Morgunblaðið - 11.05.2002, Blaðsíða 20
LANDIÐ
20 LAUGARDAGUR 11. MAÍ 2002 MORGUNBLAÐIÐ
SÍÐLA vetrar var unnið við skóg-
arhögg (grisjun) á eftirtöldum stöð-
um á Héraði: Geitagerði, Hjarðar-
bóli, Víðivöllum II, Eyjólfsstaða-
skógi, Miðhúsum, Egilsstöðum og í
Hallormsstaðaskógi. Grisjun hófst
fyrstu vikuna í febrúar og lauk í ann-
arri viku eftir páska. Í upphafi fór
fram námskeið í skyndihjálp fyrir
starfsmenn Héraðsskóga og fleiri.
Á vegum Héraðsskóga unnu á
þessu tímabili 15 manns í sex vikur.
Skipt var í þrjá 5-manna hópa. Hver
hópur vann tvær vikur og átti frí í
eina viku. Einn hópur var alltaf við
vinnu á Hallormsstað.
Úr grisjunum í Geitagerði, Hjarð-
arbóli og Vívöllum II komu um 2.200
staurar, og á Víðivöllum var flett um
3 m3 af borðviði. Þetta eru þær jarðir
sem heyrðu undir hina svokölluðu
Fljótsdalsáætlun, sem var upphaf að
bændaskógrækt á Íslandi, en hún
var síðar sameinuð Héraðsskógum
við tilkomu þeirra 1990.
Umsjón með grisjuninni hafði
Rúnar Ísleifsson skógræktarráðu-
nautur á Egilsstöðum.
Í vertíðarlok er venjan að koma
saman í Víðivallaskógi hinum nýja
og gera sér glaðan dag við svokölluð
timburgjöld, sbr. töðugjöld. Um 30–
35 manns komu á þennan gleðskap,
starfsmenn Skógræktar ríkisins á
Hallormsstað og Héraðsskóga,
skógarhöggsbændur og eigendur
skógarreita sem grisjaðir voru, svo
og boðsgestir.
Morgunblaðið/Guttormur
Úr skógræktinni í Geitagerði.
Grisjun og viðar-
vinnsla á Héraði
Fljótsdalur
HAFNARLÆKURINN er lítill og
sakleysislegur lækur sem rennur
gegnum þorpið en í vorleysingum
á hann það til að breytast í stór-
fljót sem flæðir stjórnlaust út úr
farvegi sínum. Mjög hlýtt var í
veðri á mánudaginn var og miklir
vatnavextir urðu á skömmum
tíma svo lækurinn flæddi yfir
bakka sína og niður Hálsveginn
sem um tíma var eins og stórfljót
á að líta.
Nokkrar skemmdir urðu á mal-
biki á Hálsveginum og flóðið var
komið hættulega nálægt bílskúr
og íbúðarhúsi sem næst læknum
standa. Vinnuvélar voru strax
sendar á vettvang og rjúfa varð
skarð í veginn efst í Hálsvegi til
að veita vatninu frá og þar var
komið upp varnargarði. Við það
stöðvaðist rennslið niður götu og
húsin voru úr hættu.
Óhemju magni af snjó kyngdi
niður í kuldakastinu fyrir nokkr-
um dögum en nú í hlýindunum
hverfur hann fljótt og ár og lækir
vaxa að sama skapi.
Morgunblaðið/Líney Sigurðardóttir
Lækurinn
varð að
stórfljóti
Þórshöfn KARLAKÓRINN Hreimur
hélt söngskemmtun í Skjól-
brekku nýlega. Söngstjóri kórs-
ins er Robert Faulkner sem
stjórnað hefur kórnum frá 1988.
Undirleikarar eru þau Juliet
Faulkner, Aðalsteinn Ísfjörð,
Erlingur Bergvinsson og Þórar-
inn Illugason en einsöngvarar
þeir Sigurður Þórarinsson og
Baldur Baldvinsson. Söngmenn
eru nær 50 og koma þeir úr
sveitum Suður-Þingeyjarsýslu
og frá Húsavík. Kórinn hefur
starfað síðan 1975.
Á fyrri hluta efnisskrárinnar
voru verk þar sem annaðhvort
lag eða ljóð var eftir þingeyskan
höfund og hafði eitthvað af því
ekki áður heyrst í Mývatnssveit.
Seinni hluti efnisskrár var með
alþjóðlegum blæ. Söng kórsins
var afar vel tekið af Mývetning-
um, sem fjölmennt höfðu á tón-
leikana. Þráinn Þórisson ávarp-
aði kórfélaga og þakkaði vand-
aðan söng og menningarlega
héraðshátíð sem nýlega var á
vegum kórsins í Ýdölum.
Hreimur
söng í Skjól-
brekku
Mývatnssveit
UNDANFARNAR vikur hafa nem-
endur í íslenskuáfanga 403 við
Menntaskólann á Egilsstöðum unnið
að svokölluðu Vesturfaraverkefni,
sem lyktaði með opnun sýningar á
Minjasafni Austurlands á Egilsstöð-
um 1. maí sl. Sýningin verður auk
þess send á Vopnafjörð í vikutíma
um miðjan mánuð.
Það eru Minjasafnið, Héraðs-
skjalasafn Austurlands og Bókasafn
Héraðsbúa sem skipuleggja verk-
efnið í samvinnu við Menntaskólann.
Tólf hópar nemenda, alls fjörutíu
manns, hafa unnið að fjölþættri
gagnasöfnun og sett upp í sýning-
arbært form. Stuðst var við ljós-
myndir, skáldverk, dagbækur og
bréf sem varða Vestur-Íslendinga og
varðveitt eru á Héraðsskjalasafninu.
Sem dæmi um afmörkuð verkefni
hópanna má nefna ljósmyndir frá fé-
lagslífi og blaðaútgáfu í Vesturheimi
og bréf vestur-íslenskra kvenna og
klæðaburður þeirra, karla og barna.
Þá er fjallað um Bjarna Þorsteinsson
ljósmyndara, Jóhann M. Bjarnason
rithöfund, Hauk Stefánsson listmál-
ara og skáldið Guttorm J. Guttorms-
son, en allir voru þeir kynjaðir af
Austurlandi.
Á opnunardag var að þjóðlegum
sið boðið upp á harðfisk, hákarl og
mysu og gerður góður bragur að.
Vesturfarasýningin stendur eitthvað
fram á sumar.
Vesturfaraverkefni Menntaskólans á Egilsstöðum
Morgunblaðið/Steinunn
Forstöðumaður Minjasafns Austurlands, Rannveig Þórhallsdóttir, og
Þórný Sigurjónsdóttir, nemandi við Menntaskólann á Egilsstöðum, við
undirbúning Vesturfarasýningar í Minjasafninu.
Þó þú langförull legðir
Egilsstaðir
TVÖ lömb fundust nýlega á Gnúp-
verjaafrétti og hafa þau gengið úti í
vetur. Ferðamenn sáu til þeirra og
létu vita af þeim. Vanir smalagarp-
ar úr sveitinni fóru með hest og góð-
an fjárhund og fundu þau í gili í
Sandafelli. Gekk vel að fanga þessa
spræku útiganga sem nú kallast
gemlingar. Þau reyndust vera frá
Eiríki Jónssyni í Eystra-Geld-
ingaholti.
Ærin, móðir þeirra, kom úr eft-
irleit af Flóamannaafrétti seint í
október. Sagðist Eiríkur ekki hafa
átt von á að sjá lömbin framar. Þau
eru prýðilega á sig komin, í góðum
holdum og með meira en tommu
hornahlaup. Enn og aftur sannar sig
hve íslenska sauðkindin er harðger.
Gemlingar á Gnúpverjaafrétti
Hrunamannahreppur