Morgunblaðið - 21.03.2002, Blaðsíða 31

LISTIR
MORGUNBLAÐIÐ FIMMTUDAGUR 21. MARS 2002 31
„ÞRÍR sópranar – I tre soprani“ er
yfirskrift söngskemmtunar sem
sópransöngkonurnar Hulda Guðrún
Geirsdóttir, Ildikó Varga og Kristín
R. Sigurðardóttir efna til í kvöld í
samvinnu við Íslensku óperuna. Þær
ætla þar að flytja mörg af vinsælustu
verkum óperubókmenntanna en
meðleikari sóprananna þriggja á tón-
leikunum verður Iwona Ösp Jagla.
Samstarf söngkvennanna hófst
eftir að að Kristín kynntist Ildikó í
Ungverjalandi þegar Kristín sótti
söngnámskeið hjá sama kennara og
Ildikó. Kristín fékk þá hugmynd að
búa til söngdagskrá með þremur sóp-
rönum og fékk þær Huldu Guðrúnu,
Ildikó og Iwonu Ösp með sér. „Þetta
er ákaflega skemmtilegt tónleika-
form, þótt óhefðbundið sé. Það má
segja að við höfum hreinlega
blómstrað þegar við fórum að vinna
saman og myndum við að ég held
mjög sterka heild. Það er til svo mik-
ið af tónlist fyrir sópransöngkonur,
að tónleikarnir ættu að geta orðið al-
veg jafn skemmtilegir og hinir hefð-
bundu söngtónleikar með þremur
körlum,“ segir Hulda Guðrún kát í
bragði þegar hún er spurð um tilurð
samstarfs þeirra.
Tónleikarnir verða haldnir í húsa-
kynnum Íslensku óperunnar og hefj-
ast kl. 20. Efnisskráin samanstendur
af samblöndu einsöngsaría, dúetta og
terzetta úr óperum og óperettum.
„Fyrir hlé verður efnisskráin með
dramatískum blæ og munum við þar
sýna okkar sterkustu hliðar. Þar höf-
um við valið aríur sem eru í uppá-
haldi hjá okkur, og fólki þykir gjarn-
an mjög vænt um. Þar syngjum við
m.a. „O, don fatale“, aríu Eboli úr
Don Carlo og „Sola, perduta abband-
onata, aríu Manon úr Manon Lescaut
eftir Puccini. Auk þess tökum við dú-
etta og tríó Frasquitu, Mercedes og
Carmen, þar sem stúlkurnar eru að
spá fyrir sér í gamni og dauðinn kem-
ur upp í spilum Carmen. Við búum
jafnframt til dálítið leikræna um-
gjörð um flutninginn á lögunum,“
segir Hulda Guðrún. „Eftir hlé fær-
um við okkur yfir í léttari nótur. Þar
tökum við lög úr óperum og óper-
ettum og flytjum mörg þeirra á lítt
hefðbundinn hátt. Við tökum t.d.
syrpu úr Kátu ekkjunni sem við höf-
um útsett fyrir þrjár söngkonur í
stað tenórs og sóprans. Við flytjum
einnig önnur lög á dálítið óhefðbund-
inn máta, eins og t.d. aríu Fiordiligi
og Dorabellu, systranna sem heita
því að verða ævinlega trúar unnust-
um sínum í Cosi fan tutte eftir Moz-
art.“
Allir flytjendur fereykisins hafa
starfað að tónlist um árabil. Hulda
Guðrún stundaði framhaldsnám í
Þýskalandi, en Kristín á Ítalíu og
hafa þær starfað að söng hér heima
og erlendis. Idlikó Varga lauk ein-
söngsnámi við Franz Liszt-tónlistar-
háskólann í Búdapest árið 2000 og
starfar um þessar mundir hér á landi
við kennslu og tónleikahald. Iwona
Ösp hefur verið búsett hér á landi frá
árinu 1990 en hún lauk einleikara-
prófi í píanóleik frá Tónlistaraka-
demíunni í Gdansk árið 1983. Að
sögn Huldu Guðrúnar hyggur fe-
reykið á frekara tónleikahald og
munu þær m.a. flytja ofangreinda
dagskrá í Ungverjalandi í sumar.
Þrjár sópransöngkonur
í Íslensku óperunni
Blómstrum
saman
Morgunblaðið/Jim Smart
Ildikó Varga, Kristín R. Sigurðardóttir og Hulda Guðrún Geirsdóttir
stíga á svið sem „Þrír sópranar“ í Íslensku óperunni í kvöld.
HANNA Dóra Sturludóttir sópran-
söngkona verður aðalgestur Sinfón-
íuhljómsveitar Íslands á tónleikum
hljómsveitarinnar í kvöld kl. 19.30. Á
efnisskrá tónleikanna eru þrjú verk,
forleikur að óperunni Hans og Grétu
eftir Engelbert Humperdinck, Sjö
æskusöngvar eftir Alban Berg og
Sinfónía nr. 4 í G-dúr eftir Gustav
Mahler. Stjórnandi á tónleikunum
verður Steuart Bedford.
Hanna Dóra Sturludóttir starfar í
Þýskalandi, en kemur þó reglulega
heim til að syngja, bæði með Sinfón-
íuhljómsveitinni og Íslensku óper-
unni þar sem hún söng síðast í upp-
færslunni á Töfraflautunni í haust.
Hún syngur bæði í verki Albans
Bergs og í sinfóníu Mahlers í kvöld.
„Verk Albans Bergs er mjög
þekkt. Hann samdi ljóðin þegar hann
var ungur fyrir söngrödd og píanó við
ljóð fjögurra ljóðskálda, en umritaði
þau síðar fyrir rödd og hljómsveit.
Ég hef sungið þetta margoft með pí-
anómeðleik, en þetta er í fyrsta sinn
sem ég syng ljóðin með hljómsveit.
Það er mjög spennandi; þetta er einn
af mínum uppáhalds ljóðaflokkum og
ljóðin mjög falleg. Þetta er síðróm-
antísk músík sem teygir sig þó inn í
módernismann; – það má segja að
þetta sé byrjunin á módernismanum
þótt efniviðurinn sé mjög rómantísk-
ur. Þetta minnir að mörgu leyti á
Fjögur síðustu ljóð Richards Strauss
þótt verkin séu ekki beinlínis lík.
Ljóðin fjalla um nóttina, draumana,
sumardaga og slíkt, í anda rómantík-
urinnar. Fjórða sinfónía Mahlers er
svo samin með söng í lokaþættinum.
Ljóðið er úr ljóðaflokknum Des
Knaben Wunderhorn, gömlum þýsk-
um ljóðaflokki. Þar er sungið í orða-
stað barns um himnaríki; – himnaríki
séð með augum barnsins. Það er mik-
ill leikur í þessu; þetta er barnslegt
og tónlistin er óhemju falleg.“
„Merkilegt það
sem hér er gert“
Hanna Dóra hefur sungið oft áður
með Sinfóníuhljómsveit Íslands og
segir það alltaf jafn gaman. „Það er
mjög góð tilfinning að syngja með
Sinfóníuhljómsveit Íslands. Það er al-
veg sérstök tilfinning að syngja með
akkúrat þessari hljómsveit. Mér
finnst það alltaf merkilegt sem hér er
gert, og það er mér mikill heiður að fá
að koma heim og syngja með hljóm-
sveitinni.“ Hanna Dóra er alla jafna
upptekin við óperusöng, en hefur þó
komið fram með hljómsveitum í
flutningi stærri verka. Þetta er þó í
fyrsta sinn sem hún syngur ljóð með
hljómsveit. Hanna Dóra segir þess
ekki langt að bíða að hún syngi á ein-
söngstónleikum hér; það gæti orðið í
vor eða í haust, og hugsanlegt sé að
hún syngi þá með fleiri söngvurum.
Hún syngur nú í Komische Oper í
Berlín í nýrri uppfærslu á óperu
Brittens, Turn of the Screw. Sýning-
in er síðasta verkefni Harrys Kupfers
við óperuna en þar hefur hann verið
aðalleikstjóri í meir en tuttugu ár.
Sýningin hefur hlotið fádæma góðar
undirtektir og gagnrýnendur hafa
hlaðið hana lofi. Hanna Dóra syngur
einnig fyrstu dömu í Töfraflautu
Mozarts í Berlín.
Hanna Dóra naut söngmenntunar
við Söngskólann í Reykjavík, þar sem
aðalkennarar hennar voru Kristinn
Sigmundsson og Snæbjörg Snæ-
bjarnardóttir. Framhaldsnám stund-
aði hún við Listaháskólann í Berlín en
sótti jafnfram námskeið hjá nafntog-
uðum söngkennurum og tónlistar-
mönnum eins og Dietrich Fischer-
Dieskau og Aribert Reimann. Hanna
Dóra hefur verið gestasöngvari við
óperuhús víðsvegar um Þýskaland,
meðal annar í Bonn, Rostock, Weim-
ar og Salzburg í Austurríki og er fast-
ur gestasöngvari í Komische Oper í
Berlin.
Í ágúst í sumar syngur tekur hún
þátt í tónlistarhátíðinni í Zwingen-
berg í Suður-Þýskalandi, þar sem
hún syngur hlutverk Agötu í Frí-
skyttunni eftir Weber.
Hljómsveitarstjórinn Steuart Bed-
ford er þekktur sem einn helsti sér-
fræðingur heims í tónlist enska tón-
skáldsins Benjamins Brittens.
Bedford átti lengi samvinnu við Brit-
ten og hefur stjórnað óperum hans
víða um heim, og stjórnaði meðal
annars frumflutningi óperunnar
Dauðans í Feneyjum og fyrstu hljóð-
ritun verksins. Steuart Bedford var
einn af listrænum stjórnendum Alde-
borgarhátíðarinnar frá 1974–98 og
síðustu árin aðalstjórnandi hennar
ásamt hljómsveitarstjóranum Oliver
Knussen. Hann hefur stjórnað óperu-
uppfærslum í helstu óperuhúsum
heims austan hafs og vestan, og þykir
mörgum fremri í túlkun á óperum
Mozarts. Steuart Bedford hefur einn-
ig starfað með mörgum þekktum
hljómsveitum, eins og Ensku kamm-
ersveitinni, Konunglegu fílharmóníu-
sveitinni í Lundúnum, Borgarhljóm-
sveitinni í Birmingham og
hljómsveitum breska útvarpsins
BBC.
Hanna Dóra Sturludóttir syngur með Sinfóníunni
Himnaríki séð með
augum barnsins
Morgunblaðið/Kristinn Ingvarsson
Hanna Dóra Sturludóttir og Steuart Bedford á æfingu með Sinfóníuhljómsveitinni í gær.
Myndlistarmað-
urinn Tolli opnaði
málverkasýningu í
Lúxemborg að við-
stöddu margmenni
síðastliðinn föstu-
dag. Sýningin, sem
er fyrsta sýning
Tolla í Lúxemborg,
er haldin í ráðhús-
inu í Berg og var
hún opnuð af Mar-
ie Josée Meyers,
bæjarstjóra Berg,
Gunnari Snorra
Gunnarssyni,
sendiherra Íslands
í Belgíu og Lúx-
emborg, og Magn-
úsi Guðmundssyni,
bankastjóra Kaupthing Bank Lux-
embourg, en Kaupthing Bank er
styrktaraðili sýningarinnar.
Frú Meyers sagði það vera
ánægjuefni fyrir bæjaryfirvöld að
fá að standa að sýningu sem þess-
ari enda ættu þessi tvö lönd sér
orðið langa sögu í samstarfi og
blómleg Íslendinganýlenda hefði
byggst upp í Lúxemborg á und-
anförnum 30 árum, fyrst með sam-
starfi á sviði flugmála en síðar með
stofnun tveggja íslenskra banka.
Gunnar Snorri, sendiherra,
sagði það vera eitt meginverkefni
sendiráðsins að styðja við útrás Ís-
lendinga hvort sem væri á sviði
viðskipta eða menningar og því
væri ánægjulegt að fá tækifæri til
að styðja við bak þessarar sýn-
ingar.
Tolli segist mjög ánægður með
sýninguna, en hún er sú fyrsta af
nokkrum sýningum sem hann
hyggst standa fyrir í vor vítt og
breitt um Evrópu. „Ef það er eitt-
hvað eitt sem einkennir íslenska
náttúru þá er það birtan og það er
einmitt þessi birta sem kemur svo
sterkt fram í verkunum á sýning-
unni. Þær eru allar málaðar á
vinnustofu minni í Berlín og það
má því segja að hún hafi fengið að
marinerast innra með mér í nokk-
urn tíma. Þetta ljós kemur innan
frá.“
Ánægður með viðtökur
Hann segir að viðbrögð sýning-
argesta hafi farið fram úr hans
björtustu vonum en um tveir þriðju
hlutar þeirra 28 verka sem á sýn-
ingunni eru seldust á opnunar-
kvöldi hennar. Tolli hyggst næst
setja upp sýningu í Trossingen í
Þýskalandi en meðal annarra sýn-
inga sem hann hefur fyrirhugaðar
er sýning í Berliner Festspiele í
tengslum við íslenska menning-
arhátíð í apríl og sýning í að-
alstöðvum Rauða krossins í Genf.
Magnús Guðmundsson, banka-
stjóri Kaupthing Bank, sagði það
vera sérstaklega ánægjulegt að
styðja við bakið á sýningu á verk-
um Tolla. „Það má segja að í verk-
um Tolla endurspeglist sá kraftur
sem einkennir íslenska náttúru og
Íslendinga sjálfa. Þessi kraftur
hefur einnig verið einkennandi í
sókn íslenskra fyrirtækja á er-
lenda markaði.“
Að opnunarræðum loknum flutti
Bubbi Morthens, bróðir lista-
mannsins, nokkur vel valin lög við
góðar undirtektir.
Ljósið að innan
Tolli opnar myndlistar-
sýningu í Lúxemborg
Magnús Guðmundsson, bankastjóri Kaupthing
Bank Luxembourg, og Tolli við opnunina.
Íslensk bókaskrá fyrir árið 2000 er
komin út. Þar er skráð öll bókaút-
gáfa þess árs. Bókaskránni fylgir
tölulegt yfirlit um bókaútgáfu ársins
2000 og samkvæmt því komu
1.869 rit út á því ári. Einnig eru í
skránni upplýsingar um ný blöð og
tímarit sem hófu útkomu árið
2000, svo og skrá um landakort og
myndbönd.
Íslenskri bókaskrá fylgir enn-
fremur Íslensk hljóðritaskrá. Þar er
skráð allt efni sem gefið er út á
hljómplötum, geisladiskum og
snældum. Fjöldi slíkra gagna er
251 og hefur
þeim fjölgað um
tuttugu af hundr-
aði frá árinu á
undan.
Útgefandi er
Landsbókasafn
Íslands – Há-
skólabókasafn.
Efni beggja rit-
anna er í tölvukerfinu Gegni. Rit-
stjóri skránna er Hildur G. Eyþórs-
dóttir.
Skrárnar eru 263 bls. og 251
bls.
Skrár