Morgunblaðið - 17.03.2002, Blaðsíða 43

MINNINGAR
MORGUNBLAÐIÐ SUNNUDAGUR 17. MARS 2002 43
SAMKIRKJULEG föstuguðsþjón-
usta verður í Hvítasunnukirkjunni
Fíladelfíu, Hátúni 2, Reykjavík,
fimmtudaginn 21. mars kl. 14.
Vörður L. Traustason for-
stöðumaður í Fíladelfíu stjórnar.
Sr. Halldór S. Gröndal prédikar. Sr.
Miyako Þórðarson túlkar á tákn-
máli. Ritningalestra lesa fulltrúar
frá Ellimálaráði, Fríkirkjunni og
Óháða söfnuðinum. Kór félags eldri
borgara í Reykjavík syngur og leið-
ir almennan söng undir stjórn
Kristínar S. Pjetursdóttur. Ein-
söngur: Geir Jón Þórisson. Org-
anisti: Daníel Jónasson.
Guðsþjónustunni verður útvarp-
að á Lindinni FM 102,9. Kaffiveit-
ingar í safnaðarsal eftir guðsþjón-
ustuna. Mætum öll og tökum þátt í
föstuguðsþjónustu aldraðra.
Föstuguðsþjónustan er sam-
starfsverkefni Ellimálaráðs
Reykjavíkurprófastsdæma, Hvíta-
sunnukirkjunnar, Óháða safnaðar-
ins og Fríkirkjunnar í Reykjavík.
Athöfn í Karmel-
klaustri
HÁTÍÐLEG athöfn verður í Karm-
elklaustri í Hafnarfirði í dag,
sunnudaginn 17. mars kl. 11 og
þriðjudaginn 19. mars kl. 18 þegar
tveir byrjendur fá klausturbúning
og ný klausturnöfn. Allir velkomn-
ir.
Karmelnunnur í Hafnarfirði,
Ölduslóð 37.
Kirkjustarf
aldraðra
Morgunblaðið/Golli
Karmelklaustur við Ölduslóð í Hafnarfirði.
KIRKJUSTARF
Hallgrímskirkja. Æskulýðsfélagið Örk
mánudagskvöld kl. 20. Aðalsafnaðar-
fundur verður haldinn sunnudaginn 24.
mars að lokinni messu.
Háteigskirkja. Félagsvist fyrir eldri
borgara í Setrinu á neðri hæð safnaðar-
heimilis mánudag kl. 13. TTT-klúbbur-
inn kl. 17. Lifandi og fjöbreytt starf fyrir
börn úr 4.–6. bekk í umsjón Andra,
Gunnfríðar, Guðrúnar Þóru og Jóhönnu.
Öll börn velkomin og alltaf hægt að
bætast í hópinn.
Laugarneskirkja. 12 sporin – andlegt
ferðalag kl. 20. 12 spora hópar koma
saman mánudag kl. 20 í kirkjunni. Mar-
grét Scheving sálgæsluþjónn er við
stjórnvölinn. (Sjá síðu 650 í Texta-
varpi.)
Neskirkja. 6 ára starf mánudag kl. 14.
Öll börn í 1. bekk velkomin.TTT-starf
(10–12 ára) mánudag kl. 16.30. Öll
börn í 4. og 5. bekk velkomin. Litli kór-
inn, kór eldri borgara, þriðjudag kl.
16.30. Stjórnandi Inga J. Backman. Ný-
ir félagar velkomnir. Foreldramorgunn
miðvikudaga kl. 10–12. Fræðsla: Kynlíf
eftir fæðingu. Hjúkrunarfræðingur frá
Heilsugæslunni á Seltjarnarnesi sér
um efnið. Umsjón Elínborg Lárusdóttir.
Árbæjarkirkja. Sunnudagur: Æskulýðs-
fundur kl. 20. Mánudagur: TTT-klúbb-
urinn frá kl. 17–18.
Digraneskirkja. Hjónaklúbburinn kl.
20.30. Gestur kvöldsins Ísleifur Árni
Jakobsson. Efni kvöldsins er Að elska
sjálfan sig.
Fella- og Hólakirkja. Mánudagur: Fjöl-
skyldumorgnar (mömmumorgnar)
mánudag í safnaðarheimili kirkjunnar
kl. 10–12. Guðrún Eygló Guðmunds-
dóttir, hjúkrunarfræðingur frá Heilsu-
gæslustöðinni í Efra-Breiðholti, kemur í
heimsókn og svarar fyrirspurnum. Heitt
á könnunni og eitthvað hollt og gott fyrir
börnin. Starf fyrir 11–12 ára stúlkur kl.
17–18. Starf fyrir 9–10 ára drengi kl.
17–18. Unglingastarf á mánudags-
kvöldum kl. 20.30.
Grafarvogskirkja. Sunnudagur: Bæna-
hópur kl. 20. Tekið er við bænarefnum
alla virka daga frá kl. 9–17 í síma 587-
9070. Mánudagur: KFUK fyrir stúlkur
9–12 ára kl. 17.30–18.30. KFUM yngri
deild í Borgaskóla kl. 17–18. Kirkju-
krakkar fyrir 7–9 ára í Korpuskóla kl.
17.30–18.30. TTT (10–12 ára) kl.
18.30–19.30 í Korpuskóla.
Hjallakirkja. Mánudagur: Æskulýðs-
félag fyrir unglinga 13–15 ára kl. 20.
Þriðjudagur: Prédikunarklúbbur presta í
Reykjavíkurprófastsdæmi eystra er í
Hjallakirkju kl. 9.15–10.30. Umsjón
Sigurjón Árni Eyjólfsson.
Seljakirkja. Mánudagur: KFUK-fundur
fyrir stelpur á aldrinum 9–12 ára kl.
17.15 í kirkjunni. Fjölbreytt fundarefni.
Allar stelpur velkomnar.
Vídalínskirkja. Kirkjudagur Vídalíns-
kirkju. Fjölbreytt dagskrá kl. 11–20.
Vöfflur með rjóma og kleinur verða með
kaffinu í dag. Fjölbreytt kristilegt starf
fyrir 9–12 ára drengi í Kirkjuhvoli á
mánudögum kl. 17.30 í umsjón KFUM.
Fríkirkjan í Hafnarfirði. Mánudags-
kvöld kl. 20–22 eldri félagar.
Lágafellskirkja. Mánudagur: Al–Anon-
fundur í kirkjunni kl. 21. Bænahópur á
mánudagskvöldum í Lágafellskirkju kl.
20. Kirkjukrakkafundur í Varmárskóla
kl. 13.15–14.30. TTT-fundir í safnaðar-
heimili kl. 16–17. Fundir í æskulýðs-
félaginu Sánd kl. 17–18.
Þorlákskirkja. TTT-starf í kvöld sunnu-
dag kl. 19.30.
Hvammstangakirkja. KFUM&K-starf
kirkjunnar í Hrakhólum mánudag kl.
17.30.
Krossinn. Almenn samkoma í Hlíða-
smára 5 kl. 16.30. Allir velkomnir.
Landakirkja Vestmannaeyjum. Mánu-
dagur: Kl. 17.30 æskulýðsstarf fatl-
aðra, eldri deild.
KEFAS, Vatnsendavegi 601. Sunnu-
dagur: Samkoma kl. 16.30. Ræðumað-
ur Sigrún Einarsdóttir. Bænastund fyrir
samkomu kl. 16. Lofgjörð og fyrirbænir.
Tvískipt starf fyrir börn frá eins árs
aldri. Þriðjud.: Bænastund kl. 20.30.
Miðvikud.: Samverustund unga fólks-
ins kl. 20.30. Mikil lofgjörð og orð guðs
rætt. Allir velkomnir.
Kristskirkja í Landakoti. Fyrirlestur um
helgihald kirkjunnar og messuskrúða
prestsins. Sr. Jürgen Jamin býður upp á
leiðsögn til skilnings á helgihaldi kirkj-
unnar. Talað er m.a. um messuskrúða
prestsins og táknmerkingu hans. Sýnd
eru dæmi ýmissa hökla í tímanna rás.
Allir sem áhuga hafa eru hjartanlega
velkomnir. Fyrirlesturinn hefst mánu-
daginn 18. mars kl. 20 í safnaðarheim-
ili kaþólskra á Hávallagötu 16.
Akureyrarkirkja. Fundur í Æskulýðs-
félaginu kl. 17.
Safnaðarstarf
Kistuskreytingar
Kransar - Krossar
Opið sun.-mið. til kl. 21.00,
fim.-lau. til kl. 22.00.
milli fjölskyldu minnar og ömmu og
afa og ég á því óteljandi minningar
sem tengjast ömmu. Margar þessara
minninga tengjast eldhúskróknum á
Hagamelnum en þar var einstaklega
gott að sitja.
Ein af fyrstu minningum mínum er
af mér og Ástunum tveimur, ömmu
og systur minni, sitjandi við morgun-
verðarborðið, afi stjanandi við okkur,
færandi okkur ristað brauð og kakó.
Seinna þegar ég var orðin „stór“ sát-
um við amma oft tvær inni í eldhúsi og
púuðum saman sígarettur, afi hélt sér
nú fjarri okkur þá!
Seinna, þegar ég var orðin ennþá
stærri, lá leið mín oft í eldhúskrókinn
með dæturnar mínar 3 en þá vorum
við amma auðvitað löngu hættar að
reykja og gæddum okkur á heima-
tilbúna marmelaðinu hans afa í stað-
inn.
Árið 1969 keyptu amma og afi sér
lítið hús í Hveragerði og þar eyddu
þau drjúgum hluta úr öllum sumrum
eftir það og mörgum helgum, vetur
sem sumar. Það var mikið sport að fá
að fara með þeim austur og eigum við
barnabörnin 5 öll ljúfar minningar því
tengdar.
Mér þótti undurvænt um hana
ömmu mína. Við áttum einstaklega
vel skap saman og nutum allra okkar
samverustunda til hins ýtrasta. Þeim
fækkaði óneitanlega eftir að ég flutti
frá Íslandi fyrir 7 árum en þær stund-
ir sem við áttum eftir það urðu þeim
mun dýrmætari.
Amma mín var södd lífdaga þegar
hún lést eftir nokkur veikindi. Hún
hafði átt góða æfi og lengri en flestum
er gefið og hún skilur eftir sig stóran
hóp afkomenda sem báru mjög sterk-
ar tilfinningar til hennar. Síðustu árin
dvaldi hún á hjúkrunarheimilinu Eir í
Grafarvogi þar sem var hugsað ein-
staklega vel um hana og kunnum við
ástvinir hennar öllu því góða starfs-
fólki sem þar vinnur miklar þakkir
fyrir.
Ég er þakklát fyrir að hafa átt
svona góða ömmu og fengið að njóta
hennar svona lengi. Hún mun alltaf
halda áfram að eiga sér stað í hjarta
mér og huga mínum.
Ásthildur Hjaltadóttir.
Elsku amma.
Ég á margar yndislegar minningar
um þig. Ég man vel eftir því þegar við
áttum heima á Hagamelnum á hæð-
inni fyrir ofan ykkur og ég fékk svo
oft að kíkja til ykkar í heimsókn, sér-
staklega eftir að Arnar og Einar
fæddust.
Þar var alltaf ró og næði til að
dunda við hitt og þetta þegar það
voru læti í bræðrunum uppi, þá var
gott að vera hjá ykkur. Það var
reyndar alltaf gott að vera hjá ykkur,
þið tókuð alltaf glöð á móti mér.
Ég man líka eftir hversu spennandi
mér þótti að fá að gista í norðurher-
berginu. Með allar þessar bækur upp
um alla veggi og að borða með ykkur
á morgnana, „eins og fullorðinn“. Og
þú last fyrir mig endalaust, öll æv-
intýri sem við komum höndum yfir.
Ég hef oft dáðst að því hversu lengi
þú gast lesið fyrir mig, oft allan dag-
inn og fram á kvöld.
Þegar árin liðu voruð þið afi oft í
Hveragerði þar sem ykkur leið svo
vel.
Smám saman varð það líka minn
griðastaður og á ég margar góðar
minningar þaðan.
Jólaveislurnar, og reyndar allar
veislur, voru alltaf svo glæsilegar hjá
ykkur, maturinn góður og gott að
vera hjá ykkur. Strax þegar einni var
lokið var ég farinn að hlakka til þeirr-
ar næstu.
Ég vona að þér hafi liðið vel síðustu
árin á Hjúkrunarheimilinu Eir, ég
veit að þar var hugsað vel um þig.
Mér fannst alltaf svo gott að koma í
heimsókn til þín þangað. Það var bara
svo gott að sjá þig brosa þegar þú sást
okkur Helgu og Hildi, það gerði allar
heimsóknir svo góðar.
Elsku amma, ég á eftir að sakna
þín óskaplega, því að hjá þér leið mér
alltaf vel.
Vona að þér líði vel þar sem þú ert
núna. Saknaðarkveðjur,
Sveinn Stefán Hannesson.
Að eiga góða vini er gulli betra.
Þessi orð eiga svo sannarlega við nú
er við minnumst vinkonu okkar Ástu
Jónsdóttur. Móttökurnar sem við
fengum hjá Ástu og Sveini þegar við
fluttum á Hagamel 29 og sú vinátta
sem fylgdi í kjölfarið undirstrikar
gildi þessa orðatiltækis. Þær urðu
margar og eftirminnilegar stundirnar
sem við áttum á heimili þeirra, sem
ætíð stóð manni opið. Ásta var víðfö-
rul og vel lesin og var hún ólöt við að
deila með okkur upplifun sinni og
minningum. Eitt af því sem einkenndi
Ástu var hversu stálminnug hún var.
Sama hvort til umræðu var það sem
gerst hafði á fyrri hluta seinustu aldar
eða það sem var að gerast í nútíman-
um, alltaf mundi hún hlutina og gat
rifjað upp fyrir manni, það sem
gleymt var. Ásta á myndarlegan hóp
afkomenda sem henni þótti afskap-
lega vænt um. Hún fylgdist með
þroska þeirra og skólagöngu og
gladdist með þeim yfir hverjum unn-
um sigri. Hún lét sér ekkert mannlegt
óviðkomandi og bar hag okkar grann-
anna fyrir brjósti líkt og um skyld-
menni væri að ræða. Nú er Hagamel-
urinn breyttur, frumbyggjar fluttir
og flestir með sem nutu samvista við
Ástu og Svein í „Húsi andanna“ en
svo komst gestkomandi að orði þegar
honum varð ljós sú vinátta og sam-
heldni sem þar ríkti. Ásta var heilsu-
lítil seinustu árin og naut ómetanlegr-
ar umhyggju Sveins og afkomenda
sinna í veikindunum. Sveini, Eddý,
Sigrúnu og fjölskyldum þeirra vott-
um við okkar innilegustu samúð um
leið og við þökkum Ástu samfylgdina.
Martha, Snorri, Bjarney
og Guðmundur.
eitthvað gott í matinn sem þið síðan
nutuð saman. Umhyggja þín var og
verður mikil huggun fyrir mömmu
og Hrein í framtíðinni. Þú lést þér
annt um heilsu þeirra beggja og
þetta örlagaríka kvöld hringdir þú í
mömmu til þess að athuga hvernig
Hreini liði þar sem hann hafði verið í
rannsóknum og þú vildir fá að vita
hvort niðurstöðurnar væru komnar,
þetta þótti okkur vænt um. Þú varst
einn af þeim sem kunna ekki að segja
nei og það voru margir sem leituðu
til þín með viðgerðir svo eitthvað sé
nefnt. Þetta var kannski þinn mesti
galli en um leið þinn stærsti kostur. Í
síðustu heimsókninni þinni til okkar
varst þú að tala um, fullur tilhlökk-
unar, að fara í fermingu dóttursonar
þíns í vor. Við vorum að hugsa um
hvað væri sniðugt að gefa honum og
um leið vorum við að furða okkur á
því hvað árin liðu fljótt. En núna Val-
ur minn, er eins og tíminn standi í
stað og morgundagurinn er svo fjar-
lægur og um leið erfiður. Okkur
langar að kveðja þig með orðunum
hans Lauga heitins afa, þegar hann
kvaddi bróður sinn hinstu kveðju.
Guð blessi þig og geymi þar til við
hittumst á ný.
Drottinn gefi þér góðan frið,
gleðji þig líknar hendur.
leiði þig á hærra svið,
himneskir leiðbeinendur.
(Guðl. Sigurðsson.)
Þín systir, mágur og dóttir,
Hrönn, Gunnar
og Kolbrún Rósa.
Elsku Valur minn, það er svo
margs að minnast. Þó að við værum
ekki alltaf sammála höfðum við sama
áhugamál sem við gátum rætt enda-
laust, það voru bílar og bílaviðgerðir.
Ég var ekki gamall þegar þú leyfðir
mér að hjálpa þér að gera við bíla.
Við vorum báðir mjög ungir þegar
þetta áhugamál tók völdin, þú varst
bara smápeð þegar pabbi lyfti þér
upp á húddið og þú varst að skrúfa
rær og sitthvað fleira. Einu sinni
munaði litlu að illa færi, þú varst
ekki gamall þegar þú skreiðst undir
einhvern bílinn í hlaðinu heima og
ætlaðir að athuga hvort ekki væri
eitthvað að sem mátti laga. Sem bet-
ur fór sá eigandinn litla fætur sem
komu undan bílnum. Oft sátum við
saman og skeggræddum þetta
áhugamál okkar. Oftar en ekki í
sumarfríunum fórum við eitthvað á
flakk saman, það var svo gaman þeg-
ar við fórum vestur til Maju, Ísleifs
og barnanna, það kom fyrir oftar en
einu sinni að við birtumst öllum að
óvörum.
Allt þetta eru minningar sem ég
mun geyma í hjarta mínu á meðan ég
dvel hérna megin. Þú fórst allt of
snemma Valur minn, en það er okkur
mikil huggun að nú eruð þið pabbi
aftur saman og ég veit að hann hefur
tekið vel á móti þér. Hafðu mínar
kærustu þakkir fyrir allt og allt. Mig
langar að kveðja þig með fallegu
ljóði eftir hann Lauga afa heitinn.
Guð blessi þig og varðveiti þar til
við sjáumst á ný.
Með saknaðar tárum ég þakka nú þér,
hvað þú varst mér umburðarlyndur.
Ástríki og blíðu er auðsýndir mér,
þó oft blési mótlætis-vindur.
(Guðl. Sigurðsson.)
Þinn bróðir,
Hreinn.
Dagur lífsins, endar oft svo skjótt,
áður en varir kemur dauðans nótt.
Þannig endaði æviferill þinn,
allt of snemma, látni vinur minn.
Þín viðkynning þótti mér svo góð,
þín skal minning geymd í hyggju – sjóð.
Það er svo margt sem ég vil þakka þér,
þakka allt það gott er sýndir mér.
Ég kveð þig nú, og kveð í hinsta sinn,
klökk í anda látni vinur minn.
Meðan blóðið yljar æðum mín,
ætíð þakklát skal ég minnast þín.
(Guðlaugur Sigurðsson.)
Drottinn blessi þig Valur minn og
varðveiti.
Þín systir og frændur,
Birna og synir.
Að morgni 10. mars fengum við
þær hörmulegu fréttir að samstarfs-
maður okkar og félagi Valur Magn-
ússon væri látinn langt um aldur
fram. Það er sannarlega stutt á milli
lífs og dauða, Valur sem var að vinna
hjá okkur á föstudeginum 8. mars sl.
Okkur er hugsað til þess þegar við
félagar sátum inn á kaffistofu og
gerðum grín að hinu og þessu með
honum því það var stutt í húmorinn
hjá Valsaranum eins og við kölluðum
hann.
Valsarinn hafði orð á því að hann
hlakkaði til að hitta Gústaf vin sinn
um helgina sem var að koma af sjón-
um, en því miður varð ekkert af því.
Það var gott að hafa Valsarann í
vinnu því hann var kraftaverkamað-
ur, hann gat það sem aðrir gátu ekki
gert í bílaviðgerðum. Hann var mjög
fljótur að vinna þau verk sem hann
tók sér fyrir hendur, sem dæmi um
það hafði okkur verið sagt að það
tæki fjóra tíma að skipta um gírkas-
sapúða í Opel bifreið sem var hjá
okkur í viðgerð en Valsarinn gerði
það á hálftíma, hann var ótrúlega
fljótur að vinna.
Til merkis um hvað hann var ljúf-
ur drengur þá vann hann oft um
helgar fyrir gamla kunningja og ætt-
ingja og tók lítið sem ekkert fyrir þá
vinnu. Við félagarnir eigum eftir að
sakna hans mjög mikið, því hann
setti svip á tilveruna í kringum sig.
Við viljum votta börnum hans og
ættingjum dýpstu samúð okkar, guð
verði með ykkur.
Starfsmenn BP réttinga.
 Fleiri minningargreinar um Val
Arnar Magnússon bíða birtingar
og munu birtast í blaðinu næstu
daga.
ÆSKILEGT er að minningar-
greinum fylgi á sérblaði upp-
lýsingar um hvar og hvenær sá,
sem fjallað er um, er fæddur,
hvar og hvenær dáinn, um for-
eldra hans, systkini, maka og
börn, skólagöngu og störf og
loks hvaðan útför hans fer
fram. Ætlast er til að þessar
upplýsingar komi aðeins fram í
formálanum, sem er feitletrað-
ur, en ekki í greinunum sjálf-
um.
Formáli minn-
ingargreina