Morgunblaðið - 29.12.2001, Blaðsíða 22

SUÐURNES
22 LAUGARDAGUR 29. DESEMBER 2001 MORGUNBLAÐIÐ
STARFSFÓLK Íslenskra að-
alverktaka og fyrirtækið hafa fært
bræðrunum Sigurði og Friðriki
Guðmundssonum í Njarðvík fram-
lag í ferðasjóð. Bræðurnir eru
bundnir við hjólastól og eiga sér
þann draum að komast til Flórída, í
Disney World.
Bræðurnir Sigurður, sem er
átján ára og Friðrik, tólf ára, eru
haldnir alvarlegum og sjaldgæfum
vöðvarýrnunarsjúkdómi sem nefn-
ist Duchenne Muscular Dystrophy.
Sjúkdómurinn er ólæknandi og
leggst eingöngu á drengi. Tíðni
þessa sjúkdóms er álitin vera um
það bil einn af hverjum fjögur þús-
und fæddum drengjum í heiminum,
en um fimmtán drengir hafa
greinst með hann hér á landi og eru
sex þeirra á lífi.
Starfsmenn ÍAV-Ísafls við Vatn-
fellsvirkjun ásamt undirverktökum
söfnuðu fé handa þeim til að að-
stoða þá við að láta drauminn ræt-
ast. Íslenskir aðalverktakar lögðu
fram mótframlag og fengu þeir
bræður 400.000 krónur í styrk í
ferðina. Stefán Friðfinnsson, for-
stjóri Íslenskra aðalverktaka, og
Agnar Strandberg, fulltrúi starfs-
manna ÍAV-Ísafls, heimsóttu þá
Sigurð og Friðrik á Þorláksmessu
og afhentu þeim styrkinn. Með
þeim á myndinni er Guðmundur
Sigurðsson, faðir þeirra bræðra.
Áður höfðu Sigurður og Friðrik
fengið andvirði tjónabíls sem Sjóvá-
Almennar tryggingar gáfu og
Lionsklúbbarnir í Reykjanesbæ
hafa einnig fært þeim veglegt fram-
lag í ferðasjóðinn.
Vonast þeir til að komast í ferð-
ina síðar í vetur.
Starfsfólk ÍAV gefur í
ferðasjóð bræðranna
Njarðvík
GERÐAHREPPUR mun leggja 50
milljónir í viðbyggingu Gerðaskóla
og 20 milljónir í malbikun og gang-
stéttir, samkvæmt fjárhagsáætlun
næsta árs sem lögð hefur verið fram.
Þá er gert ráð fyrir að byggðar verði
íbúðir aldraðra en það verkefni er
fjármagnað utan fjárhagsáætlunar,
af sérstöku félagi sem stofnað verð-
ur.
Gert er ráð fyrir því í fjárhags-
áætlun Gerðahrepps að tekjur verði
311 milljónir kr. á næsta ári og að
233,5 milljónum kr. verði varið til
reksturs málaflokka. Langstærsti
einstaki kostnaðarliðurinn er rekst-
ur Gerðaskóla en gert er ráð fyrir að
hann kosti 100 milljónir kr. Hlutfall
reksturs verður rúmlega 75% af
tekjum, sem er lægra hlutfall en útlit
er fyrir að verði á yfirstandandi ári.
Áætlun þessi hefur það megin-
markmið að álögum á íbúa og fyr-
irtæki sé haldið í eins miklu lágmarki
og mögulegt er, segir í greinargerð
Sigurðar Jónssonar sveitarstjóra.
Eins og fram hefur komið verður út-
svar óbreytt frá yfirstandandi ári,
12,7%. Ef hreppurinn hefði nýtt sér
að fullu heimild til hækkunar útsvars
hefðu tekjur hans aukist um 5,4
milljónir. Tekjur af fasteignaskött-
um hækka aftur á móti nokkuð
vegna hækkunar á fasteignamati.
Íbúðir aldraðra, skóli og götur
Gert er ráð fyrir að tæpum 84
milljónum verði varið til fjárfestinga.
Stærsta einstaka framkvæmdin er
viðbygging við Gerðaskóla, 50 millj-
ónir kr. Gert er ráð fyrir að lokið
verði við byggingu fjögurra kennslu-
stofa sem gerir það kleift að einsetja
skólann næsta haust.
Hreppsnefnd Gerðahrepps sam-
þykkti fyrr á árinu að láta gera áætl-
un um átak til að ljúka við að setja
varanlegt slitlag á allar götur í þorp-
inu og stórátak í lagningu gang-
stétta. Vinna á að þessu verkefni á
árunum 2002 til 2006. Á næsta ári er
gert ráð fyrir 20 milljóna króna
framlagi til átaksins.
Þriðja stóra verkefnið sem gert er
ráð fyrir að ráðist verði í á næsta ári
er bygging íbúða fyrir aldraða. Gert
er ráð fyrir byggingu tíu íbúða í ná-
grenni hjúkrunarheimilisins Garð-
vangs. Íbúðalánasjóður hefur sam-
þykkt að veita 90 milljóna króna lán
til framkvæmdarinnar. Ekki er gert
ráð fyrir fjárveitingum af hálfu
Gerðahrepps til byggingarinnar.
Hins vegar er í fjárhagsáætlun lagt
til að stofnað verði B-hlutafélag sér-
staklega utan um verkefnið.
30 milljóna króna ný lán
Þegar gert hefur verið ráð fyrir
rekstri málaflokka og vaxtagjöldum
hefur Gerðahreppur 58,5 milljóna
króna afgang af tekjum til afborgana
og fjárfestinga. Auk þess fær sveit-
arsjóður liðlega 36 milljóna króna
greiðslu frá Hitaveitu Suðurnesja,
vegna útgreiðslu á hluta af höfuðstól
sem ákveðin var fyrr á þessu ári í
tengslum við formbreytingu á hita-
veitunni.
Þessum fjármunum er varið til
fjárfestinga, 84 milljónir kr., eins og
sagt hefur verið frá, og til afborgana
af lánum, 41,5 milljónir kr. Til þess
að endar nái saman þarf að taka nýtt
lán, 30 milljónir kr. Er gert ráð fyrir
því í fjárhagsáætluninni sem af-
greidd verður á fundi hreppsnefndar
9. janúar næstkomandi.
Sérstakt félag stofnað um
byggingu íbúða aldraðra
Gerðahreppur
ÁRAMÓTABRENNUR verða með
hefðbundnu sniði í Grindavík, Höfn-
um, Sandgerði, Garði og Vogum á
gamlárskvöld. Engin bæjarbrenna
verður í Reykjanesbæ en þar verða
smærri hverfisbrennur.
Á vegum Reykjanesbæjar hefur
lengi verið safnað í stóra áramóta-
brennu í Innri-Njarðvík. Bæjaryfir-
völd hafa ákveðið að hætta með
þessa brennu, meðal annars af um-
hverfisástæðum, en hyggjast þess í
stað leggja áherslu á þrettánda-
brennu og skemmtun sem þá er
haldin. Bærinn hefur samið við
Björgunarsveitina Suðurnes um að
annast brennu á Iðavöllum á þrett-
ándanum og tilheyrandi flugeldasýn-
ingu.
Að sögn Sigmundar Eyþórssonar,
slökkviliðsstjóra hjá Brunavörnum
Suðurnesja, má búast við að í staðinn
fjölgi minni hverfisbrennum á gaml-
árskvöld og hafði hann í gær fengið
umsóknir um nokkrar slíkar.
Stórar brennur á
hinum stöðunum
Brennur verða á vegum björgun-
arsveitanna í Vogum, Garði og Höfn-
um. Þá verða stórar brennur í
Grindavík og Sandgerði, einnig á
vegum björgunarsveitanna. Brenn-
an í Grindavík verður á nýjum stað, í
Bót, sem er niður við sjó, vestan við
byggðina. Ásmundur Jónsson
slökkviliðsstjóri telur að þar sé kom-
ið framtíðarsvæði fyrir brennu en
byggðin hefur þrengt að gamla
brennusvæðinu.
Á öllum eða flestum staðanna
verða bjögunarsveitirnar með flug-
eldasýningar en eins og víða annars
staðar er sala flugelda hafin hjá
björgunarsveitum, íþróttafélögum
og fleiri aðilum.
Engin bæjarbrenna
hjá Reykjanesbæ
Suðurnes
HREPPSNEFND Gerða-
hrepps hefur samþykkt tillögu
skólanefndar um að Jón Ög-
mundsson verði áfram aðstoðar-
skólastjóri Gerðaskóla.
Ein umsókn barst um stöðu
aðstoðarskólastjóra Gerðaskóla.
Áður en hreppsyfirvöld höfðu
fjallað efnislega um umsóknina
dró Jón Ögmundsson sem gegnt
hefur starfinu undanfarin ár
uppsögn sína til baka. Var það
samþykkt af skólanefnd og nú af
hreppsnefnd og mun hann því
gegna starfinu áfram.
Aftur á móti stóð Einar Val-
geir Arason við uppsögn sína
sem skólastjóri og var Erna M.
Sveinbjarnardóttir ráðin í hans
stað. Á fundi hreppsnefndar
Gerðahrepps í fyrrakvöld var
fært til bókar að Einari væru
færðar þakkir fyrir samstarfið
og honum óskað velfarnaðar í
nýjum störfum.
Afturköllun
uppsagnar
samþykkt
Garður
ÓLAFUR Grétar Gunnarsson lætur
um áramót af starfi verkefnisstjóra í
forvarnaverkefninu Reykjanesbær á
réttu róli. Verið er að huga að fram-
tíð verkefnisins.
Samningur Ólafs rennur út um
áramót en hann hefur sinnt starfinu í
hlutastarfi. Hann segist hafa haft
ánægju af starfi og vonast til að
verkefnin muni halda áfram í ein-
hverri mynd.
Lætur af starfi
verkefnisstjóra
Reykjanesbær
Umhyggju, gjöfina, sem er 100
þúsund krónur, að því er fram
kemur í fréttatilkynningu frá
Bláa lóninu.
Umhyggja vinnur að bættum
hag sjúkra barna og fjölskyldna
þeirra. Í félaginu starfa foreldrar
langveikra barna og fagfólk inn-
an heilbrigðiskerfisins.
BLÁA lónið ákvað að senda ekki
út hefðbundin jólakort fyrir þessi
jól en nota fjármunina þess í stað
til þess að styrkja Umhyggju.
Anna G. Sverrisdóttir, rekstr-
arstjóri Bláa lónsins, afhenti
Rögnu Marinósdóttur, formanni
Afhenda Umhyggju
jólakortapeninga
Bláa lónið
KARAOKEKEPPNI Þrumunnar,
félagsmiðstöðvarinnar í Grindavík,
var haldin nú á dögunum. Keppnin
var að þessu sinni haldin í Grunn-
skóla Grindavíkur og var keppt í
hópa- og einstaklingskeppni.
Í hópakeppninni vann hljómsveit
sem ber nafnið Predator og í ein-
staklingskeppninni sigraði Gígja
Eyjólfsdóttir með glæsibrag en hún
söng lagið Angel. „Þessir sigurveg-
arar taka síðan þátt í Samsuðs-
keppninni í janúar. Krakkarnir í 8-E
unnu frumleikaverðlaun í hópa-
keppninni og fengu auk þess pítsu-
verðlaun fyrir að vera flest í hóp,“
sagði Ágústa Gísladóttir, forstöðu-
maður Þrumunnar.
Eldri borgarar mæta líka
Krakkarnir í Grindavík eru sér-
lega duglegir að sækja Þrumuna og
ekki bara þau heldur eru eldri borg-
arar í Grindavík farnir að mæta upp í
Þrumu til að spila billjard eftir há-
degið.
„Já það er rétt, það eru nokkrir
eldri borgarar sem mæta þegar þeim
hentar eftir hádegið og krakkar eldri
en á grunnskólaaldri geta mætt
þrisvar í viku á opið hús. Hjá krökk-
unum á grunnskólaaldri er virknin
mismikil eftir aldri. Boðið er upp á
ýmislegt, svo sem billjardmót, kar-
aokekeppnina, klúbbastarf ýmislegt,
opið hús og diskótek svo eitthvað sé
nefnt. Vinsælustu klúbbarnir eru
kvikmyndaklúbbur og stelpuklúbb-
ur. Þá var um síðustu helgi opið hús í
íþróttahúsinu sem körfuknattleiks-
deildin sá um sem hluta af forvarn-
arstarfi sínu. Knattspyrnudeildin
mun síðan vera með opið hús í
íþróttahúsinu eftir áramót,“ sagði
Ágústa.
Yngri og eldri borg-
arar sækja Þrumuna
Grindavík
Morgunblaðið/Garðar Páll Vignisson
Magnús Bjarni Pétursson tók
þátt í karaokekeppninni.
STÓRI stelpudagurinn hjá körfu-
knattleiksdeild Keflavíkur verður í
íþróttahúsinu við Sunnubraut nk.
sunnudag, klukkan 12 til 16.
Tilgangur dagsins er að vekja at-
hygli á öflugu kvennastarfi í körf-
unni en um 130 stúlkur æfa hjá
Keflavík. Á stóra stelpudeginum er
leikið á mörgum völlum í senn og í
lokin verður stjörnuleikur.
Dagur körfu-
boltastelpna
Keflavík
♦ ♦ ♦