Morgunblaðið - 21.03.2002, Blaðsíða 18

LANDIÐ
18 FIMMTUDAGUR 21. MARS 2002 MORGUNBLAÐIÐ
Skólavörðustíg 7, RVÍK,
Sími 551-5814Stærsta töskuverslun landsins
Ver
ð k
r. 3
.95
0.-
Ver
ð k
r. 2
.60
0.- Ve
rð k
r. 4
.20
0.-
Verð
kr. 3.1
00.-
Verð kr. 1.700.-
Verð kr. 2.800.-
Verð kr. 3.100.-
MIKIL gróska hefur verið í leiklist-
arlífi ungmennafélagsins Eflingar í
Reykjadal undanfarin ár og nú í vet-
ur hefur Fiðlarinn á þakinu verið
sýndur við mikla aðsókn í félags-
heimilinu á Breiðumýri.
Þetta er tólfta leikritið sem Arnór
Benónýsson kennari og leikstjóri
stýrir og hefur leikdeildin sýnt mörg
stór verk. Mikla athygli hefur vakið
samstarf skólanna í dalnum við leik-
listarfólkið og hafa nemendur Fram-
haldsskólans á Laugum tekið mikinn
þátt í leiklistinni. Yngri skólabörn
hafa einnig verið með og í þessari
sýningu hafa grunnskólanemendur
hlutverk á sviðinu auk þess sem
yngstu íbúar sveitarinnar eiga sinn
þátt í gerð leikmyndarinnar.
Breiðamýri er orðið að kaffileik-
húsi, en áhorfendur sitja allir við
borð og þar er hægt að panta kaffi
og meðlæti fyrir sýningu og í hléi.
Þetta hafa gestir kunnað vel að meta
enda mjög gott pláss í húsinu eftir að
það var stækkað fyrir nokkrum ár-
um.
Fiðlarinn á þakinu, sem byggist á
smásögunni um Tevje og dætur
hans, hefur víða verið sýndur og nú
hefur Jón Friðrik Benónýsson bæst
í hóp þeirra sem hefur leikið kúa-
bóndann og mjólkurpóstinn. Ef
marka má viðbrögð áhorfenda þá
hefur Jón skilað sínu hlutverki með
miklum sóma út yfir salinn í félags-
heimilinu í Reykjadal.
Morgunblaðið/Atli Vigfússon
Jón Friðrik Benónýsson í hlut-
verki mjólkurpóstsins Tevje.
Fiðlarinn á
þakinu vel
sóttur
Laxamýri
KÖRFUKNATTLEIKSLIÐ Snæ-
fells í Stykkishólmi hefur tekið
sæti úrvalsdeildinni í körfubolta
næsta vetur. Snæfell og KFÍ
kepptu um sæti í deildinni og
vann Snæfell báða leikina. Fyrri
leikurinn fór fram í Stykkishólmi
á föstudagskvöld og sá seinni á
sunnudagskvöldið á Ísafirði.
Snæfellsliðið kom heim um kl.
16 á mánudag eftir erfitt ferða-
lag frá Ísafirði.
Tekið var á móti liðinu við
bensínstöðina og fengu körfu-
boltamennirnir blómvendi frá
stuðningsmönnum við heimkom-
una. Heimferðin var erfiðleikum
háð en keppendur fóru á þremur
fólksbílum.
Lagt var af stað heimleiðis
strax eftir leik, en eftir klukku-
tímaakstur var færð farin að
spillast og var snúið við til Ísa-
fjarðar og gist þar. Á mánudags-
morgun var lagt af stað og lentu
tveir bílarnir í árekstri og sá
þriðji fór út af veginum. Þrátt
fyrir skemmdir á bílunum skilaði
liðið sér heim með bros á vör.
Þjálfari Snæfells í vetur var
Bárður Eyþórsson og liðsstjóri
Högni Högnason.
Högni var að vonum ánægður
með árangurinn í vetur. Hann
sagði að körfuboltaliðið væri að
mestu skipað heimamönnum og
auk þeirra væri einn Bandaríkja-
maður. Liðsmenn væru kornungir
strákar sem ættu eftir að skila
góðum árangri seinna og hann
sagðist vona hægt væri að halda
sama mannskap næsta vetur.
Nokkur ár eru síðan að Snæfell
spilaði síðast í úrvalsdeildinni og
verður það eina liðið í úrvalsdeild
af Vesturlandi.
Morgunblaðið/Gunnlaugur Árnason
Körfuboltaliði Snæfells var fagnað við heimkomu eftir ferðalag til Ísa-
fjarðar þar sem það keppti við KFÍ um sæti í úrvalsdeild og sigraði.
Snæfell komið í úrvalsdeildina
Leikmönnum fagn-
að með blómum
Stykkishólmur
Í HAFNARSKÓLA á Hornafirði
hefur verið tekin upp sú nýbreytni að
blanda saman árgöngum í bekkjum
og þematengja alla kennslu. Þessar
skipulagsbreytingar í skólanum eru
tilrauna- og þróunarverkefni sem
hlotið hefur nafnið Framtíðarskól-
inn. Hafnarskóli er einsetinn og eru
nemendur í 4.–7. bekk. Ráðist er í
þessar skipulagsbreytingar á vorönn
og í annarlok er ætlunin að gera
skoðanakönnun meðal foreldra og
munu niðurstöður hennar liggja til
grundvallar varðandi áframhald
skólastarfsins með hinu nýja sniði.
Þórgunnur Torfadóttir aðstoðar-
skólastjóri hefur stýrt undirbúningi
verkefnisins í Hafnarskóla. Hún seg-
ir að skólinn sé frekar stöðluð stofn-
un þar sem lítið hafi breyst síðustu
áratugina þrátt fyrir gífurlegar þjóð-
félagsbreytingar.
„Þetta þróunarverkefni er tilraun
til að breyta skólanum og þeirri
menningu sem þar ríkir til frambúð-
ar. Sú vinna tekur nokkur ár en nú
erum við byrjuð og vonandi gengur
þetta upp hjá okkur. Í Hafnarskóla
líkt og mörgum öðrum skólum höfum
við ekki farið varhluta af skólaleiða
nemenda. Nemendur sjá oft á tíðum
ekki tilganginn með náminu. Nýjar
hugmyndir í kennslufræði sem gefa
óteljandi möguleika til skapandi
náms hafa ekki verið markvisst inn-
leiddar í skólann þrátt fyrir að marg-
ir kennarar hafi unnið að því að til-
einka sér þær,“ segir Þórgunnur.
Blandaðir bekkir
Samkennslan felst í því að mynd-
aðir eru kennsluhópar þvert á ár-
ganga og notaðar aðrar forsendur en
fæðingarár þegar hópar eru búnir til.
Nemendum úr fjórða og fimmta bekk
verður kennt saman og sömuleiðis
verður nemendum sjötta og sjöunda
bekkjar blandað saman í bekk. Með
þessu er ætlunin að beina athyglinni
að hverjum nemanda sem sérstökum
einstaklingi sem sinna þarf á hans
forsendum.
„Samkennsla hefur lengi tíðkast í
litlum skólum og skoðanir á henni
hafa verið misjafnar. Nú vilja menn
hins vegar nýta sér kosti samkennsl-
unnar í stærri skólum. Nokkrir skól-
ar hafa tekið upp samkennslu, sér-
staklega eru það þó nýir skólar sem
tekið hafa upp samkennsluna og
venjast nemendur því þá um leið og
þeir byrja í nýjum skóla. Það er heil-
mikið fyrirtæki að byrja á sam-
kennslu í rótgrónum skóla en okkur
sýnist að það geti skilað sér vel til
nemenda,“ segir Þórgunnur.
Ætlunin er að kenna allar náms-
greinar að mestu í gegnum sama
þemað.
„Með þemavinnu verða ástæður
námsins ljósari og því eftirsóknar-
verðara að tileinka sér það sem á
boðstólum er. Þemað á vorönn verð-
ur Vatnajökull segir Þórgunnur.
Þetta þema býður upp á fjöl-
breytta umfjöllun í öllum hefðbundn-
um námsgreinum. Til dæmis er ætl-
unin að tengja kennslu í almennum
brotum, tugabrotum eða prósentum
beint við umfjöllun um stærð og eðli
jökla. Sömuleiðis má tengja stafsetn-
ingu, bókmenntir og landafræði jökl-
inum á margvíslegan máta.
Sama þemað verður í öllum ár-
göngum þótt áherslur verði misjafn-
ar. Af nógu er að taka og það er öflug
kveikja að þemanu að fá James Bond
á svæðið,“ segir Þórgunnur Torfa-
dóttir, aðstoðarskólastjóri í Hafnar-
skóla á Hornafirði.
Eins og fyrr segir er hér um til-
raunaverkefni að ræða. Ef foreldrar
og kennarar verða sammála um að
tilraunin sé til bóta er meiningin að
halda áfram næsta vetur með svip-
uðum hætti.
Tilraun gerð með samkennslu og þematengt nám í Hafnarskóla á Hornafirði
Framtíðar-
skólinn
byggður upp
Morgunblaðið/Galdur-Sigurður Mar
Í Hafnarskóla hefur verið gerð tilraun að undanförnu með samkennslu
og þematengt nám. Hér er Ágústína Halldórsdóttir kennari í fyrsta tíma
með blandaðan bekk. Í honum eru nemendur sem áður voru í sjötta og
sjöunda bekk skólans.
Hornafjörður
RÆTUR, félag áhugafólks um menn-
ingarfjölbreytni, halda upp á dag
Sameinuðu þjóðanna gegn kynþátta-
hyggju með dagskrá í Hömrum á Ísa-
firði í kvöld, fimmtudag, kl. 20.30.
Rætur ætla að nota daginn til að
kynna heimsráðstefnu Sameinuðu
þjóðanna gegn kynþáttahyggju, kyn-
þáttamismunun, andúð á útlending-
um og ámóta umburðarleysi. Ráð-
stefnan var haldin í Suður-Afríku í
fyrrahaust. Þar tóku Rætur þátt í
ráðstefnu frjálsra félagasamtaka auk
þess sem þær áttu áheyrnarfulltrúa á
ríkjaráðstefnunni sjálfri. Sýndar
verða myndir og myndband og boðið
upp á dans- og tónlistaratriði og smá-
hressingu, segir í fréttatilkynningu.
Dagur SÞ gegn
kynþáttahyggju
Ísafjörður