Morgunblaðið - 27.06.2002, Side 25

ERLENT
MORGUNBLAÐIÐ FIMMTUDAGUR 27. JÚNÍ 2002 25
DÓMSTÓLL í Moskvu dæmdi í
gær Oleg Kalugin, fyrrverandi
yfirmann í sovésku leyniþjón-
ustunni KGB, til fimmtán ára
hegningarvinnu fyrir að ljóstra
upp ríkisleyndarmálum í bók
sem hann skrifaði í Bandaríkj-
unum. Réttarhöldin fóru fram
að honum fjarstöddum þar sem
hann er í útlegð í Bandaríkjun-
um og neitaði að snúa aftur til
Rússlands.
Dómstóllinn komst að þeirri
niðurstöðu að Kalugin, sem er
67 ára, hefði gerst sekur um
landráð með því að ljóstra upp
ríkisleyndarmálum um starf-
semi KGB erlendis í bók sem
hann skrifaði árið 1994 ásamt
bandarískum blaðamanni. Í
bókinni hefðu komið fram upp-
lýsingar um sovéska njósnara í
Bandaríkjunum og starfsemi
sérstakrar leyniþjónustudeild-
ar, sem njósnaði erlendis, Deild-
ar K, auk þess sem ljóstrað
hefði verið upp um heimildar-
menn KGB í Kanada, Ástralíu
og frönsku leyniþjónustunni.
Verjandi Kalugins kvaðst
ætla að áfrýja dómnum til
hæstaréttar Rússlands.
Umbótum
mótmælt
ANDRZEJ Lepper, leiðtogi
stærsta stjórnarandstöðu-
flokksins á pólska þinginu,
krafðist þess á þriðjudag að
stjórnin segði af sér eða hætti
við umbætur sem taldar eru
nauðsynlegar til að Pólland geti
gengið í Evrópusambandið.
Lepper sagði að stefna stjórn-
arinnar hefði leitt til efnahags-
hruns og mikils atvinnuleysis.
Verkamenn og bændur efndu
til mótmæla gegn stefnu stjórn-
arinnar en þau voru ekki eins
fjölmenn og búist var við. Skoð-
anakannanir benda til þess að
tveir þriðju Pólverja séu hlynnt-
ir aðild landsins að Evrópusam-
bandinu.
ETA-menn
dæmdir
TVEIR félagar í ETA, aðskiln-
aðarhreyfingu Baska á Spáni,
voru í gær dæmdir í yfir 100 ára
fangelsi fyrir morð á héraðs-
þingmanni og aðstoðarmanni
hans fyrir rúmum tveimur ár-
um. Voru mennirnir tveir
fundnir sekir um að hafa komið
fyrir sprengju í bíl þingmanns-
ins og sprengt hana með fjar-
stýringu.
Seldi rottu-
og músakjöt
LÖGREGLAN í Bergen í Nor-
egi hefur skýrt frá því að kjöt-
þjófur hafi selt borgarbúum
rottu- og músakjöt. Maðurinn
stal kassa með kjöti sem ætlað
var slöngum í dýragarði borg-
arinnar og bauð það vegfarend-
um til kaups fyrir utan verslana-
miðstöð. Hann vissi ekki í fyrstu
hvers konar kjöt hann var að
selja en áttaði sig að lokum á því
og lagði á flótta. Í kassanum var
kjöt af 100 rottum og 30 músum
og mikið af því mun hafa selst,
en enginn viðskiptavina þjófsins
hefur haft samband við lögregl-
una, að sögn Aftenposten.
STUTT
Kalugin
dæmdur
fyrir
landráð
SMS FRÉTTIR
mbl.is
HÓPUR vísindamanna hóf í fyrra-
dag þriggja daga lokaða ráðstefnu í
höfuðstöðvum Alþjóðaheilbrigðis-
málastofnunarinnar (WHO) þar sem
þeir ræða mögulegar afleiðingar
þess að mikið magn akrílamíðs, sem
er krabbameinsvaldandi efni, hefur
fundist í algengum matvælum.
Sænskir vísindamenn gerðu um-
rædda uppgötvun í apríl sl., og hefur
rannsókn þeirra síðan verið endur-
tekin af vísindamönnum í ýmsum
öðrum löndum og sagði talsmaður
WHO að niðurstöður þeirra rann-
sókna leiddu svipaða hluti í ljós. Því
væri ekki hægt að virða málið að
vettugi.
Rannsóknir Svíanna bentu til að
akrílamíð væri að finna í bökuðum,
steiktum og grilluðum kartöflum, og
vörum gerðum úr hveiti. Akrílamíð
er að finna í lími og trjákvoðu og er
notað í litlu magni til að hreinsa
drykkjarvatn. Í miklu magni getur
það valdið skemmdum á taugakerfi,
valdið getuleysi, lömun og líklega
krabbameini, samkvæmt upplýsing-
um WHO.
Ekki hafði verið talið að efnið væri
að finna í matvælum en magnið sem
sænsku vísindamennirnir fundu var
mun meira en hámarksdagsskammt-
ur, samkvæmt viðmiðunum WHO.
Ráðstefnu vísindamannanna í höfuð-
stöðvum WHO lýkur með frétta-
mannafundi í dag.
Ráðstefna á vegum
WHO um akrílamíð
Genf. AFP.