Morgunblaðið - 12.01.2002, Blaðsíða 12

FRÉTTIR
12 LAUGARDAGUR 12. JANÚAR 2002 MORGUNBLAÐIÐ
22 ÁRA gamalt úrkomumet á
landsvísu var slegið á Kvískerjum
í Öræfasveit á fimmtudag, eins
og frægt er orðið, en sólar-
hringsúrkoma mældist þá 293
millimetrar. Gamla landsmetið
var 243 millimetrar, sett 1. októ-
ber 1979, einnig á Kvískerjum.
Það var Helgi Björnsson veð-
urathugunarmaður á Kvískerjum
sem fékk nýja metið staðfest er
hann kannaði gögn úr úrkomu-
mæli á fimmtudagsmorgun.
„Því er ekki að leyna að ég
fylgdist með úrkomunni heilan
sólarhring að heita má,“ segir
Helgi um hinar óvenjumiklu rign-
ingar. „Það gekk svo mikið á hér
í kring að maður taldi öruggara
að fylgjast með. Að vísu flæddi
hvergi inn en þetta var alveg
óvenjulega mikið. Það bók-
staflega flóði yfir allt sléttlendi.“
Helgi segir ennfremur að ekki sé
óalgengt að sólarhringsúrkoma
mælist 100 millimetrar á Kví-
skerjum.
22 ára úr-
komumet
slegið á
Kvískerjum
Ljósmynd/Sigurður Gunnarsson
Tveir fá
úthlutað
rekstrar-
leyfi
PÓST- og fjarskiptastofnun hefur
veitt fyrirtækjunum Línu.Net hf. og
Fjarska ehf. leyfi til reksturs þráð-
lausra notendakerfa á örbylgju.
Auglýst var eftir umsóknum um leyfi
til reksturs notendakerfa á 3,5 GHz
og 10 GHz sviði í sumar og bárust
tvær umsóknir.
Póst- og fjarskiptastofnun veitti
báðum fyrirtækjunum leyfi til að
reka notendakerfi og veita tal- og
gagnaflutningsþjónustu á kerfunum.
Lína.Net fékk leyti til að nota tíðnir
á bilinu 3.400-3.550 GHz og nær leyf-
ið til fimm sveitarfélaga á höfuðborg-
inni auk Akureyrar. Fjarski fær
heimild til að nota tíðnir á bilinu
3.473-3.600 GHz og nær leyfið til 24
sveitarfélaga utan höfuðborgar-
svæðisins.
Greidd eru leyfisgjöld fyrir útgáfu
leyfanna, samtals 420 þúsund krónur
fyrir hvort leyfi.
Þráðlaus notenda-
kerfi á örbylgju
Greiðslu-
stöðvun
framlengd
HÉRAÐSDÓMUR Austurlands
hefur framlengt greiðslustöðvun
Skjávarpsins hf. um þrjá mánuði.
Íslenska sjónvarpsfélagið sem á
og rekur Skjá einn keypti Skjávarpið
í fyrrasumar og sagði skömmu síðar
upp öllu starfsfólki. Fyrrum starfs-
menn hafa lagt fram kröfu um fjár-
nám í sjónvarpssendum Skjávarps
sem í dag annast útsendingar á dag-
skrá Skjás eins á Norðurlandi og
Suðurlandi.
Frjálslynd-
ir ræða við
óháða
MIÐSTJÓRN Frjálslynda flokksins
ákvað á fundi sínum á fimmtudag að
verða við tilmælum Ólafs F. Magn-
ússonar borgarfulltrúa og læknis um
könnun á sameiginlegu framboði
frjálslyndra og óháðra við borgar-
stjórnarkosningar í vor.
Margrét K. Sverrisdóttir, fram-
kvæmdastjóri Frjálslynda flokksins,
segir að mikill einhugur hafi verið
um þessa niðurstöðu og hefur fram-
kvæmdastjórn flokksins verið falið
umboð til þess að ræða um skipan
framboðslista og forystu hans sér-
staklega.
Ólafur F. Magnússon og stuðn-
ingsmenn hans munu tilnefna full-
trúa óháðra til viðræðna við málefna-
nefnd Frjálslynda flokksins í
borgarmálefnum og nýrrar stefnu-
mótunar, þar sem það á við, að sögn
Margrétar.
Birting
myndar af
meintum
þjófum til
rannsóknar
PERSÓNUVERND hefur ákveðið
að taka til rannsóknar ákvörðun
verslunarinnar Tölvulistans að
birta á heimasíðu verslunarinnar-
myndir af tveimur mönnum , sem
munu hafa komið fram á eftirlits-
myndavél við að stela varningi,
geislaskrifara að verðmæti 33 þús-
und krónur. Myndin náðist af
mönnunum í búðinni á gamlársdag.
Myndin af mönnunum var birt und-
ir fyrirsögninni „Þekkirðu þjóf-
ana?“ og segir Hafþór Helgason,
rekstrarstjóri Tölvulistans, að
margar ábendingar hafi komið frá
fólki í kjölfarið. Á fimmtudag voru
mennirnir síðan kærðir til lögregl-
unnar og nöfn þeirra tilkynnt henni
í gær, föstudag.
Að sögn Sigrúnar Jóhannesdótt-
ur forstjóra Persónuverndar hefur
komið fram kvörtun frá viðkomandi
mönnum vegna myndbirtingarinn-
ar. Hún segir mjög strangar reglur
gilda um birtingu mynda sem bera
með sér upplýsingar af því tagi sem
hér um ræðir. Segir hún að for-
svarsmenn Tölvilistans verði krafð-
ir skýringa á því hvaða heimildir
þeir höfðu fyrir umræddri birtingu.
Hafþór Helgason segir að leitað
hafi verið álits ýmissa aðila um rétt-
mæti myndbirtingarinnar en eng-
inn hafi virst treysta sér til að segja
af eða á um réttmætið. Því hafi
myndin af mönnunum verið sett á
heimasíðuna. „Við fengum mjög
skjót svör og menn voru gjarnan
tilbúnir að segja til um hvað þessir
góðkunningjar lögreglunnar hétu,“
segir hann. Hann segir að þetta eigi
sér fordæmi hjá íslenskum aðilum.
Myndin hefur verið tekin af
heimasíðu Tölvulistans.
JÓNAS Kristjánsson, fyrrver-
andi ritstjóri DV, hefur verið
ráðinn nýr ritstjóri Frétta-
blaðsins, að því er fram kom í
Fréttablaðinu í gær. Hann mun
hefja störf á blaðinu í dag, 12.
janúar, og starfa þar sem rit-
stjóri við hlið Gunnars Smára
Egilssonar sem verið hefur rit-
stjóri blaðsins. Jónas lét af
störfum sem ritstjóri DV um
áramótin þar sem hann hafði
starfað sem ritstjóri frá upp-
hafi blaðsins. Þar áður var
hann ritstjóri bæði Dagblaðs-
ins og Vísis.
Nýr rit-
stjóri
Frétta-
blaðsins
Jónas
Kristjánsson
LANDSMÓT Ungmennafélags Ís-
lands verður ekki haldið á Ísafirði ár-
ið 2004 eins og til stóð. Á bæjarstjórn-
arfundi á fimmtudag var samþykkt
að falla frá samþykkt stjórnarinnar
frá 1. febrúar 2001 um að taka þátt í
landsmóti UMFÍ 2004.
Í greinargerð með samþykktinni
segir að þessi ákvörðun sé tekin í
samræmi við fyrirvara sem settur
hafi verið um að samstarf næðist við
hið opinbera um nauðsynlega fjár-
mögnun vegna uppbyggingar íþrótta-
mannvirkja fyrir mótið. Með tilliti til
upplýsinga um að framlag ríkissjóðs
yrði að hámarki 45 milljónir telji bæj-
arstjórnin óskynsamlegt á þessum
tíma að byggja upp mannvirki fyrir
landsmótið þar sem kostnaður bæj-
arins yrði að lágmarki 200–300 millj-
ónir. En bæjarstjórnin telur að
byggja hefði þurft 25 metra sundlaug
og frjálsíþróttavöll til viðbótar við þau
íþróttamannvirki sem þegar eru í
bæjarfélaginu. Uppbygging íþrótta-
mannvirkja hefði verið ráðgerð á
sama tíma og aðrar fjárfrekar fram-
kvæmdir og bæjarstjórn teldi ekki
rök fyrir því að breyta forgangsröðun
í framkvæmdum bæjarfélagsins.
Halldór Halldórsson, bæjarstjóri
Ísafjarðarbæjar, segir að hugmyndin
að því að halda Landsmót í bænum
hafi komið til vegna þess að Íþrótta-
félagið Höfrungur á Þingeyri fagnar
100 ára afmæli árið 2004. „Við höfum
haldið hér skíðalandsmót í mörg ár og
gengið vel, en við gerðum okkur ekki
alveg grein fyrir því hvað það þýddi
að halda Landsmót UMFÍ. En til
þess vantar okkur heilt íþróttamann-
virki. Þó samþykkti bæjarstjórn með
fyrirvara um fjármögnun að halda
mótið í bænum. Þegar málið var skoð-
að betur kom í ljós að við fengjum um
45 milljónir frá ríkinu til uppbygging-
arinnar, en samkvæmt kostnaðar-
mati myndi frjálsíþróttaleikvangur
kosta tæpar 140 milljónir króna auk
þess sem við þyrftum að byggja sund-
laug. Við erum að fara að byggja við
grunnskólann og klára gamla safna-
húsið og því teljum við okkur þurfa að
sýna ábyrgð og skynsemi í fjármálum
og hætta við að halda mótið.“ Halldór
segir að þrátt fyrir að ferðamönnum
myndi fjölga meðan á Landsmótinu
stæði myndi mótið ekki hafa afger-
andi áhrif á ferðaþjónustuna á svæð-
inu.
Vestfirðingar útundan í upp-
byggingu íþróttamannvirkja
Björn B. Jónsson, formaður
UMFÍ, segir að málið verði rætt á
fundi stjórnar félagsins í byrjun febr-
úar og reiknar með að þá hefjist við-
ræður við aðra aðila um að halda
landsmótið 2004, en nú þegar hafa
tveir aðilar lýst áhuga á að halda mót-
ið. „Það voru nokkrir aðilar sem sóttu
á sínum tíma um að halda landsmótið
2004, þar á meðal Ísafjarðarbær og
ákvað stjórnin að fela þeim að halda
mótið. Núna eru þeir hins vegar
hættir við. Mér þykir það dapurt að
vita til þess að hér á landi skuli vera
heill landshluti þar sem ekki er að-
staða til að taka við menningar- og
íþróttamóti eins og landsmótin eru.
Greinilegt er að Vestfirðingar hafa
setið eftir í uppbyggingu íþrótta-
mannvirkja og það eru slæmu tíðind-
in.“ Björn efast um að að kostnaður
Ísafjarðarbæjar vegna uppbyggingar
íþróttamannvirkja yrði 200–300 millj-
ónir króna. „Ég hefði viljað setjast
niður með þessum aðilum og ræða
málið betur því ég tel að þeir hefðu
getað komist af með mun minni
kostnað.“ Björn segir að kostnaður
við uppbyggingu íþróttaleikvanga í
Borgarnesi og á Egilsstöðum þegar
landsmót voru haldin þar síðast hafi
verið um 70 milljónir. „Þeir tala líka
um að byggja hefði þurft sundlaug,
en ungmennafélagsandinn ríkir enn
hér á Íslandi og hægt hefði verið að
notast við laugarnar sem þegar eru
fyrir hendi í Ísafjarðarbæ. Þá telur
hann að ferðaþjónustan á Vestfjörð-
um hefði notið góðs af landsmóti. „Ég
tel að markaðsvirði fyrir landsmót
hlaupi jafnvel á tugum milljóna fyrir
ferðaþjónustuna. Nýta hefði mátt
tímann fram að landsmóti á Vest-
fjörðum 2004 til að auka hlut ferða-
þjónustunnar.“
Landsmótið ekki
haldið á Ísafirði 2004
MAGNÚS Pétursson, forstjóri
Landspítala – háskólasjúkrahúss,
segir að stytta verði biðtíma eftir
aðgerðum á sjúkrahúsinu áður en
hægt yrði að huga að því að bjóða
sjúklingum frá öðrum löndum að
notfæra sér íslenska heilbrigði-
þjónustu. Halldór Jónsson, fram-
kvæmdastjóri Fjórðungssjúkra-
hússins á Akureyri, telur það koma
til greina ef tekjur af slíkri þjón-
ustu mættu verða til að bæta þjón-
ustu spítalans og auka getuna.
Forsætisráðherra Dana benti
nýlega á í stefnuræðu sinni að
þyrftu danskir sjúklingar að bíða
lengur en tvo mánuði eftir heil-
brigðisþjónustu heima fyrir mættu
þeir leita til annarra landa. Magn-
ús segir það ekki hafa verið rætt
hjá yfirstjórn Landspítalans hvort
spítalinn gæti tekið á móti sjúk-
lingum erlendis frá. Meðan biðlist-
ar væru fyrir hendi hér taldi hann
það ólíklegt, betur væri að hreinsa
þá upp fyrst áður en þjónusta fyrir
útlendinga yrði boðin.
Á fundum forstjórans með
starfsmönnum síðustu dagana hef-
ur því verið varpað fram hvort
ekki mætti sækja eftir sjúklingum
til útlanda til að fá aukin verkefni,
betri nýtingu á getu spítalans og
meiri tekjur. Segir Magnús þetta
allt áhugaverða umræðu sem
skoða megi en það verði að vera í
samhengi við biðlista og aðrar að-
stæður hér. Alls hafa nú verið
haldnir 10 fundir á ýmsum starfs-
stöðvum LSH og hafa liðlega þús-
und manns sótt þá. Milli fjögur og
fimm þúsund manns starfa á spít-
alanum.
Gerðu tilboð í að-
gerðir fyrir Norðmenn
Halldór Jónsson á Akureyri seg-
ir spítalann hafa gert í fyrra tilboð
í nokkra tugi bæklunaraðgerða
fyrir Norðmenn. Þær hafi hins
vegar endað í Danmörku. Þá segir
hann spítalann hafa sinnt liðað-
gerðum fyrir Grænlendinga.
Halldór segir það skoðunarvert
að bjóða erlendum sjúklingum
þjónustu ef hafa mætti af því aukn-
ar tekjur fyrir spítalann. „Þær
tekjur gætu síðan hjálpað okkur til
að gera enn betur,“ sagði fram-
kvæmdastjórinn og átti þar bæði
við aukna og bætta þjónustu al-
mennt.
Forráðamenn stóru spítalanna um læknisþjónustu við erlenda aðila
Kemur til greina
ef það þýðir
auknar tekjur
♦ ♦ ♦
♦ ♦ ♦