Morgunblaðið - 21.03.2002, Blaðsíða 30

LISTIR
30 FIMMTUDAGUR 21. MARS 2002 MORGUNBLAÐIÐ
KORNELÍUS Sigmundsson, sendi-
herra Íslands í Helsinki, afhenti Timo
Ernamo, útgáfustjóra Like-
forlagsins í Finnlandi, riddarakrossi
hinnar íslensku fálkaorðu í síðasta
mánuði fyrir störf hans aðkynningu
íslenskra bókmennta í Finnlandi.
Forseti Íslands sæmdi hann orðunni.
Kornelíus segir að Timo og forlag
hans hafi látið þýða og gefa út á
finnsku á annan tug íslenskra skáld-
sagna á síðustu tíu árum, þ.m.t. alla
helstu núlifandi rithöfunda þjóð-
arinnar og von sé á fleiri íslenskum
bókum frá forlagi Timos. „Hann hef-
ur unnið mikið starf og var vel að
þessari viðurkenningu kominn. Þetta
er væntanlega mikið hugsjónastarf
hjá honum því mér er til efs að þessi
þáttur útgáfunnar sé mjög arðbær.“
Í samtali við Morgunblaðið segist
Timo Ernamo hafa orðið „sjokk-
eraður“ að hafa fengið orðuna en
hann hafi þó róast þegar hann frétti
að Einar Már Guðmundsson hafi líka
fengið orðu. Timo segir að hann hafi
byrjað að gefa út íslenskar fagurbók-
menntir árið 1990, fyrsta bókin hafi
verið Þar sem Djöflaeyjan rís eftir
Einar Kárason og síðan hafi hann
gefið út alla trílógíu Einars auk nokk-
urra af síðari bókum hans. „Við höf-
um líka gefið úr skáldsögur eftir Ein-
ar Má, Vigdísi Grímsdóttur, Kristínu
Ómarsdóttur, Guðmund Andra
Thorsson, Guðberg Bergsson og Þór-
arin Eldjárn. Og nú erum við að fara
að gefa út skáldsögu eftir Mikael
Torfason, hún á að koma út í haust,
og síðan gefum við væntanlega út
Drauma á jörðu eftir Einar Má.“
Aðspurður um hvernig það hafi
komið til að hann hóf að gefa út ís-
lenskar nútímabókmenntir í Finn-
landi segir hann að í lok níunda ára-
tugarins hafi verið ákveðið að
einbeita sér að útgáfu norrænna
skáldverka. Einn þýðenda okkar
gerði sér ferð til Íslands árið 1989 og
hann spurði mig: á ég ekki að taka
með skáldsögu frá Íslandi? Jú, sagði
ég og veldu þá bestu sem þú finnur.
Og það varð Djöflaeyjan og mér leist
strax vel á hana. Við hittum síðan
Vigdísi Grímsdóttur og gáfum út Ég
heiti Ísbjörg, ég er ljón, sem þá var
tiltölulega nýútkomin. Síðan má eig-
inlega segja að þetta hafi stöðugt
undið upp á sig, ég fór að gefa út fleiri
íslenskar skáldsögur og höfunda.“
Timo gengst við því að ekki sé stór-
gróði af útgáfu íslenskra fag-
urbókmennta í Finnlandi. Hann segir
að af íslensku skáldverkunum hafi
mest selst af Ég heiti Ísbjörg, ég er
ljón og Englum alheimsins. „Annars
hafa íslenskar bækur alltaf verið
nokkuð vinsælar á bókasöfnum hér í
Finnlandi og ég veit til þess að marg-
ar íslenskar skáldsögur hafa verið
stöðugt í útláni langtímum saman,
jafnvel nokkur ár í senn.“
Gefur út íslenskar nútíma-
bókmenntir í Finnlandi
Timo Ernamo tekur við orðunni af Kornelíusi Sigmundssyni.
VESTURÁLL – næsti bær við Golf-
strauminn er heiti viðamikillar
menningardagskrár sem hefst í
dag í Norræna húsinu og stendur
til 24. mars.
Að Sögn Guðrúnar Dísar Jón-
atansdóttur, kynningarstjóra Nor-
ræna hússins, hafa sveitarfélögin í
Vesturáli í Norður-Noregi sýnt
auknu menningarsamstarfi við Ís-
lendinga mikinn áhuga í tengslum
við verkefnið Golfstraumar í Vest-
uráli, menningarátak 2001–2005.
Á menningarkynningunni í Nor-
ræna húsinu verður boðið upp á
ljósmyndasýningu, þjóðlagatónlist
frá héraðinu, nútíma ljóðlist og
kynningu á menningarsögulegu
fræðsluverkefni, Að kynnast Vest-
uráli. Auk þess standa mennta-
málaráðuneytið og héraðsráð
Vesturáls saman fyrir ráðstefnu til
að miðla á gagnkvæman hátt
reynslu af menningarlegu sam-
starfi sveitarfélaga, bæði á Íslandi
og í Vesturáli.
„Kynningin hefur fengið nafnið
Vesturáll, næsti nágranni Golf-
straumsins og er hluti af stærra
verkefni um að koma á beinum
menningarlegum alþjóðatengslum
við þau lönd sem Golfstraumurinn
snertir. Hugsýnin er sú að þessi
hlýi hafstraumur verði athygl-
isverð veita viðræðna og gagn-
kvæms skilnings og gangi í báðar
áttir,“ segir Guðrún Dís.
ur til 21. apríl.“ Í anddyri Norræna
hússins verður sýningin Golf-
straumurinn – þetta fasta fljótandi
handaband. Fjórir ljósmyndarar
frá Vesturáli sýna. „Sýningin er
sett upp sérstaklega með Íslend-
inga í huga og er ætlað að tjá það
að bæði Íslendingar og Norðmenn
njóta hlýjunnar af góðri návist við
Golfstrauminn – og af góðu nábýli
hvorir við aðra. Að baki vinnunni
að sýningunni Golfstraumurinn
verið myndlíkingin,“ segir Guðrún
Dís. Sýningin
stendur til 21.
apríl.
Með
silf-
urtón í fjörugrjóti er yfirskrift
þjóðlagatónleika með Sigrid Rand-
ers-Pehrson (f. 1971).
„Sigrid Randers-Pehrson er frá
Vesturáli og eini þjóðlagatónlist-
armaður í Norður-Noregi sem
bæði safnar og syngur norður-
norsk þjóðlög. Hún flytur allt frá
söngvum með náttúrudulúð til
sálmalaga. Túlkunarmáti hennar
spannar allt frá nýtísku djassi og
leikhústónlist til hefðbundins
kvæðasöngs. Árið 1996 hlaut Sig-
rid fyrstu verðlaun í „Oslo
kappleiken“, keppni þeirra sem
leggja stund á alþýðutónlist og
þjóðdansa.“ Tónleikarnir hefjast
kl. 20.30 í kvöld.
Logandi skáld er yfirskrift bók-
menntasíðdegis með Lars Saabye
Christensen og Sjón á laugardag
kl. 16. Rithöfundurinn Lars Saa-
bye Christensen (f. 1953) er í hópi
vinsælustu rithöfunda Noregs en
hann hlaut bókmenntaverðlaun
Norðurlandaráðs í ár fyrir bók sín
Halvbroren sem mun væntanleg í
íslenskri þýðingu á næstu mán-
uðum. „Á rúmlega tuttugu og
fimm ára rithöfundarferli hefur
hann hlotið lof gagnrýnenda fyrir
röð af skáldsögum, smásögum,
ljóðum og kvikmyndahandritum.
Rithöfundinn Sjón þarf vart að
kynna fyrir íslenskum bókmennta-
unnendum. Hann hefur samið
skáldsögur, ljóð, leikrit og kvik-
myndahandrit og er því ferill þess-
ara tveggja höfunda ekki ólíkur
hvað það snertir,“ segir Guðrún
Dís Jónatansdóttir um
norsk-íslenska menn-
ingardaga í Nor-
ræna húsinu.
Fjögurra daga norsk-íslensk menningardagskrá í Norræna húsinu
Næsti bær við Golfstrauminn
Sjón Lars Saabye
Christensen
Sigrid
Randers-Pehrson
Af því helsta sem verður á dag-
skránni er sýning í bókasafni Nor-
ræna hússins sem nefnist Kynni af
Vesturál – leiðarvísir um söguna.
Brýr milli eyja og íbúa.
„Þar eru kynnt 23 landfræðileg
svæði með leiðsögubók, upplýs-
ingaheftum, kortum og mynd-
bandi. Sýningin bregður upp
heildarmynd af margþættri menn-
ingu sem nær frá óljósum hús-
grunnum frá steinöld fram til
síldarævintýrisins í Eids-
fjord um þúsaldarmótin
síðustu og eld-
flaugapalla dagsins
í dag á Andøy.
Sýningin stend-
Tímarit Félags
íslenskra há-
skólakvenna er
komið út í fjórða
sinn en blaðið
hefur komið út
einu sinni á ári
frá 1998. Rit-
stjóri er Geirlaug
Þorvaldsdóttir.
Blaðið er málgagn félagsins og hef-
ur að geyma fræðigreinar, en hvert
blað hefur ákveðið þema. Í þessu
fjórða tímariti eru greinar um Evr-
una eftir Láru Sif Hrafnkelsdóttur
og grein um rafræn viðskipti eftir
Jónínu S. Lárusdóttur.
Í fyrsta tölublaði voru fyrirlestrar
kvenna sem héldu erindi á fyrsta
námskeiði félagsins sem bar yf-
irskriftina: „Staða konunnar í þjóð-
félaginu fyrr á öldum“ og hafði það
blað að geyma átta greinar. Annað
tímaritið hafði einnig að geyma
greinar sagnfræðilegs eðlis, í því
þriðja voru greinar um jarðfræði.
Tímaritið fæst í Bóksölu stúdenta
en hægt er að fá það í áskrift.
Tímarit
Sjón, Lars Saabye Christensen og Sigrid Randers-Pehrson verða
meðal þátttakenda í menningardagskránni Vesturáll – næsti bær við
Golfstrauminn í Norræna húsinu.
Bókmenntir og tónlist
TILKYNNT hefur verið hvaða sjö
skáldsögur keppa til IMPAC Du-
blin-bókmenntaverðlaunanna í ár.
Þær eru The Blind Assassin eftir
Margaret Atwood, True History of
the Kelly Gang eftir Peter Carey,
The Keepers of Truth eftir Michael
Collins, The Last Samurai eftir Hel-
en DeWitt, The Years with Laura
Díaz eftir Carlos Fuentes í þýðingu
Alfred MacAdam, Atomised sem
einnig hefur komið út undir titlinum
The Elementary Particles eftir
Michael Houellebecq í þýðingu
Frank Wynne og Madame eftir Ant-
oni Libera í þýðingu Agnieszka
Kolakowska.
Úrslitin verða síðan kunngerð í
Dublin 13. maí nk. Í dómnefnd sitja
fimm rithöfundar og fræðimenn, þar
á meðal Steinunn Sigurðardóttir.
Skáldsaga Ólafs Jóhanns Ólafs-
sonar, The Journey Home (Slóð fiðr-
ildanna) var ein þeirra bóka sem til-
nefndar voru í ár en yfir 100
bókasöfn víðsvegar í heiminum til-
nefna til verðlaunanna sem veitt eru
fyrir skáldsögu á ensku, frumsamda
eða í þýðingu.
IMPAC Dublin-
verðlaunin
Sjö bækur
tilnefndar