Morgunblaðið - 28.06.2002, Blaðsíða 26

LISTIR
26 FÖSTUDAGUR 28. JÚNÍ 2002 MORGUNBLAÐIÐ
Sterkar kalk + D-vítamín
Styrkir bein og tennur
400 mg af kalki töflur til að gleypa.
Nýtt frá Biomega
Fæst í apótekum
TÓNLISTARFÓLK frá Listahá-
skóla Íslands heldur tónleika í Árbæj-
arsafni kl. 14 á morgun, laugardag.
Sigrún Erla Egilsdóttir, selló, og
Matthildur Anna Gísladóttir, píanó,
leika íslensk þjóðlög og Sicilienn eftir
Mariu Theresiu von Paradis. Þórunn
Elín Pétursdóttir syngur m.a. lög eft-
ir Atla Heimi Sveinsson og Þórarinn
Guðmundsson við undirleik Matthild-
ar Önnu á píanó.
Einnig verður haldið Örnámskeið í
tóvinnu í Kornhúsinu frá kl. 13–16.
Á sunnudag verða félagar úr
Vélhjólafjelagi gamlingja með hjólin
sín á safninu frá kl. 13 til 17. Þar
munu félagsmenn sýna uppgerð mót-
orhjól á ýmsum aldri.
Einnig munu leiðsögumenn safns-
ins bregða sér í hlutverk tómthús-
kvenna og vaska fisk og þurrka ef
veður leyfir. Hefst fiskvaskið kl. 13
við húsið Nýlendu.
Guðsþjónusta verður í safnkirkj-
unni kl. 14 og í Dillonshúsi verður
boðið upp á ljúffengar veitingar.
Teymt verður undir börnum báða
dagana frá 13 til 15.
Klukkan 14 og 15 verður síðan dag-
skráin Spekúlerað á stórum skala í
húsinu Lækjargötu 4. Þar býður Þor-
lákur Ó. Johnson upp á skemmtun í
anda liðins tíma. Þar fá gestir innsýn í
lífið í Reykjavík á 19. öld.
Dagskrá
í Árbæjar-
safni
SÝNINGU á leikverkinu Títus eftir
William Shakespeare, sem halda átti
í porti Listasafns Reykjavíkur –
Hafnarhúss á miðnætti laugardags-
ins 29. júní, hefur verið frestað. Sýn-
ingin verður haldin í lok júlí eftir að
henni hefur verið fundinn nýr staður.
Það er leikhúsið Vesturport sem
stendur að uppsetningu á leikverk-
inu Títus, en áætlað var að sýna
verkið aðeins einu sinni í porti Lista-
safns Reykjavíkur Hafnarhúss. Að
sögn Björns Hlyns Haraldssonar,
leikstjóra verksins, hefur komið upp
nokkur ágreiningur við forsvars-
menn Listasafns Reykjavíkur um
þann æfingatíma og aðstöðu sem
nauðsynleg er til að gera verkið sem
best úr garði. Verður sýningunni því
fundinn annar sýningarstaður og
sýningartími auglýstur þegar nær
dregur. „Við stefnum að sýningum í
lok júlí, en þurfum að vinna að ýms-
um atriðum, t.d. við að laga sýn-
inguna að nýju rými og að samræma
tíma þátttakenda, en um hundrað
manns koma að þessu verkefni.“
Björn Hlynur segir það leitt að
fresta þurfi sýningunni, en hér sé um
metnaðarfullt verkefni að ræða, sem
verið hafi í undirbúningi allan síðasta
vetur. Sýningunni verði því haldið til
streitu þrátt fyrir þessa örðugleika.
Þeir sem þegar hafi keypt miða á
sýninguna á laugardaginn geta feng-
ið þá endurgreidda.
Sýningu á Títusi frestað
LÁRA Bryndís Eggertsdóttir mun
halda orgeltónleika í Reykholts-
kirkju næstkomandi laugardag.
Tónleikarnir eru liður í röð
orgeltónleika sem haldnir verða í
kirkjunni í tilefni af uppsetningu
nýs orgels kirkjunnar. Orgelið
var smíðað fyrir Dómkirkjuna í
Reykjavík hjá Th. Frobenius og
Co í Kaupmannahöfn árið 1934 og
þjónaði henni til 1985. Orgelið var
gert upp á liðnu ári og vígt til
notkunar í Reykholtskirkju síð-
ustu páska.
Á tónleikaröðinni munu sex
organistar leika verk að eigin
vali. Verða tónleikar næstu sex
laugardaga og hefjast þeir flestir
kl. 16.00.
Á efnisskrá tónleika Láru Bryn-
dísar eru m.a. verk eftir Bach og
Buxtehude. Lára Bryndís er fædd
árið 1979. Hún lauk kantorsprófi
frá Tónskóla þjóðkirkjunnar
ásamt 8. stigi á orgel vorið 2001
með hæstu einkunn sem gefin hef-
ur verið og lauk nú í vor einleik-
araprófi á orgel með ágætis-
einkunn. Orgelkennari Láru
Bryndísar hefur verið Hörður Ás-
kelsson en auk þess hefur hún í
vetur sótt tíma hjá próf. Hans-Ola
Ericsson í Tónlistarháskólanum í
Piteå í Svíþjóð. Hún stóðst inn-
tökupróf í konsertorganistadeild-
ina þar og mun hefja nám við
hana næsta haust.
Þann 6. júlí mun Friðrik Vignir
Stefánsson, organisti í Grund-
arfirði, leika, 13. júlí Guðný Ein-
arsdóttir kantor, 20. júlí Haukur
Guðlaugsson, fv. söngmálastjóri,
3. ágúst Marteinn H. Friðriksson
dómorganisti og 10. ágúst mun
Kjartan Sigurjónsson, organisti
Digraneskirkju og formaður Fé-
lags íslenskra organleikara, ljúka
tónleikaröðinni.
Lára Bryndís
í Reykholtskirkju
Morgunblaðið/RAX
Lára Bryndís Eggertsdóttir orgelleikari.
starfa með hljómsveit-
inni og hún er mjög
hrifin af stjórnun hans
og listrænni túlkun.
Þess vegna var farið á
fjörurnar við hann
hvort hann gæti tekið
að sér listræna ábyrgð
á hljómsveitinni og
hann féllst á það,“ seg-
ir Þröstur. Hann segir
nýja listræna kjölfestu
í starfi hljómsveitar-
innar fylgja því að fá
nýjan aðalstjórnanda,
en hún hefur verið án
fasts stjórnanda síðan
vorið 2001. „Hann
kemur til með að móta bæði verk-
efnaval sem og ákvarðanatöku um
aðra sem koma að stjórnun og með-
leik með hljómsveitinni. Hann mót-
ar listrænt starf hennar frá mánuði
til mánaðar og veitir okkur, sem er-
um í annars konar störfum tengdum
starfseminni, þá aðstoð sem við
þurfum á að halda í ýmsu sem
snertir listræna stefnu og gæði
hljómsveitarinnar. Það er mjög mik-
ilvægt að hafa slíkan mann sem
hægt er að leita til, í stað þess að
Sinfóníuhljómsveit Ís-
lands hefur ráðið nýj-
an aðalstjórnanda,
Rumon Gamba, til
starfa. Hann mun taka
við stöðunni í septem-
ber næstkomandi og
er hann ráðinn til
næstu þriggja ára,
með möguleika á fram-
lengingu. Gamba mun
stjórna hljómsveitinni í
minnst átta vikur á
hverju starfsári, auk
tónleikaferðalaga og
hljóðritana.
Hinn enski Gamba
er aðeins 29 ára gam-
all, en hefur stjórnað Sinfóníuhljóm-
sveitinni á þrennum tónleikum síð-
ustu misseri. Er hann sagður hafa
mikla reynslu þrátt fyrir ungan ald-
ur, einkum í starfi sínu með hljóm-
sveitum breska ríkisútvarpsins,
BBC.
Þröstur Ólafsson, framkvæmda-
stjóri Sinfóníuhljómsveitar Íslands,
segir hljómsveitina fagna samningn-
um við Gamba. „Við höfum góða
reynslu af að vinna með honum.
Honum hefur tekist mjög vel að
þurfa að reiða sig á fleiri en einn að-
ila. Að því leyti festir þessi ákvörð-
un starf hljómsveitarinnar.“
Rumon Gamba stundaði nám í
Royal Academy of Music í London,
þar sem hann naut meðal annars
leiðsagnar Sir Colins Davis. Á
námstímanum þar vann hann til ým-
issa verðlauna, þar á meðal hlaut
hann 1. verðlaun í samkeppni á veg-
um BBC meðal ungra stjórnenda.
Hann starfaði um skeið í Póllandi og
Rússlandi, en árið 1998 var hann
ráðinn aðstoðarstjórnandi Fílharm-
oníusveitar BBC. Gamba hefur
stjórnað þeirri hljómsveit á tónleik-
um víða um heim, og undir hans
stjórn hefur hún leikið inn á nokkra
geisladiska Chandos-útgáfunnar.
Auk þess hefur Gamba komið fram
sem gestastjórnandi margra virt-
ustu hljómsveita Bretlandseyja og í
Evrópu. Má þar nefna BBC-sinfón-
íuhljómsveitina í Skotlandi, Kon-
unglegu fílharmoníusveitina í Liver-
pool og Fílharmoníuhljómsveitina í
München. Meðal verkefna hans á
næstunni er að stjórna Fílharmon-
íusveit Flórída, Fílharmoníusveit
New York og Sinfóníuhljómsveit
Melbourne.
Rumon Gamba næsti stjórnandi Sinfóníunnar
Hljómsveitin hrifin
af stjórnun hans
Rumon Gamba
LISTAKONAN María K. Einars-
dóttir opnar sýningu á vatnslita-
myndum sínum í Þrastarlundi, Sel-
fossi, í dag, föstudag.
Myndirnar málaði hún á liðnum
vetri. María hefur komið víða við í
listaheiminum og á þessari sýningu
má einnig kynna sér ljóð hennar, en
auk málverka verða á sýningunni
sýnishorn úr ljóðabók Maríu, Undir
laufþaki, sem kom út 1997. Einnig
verða til sýnis nýrri ljóð. Loks má sjá
árangur hennar á fleiri sviðum list-
sköpunar. Sýningin er til 12. júlí.
Vatnslita-
myndir í
Þrastarlundi
EINAR Gíslason myndlistarmaður
frá Akureyri opnar á morgun kl. 14
myndlistarsýningu í Galleríi Ash í
Lundi við Varmahlíð í Skagafirði.
Þar gefur að líta grafíkmyndir
unnar með tréristu, en sýninguna
nefnir Einar Fáka.
Eins og nafnið gefur til kynna er
viðfangsefni sýningarinnar íslenski
hesturinn, en sýningin er haldin í til-
efni af landsmóti hestamanna sem
haldið verður á Vindheimamelum
dagana 3. til 7. júlí.
Einar útskrifaðist frá Mynd- og
handíðaskóla Íslands 1996 og er
þetta fjórða einkasýning hans.
Sýningin er opin alla daga frá kl.
10 til 18 og stendur til 19. júlí.
Fákar Einars
TÓNSKÓLI þjóðkirkjunnar
heldur námskeið fyrir kórstjórn-
endur í Skálholti dagana 11. til
15. ágúst næstkomandi.
Leiðbeinandi á námskeiðinu
verður Lynnel Joy-Jenkins, sem
er ein af stjórnendum American
Boy Choir í Princeton í Banda-
ríkjunum. Hún var fyrsta konan
og einnig fyrst manna af afrísk-
um uppruna til að hljóta slíka
stöðu við kórinn.
Lynnel er með masterspróf í
kórstjórn frá Westminster
Choir College og hlaut náms-
styrk til ársdvalar í Jóhannesar-
borg þar sem hún kynnti sér
sérstaklega afríska tónlist. Hún
kennir einnig við tónlistar-
háskólann Westminster Choir
College í Princeton í Bandaríkj-
unum.
Helstu þættir námskeiðsins
verða kórvinna með barnakórum
og blönduðum kórum. Farið
verður í kórstjórnartækni og
upphitun, einnig verður fræðsla
um eðli og breytingar á drengj-
aröddum. Kynning verður á kór-
tónlist bæði fyrir barnakóra og
blandaða kóra og sérstök áhersla
lögð á afrísk-ameríska tónlist.
Kórvinnan verður kennd fyrir
hádegi en tónlistarkynningar síð-
degis. Mögulegt er að taka þátt í
hluta námskeiðsins. Umsóknar-
frestur er til 5. júlí. Upplýsingar
og skráning er á skrifstofu söng-
málastjóra Sölvhólsgötu 13 virka
daga milli 9 og 12.
Námskeið í kór-
stjórn í Skálholti
BANDARÍSKA sópransöngkonan
Judith Gans hélt fyrir skömmu
tónleika í húsi íslenska sendiráðs-
ins í Washington, D.C., að frum-
kvæði Bryndísar Schram, sendi-
herrafrúar. Á efnisskránni voru
íslensk sönglög á borð við Í fjar-
lægð, Draumalandið og Maístjörn-
una. Undirleikari Gans var Steph-
en Maziarz. Var húsfyllir á
tónleikunum, og voru í hópi
áheyrenda bæði Íslendingar sem
og velunnarar úr listheimi Wash-
ington. Gans hefur síðan árið
1996 einbeitt sér að flutningi ís-
lenskrar tónlistar, en hún er fædd
í Texas. Á undanförnum árum
hefur hún haldið tónleika með ís-
lenskri efnisskrá í Bandaríkj-
unum, Kanada og á Íslandi og ár-
ið 1999 gaf Gans út geisladisk
með íslenskri tónlist, er nefnist
Draumalandið og hefur verið
dreift víða um heim.
Íslensk sönglög
í Washington
Judith Gans og undirleikari hennar, Stephen Maziarz, ásamt sendi-
herrahjónunum Jóni Baldvini Hannibalssyni og Bryndísi Schram.
♦ ♦ ♦