Morgunblaðið - 13.07.2002, Síða 10

FRÉTTIR
10 LAUGARDAGUR 13. JÚLÍ 2002 MORGUNBLAÐIÐ
ÞESSA dagana vinna stórvirkar
vinnuvélar að því að rífa húsin á
Defensor-lóðinni í Borgartúni en í
haust verður hafist handa við
byggingu skrifstofuhúsnæðis á
lóðinni. Ólafur Hauksson, fram-
kvæmdastjóri framkvæmdasviðs
hjá Íslenskum aðalverktökum, seg-
ir að húsið verði um 6000 fermetr-
ar að flatarmáli og að stefnt sé að
því að það verði tilbúið um áramót-
in 2003–4. Hann segir að þegar sé
búið að ráðstafa hluta þess til út-
gerðarinnar og rækjuvinnslunnar
Ingimundar hf., sem ætlar að vera
þar með skrifstofur sínar.
Mikið framboð er nú á atvinnu-
húsnæði á höfuðborgarsvæðinu en
Ólafur segir Íslenska aðalverktaka
ekki vera smeyka vegna þess.
Staðsetningin sé mjög góð og það
líti ágætlega út með sölu hússins
sem sjáist í því að hluta þess hafi
þegar verið ráðstafað.
Margar konur unnu langan
vinnudag hjá Defensor
Lóðin í Borgartúni 25, 27 og 31,
þar sem nýja húsið mun rísa, er
gjarnan kölluð Defensor-lóð en
þar var samnefnt fyrirtæki rekið í
upphafi síðustu aldar. Pétur Pét-
ursson þulur segir að fyrirtækið
hafi verið eitt umsvifamesta á
þessum tíma, þar hafi verið stakk-
stæði og saltfiskur hafi verið
breiddur þar til þurrkunar. Þar
hafi margar konur unnið langan
vinnudag.
Pétur segist óttast að verslunar-
og atvinnusaga landsins fari for-
görðum og segir það bráðæði að
ráðast í að rífa húsið án þess að
varðveita nokkur tengsl þess við
söguna.
Ólafur Ragnarsson rak marg-
miðlunarstofu og hljóðver í húsinu
þar til fyrir skömmu. Hann segir
að heilmikið líf hafi verið í húsinu
áður en ákveðið var að rífa það og
sköpunargleði. Þar hafi mikið af
listamönnum og ungu fólki unnið
saman skapandi starf. „Það var
mjög leiðinlegt að þurfa að fara úr
því, það skemmdi svo þá sköp-
unargleði sem var að byggjast
upp. Þarna á að koma enn ein
glæsibyggingin, okkur vantar svo
glæsibyggingar,“ segir Ólafur.
Morgunblaðið/Jim Smart
Defensor-
húsið víkur
fyrir skrif-
stofuhúsnæði
ÁRNI Mathiesen, sjávarútvegsráðherra, segir
að fiskveiðikaflinn í samningi Möltu og ESB
breyti engu fyrir Íslendinga. Ekki sé um lög-
sögu að ræða heldur verndarsvæði þar sem
Möltubúar fái rétt til tæknilegra ákvarðana um
möskvastærðir, veiðarfæri og slíkt. „Þetta hefur
ekki minnstu þýðingu fyrir okkur, þetta eru
tæknilegar ákvarðanir sem Möltubúar fá að
taka þarna og þær eiga að gilda fyrir allar Evr-
ópusambandsþjóðir sem eiga að hafa sama rétt
þarna. Þetta er ekkert í líkingu við það sem við
þyrftum að fá, í samningum við ESB, til að ryðja
sjávarútvegshindruninni úr vegi,“ sagði Árni.
Hann segir einnig að þessi samningur sé
langt frá því sem Malta fór fram á við Evrópu-
sambandið og hafi þessi niðurstaða legið fyrir í
nokkra mánuði. „Það er því ekkert nýtt í þessu
og þetta breytir engu um okkar stöðu,“ sagði
Árni.
Telur Íslendinga geta samið
við ESB eins og Möltubúa
Bryndís Hlöðversdóttir, þingmaður Samfylk-
ingarinnar, segir að Íslendingar hljóti að geta
samið við Evrópusambandið um sjávarútvegs-
mál rétt eins og stjórnvöld á Möltu. Samninga-
viðræður skipta máli, Íslendingar eigi að setja
markið hátt þegar komi að sjávarútvegsmálum
og til séu leiðir sem Íslendingar geti sætt sig við.
Steingrímur J. Sigfússon, formaður Vinstri-
hreyfingarinnar – græns framboðs, segir að
samningur Möltu við ESB breyti ekki stöðu Ís-
lands varðandi sambandið en hann sýni að hægt
sé að þjarka við Evrópusambandið.
Eins og fram kom í Morgunblaðinu í gær
féllst Evrópusambandið á kröfu stjórnvalda á
Möltu þess efnis að innan 25 mílna lögsögu yrðu
einungis leyfðar veiðar smábáta. Ekki er um
tímabundna undanþágu eða ráðstöfun að ræða
heldur verða ákvæði um fiskveiðilögsöguna og
yfirstjórn stjórnvalda á Möltu innan hennar sett
í lög ESB.
Bryndís Hlöðversdóttir segir að því hafi
gjarnan verið haldið fram í umræðunni um Evr-
ópusambandið að samningaumræður skiptu
ekki máli og skiluðu engu þegar kæmi að sjáv-
arútvegsmálunum. Íslendingar geti ekki fengið
undanþágu frá sjávarútvegsstefnu ESB. Hins
vegar hafi hún alltaf haldið því fram að aðild að
ESB komi ekki til greina nema viðunandi ár-
angur náist í sjávarútvegsmálunum fyrir okkur
Íslendinga og meiri hluti þjóðarinnar sé sama
sinnis. Samningurinn sem Malta hafi náð sýni
að hægt sé að semja um þessi mál við ESB, auð-
vitað þannig að ESB sé sátt við niðurstöðuna, en
stjórnvöld á Möltu hafi fengið öllu framgengt
sem þau hafi sett á oddinn. Í þessu sambandi
segir hún að því hafi verið spáð að Malta fengi
lítið út úr samningunum við ESB en annað hafi
komið á daginn.
Að sögn Bryndísar kemur ýmislegt til greina.
Hún segir að sú leið sem Halldór Ásgrímsson
utanríkisráðherra hafi viðrað í Berlín í mars sl.
komi vel til greina en hann hafi m.a. bent á að Ís-
lendingar geti haft sérstakt stjórnsýslusvæði
utan um lögsöguna vegna veiðireynslunnar.
Hún segir að ljóst sé að samningur sem fæli í sér
að landhelgin fylltist af spænskum togurum yrði
aldrei samþykktur og hún þekkti engan stjórn-
málamann sem styddi slíkan samning, burtséð
frá stuðningi við inngöngu í ESB. Forsvars-
menn ESB hafi ekki slegið hugmynd Halldórs
út af borðinu og því sé hún ein þeirra sem komi
til greina. Aðalatriðið væri að setja markið hátt,
leggja áherslu á sjálfsstjórn yfir svæðinu og
sjálfsforræði yfir auðlindinni en framkvæmdin
væri útfærsluatriði.
Breytir ekki stöðunni
Steingrímur J. Sigfússon, formaður Vinstri-
hreyfingarinnar – græns framboðs, segir að
samningur Möltu og ESB breyti ekki stöðunni
hér á landi í grundvallaratriðum. Samningurinn
beri með sér að ESB fallist á fiskverndunartil-
högun þess efnis að einungis smábátar megi
veiða innan lögsögunnar, en fljótt á litið virðist
sem um sé að ræða einhverja millileið, sem hafi
verið þrædd til að Malta fengi það sem þyrfti til
að geta samþykkt aðildarsamninginn. Annars
hafi stefnt í það að hann yrði felldur.
Steingrímur segir að Halldór Ásgrímsson
hafi ýjað að því að hugsanlega væri hægt að ná
fram því sem hann kallaði sérstaka beitingu
reglnanna á íslensku hafsvæði, en samningur-
inn við Möltu væri ekki sambærilegur nema að
litlu leyti og Íslendingar gætu aldrei sótt und-
anþáguna á sams konar grunni og Malta að
þetta væri fiskverndunar- og smábátaútgerða-
aðgerð. Auk þess komi til önnur vandamál sem
tengist flökkustofnum, samningum við önnur
ríki, óleyst deilumál og fleira. Hins vegar sýni
þessi samningur að hægt sé að þjarka við ESB
og ef menn séu í góðri samningsstöðu geti þeir
kannski náð einhverjum svona árangri. Hitt
beri að hafa í huga að margt hangi á spýtunni
hjá ESB. Sambandið vilji ekki að eitt ríki skerist
úr leik í stækkunarferlinu og því sé ef til vill að
einhverju leyti um tilfallandi niðurstöðu að ræða
sem helgist af ýmsum pólitískum aðstæðum í
málinu.
Legg ekkert upp úr þessu
Sverrir Hermannsson, formaður Frjálslynda
flokksins, segist ekki treysta því að samningur
ESB og Möltu, hafi fordæmi fyrir Íslendinga að
neinu leyti. Hann segir að sérstakar ástæður
kunni að liggja fyrir samningnum við Möltu en
mjög hafi gengið á stofna í Miðjarðarhafi. „Ég
tel að eins og sakir standa fyrir okkur, séu þær
reglur sem gilda hjá Evrópusambandinu um
fiskveiðimál með öllu óaðgengilegar. Ég legg
því ekkert upp úr þessu,“ sagði Sverrir.
Skiptar skoðan-
ir um samning
ESB og Möltu
Viðbrögð fulltrúa ríkisstjórnarinnar og stjórnarandstöðu við sjávarútvegssamningi Möltubúa
FRÉTTABLAÐIÐ kom út á nýjan
leik í gær eftir hálfs mánaðar hlé.
Útlit blaðsins hefur ekki breyst og
starfsmenn þess eru flestir þeir
sömu. Nýtt útgáfufélag, Frétt ehf.,
hefur tekið við rekstri blaðsins.
Gunnar Smári Egilsson, ritstjóri
Fréttablaðsins, segir að ákveðið
hafi verið að upplýsa ekki á næst-
unni hverjir séu hluthafar í útgáfu-
félagi blaðsins. Ástæður þess segir
hann vera þær að ekki sé skylda til
að upplýsa hverjir séu hluthafar í
einkahlutafélögum, auk þess sem
hann vilji ekki fóðra þá neikvæðu
umfjöllun sem verið hefur í fjöl-
miðlum um Fréttablaðið undanfar-
ið. „Það er kannski heillavænlegra
að gefa blaðið út í nokkra mánuði
og sýna að blaðið er ágætt. Leyfa
blaðinu að vera í fyrirrúmi frekar
heldur en hverjir eiga það, sem er
ekki stórt atriði í málinu,“ bætir
hann við.
Fréttablaðið kemur út á ný
Ekki upplýst hverjir
eru hluthafar
ÁHERSLUR og stefna stjórnvalda
í ýmsum löndum hvað varðar fíkni-
efni hafa verið mikið til umræðu að
undanförnu, en íslensk stjórnvöld
hyggjast ekki gefa eftir í baráttunni
gegn fíkniefnum að sögn Sólveigar
Pétursdóttur, dóms- og kirkjumála-
ráðherra. „Þær raddir að lögleiða
eigi fíkniefni að einhverju leyti hafa
heyrst og hafa nokkur lönd stigið
skref í þá átt, nú síðast Bretland.
Íslensk stjórnvöld hafa fylgst náið
með þróun mála á þessum vett-
vangi en stefna okkar á þessu sviði
hefur verið skýr og afdráttarlaus og
sést best í þeirri miklu áherslu sem
ríkisstjórnin hefur á liðnum árum
lagt á baráttuna gegn fíkniefnum.
Það hefur orðið mikil raunaukning
á fjárveitingum til lögreglu vegna
beinna aðgerða og forvarna gegn
fíkniefnum á síðustu árum og lög-
reglumönnum sem fjalla um þessi
mál hefur verið fjölgað umtalsvert,“
segir Sólveig.
Hún segir það mat íslenskra
stjórnvalda að alþjóðleg samvinna
sé lykilatriði í baráttunni gegn
fíkniefnum og rannsóknir stórra
mála teygi sig gjarnan til margra
landa. Á liðnum árum hafi landa-
mæri opnast og ljóst sé að dreifing
fíkniefna sé skipulögð af alþjóðleg-
um glæpahringjum.
Eigum ekki að sætta okkur
við tilvist eiturlyfja
„Innanlands,“ segir Sólveig, „er
efling löggæslu og tollgæslu áhrifa-
rík leið til að takast á við innflutn-
ing og sölu fíkniefna. Í samræmi
við stefnu ríkisstjórnarinnar hefur
lögreglumönnum og tollvörðum ver-
ið fjölgað, starfsaðstaða og tækja-
búnaður efldur og þjálfun lögreglu-
manna aukin. Þá hefur
fíkniefnadeild lögreglunnar í
Reykjavík verið efld og einnig tolla-
eftirlit við landamæri. Fíkniefnalög-
gæsla hefur einnig verið efld á
landsbyggðinni.“
Sólveig segir að þeir sem gagn-
rýna stöðuna og vilja breytta stefnu
verði að svara því og útskýra fyrir
almenningi hvað væri unnið með
því. Hvar værum við stödd í dag ef
sú stefnan í þessum málum hefði
ekki verið skýr.
„Framtíðarsýn okkar á að vera
sú að Ísland verði án eiturlyfja, það
er við eigum ekki að sætta okkur
við tilvist þeirra. Íslensk stjórnvöld
ætla ekki að gefa neitt eftir í þeirri
baráttu,“ segir Sólveig.
Gefum ekki eftir
í baráttunni
gegn fíkniefnum
Sólveig Pétursdóttir dóms-
og kirkjumálaráðherra
GJALDÞROTSBEIÐNI Eign-
arhaldsfélagsins RTV hefur ver-
ið tekin fyrir í Héraðsdómi
Reykjavíkur og hefur Sigurmar
Albertsson hæstaréttarlögmað-
ur verið skipaður skiptastjóri.
Félagið er fyrst og fremst fast-
eignafélag og á húseignina
Faxafen 10 þar sem Margmiðl-
unarskólinn, Viðskipta- og
tölvuskólinn og fleiri skólar
voru starfræktir. Samkvæmt
heimildum Morgunblaðsins
nema kröfur í félagið hátt í 700
milljónum en húseignin mun
vera um 600 milljóna króna
virði, auk tækjabúnaðar.
Stjórnir eftirmenntunarsjóða
í rafiðnaði skipa í stjórn eign-
arhaldsfélagsins sem átti og rak
húseignina. Skólarnir eru starf-
ræktir af sjálfseignarfélögum og
verða áfram reknir, samkvæmt
heimildum Morgunblaðsins.
Eignarhaldsfélagið
RTV gjaldþrota