Morgunblaðið - 27.06.2002, Qupperneq 58

FÓLK Í FRÉTTUM
58 FIMMTUDAGUR 27. JÚNÍ 2002 MORGUNBLAÐIÐ
HERRATÍSKUVIKA stendur yfir
í Mílanó í Ítalíu en þar má sjá
vor- og sumarföt næsta árs. Sýn-
ingarnar hófust á sunnudag og
lýkur í dag og á meðal þeirra
hönnuða er sýnt hafa herratísk-
una nú þegar eru Dolce og Gabb-
ana, Miuccia Prada, Valentino og
Roberto Cavalli. Hitabylgja geng-
ur sem stendur yfir Ítalíu og er
júnímánuður sá heitasti í landinu
í hálfa öld.
Hjá Versace mátti sjá sannan
glamúr, mikið af svörtu og hvítu
og skyrtur hnepptar niður að
mitti en tónlist Marilyn Manson
hljómaði undir sýningunni. Ca-
valli hélt einnig sínum rokkstíl
með tilheyrandi glansi, sýndi silf-
urjakkaföt í bland við náttúruleg
efni en sá gamli gleymdi söngvari
Terence Trent D’Arby gekk sýn-
ingarpallana íklæddur hjartar-
skinni.
Sýning Vivienne Westwood var
að venju ekki laus við kímni að
hætti breska hönnuðarins en á
meðal þess sem vakti athygli á
sýningu hennar var bolur með
áprentuðum kvenmannsbrjóstum.
Prada-sýningin skar sig úr að
venju en stíll Prada er ávallt auð-
þekkjanlegur. Hún einbeitir sér
að því stílhreina frekar en yfir-
drifinni karlmennsku og er
óhrædd við að láta karlmenn sína
klæðast níðþröngum og ofur-
stuttum stuttbuxum.
Sumar-
tíska í
hitabylgju
í Mílanó
Vivienne Westwood
Versus
Roberto Cavalli
Dolce & Gabbana
Vivienne Westwood
Dolce & Gabbana
Prada
Prada
Gucci
ÍSLENSKA sveitin Leaves er að
gera það gott um þessar mundir og
er mikill áhugi á hljómsveitinni hjá
erlendum sem innlendum tónlistar-
spekúlöntum og fjölmiðlum. Hljóm-
sveitin hefur gert sex platna samn-
ing við útgáfufyrirtækið B-unique
sem er dótturfyrirtæki Dream-
works.
Leaves er skipuð fjórmenningun-
um Arnari Guðjónssyni, Arnari
Ólafssyni, Halli Má Hallssyni og
Bjarna Grímssyni.
Hljómsveitin mun ein sjá um upp-
hitun fyrir Skotana í Travis sem
leika munu fyrir landsmenn í Laug-
ardalshöllinni 4. júlí næstkomandi.
Leaves mun jafnframt leika á ár-
legri tónlistarhátíð í Glastonbury á
Englandi í sumar og í kjölfarið
leggja upp í tónleikaferð um Bret-
land með hljómsveitinni Athleat,
sem spáð er góðu gengi í framtíðinni
líkt og Leaves.
Síðastliðið mánudagskvöld hélt
Leaves tónleika í Iðnó. Fullt var út
úr dyrum og áhugi greinilega mikill
á því að sjá og heyra í Laufunum sem
spáð er svo góðu gengi. Það voru
ekki bara samlandar þeirra Leaves-
manna sem fjölmenntu í Iðnó heldur
var á staðnum fjöldinn allur af fjöl-
miðlamönnum frá miðlum á borð við
MTV, Top of the Pops, BBC, Chann-
el 4, NME og Arena sem komu hing-
að til lands gagngert í þeim tilgangi
að hlýða á sveitina.
Það var greinilegt að viðstaddir
voru vel með á nótum þeirra Leaves-
manna og kunnu vel að meta það
sem fyrir þá var spilað.
Það verður því spennandi að fylgj-
ast með gengi Leaves í framtíðinni
því sveitin ætlar sér greinilega stóra
hluti.
Morgunblaðið/Árni Sæberg
Leaves stóðu sig með prýði á tónleikunum og náðu vel til áhorfenda.
Laufin
trylla
Þeir Ólafur Páll Gunnarsson og
Daníel Ágúst Haraldsson lauf-
léttir á tónleikunum.
Tónleikar hljómsveitarinnar Leaves í Iðnó