Morgunblaðið - 17.07.2002, Blaðsíða 44

FÓLK Í FRÉTTUM
44 MIÐVIKUDAGUR 17. JÚLÍ 2002 MORGUNBLAÐIÐ
ÞÓ AÐ körtukappakstur og aðrar
hraðakstursíþróttir hafi hingað til
helst verið tengdar ungu fífldjörfu
fólki er það þó alls ekki algilt. Það
sannaði Vilhelm Kristinsson á dög-
unum þegar hann ók körtubíl sem
vanur maður, 82 ára að aldri.
Aksturinn fór fram á GoKart-
brautinni í Reykjanesbæ og að sögn
Stefáns Guðmundssonar eiganda var
Vilhelm mjög áhugasamur um renn-
ireiðarnar.
„Vilhelm vildi helst ekki fara af
svæðinu fyrr en hann var kominn í
galla með hjálm og undir stýri,“
sagði Stefán og bætti við að Vilhelm
væri enn elsti maðurinn sem ekið
hefði á brautinni sinni.
Umrædd körtukappakstursbraut
er í Reykjanesbæ, um 30 metra frá
Reykjanesbrautinni, hjá gatnamót-
unum við Njarðvík.
Morgunblaðið/Sverrir
Ofurhuginn Vilhelm Kristinsson.
Körtukappi á
níræðisaldri
HINIR árlegur Mærudagar voru
haldnir á Húsavík á dögunum í átt-
unda skipti, góð dagskrá var í boði
að þessu sinni og var hún vel sótt
þrátt fyrir að veðurguðirnir hefðu
mátt vera Húsvíkingum og gestum
þeirra hliðhollari að þessu sinni.
Búið er að leggja inn umsókn um að
veðrið verði betra næst!
Allt of langt mál er að telja upp
þá fjölbreyttu dagskrá sem í boði
var en til að nefna eitthvað þá var
m.a boðið upp á myndlistarsýningu,
hagyrðingakvöld, hrútasýningu,
kynningu á veiðihundum,
pönnukökubaksturskeppni, þrí-
þraut þar sem keppt var í hlaupi,
sundi og hjólreiðum, dorg-
veiðikeppni ásamt fjölbreyttri tón-
listardagskrá.
Margmenni á Mærudögum
Boðið var upp á skóburstun á hafnarstéttinni og einn þeirra sem nýttu
sér það var fjöllistamaðurinn Sigurður Hallmarsson. Birgir Sævarsson
og Þórir Georg Jónsson sáu um verkið.
Varðeldur og fjöldasöngur var í suðurfjörunni, þar leiddu sönginn þeir
Friðfinnur Hermannsson og Kristján Þór Magnússon.
Morgunblaðið/Hafþór Hreiðarsson
Húsavík. Morgunblaðið.
Góðan bata
(Get Well Soon)
Gamanmynd
Bandaríkin 2001. Myndform VHS. (90
mín.) Öllum leyfð. Leikstjórn og handrit
Justin McCarthy. Aðalhlutverk Vincent
Gallo, Courtney Cox og Tate Donovan.
ÞETTA ER góð hugmynd að
bíómynd, hvort sem er gaman-
mynd eða drama. Segja sögu af
ímynduðum spjallþáttastjórnanda.
Þessu magnaða sérameríska fyr-
irbæri sem eru Johnny Carson,
David Letterman og Jay Leno.
Velta fyrir sér hvaða mann þessi
týpa hefur í alvöru að geyma þegar
slökkt er á töku-
vélinni og hann
hverfur úr kast-
ljósinu. Ekki
versnar hugmynd-
in þegar hinn
skáldaði stjórn-
andi er nýorðinn
stjarna, en var
ekki alls fyrir
löngu ósköp
venjulegur almúgamaður sem
dreymdi líkt og annan hvern mann
um að verða stjarna. Svo þegar
þeirri rómantísku fléttu er bætt
inn að hann sé enn ástfanginn af
konunni sem hann skildi eftir með
sárt ennið er hann hvarf á vit
frægðarinnar, og tilkynnir henni
það í beinni, þá erum við farnir að
tala um hugsanlegan stórsmell.
En hversu mörgum góðum hug-
myndum sem þessari skyldi vera
klúðrað þegar að því kemur að
gera eitthvað úr þeim, skrifa hand-
rit og búa til eiginlega kvikmynd?
Flestum. Hér vantaði t.d. að vinna
betur í handriti, gera eitthvað
meira úr en góða hugmynd. Svo
hefði ádeilubroddurinn mátt vera
beittari fyrst hann var fyrir hendi
en stærstu mistökin eru þau að
hinn annars ágæti Vincent Gallo er
og verður aldrei með útlit eða fas
þáttastjórans. En hugmyndin var
góð.

Skarphéðinn Guðmundsson
Góð hug-
mynd
Myndbönd
LANDSMÓT Skáta hófst með látum
í gær en í þetta sinn er það haldið á
Akureyri.
Á meðal atriða þar er söngur
Skátakórsins en á mótinu verður og
seldur nýr hljómdiskur kórsins og
nefnist hann Með söng á vörum.
Að sögn Ragnars Heiðars Harð-
arsonar varð kórinn til er skátakór-
arnir úr Reykjavík og Hafnarfirði
sameinuðust í einn stóran kór.
„Þetta er núna 50 manna kór og á
disknum rennum við okkur í gegnum
þessi sígildu skátalög sem sungin
hafa verið við varðeldanna,“ segir
Ragnar. „Hún Aðalheiður Þorsteins-
dóttir útsetti lögin fyrir blandaðan
kór en kórstjóri er Örn Arnarson.“
Ragnar segir að lokum að sala á
disknum hefjist á morgun. Verða það
kórfélagar sem sjá að mestu um söl-
una en einnig verður hægt að nálgast
diskinn á heimasíðunni www.sco-
ut.is/skatakorinn.
Skátakórinn gefur út hljómdisk
„Með söng á vörum“
Morgunblaðið/Jim Smart
Hluti kórsins við æfingar í skátaheimilinu Hraunbyrgi, Hafnarfirði.
LEIKKONAN Halle Berry er nú
sögð vera að íhuga að skilja við eig-
inmann sinn, tónlistarmanninn Eric
Benet.
Benet hef-
ur gengist
við ítrekuð-
um hjúskap-
arbrotum og
fór í síðasta
mánuði í
meðferð
vegna kyn-
lífsfíknar.
Berry var
áður gift
hornabolta-
hetjunni
David Just-
ice en skildi
við hann eftir að upp komst um
framhjáhald hans.
Halle Berry og Eric
Benet meðan allt
lék í lyndi.
Íhugar
skilnað
Reuters