Morgunblaðið - 29.12.2001, Blaðsíða 4

FRÉTTIR
4 LAUGARDAGUR 29. DESEMBER 2001 MORGUNBLAÐIÐ
HAFÍSINN undan Vestfjörðum er
nú á hraðri leið til lands en hörð
norðanátt var ríkjandi í gær. Ekki
var vitað hversu langt inn á Húna-
flóa hafísinn var kominn en Eiríkur
Sigurðsson veðurfræðingur taldi lík-
legt að hann væri kominn eitthvað
inn fyrir Gjögur.
„Það stóð strengur inn flóann, þar
var blindhríð, ekkert skyggni og
ekki hægt að fljúga þannig að vitum
ekki hver staðan er. En þarna hafa
verið fimm til átta vindstig þannig að
hafísinn stefnir beint inn flóann ef að
líkum lætur.“
Eiríkur segir að vindáttin eigi að
snúast í suðvestanátt um helgina og
þá muni hafísinn væntanlega sveigja
frá. „Það er hins vegar hafstraumur
inn Húnaflóann að vestan og út að
austan. Og það eru dæmi um það að
hafísinn reki á móti stinningskalda
og það líður nokkur tími þar til þetta
hreinsast út úr flóanum.“
Eiríkur segir að siglingaleiðin fyr-
ir Hornbjarg verði að teljast mjög
varhugaverð. „Skip sem var statt
þrettán sjómílur norðvestur af
Straumnesi í gærdag tilkynnti um
ísjaðar norður og austur af sér og
var hann á hraðri leið að landi þannig
að leiðin er mjög varhugaverð eða að
verða verða torfær eða ófær fyrir
flest skip. Við sendum út allar upp-
lýsingar sem okkur berast í veður-
fréttatímum og veðurstofan varar
við ís á þessum siglingaleiðum á
meðan þessi vindátt stendur.“
Morgunblaðið/Friðrik Höskuldsson
Þessi myndarlegi borgarís var um 30 sjómílur NNA af Hornbjargi í fyrradag en nú er hann væntanlega kominn töluvert nær landi.
Hafísinn við Norð-
urland á hraðri
leið að landi
ALLIR starfsmenn Norðlenska í
Borgarnesi fengu uppsagnarbréf af-
hent í gær. 37 starfsmönnum var
sagt upp eða sem nemur 26 stöðu-
gildum en aðgerðirnar eru liður í
undirbúningi lokunar kjötvinnslu og
sláturhúss í Borgarnesi. Stefán Kal-
mansson, bæjarstjóri Borgarbyggð-
ar, segir að þessar uppsagnir séu
mikið áfall fyrir bæjarfélagið.
„Fyrirtækið hefur gengið í gegn-
um mikla rekstrarerfiðleika. Norð-
lenska keypti rekstrareiningar
Kjötumboðsins, sem voru í Borg-
arnesi og í Reykjavík, og reksturinn
hefur gengið illa í ár. Við urðum að
fara í hagræðingaraðgerðir. Ef við
höfum tök á því verður einhverju
fólki boðin áframhaldandi vinna í
fyrirtækinu,“ segir Sigmundur E.
Ólafsson, framkvæmdastjóri
vinnslusviðs Norðlenska, en starfs-
stöðvar fyrirtækisins eru að auki í
Reykjavík, á Akureyri og Húsavík.
Aðspurður segir hann að mikil
hagræðing hafi staðið yfir í fyr-
irtækinu og starfsfólki verið fækkað
bæði á Húsavík og Akureyri á síð-
ustu tveimur mánuðum en hann
telji að fleiri uppsagnir standi ekki
til. „Við fækkuðum starfsfólki á hin-
um stöðunum en það voru reyndar
hefðbundnar haustfækkanir, því
janúar til mars eru alltaf erfiðir
rekstrarmánuðir,“ bendir hann á,
en níu manns var sagt upp á Ak-
ureyri og sjö á Húsavík. Bætt sé
síðan við starfsfólki yfirleitt undir
sumarið og er það fólk ráðið fram
að jólum.
Fyrstu uppsagnirnar koma til
framkvæmda eftir mánuð
Yfirvöld hafa krafist úrbóta á
stórgripasláturhúsinu í Borgarnesi
og segir Sigmundur að húsið sé
stórt og slíkar úrbætur verði kostn-
aðarsamar, þannig að fyrirtækið
sjái sér vart hag í að leggja í slíkan
kostnað. „Fyrirtækið á eingöngu
lausafjármuni í Borgarnesi. Það
leigir húseignirnar, bæði sláturhús-
ið og vinnsluna, en á vélar og tæki
þarna inni. Þær vinnslur sem við
eigum eftir á Akureyri, Húsavík og
í Reykjavík ráða við þetta magn
sem unnið er í Borgarnesi.“
Fyrstu uppsagnirnar koma til
framkvæmda um mánaðamótin jan-
úar/febrúar og síðan um hver mán-
aðamót í framhaldi af því. Einhverj-
ir starfsmenn eiga rétt á sex
mánaða uppsagnarfresti, þannig að
síðustu uppsagnirnar koma til fram-
kvæmda í sumar. Sigmar segist
ekki geta sagt til um hversu mikil
starfsemi verður í Borgarnesi á
næstu mánuðum. Að hans sögn var
starfsfólki og heimamönnum tjáð að
ef áhugi væri fyrir hendi að skoða
eitthvað í rekstri þarna væru for-
svarsmenn Norðlenska tilbúnir til
að skoða það með þeim. Engin við-
brögð höfðu fengist ennþá en fólk
fékk uppsagnarbréfin í gærmorgun.
„Við vorum búin að láta vita að
reksturinn gengi mjög illa, þannig
að fólk átti allt eins von á þessu.
Það er alveg ljóst að uppsagnirnar
eru mjög alvarlegar fyrir svona lítið
bæjarfélag, það gerir enginn svona
viljandi,“ segir Sigmar en næstu
tveir mánuðir verða notaðir til að
fara yfir reksturinn. „Við hörmum
að þurfa að grípa til þessara að-
gerða. Eigi að síður er það mat okk-
ar að þessar aðgerðir séu nauðsyn-
legar og óumflýjanlegar ef takast á
að snúa við miklum taprekstri og
byggja upp öflugt fyrirtæki.“
Um 290 manns vinna hjá Norð-
lenska við slátrun, kjötvinnslu og
vinnslu í frystihúsum, auk sölu-
starfa, og eru höfuðstöðvar fyrir-
tækisins á Akureyri, en þar er jafn-
framt stærsta vinnslan.
„Þessar uppsagnir hafa slæm
áhrif á bæjarfélagið,“ segir Stefán
Kalmansson, bæjarstjóri Borgar-
byggðar, en starfsmennirnir eru
flestir úr Borgarnesi. „Það á eftir
að koma í ljós hvort atvinna bíður
þessa fólks. En þarna er faglært
fólk, sem gengur ekki í hvaða störf
sem er og getur orðið erfitt fyrir
það að fá vinnu við sitt hæfi.“ Hann
bendir hins vegar á að ekki sé at-
vinnuleysi í Borgarbyggð, þannig að
það hafi verið hægt að fá vinnu á
þessu markaðssvæði hingað til.
Að hans sögn eru þetta ekki nýj-
ar fréttir að þessi rekstur eigi í erf-
iðleikum. Mikil uppstokkun átti sér
stað í fyrra sem endaði með því að
Norðlenska gekk inn í þennan
rekstur en því miður gekk það held-
ur ekki upp. „Það er enginn að
segja að það verði þar með hætt að
vinna kjötvörur hér í Borgarnesi.
Það á eftir að athuga það hvort ein-
hverjir séu tilbúnir til að taka yfir
reksturinn. Það þarf að skoða
næsta leik í stöðunni,“ segir Stefán
og nefnir að auðvitað sé þetta mikið
áfall fyrir 1.750 manna byggðarlag.
Kjötvinnsla Norðlenska í Borgarnesi sendi 37 starfsmönnum uppsagnarbréf í gær
Uppsagnirnar áfall
fyrir bæjarfélagið
YFIRVINNUBANN flugumferðar-
stjóra hefst 14. janúar næstkomandi
og mun standa þar til nýr kjara-
samningur hefur verið undirritaður.
Sturla Böðvarsson, samgönguráð-
herra, sagði að það lægi fyrir að flug-
umferðarstjórar ynnu mikla yfir-
vinnu og það væri ljóst að
yfirvinnubann þeirra mundi trufla
flugumferð. Hann sagðist ekki hafa
fengið nákvæmar upplýsingar um
hversu mikil áhrif yrðu af yfirvinnu-
banninu. Sturla sagði að mjög hægt
hefði miðað í kjaraviðræðum flug-
umferðarstjóra og ríkisins og svo
virtist sem erfitt væri að finna lausn
á kjaradeilunni.
Þorgeir Pálsson, flugmálastjóri,
sagðist ekki eiga von á því að yfir-
vinnubannið hefði mikil áhrif á
reglulegan rekstur. Þetta væri bæði
sá tími þegar flugumferð væri sem
minnst en auk þess hefði orðið mikill
samdráttur í fluginu þannig að áhrif-
in á beinan rekstur yrðu ekki mjög
mikil, að minnsta kosti ekki til að
byrja með hvað sem síðar yrði. Hjá
Flugmálastjórn væru menn hins
vegar ekki farnir að skoða þetta í
smáatriðum enda skipti miklu máli
hvernig deilan mundi þróast.
Yfirvinnubann
flugumferðarstjóra
Ekki mikil
áhrif á
reglulegan
rekstur
NAPRIR vindar og ísköld fönn gera
nú smáfuglunum erfitt um vik. Því
getur orðið þröngt í búi eins og oft
er þegar vetur ræður ríkjum. Sam-
kvæmt venju sendir Sólskríkjusjóð-
urinn barnaskólum víða um land
fuglafóður og voru fyrstu sekkirnir
sendir af stað snemma í mán-
uðinum. Verksmiðjan Katla malar
smáfuglafóðrið sem Sólskríkjusjóð-
urinn sendir til skólanna, en und-
anfarin ár hefur sjóðurinn dreift
allt að 90 þrjátíu og fimm kílóa
sekkjum af kurluðum maís til
barnaskóla um land allt, til þess að
börnin geti gefið smáfuglunum.
Sjálfur segist Erlingur Þor-
steinsson, formaður Sólskríkju-
sjóðsins, hafa byrjað að gefa fugl-
unum þegar fyrsti snjórinn féll og
voru smáfuglarinr þá iðnir við að
sækja sér korn í nefið.
Sólskríkjusjóðurinn hefur verið
við lýði í nærfellt 52 ár en Erlingur
hefur verið formaður hans síðan
1960. Sjóðurinn var stofnaður af
móður Erlings, Guðrúnu J. Erlings,
á sjötugsafmæli hennar árið 1948,
til minningar um föður hans, Þor-
stein skáld Erlingsson. Sjóðnum,
sem er eingöngu ætlað að kaupa
fuglafóður í byrjun vetrar, hefur að
hluta verið aflað tekna með útgáfu
jólakorta og minningarkorta, en
jafnframt hafa framleiðendur fóð-
ursins, fyrst Fóðurblandan hf. og
nú á síðari árum Verksmiðjan
Katla, stutt sjóðinn með 5% af út-
söluverði fuglafóðurs.
Sólskríkjusjóðurinn sendir fuglakorn í barnaskóla
Morgunblaðið/Árni Sæberg
Yfir háveturinn þykir smáfuglum ekki amalegt að gæða sér á maískurli.
Þröngt í
búi hjá smá-
fuglunum