Morgunblaðið - 27.06.2002, Page 3

Reykjavík, 27. júní 2002
Kæri stofnfjáreigandi.
Ákvörðun stjórnar SPRON um frestun fundar er ólögleg.
Stjórn SPRON hefur nú sent frá sér tilkynningu um að afboðaður sé fundur stofnfjáreigenda sem boðaður hafði verið
með dagskrá á löglegan hátt og halda skyldi næstkomandi föstudag. Í tilkynningu frá stjórninni er ekki tilgreind ný
tímasetning fundarins. Ástæðuna fyrir þessari ákvörðun segir stjórnin vera að nauðsynlegt sé að svar Fjármálaeftirlitsins
við erindi okkar frá 25. 6. 2002 um kauptilboð í stofnfjárhluti SPRON liggi fyrir.
Af þessu tilefni skal tekið fram, að engin þörf er á að afboða fundinn af þessari ástæðu. Fyrir honum liggja þrjár
tillögur, svo sem greint var í fundarboði, og eru engir anmarkar á að unnt sé að ganga til afgreiðslu þeirra, þó að
svar Fjármálaeftirlisins við erindi okkar liggi ekki fyrir.
Afboðun stjórnar SPRON á fundinum er að okkar mati andstæð lögum og samþykktum sparisjóðsins. Stjórn hans
getur ekki fallið frá því að halda löglega boðaðan fund af þeirri ástæðu einni, að hún efist um framgang þeirra mála,
sem hún hyggst leggja þar fyrir. Beinum við þeim eindregnu tilmælum til stjórnarinnar að hún hverfi frá ólögmætri
ákvörðun sinni um afboðun fundarins og haldi hann svo sem skylt er, enda verður að telja það keppikefli að
ágreiningsmál innan sparisjóðsins séu leyst á vettvangi hans sjálfs.
Verði stjórn sparisjóðsins ekki við þessum tilmælum munum við leita allra löglegra leiða til að krefjast fundar svo fljótt
sem verða má til afgreiðslu á þeim dagskrárefnum sem boðuð höfðu verið.
Nánari upplýsingar má finna á www.stofnfe.is.
Virðingarfyllst,
Sveinn Valfells Pétur H. Blöndal Ingimar Jóhannsson
Gunnar A. Jóhannsson Gunnlaugur M. Sigmundsson