Morgunblaðið - 24.08.2002, Síða 19

LANDIÐ
MORGUNBLAÐIÐ LAUGARDAGUR 24. ÁGÚST 2002 19
Glæsilegt
útsýni
Stórsýning
á íbúðum JB Byggingafélags við
Kristnibraut 25-59 efst í Grafarholti,
laugardag og sunnudag kl. 13-16.
Húsin eru öll þriggja hæða:
• 3ja, 4ra og 5 herbergja íbúðir
• 156 m2 penthouse-íbúð með 83 fermetra svölum
• 4ra herbergja 120 fermetra sérhæðir
• Íbúðirnar skilast fullbúnar án gólfefna.
• Innbyggðir bílskúrar geta fylgt íbúðunum.
• Lyfta verður í húsi nr. 43
Verðdæmi:
• 3ja herbergja íbúð, 95 m2 ........12,3 m.
• 4ra herbergja íbúð, 106 m2 ......14,2 m.
Verið velkomin
Glæsilegar innréttingar
og tæki
s:568 5556
www.jbb.is
Öllum íbúðum sem seljast í tengslum við sýninguna
fylgir 100.000 kr. inneign hjá Bræðrunum Ormsson.
Starfsmenn JB Byggingafélags og sölumenn frá
Skeifunni fasteignamiðlun munu taka vel á móti
ykkur og sýna ykkur íbúðirnar, bæði fullbúnar og
styttra á veg komnar. Fullbúin sýningaríbúð er við
Kristnibraut 25, 2. hæð.
Söluaðili:
BLIKUR eru á lofti um rekstur far-
þegaskipsins Lagarfljótsormsins,
takist ekki samningar við lánar-
drottna fyrirtækisins. Það hefur verið
í greiðslustöðvun síðan í vor og er nú
reynt að semja um útistandandi
skuldir fyrirtækisins.
Skipið siglir á áætlun fram að mán-
aðamótum, en eftir það er óvissa með
framhaldið. Vorið var rekstrinum
þungt vegna veðurs, en skánaði þegar
á leið júlímánuð og ferðamanna-
straumur jókst til mikilla muna. Þá
var sumarið í fyrra lélegt, ferða-
mannastraumur rýr og vonir um að
erlendir ferðamenn í skipulögðum
hópferðum á vegum ferðaskrifstofa
nýttu skipið brugðust. Fyrsta rekstr-
arárið gekk vel og voru farþegar um 8
þúsund talsins. Á móti kom að byrj-
unarútgjöld voru veruleg.
Talað er um að Lagarfljótsormur-
inn hf. hafi haft myllustein um háls al-
veg frá byrjun, þegar það brást að
Byggðastofnun kæmi inn sem stór
hluthafi, þrátt fyrir vilyrði þar um.
Stofnunin lánaði fyrirtækinu þess í
stað fé og var það þannig strax í upp-
hafi orðið skuldsett. Sú breyting hef-
ur verið á ferðum farþegaskipsins í
sumar að gert hefur verið út frá Atla-
vík að stórum hluta og ferðir hafðar
styttri og fjölbreyttari. Þykir það hafa
gefist mjög vel. Farþegar eru flestir
Íslendingar.
Greiðslustöðvun er nú lokið og er
unnið að samningum við lánardrottna
um verulega niðurfellingu skulda.
Beri þeir samningar ekki árangur er
eins víst að rekstri farþegaskipsins
Lagarfljótsormsins verði hætt nú í
haust.
Viðræður um nið-
urfellingu skulda
Egilsstaðir
Morgunblaðið/Steinunn Ásmundsdóttir
Rekstur Lagarfljótsormsins er nú í uppnámi vegna skulda.
INGVAR Ingvarsson, lyftingamað-
ur og aflraunamaður, sló nýlega 24
ára gamalt Íslandsmet Gústafs Agn-
arssonar í jarki. Met Gústafs var 215
kíló en Ingvar lyfti 220 kílóum og átti
góða tilraun við 230 kíló.
Jark er jafnhending lóða af herð-
um eða síðasta stigið í jafnhöttun,
lóðin eru tekin á herðarnar af grind.
Ingvar greip tækifærið þegar
hann var að keppa í kraftakeppninni
Austfjarðatröllinu á Breiðdalsvík
síðastliðna helgi og fékk að skjótast
inn í frystihúsið á Breiðdalsvík þar
sem metið var sett.
Lyfti 220 kílóum
Sló 24 ára
gamalt
Íslandsmet
Norður-Hérað
Morgunblaðið/Sigurður Aðalsteinsson
Ingvar Ingvarsson, kraftajötunn
og lyftingamaður, slær 24 ára
gamalt Íslandsmet Gústafs Agn-
arssonar og jarkar 220 kíló.
MIKILL fjöldi gesta heimsótti
Stykkishólm og tók þátt í bæj-
arhátíð Hólmara, Dönskum dögum,
sem haldnir voru í 9. skipti. Afar
gott veður var um helgina. Tjald-
stæðið var fullnýtt og þurftu gestir
að finna auða bletti innan bæjarins
og tjalda þar eða í görðum hjá vin-
um og ættingjum. Veðrið lék við há-
tíðargesti og var sól og logn báða
dagana en slíku veðri hafa Hólm-
arar ekki vanist í sumar.
Dagskráin hófst á föstudag með
grilli, brekkusöng og bryggjuballi.
Um miðnætti var flugeldasýning á
vegum trillukarla.
Á laugardag og sunnudag var
fjölbreytt dagskrá í boði bæði fyrir
fullorðna og börn. Mikið var um að
vera á veitingastöðum í bænum,
sem eru ekki færri en 5 talsins.
Séra Ágúst Sigurðsson messaði á
dönsku í gömlu kirkjunni og eitt
fjölmennasta golfmót Mostra fór
fram á sunnudag og tóku 80 kepp-
endur þátt.
Bærinn var skreyttur og danski
fáninn var víða við hún.
Talið er að gestir hafi verið
nokkur þúsund og flestir gestanna
fjölskyldufólk. Bæjarhátíðin fór vel
fram þar sem góða veðrið setti þó
mestan svip.
Fjölmenni
á dönskum
dögum í
Stykkis-
hólmi
Stykkishólmur
Morgunblaðið/Gunnlaugur Árnason
Mörg leiktæki voru í boði fyrir unga fólkið, en trambólínið freistaði
mest ungu stúlkunnar og pabbinn mátti ekki fara langt í burtu.