Morgunblaðið - 21.03.2002, Blaðsíða 55
FRÉTTIR
MORGUNBLAÐIÐ FIMMTUDAGUR 21. MARS 2002 55
NÚ er unnið að gerð hálfpípu í
Skálafelli með nýju tæki sem sér-
staklega er ætlað til þess að útbúa
og halda við hálfpípu eða „halfpipe“
eins og það kallast á máli snjóbretta-
manna. Hálfpíputækið í Skálafelli er
það fyrsta sinnar tegundar hér á
landi og höfðu skíðasvæðin samstarf
við þrjú fyrirtæki, GÁP, Nanoq og
Vífilfell um fjármögnun þess.
Starfsmenn hafa unnið að því und-
anfarna daga að útbúa hálfpípu við
efri enda stólalyftunnar í Skálafelli
og hefur nýja tækið reynst mjög vel.
Fyrir þá sem ekki eru innvígðir í
snjóbrettaíþróttina, þá líkist hálf-
pípa helst risastóru afskornu röri úr
snjó, þar sem brettamenn renna sér
upp hliðarnar og stökkva og leika
listir sínar. Hálfpípa hefur verið
útbúin í Skálafelli á undanförnum
árum með ærinni fyrirhöfn enda
notaður til verksins venjulegur troð-
ari og lokafrágangur unninn á
höndum. Með nýja tækinu er mun
fljótlegra að útbúa hálfpípuna og
auðveldara að halda henni við, en
hálfpípur eru fljótar að spillast
vegna veðurs og mikillar notkunar.
Auk þess verða hliðar pípunnar mun
reglulegri en áður og auka þannig
öryggi notendanna til muna, segir í
fréttatilkynningu.
Nýtt hálf-
píputæki
í Skálafelli
Fundin verði
störf sem
vinna má í
fjarvinnslu
Á FUNDI sínum á þriðjudag
fjallaði hreppsnefnd Stöðvarhrepps
um málefni fjarvinnslu. Eftirfarandi
bókun var gerð:
„Hreppsnefnd Stöðvarhrepps
harmar aðgerðarleysi ríkisstjórnar
Davíðs Oddssonar og lýsir von-
brigðum með algjört viljaleysi
hennar varðandi málefni fjar-
vinnslu. Hreppsnefnd Stöðvar-
hrepps fagnar frumkvæði forseta
Alþingis, Halldórs Blöndal, í þess-
um málum og skorar á hvern og
einn ráðherra að finna nú þegar
jafn mörg störf, í sínum ráðu-
neytum, sem vinna megi í fjar-
vinnslu.“
Grikklands-
vinafélagið
fundar
GRIKKLANDSVINAFÉLAGIÐ
heldur fund laugardaginn 23. mars
kl. 13.30 í Kornhlöðunni við Banka-
stræti.
Kynning verður á ferðalagi sem
fyrirhugað er á vegum félagsins til
Suður-Ítalíu og Sikileyjar og vor-
ferðalagi um Suðurland. Einnig mun
Kristján Árnason fjalla í máli og
myndum um grískar goðsögur, segir
í fréttatilkynningu.
Listi Samfylk-
ingar og VG í
Mosfellsbæ
FRAMBOÐ G-lista Samfylkingar og
Vinstri gænna liggur fyrir, en hann
var samþykktur á félagsfundi nýlega.
Listinn hefur breyst frá 1998, en þá
skipuðu tvö efstu sætin Jónas Sig-
urðsson og Guðný Halldórsdóttir,
sem hyggst draga sig í hlé eftir 8 ára
setu í meirihluta Mosfellsbæjar.
Framboðslistinn er eftirfarandi:
1. Jónas Sigurðsson bæjarfulltrúi,
2. Hanna Bjartmars Arnardóttir
myndlistamaður og kennari, 3. Ólafur
Gunnarsson varabæjarfulltrúi, 4.
Sylvía Magnúsdóttir guðfræðinemi,
5. Karl Tómasson ritstjóri og tónlist-
armaður, 6. Jóhanna B. Magnúsdóttir
umhverfisfræðingur, 7. Þóra B. Guð-
mundsdóttir varabæjarfulltrúi, 8.
Dóra Hlín Ingólfsdóttir rannsóknar-
lögreglumaður, 9. Ólafur Guðmunds-
son rannsóknarlögreglumaður, 10.
Guðný Halldórsdóttir bæjarfulltrúi,
11. Aagot Árnadóttir ritari, 12. Gísli
Snorrason vélamaður. formaður
Starfsmannafélags Mosfellsbæjar,
13. Gréta Aðalsteinsdóttir hjúkrunar-
fræðingur, 14. Valdemar L. Friðriks-
son framkvæmdastjóri Ungmennafél.
Aftureldingar.
Listi fram-
sóknar-
manna í
Ísafjarðarbæ
FRAMBOÐSLISTI Framsóknar-
manna í Ísafjarðarbæ til bæjar-
stjórnakosninga 25. maí nk. hefur
verið ákveðinn. Listann skipa eftir-
talin:
1. Guðni Geir Jóhannesson, 2.
Svanlaug Guðnadóttir, 3. Björg-
mundur Guðmundsson, 4. Jón Reyn-
ir Sigurvinsson, 5. Guðríður Sigurð-
ardóttir, 6. María Valsdóttir, 7.
Sigríður Magnúsdóttir, 8. Þorvaldur
Þórðarson, 9. Elías Oddsson, 10.
Hildigunnur Guðmundsdóttir, 11.
Jón Reynir Sigurðsson, 12. Ásvaldur
Guðmundsson, 13. Gréta Gunnars-
dóttir, 14. Bergsveinn Gíslason, 15.
Hrafn Guðmundsson, 16. Steinþór
Ólafsson, 17. Þröstur Óskarsson, 18.
Sigurður Sveinsson.
Leiðrétt
Veiðiklúbburinn
Strengur
Rafn Hafnfjörð, einn af stofnend-
um veiðifélagsins Strengs, vill koma
eftirfarandi leiðréttingu á framfæri:
„Í sunnudagsblaði Morgunblaðs-
ins hinn 17. mars er frétt um nýút-
komna bók eftir Þór Sigfússon –
Brennan og Ísis. Þar segir að Gústaf
Þórðarson og Oddur Ólafsson ásamt
bændum í Vopnafirði hafi verið
stofnendur veiðifélagsins Strengs.
Hið rétta er að Veiðiklúbburinn
Strengur var stofnaður 29. október
1959 af 16 ungum og áhugasömum
stangaveiðimönnum þar sem þeir
heiðursmenn Gústaf og Oddur
komu hvergi nærri eða bændur í
Vopnafirði.
Veiðiklúbburinn Strengur hefur
haft Selá í Vopnafirði á leigu frá
árinu 1970 og hóf þá þegar samstarf
við þá félaga Gústaf og Odd, ásamt
öðrum landeigendum að Selá um
uppbyggingu árinnar.“
Morgunblaðið biður hlutaðeig-
andi velvirðingar á þessu.
Nöfn féllu niður
Í frétt Morgunblaðsins í gær um
um mál Skeljungs gegn Samkeppn-
isstofnun féllu vegna mistaka niður
nöfn lögmanna sóknar- og varnarað-
ila. Gestur Jónsson hrl. flutti málið
fyrir Skeljung en Heimir Örn Her-
bertsson hdl. af hálfu Samkeppnis-
stofnunar. Er beðist velvirðingar á
þessum mistökum.
Danshljómsveit Frið-
jóns Jóhannssonar
Í grein um árlegt hjónaball á
Flúðum sem birtist í Morgun-
blaðinu 15. mars var rangt farið með
nafn hljómsveitarinnar sem sá um
fjörið. Hið rétta nafn hennar er
Danshljómsveit Friðjóns Jóhanns-
sonar og eru Friðjón og félagar
hans beðnir velvirðingar á rang-
færslunni.