Morgunblaðið - 12.01.2002, Blaðsíða 53

FÓLK Í FRÉTTUM
MORGUNBLAÐIÐ LAUGARDAGUR 12. JANÚAR 2002 53
ÚTSALAN ER HAFIN
Bolir frá kr. 690
Gallabuxur frá kr. 990
Gallajakkar frá kr. 1.990
Skór frá kr. 3.990
Jakkaföt frá kr. 9.990
Bolir frá kr. 490
Peysur frá kr. 990
Pils frá kr. 990
Kjólar frá kr. 1.490
Buxur frá kr. 1.490
Fötin sem
krakkarnir vilja
á dúndurverði
Laugavegi Kringlunni Smáralind
Gwyneth Paltrow
Jack Black
Forsýning
Dúndrandi gott
Doritos snakk
með dúndrandi
góðri gamanmynd.
Frá höfundum There´s
Something About Mary og Me,
Myself & Irene kemur feitasta
ástarsaga allra tíma.
Forsýning í Regnboganum kl. 8.
UMRÆDDIR tónleikar voru 25 ára
afmælistónleikar sveitarinnar og voru
haldnir í september. Til allrar ham-
ingju fyrir unnendur góðrar tónlistar
var bandið látið rúlla, afrakstrinum
þrykkt á plast og gefið út. Aðstæður
til tónleikahalds í Salnum eru þær
bestu á landinu þori ég fullyrða og
hljómurinn sem þar næst hreint með
ólíkindum.
Ég hitti Pálma við nokkuð skondn-
ar aðstæður, í hótelherbergi á Hótel
Borg – sem hann lýsti síðan fyrir mér
í viðtalinu að hafi eitt sinn verið notað
fyrir útgáfuteiti, er fyrsta plata
Brunaliðsins kom út. Við brosum báð-
ir að þessu.
„Okkur datt í hug að spila einu
sinni í Salnum sem Mannakorn, að-
allega til gamans,“ segir Pálmi um til-
urð disksins.
„Fljótlega fæddist hugmynd um
það að hljóðrita tónleikana. Þetta vatt
svo dálítið upp á sig því að tónleikarn-
ir urðu fleiri en áætlað var. Nú svo var
tekin ákvörðun um það að gefa þetta
út. Við kynntumst nýjum aðila í út-
gáfustarfsemi sem er Óttar Felix
Hauksson og hann stóð að þessu af
sinni alkunnu fagmennsku, en Óttar
er maður sem lætur verkin tala. Hann
er núna orðinn okkar umboðsmaður
og þetta er búinn að vera mjög
skemmtilegur tími.“
Það er greinilegt að Pálmi er að
meina þetta í fúlustu alvöru og er
sýnilega ánægður með gang mála.
Hann lýsir því að Óttar komi fram við
þá, tónlistarmennina, af vinsemd og
virðingu; eitthvað sem er ekkert of al-
gengt í þessum bransa vill hann
meina. Svo er hann líka hæstánægður
með bandið.
„Það eru góðir strákar að spila með
okkur auk þess sem við höfum gaman
af þessu. Á meðan það endist höldum
við þessu áfram.“
Áfram Mannakorn
„Ég veit það ekki,“ segir Pálmi er
blaðamaður spyr hann út í tónlist þá
sem hann og Magnús hafa gert í sam-
einingu í gegnum tíðina. Þessi tiltekni
blaðamaður vill nefnilega meina að
það sé eitthvað í tónlist þeirra sem sé
á einhvern furðulegan hátt á skjön við
flestalla „popplagasmíði“ síðustu ára-
tuga. Eitthvað sem gefur henni bæði
aukið vægi og meira gildi.
„Það er borin von að ég geti greint
minn feril eitthvað. Ég einhvern veg-
inn hentist inn í þennan bransa á sín-
um tíma svona fjaðralaus. Ég endaði
sem poppstjarna og tónlistarmaður
liggur við á einni nóttu. Eitt leiddi svo
af öðru og ég hef tekið þátt í öllum
fjandanum. Voðalega oft hefur þetta
verið ómeðvitað, ég hef aldrei verið að
setja mig í einhverjar sérstakar stell-
ingar gagnvart þessum bransa. Ég
hef bara verið þarna til staðar og oft
tekið að mér ýmislegt sem ég hefði
betur sleppt segi ég. En í fleiri til-
fellum, sem betur fer, hef ég tekið að
mér eitthvað sem ég er ánægður með
í dag.“
Pálmi segir að von sé á frekara
samstarfi á þessu ári.
„Undanfarið hefur sú hugmynd
komið reglulega upp að nú væri tími
kominn á nýtt efni. Það hefur legið
nálægt óskum okkar að fara að koma
út plötu með nýju efni. Þannig að ef
örlaganornirnar spinna sinn vef af
þokka kæmi hugsanlega út plata á
þessu ári.“
Á dögunum kom út frá-
bær hljómleikaplata
með Mannakornum,
tekin upp í Salnum,
Kópavogi. Arnar Egg-
ert Thoroddsen ræddi
við Pálma Gunnarsson
vegna þessa.
Morgunblaðið/Árni Sæberg
Pálmi Gunnarsson lét fara vel um sig á hótelherbergi Borgarinnar.
arnart@mbl.is
Pálmi Gunnarsson talar um nýja plötu Mannakorna
Hver vegur að heiman…