Morgunblaðið - 12.01.2002, Blaðsíða 8

FRÉTTIR
8 LAUGARDAGUR 12. JANÚAR 2002 MORGUNBLAÐIÐ
Nýir eigendur vilja hafa hreint borð fyrir sína leiðara, Jónas minn.
Hraðlestrarskólinn býður námskeið
Lestrarhraðinn
margfaldaður
FLESTIR eða allirÍslendingar semaldur hafa til eru
læsir, en misvel læsir eftir
atvikum eins og gengur.
Til er nokkuð sem heitir
hraðlestur og það sem
meira er, það er hægt að
læra hraðlestur. Hér á
landi hefur um margra ára
skeið verið starfræktur
Hraðlestrarskólinn og
hafa þúsundir Íslendinga
numið þar hraðlestur.
Stofnandi hans og skóla-
stjóri er Ólafur H. John-
son. Morgunblaðið lagði
nokkrar spurningar fyrir
Ólaf um hraðlestur, hvað
hann er og hvaða gagn
væri af honum, hverjum
hann gagnast og fleira á
þeim nótunum.
– Hvenær var skóli þessi stofn-
aður og hver var fyrirmyndin?
„Skólinn var stofnaður 1981.
Fyrirmyndin er bandarísk, en ár-
ið 1976 sótti ég námskeið hjá Eve-
lyn Wood-stofnuninni í New
York. Fékk ég strax mikinn
áhuga á þessu og sökkti mér í
kennslufræðina að baki nám-
skeiðunum. Nokkru eftir að ég
kom heim hóf ég kennslu í hrað-
lestri, fyrst hjá Stjórnunarfélag-
inu, en síðan stofnaði ég Hrað-
lestrarskólann og hef haldið
námskeið síðan.“
– Hvað er hraðlestur?
„Hraðlestur er í raun ekki ann-
að en að lesa umtalsvert hraðar
en almennt gerist. Á námskeið-
unum fjórfalda þátttakendur að
jafnaði lestrarhraðann og bæta að
auki eftirtekt sína. Þannig merkir
hugtakið hraðlestur í mínum
huga lestur á miklum hraða en
með góðri eftirtekt.“
– Hvernig er kennslunni hátt-
að?
„Hraðlestrarskólinn býður
tvenns konar námskeið. Í fyrsta
lagi þau námskeið sem boðin eru
almenningi og í öðru lagi þau
námskeið sem boðin eru fyrir-
tækjum og stofnunum. Nám-
skeiðin fyrir almenning eru sex
vikna námskeið með kennslu einu
sinni í viku og um það bil einnar
klukkustundar heimavinnu á dag.
Námskeiðin fyrir fyrirtæki og
stofnanir eru þriggja vikna nám-
skeið með kennslu einu sinni í
viku og um það bil einnar klukku-
stundar heimavinnu á dag.“
– Hverjum nýtist hraðlestur?
„Öllum sem verja miklum tíma
til lestrar. Augljóst er að þetta
nýtist námsmönnum enda verja
þeir miklum tíma í lestur. Einnig
nýtist aukinn lestrarhraði vel
stjórnendum fyrirtækja og stofn-
anna sem hafa metnað til að halda
sér þekkingarlega í fremstu röð á
sínum starfsvettvangi. Talið er að
þeir þurfi að lesa að jafnaði 3
klukkustundir á dag til þess að
komast yfir nægar upplýsingar til
þess. Stjórnandi sem fjórfaldar
lestrarhraða sinn, „býr þannig
til“ mikinn tíma sem hægt er að
nýta til annarra verka.“
– Sumum reynist
nógu illa að halda ein-
beitingu við lestur á
„venjulegum“ hraða …
hvað þá á fjórföldum
hraða.
„Bílstjórar sem aka á mjög
litlum hraða fara að horfa í kring-
um sig og hugsa um annað en veg-
inn fyrir framan bílinn. Þannig
missa þeir einbeitingu við akstur.
Svipað gerist þegar lesið er á
litlum hraða, það sem við erum að
lesa inniheldur einfaldlega ekki
nóg af upplýsingum til að halda
okkur einbeittum. Við förum að
hugsa um óskylda hluti og hug-
urinn fer á flakk. Besta leiðin til
að auka einbeitinguna er því að
auka lestrarhraðann þannig að
við þurfum að hafa okkur öll við
til að meðtaka innihald efnisins.
En auðvitað er til svo erfitt efni
að við þurfum á öllu okkar að
halda til að meðtaka innihaldið
þótt lestrarhraðinn sé mjög lítill.
Dæmi um slíkt efni er stærð-
fræðiformúlur.“
– Er mikið sótt í skólann og
hverjir eru nemendurnir?
„Já, aðsóknin er mikil. Næstu
námskeið eru fullbókuð, en ég á
laust pláss seinni hluta febrúar.
Þátttakendur á almennum nám-
skeiðum eru flestir námsmenn en
um þriðjungur eru stjórnendur úr
atvinnulífinu. Á fyrirtækjanám-
skeiðunum eru flestir úr stjórn-
unarstöðum þó það sé ekki ein-
hlítt.“
– Hvað hefurðu kennt mörgum
Íslendingum hraðlestur?
„Alls munu það vera rúmlega
6.000 manns.“
– Geta allir læsir menn lært
hraðlestur?
„Ég heiti þeim þátttakendum á
námskeiðunum endurgreiðslu á
námskeiðsgjaldi sem ekki ná að
tvöfalda leshraða sinn. Það er
mjög sjaldgæft, en kemur þó fyrir
að ég endurgreiði námskeiðs-
gjaldið. Ég tel því
óhætt að fullyrða að
nánast allir geta marg-
faldað lestrarhraðann
með þeim aðferðum
sem ég kenni.“
– En hvað með lesblinda?
„Já, lesblindir geta einnig
margfaldað lestrarhraða sinn og
bætt eftirtekt við lestur með því
að gera þær æfingar sem kenndar
eru á hraðlestrarnámskeiðunum.
Reyndar er það þannig að hlut-
fallsleg aukning á lestrarhraða
þeirra er meiri en almennt gerist,
sem stafar af því að lestrarhraði
þeirra er oft mjög lítill í upphafi.“
Ólafur H. Johnson
 Ólafur H. Johnson er stúdent
frá MH 1972, Cand. oecon. frá HÍ
1977 og uppeldis- og kennslu-
fræðingur frá KHÍ 1992. Hann
stofnaði Hraðlestrarskólann
1981. Forstöðumaður hagdeildar
Skeljungs 1978–84, stofnandi,
framkvæmdastjóri og aðaleig-
andi Gagns frá 1984. Kennari í
tölvufræði og viðskiptagreinum
1988–2000. Eigandi Sumarskól-
ans að hluta frá stofnun 1993.
Eiginkona Ólafs er Borghildur
Pétursdóttir og eiga þau þrjú
börn, Ólaf Hauk, Pétur Örn og
Örnu Margréti, 18, 16 og 13 ára.
Að auki á Ólafur dóttur, Katrínu
Ágústu, 24 ára, listdansara hjá
Íslenska dansflokknum, af fyrra
hjónabandi.
…fyrirmynd
skólans er
bandarísk