Morgunblaðið - 06.01.2002, Síða 2

FRÉTTIR
2 SUNNUDAGUR 6. JANÚAR 2002 MORGUNBLAÐIÐ
Morgunblaðinu í dag fylgir auglýs-
ingablað f́rá Múlakaffi. Blaðinu verð-
ur dreift um allt land.
Morgunblaðinu í dag fylgir auglýs-
ingablað f́rá Hreyfingu. Blaðinu verð-
ur dreift um höfuðborgarsvæðið.
LÖGREGLAN í Reykjavík bjargaði
í fyrrinótt manni sem hafði kastað
sér í sjóinn af Miðbakka Reykjavík-
urhafnar.
Að sögn lögreglu er maðurinn tal-
inn hafa verið ölvaður en hann mun
hafa skilið jakka sinn, úr og GSM-
síma eftir á bryggjunni áður en hann
stökk í sjóinn. Lögreglan náði hon-
um stuttu síðar upp í lítinn björg-
unarbát og flutti hann kaldan á
slysadeild til aðhlynningar.
Fimm ökumenn voru grunaðir um
ölvun við akstur í höfuðborginni og
15 voru stöðvaðir fyrir hraðakstur.
Að öðru leyti var næturvaktin
fremur róleg.
Kastaði sér
í sjóinn við
Miðbakka
ÞRÍR ungir karlmenn veittust að
Bandaríkjamanni, liðsmanni varnar-
liðsins á Keflavíkurflugvelli, á átt-
unda tímanum í gærmorgun.
Samkvæmt upplýsingum lögregl-
unnar í Keflavík var maðurinn einn á
gangi í Keflavík þegar mennirnir
réðust að honum og veittu honum
áverka í andliti. Hann kom sér sjálf-
ur inn á varnarliðssvæðið og hafði
þar samband við lögreglu.
Veittust að
varnarliðs-
manni
ÁKVEÐIÐ hefur verið að fresta
endurræsingu annarrar vélar
Vatnsfellsvirkjunar fram í febrúar
en vélin skemmdist í lok nóvember
þegar bilun varð í stýrikerfi henn-
ar. Hin vélin í virkjuninni var
gangsett fyrir jól.
Eldur kom upp í fyrri vélinni
þegar hún var reynslukeyrð en bil-
un í stýrikerfi olli því að bremsur
voru á þegar hún var gangsett.
Var gert ráð fyrir að þegar færi
fram bráðabirgðaviðgerð en nú
hafa sérfræðingar frá framleiðand-
anum, sem er General Electric í
Brasilíu, ákveðið að gera fullnað-
arviðgerð á vélinni áður en hún
verður gangsett á ný. Viðgerðinni
á að vera lokið í febrúar.
Vatnsbúskapur góður
Að sögn Þorsteins Hilmarsson-
ar, upplýsingafulltrúa Landsvirkj-
unar, bera framleiðendur fulla
ábyrgð á því tjóni sem varð á vél-
inni við atvikið enda voru þeir ekki
búnir að skila henni af sér end-
anlega. Tjón vegna framleiðslutaps
er óverulegt. Seinni vélin var
gangsett fyrir jól eins og áætlað
var og hagstæð tíð að undanförnu
gerir það að verkum að vatnsbú-
skapur er mjög góður um þessar
mundir. Því er ekki útlit fyrir að
fyrirtækið nái ekki að anna raf-
magnsframleiðslu sem skyldi.
Beðið verður eftir að
fullnaðarviðgerð ljúki
Endurræsing annarrar vélar Vatnsfellsvirkjunar frestast
♦ ♦ ♦
♦ ♦ ♦
SLÖKKVILIÐ var kallað að heimili
í Njarðvíkum skömmu fyrir hádegi í
gær en kviknað hafði í út frá tölvu-
búnaði. Greiðlega gekk að ráða
niðurlögum eldsins en nokkrar reyk-
skemmdir urðu í íbúðinni, sam-
kvæmt upplýsingum lögreglu.
Strætisvagn rann út af Álftanes-
vegi við Garðahraun í mikilli hálku í
gærmorgun. Ökumaður var einn í
vagninum og sakaði hann ekki.
Fljúgandi hálka var á götum á höfuð-
borgarsvæðinu í gærmorgun, skv.
upplýsingum lögreglu.
Kviknaði
í út frá tölvu-
búnaði
HREIN kaup á erlendum verðbréf-
um á fyrstu ellefu mánuðum nýliðins
árs voru aðeins um 5,4 milljarðar kr.
en voru 41,3 milljarðar á sama tíma-
bili á árinu 2000.
Samkvæmt gögnum tölfræðisviðs
Seðlabankans hafa viðskipti með er-
lend verðbréf ekki verið minni allt frá
árinu 1996, að því er fram kemur í
frétt á vefsíðu Landssamtaka lífeyris-
sjóða. Til samanburðar voru hrein
kaup á erlendum verðbréfum 25,7
milljarðar á fyrstu 11 mánuðum árs-
ins 1999, 18,1 milljarður á sama tíma-
bili 1998, 14 milljarðar 1997 og 2,2
milljarðar árið 1996.
Verðbréfaviðskiptin neikvæð
fjórum sinnum í fyrra
Sala erlendra verðbréfa umfram
kaup nam 219 milljónum kr. í nóvem-
ber sl. Voru mánaðarleg viðskipti með
erlend verðbréf neikvæð alls fjórum
sinnum í fyrra en til samanburðar
voru viðskipti með erlend verðbréf á
öllu tímabilinu frá nóvember 1996 til
nóvember 2000 einungis neikvæð
einu sinni, í nóvembermánuði 1996.
Viðskipti
með erlend
verðbréf
ekki minni
frá 1996
ÞAÐ getur verið gott að tylla sér
niður á kaffihúsi og fá sér eitthvað
gott í gogginn og heitt að drekka,
ekki síst þegar úti er blautt og hrá-
slagalegt. Á meðan má virða fyrir
sér mannlífið úti fyrir, eins og þessi
hópur gerði í miðbænum á föstudag.
Morgunblaðið/Ásdís
Mannlíf
í mið-
bænum
SKÁKSAMBAND Íslands vinn-
ur nú að því að fá afrifur af skák-
skriftarblöðunun sem þeir Bobby
Fischer og Boris Spassky skráðu
leiki sína á þegar þeir háðu „ein-
vígi aldarinnar“ í Reykjavík fyrir
30 árum.
Samkvæmt skákreglum er
keppendum gert að skrifa alla
leiki í skákinni niður á þar til
gerð skákskriftarblöð.
Skákskriftarblöðin í einvígi
aldarinnar voru í tvíriti og héldu
þeir Fischer og Spassky eftir
frumritunum. Lothar Schmid,
sem var aðaldómari í einvíginu,
hélt eftir afrifunum og fór síðar
með þau úr landi til þess að af-
henda Alþjóðaskáksambandinu
(FIDE). Í ljós hefur komið að
Schmid hefur afrifurnar enn í
sinni vörslu en hann er sjálfur
stórmeistari í skák og þekktur
safnari.
Skáksamband Íslands minnist
á þessu ári einvígis aldarinnar á
margvíslegan hátt. Af því tilefni
var nýlega óskað eftir því við
Schmid að hann léti afrifurnar af
hendi við Skáksambandið til að
hægt væri að hafa þær á sýningu
sem opnuð verður í Ráðhúsi
Reykjavíkur á þriðjudag um leið
og einvígi stórmeistaranna
Hannesar Hlífars Stefánssonar
og Nigels Shorts hefst. Á sýning-
unni verða alls kyns munir og
skjöl sem tengjast einvíginu en
það hlaut mikla athygli jafnt hér
á landi sem erlendis.
Afrifurnar taldar
merkilegar minjar
Afrifurnar af skákskriftarblöð-
unum eru eins og gefur að skilja
merkilegar minjar um hið sögu-
lega einvígi. Friðrik Ólafsson,
stórmeistari og fyrrum forseti
FIDE, telur eðlilegt að þau séu í
vörslu Skáksambandsins eða
eftir atvikum hjá FIDE. Einvígi
aldarinnar sé merkilegur kafli í
skáksögu Íslands og afrifurnar
mikilvægar minjar um atburðinn.
Þegar hann er spurður um hvort
nýtt handritamál sé e.t.v. í upp-
siglingu segir Friðrik að vissu-
lega sé það mikilvægt fyrir
Skáksambandið að fá blöðin í
sínar hendur.
Nýtt handritamál
í uppsiglingu?
„Auðvitað vonast ég til þess að
þetta mál leysist á farsælan hátt.
Skáksamband Íslands mun
leggja áherslu á að fá blöðin í
sínar hendur og því má á vissan
hátt líta á þetta sem nýtt hand-
ritamál,“ sagði hann. „Þetta er
mál sem verður að leiða til lykta.
Þótt það hafi atvikast þannig að
blöðin hafi verið í vörslu Schmids
allan þennan tíma þá breytir það
engu um það að eignarrétturinn
er hjá Skáksambandi Íslands.“
Skáksamband Íslands undirbýr sýningu
í tilefni 30 ára afmælis „einvígis aldarinnar“
Vill fá afrifur af
skákskriftarblöðum

Eitrað peð/16