Morgunblaðið - 29.12.2001, Side 19

HÖFUÐBORGARSVÆÐIÐ
MORGUNBLAÐIÐ LAUGARDAGUR 29. DESEMBER 2001 19
HUGMYNDIR um byggingu
20 hæða turns við versl-
unarmiðstöðina Kringluna
voru kynntar í skipulags- og
bygginganefnd Reykjavíkur
á síðasta fundi nefndarinnar
fyrir jól. Er ráðgert að bygg-
ingin muni hýsa hótel og
skrifstofur.
Það er Þyrping hf. sem
hefur áform um byggingu
turnsins en hönnuður hans
er Halldór Guðmundsson
arkitekt sem jafnframt
kynnti tillöguna en nefndin
tók ekki afstöðu til bygging-
arinnar. Segir í bréfi hans til
nefndarinnar að turninn
ásamt kjallara yrði um 15
þúsund fermetrar að stærð
en að auki sé gert ráð fyrir
3.000 fermetra aukabygg-
ingarmagni „fyrir minnihátt-
ar breytingar innan lóðar í
nánustu framtíð“.
Krafa um tæp
500 bílastæði
Kemur fram í bréfinu að
nýtingarhlutfall lóðarinnar
muni breytast úr 1,19 í 1,50
en séu yfirbyggð bílastæði
ásamt bílastæðum í kjallara
Kringlunnar 6 reiknuð með
fer nýtingarhlutfall í 2,07.
Í gögnum með bréfinu seg-
ir að bílastæðakrafa alls
vegna turnbyggingarinnar
sé 488,5 stæði. Umframstæði
samkvæmt deiliskipulagi séu
385 talsins en til viðbótar við
þau komi 192 stæði með
stækkun og breytingu á bíla-
stæðunum vestan við Kringl-
una. Þá bætist við 43 stæði
austan við turninn. Alls verði
því 131,5 umframstæði eftir
breytinguna.
Segir í bréfinu að gert sé
ráð fyrir að bílastæðum á
vestur-, norður- og aust-
urmörkum lóðar verði breytt
og þau fegruð í samræmi við
þau bílastæði sem fyrir eru á
suðausturmörkum svæðisins.
„Tillagan gerir einnig ráð
fyrir að aðkomu inn á lóðina
og legu gatna á vestur- og
norðurmörkum svæðisins
verði breytt með það að
markmiði að draga úr um-
ferðarhraða.“
Tuttugu hæða hótelturn
Hönnun/Teiknistofa Halldórs Guðmundssonar
Kringlan
TILLAGA að deiliskipulagi
fyrsta áfanga Valla verður
formlega auglýst í byrjun jan-
úar samkvæmt samþykkt
bæjarstjórnar. Um er að ræða
þétta íbúðarbyggð með 187 til
234 íbúðum.
Skipulagssvæðið er um 6
hektarar að stærð en deili-
skipulagið er fyrsti áfanginn í
nýju íbúðarhverfi vestan
Grísaness og sunnan Reykja-
nesbrautar. Hönnuðir skipu-
lagsins eru Gláma/Kím arki-
tektar. Í greinargerð með
tillögunni segir að meginhluti
svæðisins verði þétt blönduð
íbúðarbyggð, ýmist í einbýlis-,
rað- eða fjölbýlishúsum sem
verði frá einni og upp í fimm
hæðir. „Byggðinni er ætlað að
mynda samstæða og þétta
heild með sterkum bæjarrým-
um. Sérstök áhersla er lögð á
greiðar tengingar við nær-
liggjandi útivistarsvæði við
Grísanes og í kringum Ástjörn
og áfram upp að Hvaleyrar-
vatni,“ segir í greinargerðinni.
Húsin í hverfinu munu
liggja við þrjár húsagötur sem
kallast Berja-, Blóm- og
Burknavellir. Við Berjavelli er
gert ráð fyrir þremur fjöl-
býlishúsum, við Blómvelli
verða 21 einbýlishús og 10
raðhús en við Burknavelli
munu verða fimm einbýlishús
og fjögur fjölbýlishús. Verða
einbýlishúsin ein til tvær hæð-
ir, raðhúsin tvær hæðir og
fjölbýlishúsin tvær til sex
hæðir. Samtals er áætlað að
heildarfjöldi íbúða verði 187–
234 talsins.
Hraunbollar sem leik-
svæði og bílageymslur
Segir í greinargerðinni að
samkvæmt deiliskipulaginu
leggi þétt íbúðarbyggð sig
„ákveðið að landslaginu þar
sem hraunjaðrar og hraun-
brúnir eru markvisst varð-
veittar eftir því sem við á, fyr-
ir nærliggjandi lóðir,
göngustíga og útivistar-
svæði.“ Grunnir hraunbollar
verða nýttir sem leiksvæði
barna og verður sameiginlegt
leiksvæði í miðju hverfinu í
skýrt afmörkuðum hraun-
bolla. Dýpstu hraunbollarnir
og gjótur tengdar þeim verða
hins vegar nýttar fyrir bíla-
geymsluhús undir fjölbýlis-
húsum eftir því sem aðstæður
leyfa hverju sinni.
Samkvæmt tillögunni verð-
ur helsti hluti samgöngukerf-
isins safngata, Akurvellir, í
suðurjaðri skipulagsreits.
Safngatan mun tengjast Ás-
braut og Krýsuvíkurvegi um
hringtorg í vesturjaðri skipu-
lagsreitsins og er það gert til
að stemma stigu við umferð-
arhraða í hverfinu sem allt
fellur undir 30 kílómetra
svæði. Frá safngötunni ganga
húsagöturnar Blómvellir og
Burknavellir. Húsagatan
Berjavellir er hins vegar
tengd til bráðbirgða beint inn
á Ásbraut og Krýsuvíkurveg
þar sem gert er ráð fyrir að til
framtíðar flytjist lega Ás-
brautar lengra til vesturs og
Krýsuvíkurvegur tengist
beint inn á Reykjanesbrautina
enn vestar.
Almenningssamgöngur
framlengdar
Þá verður á svæðinu net
göngu- og hjólreiðastíga sem
tengir saman íbúðarbyggðina
og nærliggjandi byggða- og
þjónustukjarna um útivistar-
svæði og landslagið, þ.e.
hraunbolla, hraunjaðra og
gróðurreiti. Mun Hafnarfjarð-
arbær gróðursetja gróður-
belti meðfram göngustígum
til þess að búta til umgjörð um
stígana og skapa skjól fyrir
ríkjandi áttum.
Ráðgert er að leiðakerfi
strætisvagna, sem nú endar
við íþróttamiðstöð Hauka að
Ásvöllum, verði framlengt að
hverfinu eða að hringtorginu
við gatnamót Akurvalla, Ás-
brautar og Krýsuvíkurvegar.
Í greinargerðinni segir að
leitast sé við að hafa sjálfbæra
þróun að leiðarljósi við úr-
vinnslu á skipulaginu í sam-
ræmi við skipulagslög. „Það
er gert með því að leggja
áherslu á þéttari byggð og
styttra grunnkerfi í skipulag-
inu. Afleiðing þess er styttri
aksturs- og gönguleiðir sem
er jákvætt í vistrænu sam-
hengi,“ segir í greinargerð-
inni.
Í næsta áfanga deiliskipu-
lagsvinnunnar verður unnið
deiliskipulag fyrir miðhverfið,
sem mun rísa vestan við fyrsta
áfanga og framhald af íbúðar-
hverfinu.
Í öðrum áfanga, sunnan við
nýja hverfið sem nú hefur ver-
ið skipulagt, er gert ráð fyrir
grunnskóla og leikskóla.
Hönnun/Gláma-Kím
Engin byggð liggur að Vallasvæðinu sem stendur en þar verður lögð áhersla á að láta
hraunmyndanir njóta sín í landslaginu.
Þétt íbúðabyggð á Völlum
Hafnarfjörður

45567
  
 1 2 %
,
(3
3(
&
345$6&
,-7%8&
$6&

 
317(
295
7
-
%
$
-
&
:
 




FORSVARSMENN Grand
Hótels í Reykjavík hafa fengið
samþykki meirihluta skipu-
lags- og bygginganefndar
Reykjavíkurborgar fyrir því
að vinna að tillögu að nýju
deiliskipulagi við Grand Hótel
við Sigtún í Reykjavík vegna
byggingar nýrrar 9.300 fer-
metra og þrettán hæða hótel-
byggingar.
Er með þeirri byggingu
ráðgert að bæta við um 200
hótelherbergjum við þau 99
herbergi sem þegar eru á hót-
elinu. Herbergjafjöldi yrði þar
með um þrjú hundruð. Miðað
er við að framkvæmdum við
nýja byggingu ljúki vorið 2003
en áætlaður kostnaður er 1,5
milljarðar kr.
Í fundargerð skipulags- og
bygginganefndar Reykjavíkur
kemur fram að einn nefndar-
manna, Steinunn V. Óskars-
dóttir, fulltrúi R-lista, er á
móti umræddri breytingu.
Segist hún í bókun ekki geta
fallist á breytingu á deiliskipu-
lagi sem geri ráð fyrir tveimur
„ellefu hæða turnum á lóð
Grand Hótels við Sigtún.
Breytingin er í hróplegu
ósamræmi við byggðamynstur
við Sigtún og Teigahverfisins í
heild og stingur mjög í stúf við
sitt nánasta umhverfi,“ segir
orðrétt í bókuninni.
Í gögnum frá Guðjóni
Magnússyni, arkitekt nýbygg-
ingarinnar, kemur reyndar
fram að byggingin verði tólf
fullar hæðir auk einnar hæðar
til viðbótar sem yrði „inndreg-
in hæð efst.“ Þá kemur fram
að byggingin verði í tveimur
hlutum sem tengdir verða
saman með millibyggingu úr
gleri.
Aðalinngangur færður
Í gögnunum kemur auk
þess fram að stefnt sé að því
því að flytja aðalinngang
Grand Hótels, sem nú snýr að
Sigtúni, þannig að hann snúi
að Kringlumýrarbraut. Með
því er reynt að „leysa þau
óþægindi sem íbúar við Sigtún
verða fyrir af völdum umferð-
ar og þá einkum umferð lang-
ferðabifreiða,“ segir í um-
ræddum skýringum. Þar
kemur einnig fram að aukin
bílastæðaþörf verði leyst að
hluta á lóð Sigtúns 38 en að
hluta í bílageymslukjallara ný-
byggingarinnar.
Stefnt er að því að ljúka
vinnu við tillögu á breytingu á
deiliskipulaginu við Sigtún 38
miðað við frumdrögin að nýrri
hótelbyggingu sem fyrst, að
sögn Guðjóns Magnússonar
arkitekts. Þegar þær tillögur
hafa litið dagsins ljós þurfa
þær að fara í svokallaða
grenndarkynningu en endan-
legt deiliskipulag verður að
hljóta blessun borgarráðs.
Tölvumynd/Onno
Stefnt að
nýrri byggingu
vorið 2003
Laugarneshverfi
Grand Hótel við Sigtún