Morgunblaðið - 21.03.2002, Blaðsíða 14
AKUREYRI
14 FIMMTUDAGUR 21. MARS 2002 MORGUNBLAÐIÐ
Á morgun, föstudaginn 22. mars, mun Páll Skúlason, rektor
Háskóla Íslands flytja erindi um háskólamenntun og
alþjóðavæðingu. Fyrirlesturinn verður haldinn í stofu L101 á
Sólborg og hefst klukkan 12.00. Hægt verður að kaupa
samlokur og kaffi eða gos á vægu verði á staðnum.
Allir velkomnir.
Háskólinn á Akureyri og
Félag áhugafólks um heimspeki á Akureyri.
HÁDEGISFYRIRLESTUR
Á SÓLBORG
VOGIR
Eltak sérhæfir sig í sölu
og þjónustu á vogum
Bjóðum eitt mesta úrval
á Íslandi af smáum
og stórum vogum
Hafðu samband
Síðumúla 13, sími 588 2122
www.eltak.is
GRÁSLEPPUVERTÍÐIN er rétt
að hefjast en leyfilegt var að
leggja fyrstu grásleppunetin í
gærmorgun. Bræðurnir Sveinn og
Guðjón Steingrímssynir voru að
gera grásleppunetin klár í báti
sínum Funa EA í Sandgerðisbót á
Akureyri þegar ljósmyndari Morg-
unblaðsins var þar á ferð í gær.
Þær bræður hafa stundað grá-
sleppuveiðar í nokkur og leggja
net sín við Gjögrana í minni Eyja-
fjarðar. Guðjón sagði að veiðin
hefði verið léleg á þessu tímabili
og verð fyrir hrognin allt of lágt.
Þeir bræður sögðu verðið eitthvað
hafa hækkað en það væri þó ekk-
ert til að hrópa húrra yfir.
Veiði hjá smábátasjómönnum á
Akureyri, sem gera út á línu og
net, hefur verið að glæðast og út-
litið ágætt, að sögn Guðjóns.
Morgunblaðið/Kristján
Grásleppu-
vertíðin hafin
MÁLEFNI fjölskyldudeildar voru til
umræðu á fundi félagsmálaráðs Ak-
ureyrarbæjar nýlega og þar kom m.a.
fram að barnaverndarmálum fjölgar
frá ári til árs og er orðin þörf á að
fjölga starfsfólki í þessum málaflokki.
Jafnframt er talið æskilegt að ráða
lögfræðing til stofnunarinnar. Illa
gengur að fá viðkomandi grunnskóla
til að taka við börnum sem vista á hjá
fósturforeldrum og veldur það mikl-
um vandræðum við lausn mála, eins
og segir í bókun félagsmálaráðs.
Verkefnisstjórar á fjölskyldudeild
og forstöðumenn Hæfingarstöðvar
og Plastiðjunnar Bjargs mættu á
fund félagsmálaráðs. Á fundinum
kom einnig fram að fötluðum börnum
á Akureyri fjölgar jafnt og þétt, og
flytur fólk til bæjarins vegna góðrar
þjónustu í þessum málaflokki í bæn-
um. Erfiðara er orðið fá vinnu fyrir
fatlaða á almennum vinnumarkaði á
Akureyri jafnvel þótt örorkuvinnu-
samningur sé í boði. Hins vegar er
auðveldara að fá fjölskyldur til að
verða stuðningsfjölskyldur fatlaðra
barna.
Málum hjá skólateymi hefur líka
fjölgað mikið en biðlisti eftir grein-
ingu er þó viðunandi, eins og segir
bókun félagsmálaráðs, eða um 6 vik-
ur. Ekki hefur gengið að ráða annan
sálfræðing í þessi mál. Þá kom fram
að breytingin sem gerð var með
stofnun Hlíðarskóla sl. haust hefur
reynst vel sen samt vantar fleiri slík
úrræði til að takast á við erfiðustu
málin. Samvinna milli teyma á fjöl-
skyldudeild við úrlausn mála gengur
vel.
Auka þarf þjónustu
við geðfatlaða
Fram kom að mikil þörf er á aukn-
ingu á þjónustu við geðfatlaða ein-
staklinga í bænum. Mjög brýnt er að
bæta úr húsnæðismálum þeirra með
einhverjum hætti svo sem þjónustuí-
búðum svipað og í Skútagili. Einnig
þarf að skoða hvort einhverjir þess-
ara geðfötluðu geti sjálfir keypt sér
húsnæði. Mjög nauðsynlegt er að
veitt sé félagsleg þjónusta við þessa
einstaklinga þar sem þeir búa, segir í
bókun félagsmálaráðs.
Enginn biðlisti er eftir að komast í
starfsþjálfun eða verndaða vinnu á
Plastiðjunni Bjargi en þörf á að fjölga
þar fagmenntuðu fólki svo sem iðju-
þjálfum. Starfsemin á Hæfingarstöð
gengur vel.
Barnaverndarmálum á
Akureyri fjölgar frá ári til árs
Fötluðum börnum
fjölgar jafnt og
þétt í bænum
AKUREYRARMÓT í listhlaupi á
skautum var haldið í Skautahöllinni á
Akureyri um síðustu helgi og tókst
framkvæmd þess vel. Keppendur
voru 42 og hafa ekki verið svo margir
áður, t.d voru þeir 14 árið 2000.
Keppt var í flokkum 8 ára og yngri,
9–10 ára B og C, 11–13 ára A, B og C
og 15 ára og eldri. Auk þess kepptu í
einum flokki stúlkur sem eru styttra
á veg komnar og æfa í 3. flokki.
Þá sýndi hluti yngstu iðkendanna
listir sýnir við góðar undirtektir
áhorfenda sem voru fjölmennir.
Úrslit í einstökum flokkum urðu
þessi:
3. flokkur.
1. sæti Guðný Ósk Hilmarsdóttir
2. sæti Gerða Björk
Hafþórsdóttir
3. sæti Sandra Ósk Magnúsdóttir
8 ára og yngri:
1. sæti Telma Eiðsdóttir
2. sæti Erla Guðrún Jóhannesd.
3. sæti Urður Ylfa Arnarsdóttir
9–10 ára B:
1. sæti Sigrún Sigurðardóttir
2. sæti Steinunn Tinna
Hafliðadóttir
3. sæti Ingibjörg Bragadóttir
9–10 ára C:
1. sæti Ásdís Kristinsdóttir
2. sæti Ólöf María Stefánsdóttir
3. sæti Stefanía Árdís Árnadóttir
11–13 ára A:
1. sæti Kristín Helga Hafþórsd.
2. sæti Erika Mist Arnarsdóttir
3. sæti Eva Snæbjarnardóttir
11–13 ára B:
1. sæti Karen Halldórsdóttir
2. sæti Ásta Heiðrún Jónsdóttir
3. sæti Heiða Björg
Guðjónsdóttir
11–13 ára C:
1. sæti Thelma Rut Hafliðadóttir
2. sæti Elín Rún Haraldsdóttir
3. sæti Karen Jóhannsdóttir
15 ára og eldri A
1. sæti Audrey Freyja Clarke
2. sæti Helga Margrét Clarke
3. sæti Vanessa Jóhannesdóttir
Keppendur í 3. flokki á Akureyrarmótinu í listhlaupi á skautum, sem ekki eru allir háir í loftinu.
Keppendur aldrei verið fleiri
SKÍÐASTAÐAGANGA verður í
Hlíðarfjalli á laugardag, 23. mars.
Um er að ræða almenningsgöngu
sem er hluti af mótaröð Íslandsgöng-
urnnar svokölluðu. Þrjár vegalengd-
ir verða í boði, 20 km, 10 km og 5 km
og hefst gangan við Strýtu. Þaðan
verður gengið norður fjallið á svo-
kallað efra göngusvæði, þá til suðurs
og lýkur göngunni við gönguhúsið.
Skráning verður við rásmarkið í
Strýtu kl. 13. til 13.45. Þátttökugjald
er 1000 krónur í 20 km. gönguna, 500
krónur í 10 km en ókeypis er í
trimmgönguna. Kaffisamsæti verður
í Hamri, félagsheimili Þórs, að
göngu lokinni og þar verða verðlaun
afhent.
Skíðastaðaganga
MENNINGARHÁTÍÐIN „Svarf-
dælskur mars“ verður haldinn í
annað sinn í Dalvíkurbyggð um
helgina. Hátíðin hefst með heims-
meistarakeppni í brús, sem er spil, í
Rimum á föstudagskvöld, 22. mars,
og verður keppt í tveimur flokkum,
flokki barna og byrjenda og flokki
meistara.
Málþing um tónlist og söng í
Svarfaðardal verður haldið á laug-
ardag kl. 13 í Dalvíkurskóla. Þór-
arinn Hjartarson sagnfræðingur
flytur erindi og síðan verða almenn-
ar umræður. Tónleikar verða í Dal-
víkurkirkju kl. 16 sama dag þar
sem Kór Svarfdælinga sunnan
heiða ásamt Karlakór Dalvíkur
syngja, en einsöngvari er Ólafur
Kjartan Sigurðsson. Dansleikur
verður í Rimum kl. 21 um kvöldið
þar sem stiginn verður hinn svarf-
dælski mars undir stjórn feðgin-
anna Hallgríms Hreinssonar og
Ingunnar Margrétar Hallgríms-
dóttir við undirleik hljómsveitar
sem sett hefur verið saman af
þessu tilefni.
Hátíðin er einkum hugsuð til að
lyfta andanum um vorjafndægur og
til að minna á og viðhalda menning-
arlegum sérkennum og skemmti-
legheitum sem tíðkast hafa á þess-
um slóðum segir í frétt frá
aðstandendum hátíðarinnar.
Svarf-
dælskur
mars
LÍFSLEIKNI í leikskóla er yfir-
skrift ráðstefnu sem efnt verður til í
Oddfellowhúsinu við Sjafnarstíg á
Akureyri á laugardag, 23. mars frá
kl. 13 til 16.30.
Alls verða fluttir fimm fyrirlestr-
ar, m.a. um þróunarverkefni á
Sunnubóli, um samskiptahæfni
barna þar sem greint er frá nýjum
áherslum varðandi siðferðisþroska
barna út frá kenningum Williams
Damons, þá verður fjallað um mögu-
leika heimspekilegrar rökræðu í
kennslu, fjallað um tilfinningagreind
og mikilvægi þess að innleiða rökvísi,
skapandi hugsun og umhyggju í til-
finningar og loks um andstöðu gegn
lífsleikni.
Aðgangur er ókeypis.
Lífsleikni í
leikskólum
♦ ♦ ♦
♦ ♦ ♦VINSTRI hreyfingin grænt fram-
boð efnir til fundar í Deiglunni í
Kaupvangsstræti í kvöld, fimmtu-
dagkvöldið 21. mars og hefst hann kl.
19.30. Um er að ræða hluta af funda-
röð VG með yfirskriftinni „Lífið í
landinu“. Framsögu hafa þingmenn-
irnir Jón Bjarnason, Kolbrún Hall-
dórsdóttir og Steingrímur J. Sigfús-
son auk Valgerðar Hjördísar
Bjarnadóttur sem skipar efsta sæti
listans á Akureyri.
Vinstri grænir
Lífið í
landinu