Morgunblaðið - 12.01.2002, Blaðsíða 4

FRÉTTIR
4 LAUGARDAGUR 12. JANÚAR 2002 MORGUNBLAÐIÐ
MARGEIR Pétursson, formaður Varðar, fulltrúa-
ráðs sjálfstæðisfélaganna í Reykjavík, segir að
með því að beina því til kjörnefndar að fulltrúa-
ráðsmenn verði beðnir um að stinga upp á 2–4
nöfnum sem þeir vilja sjá ofarlega á lista flokksins
í vor sé ekki verið að efna til prófkjörs á undan for-
ystuprófkjöri síðustu helgina í febrúar. Ekki sé
hægt að mæla styrkleika hugsanlegra leiðtoga
framboðs flokksins í slíkri könnun, þar eð gefið sé
að nöfn núverandi borgarfulltrúa flokksins komi
ekki til álita í slíkri könnun.
„Þetta var ekki hugsað sem styrkleikapróf,
enda verða núverandi borgarfulltrúar ekki með í
þessari könnun,“ segir Margeir og leggur áherslu
á að tilgangur könnunarinnar, sem mælst hafi af-
skaplega vel fyrir meðal flokksmanna, sé að gefa
fulltrúaráðsmönnum kost á því að benda á nýja og
vænlega kosti með það að augnamiði að styrkja
væntanlegan framboðslista.
„Hins vegar hljóta fulltrúarnir að segja sitt álit í
þessari könnun, hvert sem það er, en það er á
hreinu að með henni var aldrei ætlunin að efna til
forprófkjörs á undan eiginlegu forystuprófkjöri,“
segir Margeir Pétursson.
Póstkönnun á næstu dögum
Gert er ráð fyrir að umrædd könnun fari fram
bréflega næstu daga meðal fulltrúaráðsfélaga, en
ekki mun ætlunin að birta niðurstöður hennar op-
inberlega, heldur eiga upplýsingarnar aðeins að
vera vinnuplagg kjörnefndarinnar, samkvæmt
upplýsingum Morgunblaðsins.
Á aðalfundi Varðar, 26. janúar nk., er ætlunin að
taka með formlegum hætti afstöðu til tillögu
stjórnar fulltrúaráðsins um forystuprófkjör um
efsta sætið á lista Sjálfstæðisflokksins fyrir borg-
arstjórnarkosningarnar í maí.
Alls hafa um 1.400 fulltrúar rétt til setu á fund-
inum, en ekki hefur verið veittur ákveðinn frestur
til að lýsa yfir framboði í forystukjörinu, en það
verður lokað og aðeins flokksbundnir sjálfstæð-
ismenn fá því að taka þátt. Það lýtur aukinheldur
prófkjörsreglum flokksins, þannig að yfir 50%
sjálfstæðismanna í Reykjavík verða að taka þátt
og einn frambjóðandi að fá yfir helming greiddra
atkvæða til þess að niðurstaða þess teljist bind-
andi. Að öðrum kosti er hún aðeins leiðbeinandi
fyrir kjörnefndina.
Formaður fulltrúaráðs sjálfstæðisfélaganna í Reykjavík
Könnun meðal fulltrúa
ekki styrkleikapróf
MIKLAR skemmdir urðu á húsnæði
fiskvinnslufyrirtækisins NG á Hellu í
gærmorgun eftir að eldur braust út á
efri hæð hússins. Húsið er tveggja
hæða, neðri hæðin úr hlöðnu grjóti en
sú efri er byggð úr timbri og klædd
bárujárni. Fiskvinnsla var á neðri
hæð en skrifstofa og aðstaða fyrir
starfsfólk á þeirri efri.
Böðvar Bjarnason, slökkviliðsstjóri
Brunavarna Rangárvallasýslu, sagði í
samtali við Morgunblaðið að mikill
hiti hefði verið í húsinu og þykkur
reykur en ekki mikill eldur sjáanleg-
ur. Miklar skemmdir af völdum elds,
sóts og reyks urðu á efri hæð og tals-
verður reykur barst á neðri hæðina.
Allur bílafloti slökkviliðsins á Hellu
og Hvolsvelli var kominn á vettvang
um kl. 5.50 en útkall hafði borist frá
Neyðarlínu 10 mínútum áður. Reyk-
kafarar hófu þegar slökkvistarf sem
gekk að sögn Böðvars afar vel enda
eru Brunavarnir Rangárvallasýslu
vel tækjum búnar. Slökkvistarf tók
um eina og hálfa klukkustund. Önnur
hús voru ekki talin í hættu.
Sjö manns hafa að staðaldri unnið
hjá NG.
Ljósmynd/Auðunn Gunnarsson
Miklar skemmdir urðu á efri hæð hússins og talsverðar reykskemmdir á þeirri neðri.
Eldur í fisk-
verkunar-
húsi á Hellu
KONAN sem lést eftir fall fram
af svalagangi íbúðahótels á Kan-
aríeyjum hét Svanhildur
Bjarnadóttir, 64 ára gömul. Hún
lætur eftir sig fimm uppkomna
syni.
Sambýlismaður konunnar er
enn í haldi lögreglu í Las Pal-
mas á Kanaríeyjum. Að sögn Ís-
lendings sem varð vitni að at-
burðinum mun maðurinn hafa
ýtt við konunni með þeim afleið-
ingum að hún datt á lágt svala-
handrið og féll fram af svölun-
um. Vitnið telur ljóst að ekki
hafi verið um ásetning að ræða
heldur hafi þarna orðið slys.
Færður á sjúkradeild
Að sögn Péturs Ásgeirssonar,
rekstrarstjóra utanríkisráðu-
neytisins, hefur maðurinn, sem
er á áttræðisaldri, verið fluttur á
sjúkradeild fangelsisins. Hefur
hann fengið leyfi til að hitta ætt-
ingja sína.
Ræðismaður Íslands á Kan-
aríeyjum fundaði í gær með lög-
manni mannsins og með fulltrúa
Plúsferða.
Lést eftir
fall fram
af svölum
SÆMUNDUR Pálsson lög-
reglumaður, einnig þekktur undir
nafninu Sæmi rokk, fékk nýlega
óvænt símtal frá vini sínum, Bobby
Fischer, líkt og Morgunblaðið
greindi frá í fyrradag. Þeir tengd-
ust vinaböndum í tengslum við
heimsmeistaraeinvígið í Reykjavík
gegn Borís Spassky árið 1972 þeg-
ar Sæmundur var nokkurs konar
öryggisvörður skákmeistarans.
Hann hafði ekki heyrt í Fischer í
rúm 20 ár, þrátt fyrir nokkrar ár-
angurslausar tilraunir, og því kom
símtalið honum skemmtilega á
óvart. Fischer hringdi frá Japan
þar sem hann er staddur ásamt þar-
lendri unnustu sinni, hafði hann þá
fengið símanúmer Sæmundar eftir
krókaleiðum.
Heimsmeistarinn fyrrverandi
verður 59 ára á þessu ári og sagði
Sæmundur í samtali við Morg-
unblaðið að hljóðið í honum hefði
verið mjög gott. Þeir töluðust við í
rúman hálftíma og ekki skorti um-
ræðuefnið. Þó var minnst rætt um
skák, að sögn Sæma.
„Hann var mjög hress og vel
stemmdur, vildi til dæmis vita hvort
ég héldi mér ekki í formi og væri
enn að dansa. Ég sagðist að sjálf-
sögðu aldrei ætla að hætta því. Það
hefur mikið vatn runnið til sjávar
síðan við heyrðumst síðast. Ég hef
heldur ekki hitt hann síðan hann
bauð mér og konu minni til Banda-
ríkjanna skömmu eftir einvígið. Við
skiptumst á samúðarkveðjum
vegna fráfalla í fjölskyldum okkar
og ýmsum upplýsingum öðrum,“
sagði Sæmundur.
Tormerki á að
koma til Íslands
Hann gerðist dularfullur þegar
spurt var um þessar upplýsingar og
aðrar. Sagði hann þá félaga vera að
vinna í tilteknu máli sem myndi
skýrast betur síðar. Aðspurður
hvort hann væri að reyna að fá
Fischer til Íslands á ný sagði Sæ-
mundur tormerki vera á því. Eftir
að Fischer hefði teflt aftur við
Spassky í Júgóslavíu á sínum tíma
hefði hann verið gerður brottrækur
af þjóðum Atlantshafsbandalagsins
og væri að auki eftirlýstur í Banda-
ríkjunum.
„Annars fór Bobby hlýjum orðum
um Ísland og okkur, Íslendinga.
Hann segist eiga góðar minningar
frá heimsmeistaraeinvíginu 1972
þrátt fyrir allt sem þar gekk á,“
sagði Sæmundur.
Bobby Fischer hress
og vel stemmdur
Morgunblaðið/Árni Sæberg
Sæmundur Pálsson, öryggisvörður
Fischers árið 1972, heyrði nýverið
frá þessum gamla vini sínum. HÆSTIRÉTTUR hefur staðfest úr-
skurð Héraðsdóms Reykjavíkur um
að verjanda fyrrum flugrekstrar-
stjóra Leiguflugs Ísleifs Ottesen sé
ekki heimilt að leggja fyrir dóminn
álitsgerð sálfræðings. Í álitsgerðinni
er lagt mat á trúverðugleika vitnis-
burðar þeirra farþega sem voru um
borð í TF-GTX og borið hafa vitni
hjá lögreglu.
Lögreglustjórinn í Reykjavík hef-
ur kært flugrekstrarstjórann fyrir
að fljúga með of marga farþega um
borð í TF-GTX frá Vestmannaeyjum
til Selfoss 7. ágúst 2000.
Einnig var staðfest að fulltrúi lög-
reglustjóra mætti leggja fram lög-
regluskýrslu um yfirheyrslu yfir
flugrekstrarstjóranum fyrrverandi.
Má ekki
leggja fram
sálfræði-
skýrslu
ÚTFÖR Þorsteins Jónssonar flug-
manns fór fram í Hallgrímskirkju í
gær. Séra Pálmi Matthíasson jarð-
söng en organisti var Jónas Þórir.
Kistuna báru úr kirkju Arngrímur
Jóhannsson, Kristján Richter,
Ragnar Kvaran, Jóhannes Snorra-
son, Einar Guðlaugsson, Ólafur G.
Einarsson, Marteinn Steinþórsson,
Viktor Aðalsteinsson, Geir Gíslason
og Pétur Valbergsson.
Útför
Þorsteins
Jónssonar
Morgunblaðið/Árni Sæberg