Morgunblaðið - 12.02.2002, Blaðsíða 10

FRÉTTIR
10 ÞRIÐJUDAGUR 12. FEBRÚAR 2002 MORGUNBLAÐIÐ
ALÞINGI samþykkti í gær, með
34 atkvæðum gegn 22, að lögleiða
hnefaleika áhugamanna. Niður-
stöðunni var fagnað með dynjandi
lófaklappi af fjölmörgum áhorfend-
um á þingpöllum, en þetta var
þriðja þingið í röð þar sem Gunnar
Birgisson, þingmaður Sjálfstæðis-
flokksins, lagði fram frumvarp
þessa efnis. Í fyrstu tilraun var
það fellt eftir 2. umræðu með einu
atkvæði, í fyrra kom það ekki til
afgreiðslu, en í gær var ríflegur
meirihluti fyrir efni þess. Fyrir tíu
árum flutti hálfbróðir Gunnars,
Kristinn H. Gunnarsson, þing-
flokksformaður Framsóknar-
flokksins, fyrst tillögu um lögleið-
ingu ólympískra hnefaleika.
Lögin taka þegar gildi
Lög um áhugamannahnefaleika
taka þegar gildi. Þau eru ekki mik-
il að vöxtum, eða fjórar greinar og
hljóða svo:
„1. gr.
Heimil er keppni og sýning á
áhugamannahnefaleikum. Enn
fremur er heimilt að kenna áhuga-
mannahnefaleika.
2. gr.
Heimil er sala og notkun hnefa-
leikahanska og annarra tækja sem
ætluð eru til þjálfunar áhuga-
mannahnefaleika.
3. gr.
Íþrótta- og Ólympíusamband Ís-
lands setur reglur um áhuga-
mannahnefaleika. Við samningu
reglnanna skal leitast við að taka
mið af ýtrustu öryggisreglum í ná-
grannalöndum.
4. gr.
Lög þessi öðlast þegar gildi.“
Flokkar og ríkisstjórn klofin
í þverpólitísku máli
Breytingartillaga frá þremur
þingkonum, þeim Kolbrúnu Hall-
dórsdóttur (Vg), Sigríði Jóhann-
esdóttur (S) og Katrínu Fjeldsted
(D) var felld, en í henni fólst að
bætt var málsgrein við 3. grein,
svohljóðandi: „Þó skulu þær reglur
aldrei heimila högg í höfuð and-
stæðings. Íþrótta- og Ólympíusam-
band Íslands skal einnig setja
reglur um bann við höfuðhöggum í
öðrum sambærilegum bardaga-
íþróttum.“
Breytingartillagan var felld með
35 atkvæðum gegn 16.
Eins og jafnan áður klauf frum-
varpið flokka og raunar ríkisstjórn
líka í herðar niður þegar kom að
afstöðu einstakra þingmanna.
Þannig voru sex ráðherrar fylgj-
andi því en fjórir andsnúnir.
Vinstri grænir voru hins vegar
sameinaðir í andstöðu sinni við
frumvarpið og efni þess.
Þeir sem greiddu atkvæði með
lögleiðingu hnefaleika áhuga-
manna voru: Arnbjörg Sveinsdótt-
ir, Árni M. Mathiesen, Ásta Möll-
er, Björn Bjarnason, Davíð
Oddsson, Drífa Hjartardóttir, Ein-
ar K. Guðfinnsson, Einar Oddur
Kristjánsson, Geir H. Haarde,
Gísli Einarsson, Guðjón Guð-
mundsson, Guðjón A. Kristjáns-
son, Guðmundur Hallvarðsson,
Guðni Ágústsson, Gunnar Birgis-
son, Gunnlaugur Stefánsson, Hall-
dór Blöndal, Helga Guðrún Jón-
asdóttir, Hjálmar Árnason, Ísólfur
Gylfi Pálmason, Kjartan Ólafsson,
Kristinn H. Gunnarsson, Kristján
L. Möller, Kristján Pálsson, Lúð-
vík Bergvinsson, Magnús Stefáns-
son, Sigríður Ingvarsdóttir, Sig-
ríður Anna Þórðardóttir, Svan-
fríður Jónasdóttir, Valgerður
Sverrisdóttir, Vilhjálmur Egilsson,
Þorgerður K. Gunnarsdóttir, Þór-
unn Sveinbjarnardóttir og Össur
Skarphéðinsson.
Nei sögðu: Árni Steinar Jó-
hannsson, Ásta Ragnheiður Jó-
hannesdóttir, Bryndís Hlöðvers-
dóttir, Guðrún Ögmundsdóttir,
Halldór Ásgrímsson, Jóhann Ár-
sælsson, Jónína Bjartmarz, Jón
Kristjánsson, Jón Bjarnason, Karl
V. Matthíasson, Katrín Fjeldsted,
Kolbrún Halldórsdóttir, Páll Pét-
ursson, Pétur H. Blöndal, Rann-
veig Guðmundsdóttir, Sigríður Jó-
hannesdóttir, Siv Friðleifsdóttir,
Steingrímur J. Sigfússon, Sverrir
Hermannsson, Tómas Ingi Olrich,
Þuríður Backman og Ögmundur
Jónasson.
Tveir þingmenn, Lára Margrét
Ragnarsdóttir og Ólafur Örn Har-
aldsson, sátu hjá, en Guðmundur
Árni Stefánsson, Jóhanna Sigurð-
ardóttir, Margrét Frímannsdóttir,
Sólveig Pétursdóttir og Sturla
Böðvarsson voru fjarverandi.
Alþingi fellir úr gildi bann við hnefaleikum frá árinu 1956
Samþykkt var að leyfa
hnefaleika áhugamanna
Já sögðu 34,
nei sögðu 22
Morgunblaðið/Golli
FORSÆTISRÁÐHERRA lýsti því
yfir á Alþingi í gær að hann væri
ósammála þeirri skoðun Sambands
ungra sjálfstæðismanna (SUS) að
leggja bæri Samkeppnisstofnun nið-
ur. Hann benti á að stofnunin hefði
verið sett á laggirnar af ríkisstjórn
undir sinni forystu og hann mæti
störf hennar mikils þótt hún væri ekki
hafin yfir gagnrýni.
Gunnlaugur Stefánsson, varaþing-
maður Samfylkingarinnar, beindi fyr-
irspurn til Davíðs Oddssonar for-
sætisráðherra um ályktun og tillögu
ungra sjálfstæðismanna á Alþingi í
gær og sagði mikilvægt að fá fram af-
stöðu forsætisráðherra og formanns
Sjálfstæðisflokksins í þessu máli. Vís-
aði Gunnlaugur m.a. til þess að innan
þingflokks Sjálfstæðisflokksins væru
uppi ólík sjónarmið gagnvart Sam-
keppnisstofnun, til að mynda hefði
Vilhjálmur Egilsson, þingmaður og
framkvæmdastjóri Verslunarráðs,
gagnrýnt hana harðlega.
Mikilvægt að stofnunin
hafist að þannig að hafið sé
yfir tortryggni
Davíð lagði á það áherslu að Sam-
keppnisstofnun væri ekki hafin yfir
gagnrýni. „Það er afar þýðingarmikið
að hún í sínu mikla og mikilvæga
verkefni hafist jafnan að þannig að
það sé hafið yfir tortryggni. Það tel ég
vera rétt og skynsamlegt,“ sagði
hann.
Forsætisráðherra bætti því við að
hann hefði verið fylgjandi því að völd
Samkeppnisstofnunar yrðu aukin og
því hefði verið fylgt eftir á þingi. „Ég
hef sagt opinberlega að ég telji að ef
aðili er kominn með markaðsráðandi
stöðu, til að mynda 60% stöðu á mat-
vörumarkaði í einhverju landi, og það
komi fram að slík yfirburðaaðstaða
hafi verið misnotuð, þá hljóti ríkis-
stjórn og þing að velta fyrir sér hvort
ekki sé rétt að tryggja að hægt sé að
breyta slíkri stöðu.“
Hann vísaði ennfremur til þeirra
radda sem talið hafa slík inngrip af
hálfu stjórnvalda brjóta í bága við
stjórnarskrána og sagðist hafa efa-
semdir um þá túlkun.
„Slíkar heimildir eru víða til í lög-
um í kapítalískum þjóðfélögum sem
svo eru kölluð sem búa við stjórnar-
skrá sem mjög er svipuð íslensku
stjórnarskránni. Þess vegna tel ég að
það væri undarlegt ef slíkt myndi
brjóta í bága við íslensku stjórnar-
skrána,“ sagði forsætisráðherra enn-
fremur og tók fram að slík lög myndu
ekki beinast að einstöku fyrirtæki,
heldur yrðu þau að vera með almenn-
um hætti sett, en þó svo að hægt væri
að brúka þau í tilfellum sem þessum.
Verður stofnuð önnur Sam-
keppnisstofnun?
Hann tók þó fram að hér væri hann
að lýsa sinni persónulegu skoðun,
ekki lægi fyrir samþykkt ríkisstjórn-
arinnar.
„Ég met störf Samkeppnisstofnun-
ar mikils, tel hana mjög mikilvæga
stofnun en hún þarf engu að síður að
fara að lögum eins og aðrar stofnanir.
Sumir segja jafnvel að það ætti að
stofna aðra Samkeppnisstofnun til
þess að veita hinni fyrri heilbrigða
samkeppni,“ sagði Davíð Oddsson
forsætisráðherra.
Forsætisráðherra ósammála
SUS um Samkeppnisstofnun
HALLDÓR Ásgrímsson utanríkis-
ráðherra segir að hvorki íslenska
ríkisstjórnin né sú norska hafi ósk-
að eftir endurskoðun á samningn-
um um Evrópska efnahagssvæðið.
Úttekt af hálfu EFTA-þjóðanna um
samninginn liggi hins vegar fyrir
og þar komi fram að samningurinn
sé miðaður við það ástand sem var
hjá Evrópusambandinu þegar hann
var gerður fyrir tíu árum en ekki
við aðstæður í dag. Síðan hafi
margt breyst; ESB hafi tekið upp
ný samstarfssvið sem samningur-
inn nær ekki til, nýjar stofnanir
hafi verið settar á laggirnar og þær
hafi tekið yfir hluta af viðfangs-
efnum samningsins.
Þetta kom fram í svari utanrík-
isráðherra við fyrirspurn Rann-
veigar Guðmundsdóttur (S) á Al-
þingi í gær. Rannveig gerði að
umtalsefni áhyggjur manna af veik-
ingu EES-samningsins og rakti
þær breytingar sem orðið hefðu á
samningnum og sífellt minni að-
komu Íslands og annarra ríkja
EFTA að ákvarðanaferli Evrópu-
sambandsins.
Vill ræða málið frekar
í utanríkismálanefnd
„Yfir þetta allt saman er verið að
fara,“ sagði utanríkisráðherra og
bætti við að tekin yrði sameiginleg
ákvörðun af ríkjunum þremur, þ.e.
Íslandi, Noregi og Lichtenstein, um
hvaða atriðum yrði einkum óskað
uppfærslu á. Hann bætti því við að
tollamálin væru einnig mjög mik-
ilvæg í þessu sambandi, enda þótt
þau snertu ekki EES-samninginn
beint heldur bókun 9 við hann. Sú
bókun væri einnig í endurskoðun.
Sagðist utanríkisráðherra ekki
geta farið yfir þessi mál með ýt-
arlegum hætti á Alþingi, en lýsti
sig reiðubúinn að gera það við
fyrsta tækifæri í utanríkismála-
nefnd. Það væri að sínu mati eðli-
legur vettvangur fyrir þetta flókna
mál.
Rannveig Guðmundsdóttir vísaði
hins vegar til þess að svo virtist
sem eitthvert sambandsleysi væri
um þessi mál í ríkisstjórn. Aftur og
aftur kæmi utanríkisráðherra með
slík svör og léti í ljós áhyggjur af
EES-samningnum á meðan for-
sætisráðherra, nú síðast í Kastljósi
á sunnudagskvöld, kallaði eftir því
að vita hvað hefði breyst í EES-
samningnum og teldi að enginn
hefði getað upplýst hann um það
hvað væri að þeim samningi.
„Er það virkilega svo að þetta sé
ekki rætt innan ríkisstjórnarinnar
og er ekki kominn tími til að utan-
ríkisráðherra setjist niður með for-
sætisráðherra og upplýsi hann um
það sem hann hefur svo oft gert
með svörum sínum, m.a. við spurn-
ingum mínum, hér á Alþingi?“
sagði Rannveig.
Ekki fór þó svo að Halldór Ás-
grímsson utanríkisráðherra kæmi
aftur upp í pontu og svaraði þeirri
fyrirspurn sem til hans var beint.
Varð því ekki af frekari skoðana-
skiptum um EES-samninginn, enda
þótt Rannveig hefði gengið eftir
frekari svörum ráðherrans.
Breytingar á
EES-samningnum
Úttekt
EFTA
liggur fyr-
ir og er
í skoðun
ÞINGFUNDUR hefst á Alþingi í
dag, þriðjudaginn 12. febrúar, kl.
13.30. Á dagskránni eru nokkur
stjórnarfrumvörp, m.a. um einka-
leyfi, verðbréfaviðskipti og rafeyr-
isfyrirtæki. Auk þess koma ýmis
þingmannamál til umfjöllunar.