Morgunblaðið - 12.05.2002, Page 3

Málefni eldri borgara í Reykjavík hafa ekki verið mikið í
sviðsljósinu. Það þykir okkur miður því hér er um að ræða hóp
fólks sem lagt hefur drjúgan skerf til uppbyggingar í borginni.
Við ætlum að auka samstarfið við félög og samtök eldri borgara
til þess að geta sinnt hagsmunamálum þeirra sem best.
Og við ætlum að gera fleira
Við ætlum að stórlækka fasteignaskatta hjá eldri borgurum.
Það gerum við með því að hækka tekjuviðmiðið um 50% hjá
þeim sem eru 67 ára og eldri og búa í eigin íbúð. Með því móti
fjölgar þeim verulega sem greiða engan fasteignaskatt eða fá
mikla lækkun og ráðstöfunarfé þeirra eykst að sama skapi.
Lækkum skatta
á eldri borgara