumar urðu forstöðumanna-
skipti á dvalarheimilinu. Kristín
Björnsdóttir lét af störfum eftir 9
ára starf. Í mörg ár þar á undan
hafði hún unnið að málefnum aldr-
aðra í Stykkishólmi. Þá lét af stöf-
um María Guðmundsdóttir, en hún
hefur starfað við dvalarheimilið frá
stofnun þess árið 1978. Þessum
konum var þakkað mikið og óeig-
ingjarnt starf í þágu dvalarheim-
ilisins. Nýr forstöðumaður dval-
arheimlisins er Jóhanna
Guðbrandsdóttir.
Miklum
endurbót-
um á dval-
arheimil-
inu lokið
Stykkishólmur
Morgunblaðið/Gunnlaugur Árnason
Íbúar dvalarheimilisins í Stykkishólmi fögnuðu því að lokið var end-
urbótum á dvalarheimilinu. Við borðið sitja Rannveig Guðmundsdóttir,
María Jónsdóttir, Hjálmfríður Hjálmarsdóttir, Sigríður Sigurðardóttir
frá Hálsi og Guðrún Jónasdóttir frá Galtarey.
Morgunblaðið/Gunnlaugur Árnason
María Guðmundsdóttir og Kristín Björnsdóttir létu af störfum fyrir ald-
urs sakir við dvalarheimilið í Stykkishólmi. 1. desember voru þær
kvaddar og þeim þökkuð góð störf í gegnum árin. Á myndinni eru þær
ásamt Jóhönnu Guðbrandsdóttur, en hún tók við af Kristínu í sumar.
UNDANFARIÐ hefur mikið ver-
ið rætt um sí- og endurmenntun
starfsfólks þar sem starfsum-
hverfi breytist ört. Viskubrunnur
er heiti á samstarfsverkefni Út-
gerðarfélags Akureyringa hf,
Skref fyrir Skref, Einingar-Iðju
og Símenntunarmiðstöðvar Eyja-
fjarðar og er stutt af Lands-
mennt
Námskeiðið var nýlega haldið
fyrir starfsfólk Hólmadrangs á
Hólmavík en fyrirtækið er dótt-
urfyrirtæki ÚA. Meginmarkmið
verkefnisins er að þjálfa fólk í að
meta eigið ágæti, efla samstarfs-
hæfni, takast á við breytingar í
starfi og auka starfsánægju og
starfsanda. Í fyrri hluta nám-
skeiðsins var m.a. rætt um stefnu
og markmið ÚA, vinnuumhverfi
21. aldarinnar og að festast ekki í
viðjum vanans og í þeim síðari
gerðar æfingar sem byggðu upp
sjálfstraust svo fátt eitt sé nefnt.
„Námskeiðið er liður í endur-
menntun og mér þótti það takast
vel og held það efli samstarfsand-
ann og auki starfshæfni,“ sagði
Gunnlaugur Sighvatsson fram-
kvæmdastjóri Hólmadrangs en
hann sat námskeiðið með starfs-
fólkinu.
Ágústa Ragnarsdóttir hefur
starfað hjá Hólmadrangi í átta ár
og hefði áhuga á að fara á fleiri
námskeið stæðu þau til boða:
„Mér þótti þetta bæði gagnlegt
og skemmtilegt og meðal annars
var gaman að kynnast samstarfs-
fólkinu frá öðrum hliðum. Þá var
leiðbeinandinn, Steinþór Þórðar-
son, mjög góður.“
Námskeiðið var haldið á veit-
ingastaðnum Café Riis á Hólma-
vík og stóð yfir í einn dag.
Símenntun
starfsfólks
Hólmadrangs
Hólmavík
Morgunblaðið/Arnheiður Guðlaugsdóttir
Björn F. Hjálmarsson vinnslustjóri og Gunnlaugur Sighvatsson,
framkvæmdastjóri Hólmadrangs, á námskeiði með starfsfólkinu.