Morgunblaðið - 05.09.2002, Side 10

FRÉTTIR
10 FIMMTUDAGUR 5. SEPTEMBER 2002 MORGUNBLAÐIÐ
BORGARFULLTRÚAR Sjálfstæð-
isflokksins ætla að leggja fram til-
lögu um lækkun fasteignaskatts á
aldraða og öryrkja á fundi borgar-
stjórnar í dag sem kemur þá saman í
fyrsta sinn að loknum sumarleyfum.
Með því að hækka tekjuviðmiðunina
um 50% er talið að þessi tillaga þýði
um 230–250 milljóna króna lækkun
gjalda hjá þessum hópi á næsta ári
og kemur hún fram í tengslum við
gerð fjárhagsáætlunar fyrir árið
2003.
Á blaðamannafundi, sem borgar-
stjórnarflokkur sjálfstæðismanna
hélt í Ráðhúsinu í gær, kom fram að
flokkurinn myndi leggja mesta
áherslu á þrjú mál í borgarstjórn á
næstunni, til samræmis við stefnu-
skrána sem kynnt hefði verið fyrir
síðustu kosningar.
Auk lækkunar fasteignaskatts
vilja sjálfstæðismenn að borginni
verði skipt upp í skólahverfi og að
þjónustusamningur verði gerður við
ríkið um löggæslu í borginni. Tillög-
ur þessa efnis ætla sjálfstæðismenn
að leggja fram á næstu vikum í borg-
arstjórn. Samþykkt verði að efla
samstarf skólastjórnenda, kennara,
foreldra og nemenda með því að
skipta borginni í skólahverfi. Í því
skyni verði hafinn undirbúningur að
því að skipa 4–5 skólaráð með fulltrú-
um þessara aðila í stað fræðslu- og
leikskólaráðs.
Í löggæslumálum vilja sjálfstæðis-
menn gera ráðstafanir til að tryggja
öryggi borgaranna og gera lögregl-
una sýnilegri, m.a. með þjónustu-
samningi við ríkið. Sett verði á lagg-
irnar miðborgardeild í samvinnu við
lögregluyfirvöld, félagasamtök og
hagsmunaaðila og löggæsla í út-
hverfum borgarinnar verði efld.
Fram kom í máli Björns Bjarnason-
ar, oddvita sjálfstæðismanna í borg-
arstjórn, á blaðamannafundinum að
með betri samvinnu og skipulagi lög-
reglu- og borgaryfirvalda hefði t.d.
mátt koma í veg fyrir það ástand sem
skapaðist á síðustu menningarnótt í
Reykjavík. Slíka stórviðburði mætti
undirbúa betur.
Mikilvægt að fá þessi mál rædd
Hvað fasteignaskattinn varðar er
lagt til að við gerð fjárhagsáætlunar
verði miðað við að hækka tekjuvið-
mið vegna niðurfellingar fasteigna-
skatta um 50% á íbúðarhúsnæði 67
ára og eldri og öryrkja, sem þeir eiga
og búa í. Jafnframt er lagt til að hol-
ræsagjald verði lækkað um 25% árið
2003 sem fyrsta áfanga í að fella það
niður á kjörtímabilinu.
Björn Bjarnason sagði tillögurnar
til samræmis við þá stefnu sem kynnt
hefði verið fyrir síðustu kosningar.
Mikilvægt væri að leggja þessi mál
fram og fá þau rædd í borgarstjórn,
ekki síst hvað varðaði tillögu um
lækkun fasteignaskatts á eldri borg-
ara og öryrkja.
Í greinargerð með tillögunni um
fasteignaskattinn segir m.a. að það
hafi komið fram hjá forráðamönnum
eldri borgara að þeir teldu það for-
gangsverkefni að lækka fasteigna-
skatta til að auðvelda þeim að njóta
efri áranna sem best í eigin húsnæði.
Fyrir kosningarnar hefði Sjálfstæð-
isflokkurinn lagt til að tekjuviðmið
vegna lækkunar eða niðurfellingar
fasteignaskatta á eldri borgara og
öryrkja hækkaði um 50%. Þannig
myndi þeim fjölga verulega sem
greiddu engan fasteignaskatt og hol-
ræsagjald eða fá 80% eða 50% nið-
urfellingu á þessum sköttum. Á fundi
með blaðamönnum sögðust borgar-
fulltrúarnir hafa fyrir kosningarnar
saknað viðbragða við þessum tillög-
um frá talsmönnum eldri borgara,
einkum þeim Benedikt Davíðssyni og
Ólafi Ólafssyni.
Milljarður í málefni aldraðra
Í greinargerðinni segir ennfremur
að það sé stefna Sjálfstæðisflokksins
að einum milljarði króna verði varið í
málefni aldraðra, eða 250 milljónum
á ári næstu fjögur árin, til að mæta
brýnni þörf eldri borgara í borginni
fyrir hjúkrunarrými. Fram kom í
máli Björns Bjarnasonar að um væri
að ræða hátt í 300 manns sem væru í
þessari þörf.
Þá segir í greinargerðinni að það
sé stefna Sjálfstæðisflokksins að
heimaþjónusta við aldraða verði stór-
bætt, m.a. með því að taka af skarið
um sameiningu félagslegrar heima-
þjónustu og þess þáttar hennar sem
sinnt er af heilsugæslunni.
Borgarfulltrúarnir lögðu einnig
fram yfirlit á fundinum í gær yfir
breytingar á eignarskatti sem ríkið
legði á og þróun á tekjuskatti ríkis og
útsvars Reykjavíkurborgar. Þar seg-
ir m.a. að ríkið muni lækka eignar-
skatta en í borginni hafi ekki verið
sýnd nein viðleitni í þá átt að lækka
álögur á eigur borgarbúa. Sama gildi
um þróun tekjuskatts ríkisins annars
vegar og útsvars Reykjavíkurborgar
hins vegar. Á sama tíma og ríkið hafi
verið að lækka skatta á landsmenn
hafi Reykjavíkurborg hækkað útsvar
sitt, samanber meðfylgjandi kort
sem lagt var fram á fundinum. Borg-
in hækkaði útsvar sitt um 0,71% árið
2001 og var hlutfallið 12,70% vegna
tekna þess árs sem er hámarkshlut-
fall sveitarfélaga. Útsvar vegna
tekna á árinu 2002 á eftir að ákveða
þegar fjárhagsáætlun verður lögð
fram í vetur. Borgarfulltrúarnir
bentu á að tekjuskattur einstaklinga
hefði lækkað um 0,33% 1. janúar sl.
Hlutdeild ríkissjóðs í staðgreiðslunni
hefði þannig farið úr 26,08% árið
2001 í 25,75% fyrir þetta ár og hefði
aldrei verið lægra frá því að stað-
greiðsla var tekin upp fyrir 14 árum.
Borgarfulltrúar Sjálfstæðisflokksins með tillögu á borgarstjórnarfundi í dag
Leggja til lækkun fasteigna-
skatta á aldraða og öryrkja


     




  


 

   
 
 


 


       !"
 

Morgunblaðið/Jim Smart
Borgarfulltrúar Sjálfstæðisflokksins kynntu áherslumál sín í gær vegna fyrsta fundar borgarstjórnar í dag að
loknum sumarleyfum. Frá hægri eru það Kjartan Magnússon, Hanna Birna Kristjánsdóttir, Vilhjálmur Þ. Vil-
hjálmsson, Björn Bjarnason, Guðrún Ebba Ólafsdóttir og Guðlaugur Þór Þórðarson.
KRISTJÁN Leósson varði fyrr
á þessu ári doktorsritgerð í raf-
magnsverkfræði við Danmarks
Tekniske Universitet (DTU).
Doktorsverkefnið var að
mestu unnið við COM-rann-
sóknarstofnunina, sem sérhæfir
sig í rannsóknum á ýmsum hlið-
um ljósleiðarasamskiptatækni.
Titill ritgerðarinnar er „Optical
properties of localized excitons
in semiconductor nanostruct-
ures“, og fjallar hún um ljóseig-
inleika skammtapunkta í hálf-
leiðurum.
Aðalleiðbeinandi verkefn-
isins var dr.
Jørn M. Hvam,
prófessor, en
aðrir leiðbein-
endur voru dr.
Wolfgang
Langbein, sem
nú starfar við
eðlisfræðideild
háskólans í
Dortmund, og
Dr. John Erland Østergaard,
nú verkefnisstjóri hjá NKT Re-
search and Innovation í Dan-
mörku. Andmælendur við vörn-
ina voru dr. Claus Klingshirn,
prófessor við háskólann í Karls-
ruhe, dr. Arne Nylandsted
Larsen, lektor við háskólann í
Árósum, og dr. Antti-Pekka
Jauho, rannsóknaprófessor við
Mikroelektronik Center, DTU.
Verkefnið var styrkt af DTU og
veitti skólinn Kristjáni verðlaun
úr minningarsjóði Peter Gorm-
Petersen við útskriftina.
Rannsóknir á ljós- og rafeig-
inleikum skammtapunkta hafa
færst verulega í aukana á und-
anförnum árum. Skammta-
punkta má meðal annars nota
sem ljósgjafa í hálfleið-
araleysum, t.d. fyrir ljósleið-
aranet, og hugsanlega sem
byggingareiningar fyrir svo-
kallaðar skammtatölvur. Rit-
gerð Kristjáns fjallar um ljós-
eiginleika örveinda í
skammtapunktum og víxlverk-
un þeirra við umhverfið. Rann-
sóknirnar leiddu m.a. í ljós að
ákveðnar tegundir skammta-
punkta sýna meiri samfösun (e.
coherence) en áður var talið við
hitastig nálægt alkuli. Slík sam-
fösun er t.d. mikilvæg í
ákveðnum tegundum ljósmagn-
ara og er nauðsynleg til að hægt
sé að nota skammtapunkta í
skammtatölvum. Við hærri
hitastig tapast þessi samfösun
vegna sterkrar víxlverkunar
örveinda og hljóðeinda (varma-
titrings) í hálfleiðaranum.
Lægri samfösun eykur afl
skammtapunktaleysa og gerir
þá samkeppnishæfa við aðrar
tegundir hálfleiðaraleysa á
ýmsum notkunarsviðum.
Kristján Leósson lauk stúd-
entsprófi frá Menntaskólanum í
Reykjavík árið 1990 og BS-
prófi í eðlisverkfræði, ásamt
BA-prófi í heimspeki, frá
Queen’s University í Kanada
árið 1994. Kristján lagði stund á
meistaranám í eðlisfræði við
Háskóla Íslands 1994–1996 og
starfaði að því loknu sem sér-
fræðingur við Raunvís-
indastofnun Háskólans 1996–
1997 og síðan við Mikroelektr-
onik Center, DTU, frá
1997–1998. Kristján er með-
stofnandi þróunarfyrirtækisins
Micro Managed Photons A/S í
Danmörku og hefur starfað þar
síðan í nóvember 2001.
Foreldrar Kristjáns eru Leó
Kristjánsson jarðeðlisfræð-
ingur og Elín Ólafsdóttir lækn-
ir.
Kristján er kvæntur Hildi-
gunni Sverrisdóttur, nema í
arkitektúr, og eiga þau eina
dóttur, Nönnu. Þau eru búsett á
Vesterbro í Kaupmannahöfn.
Doktor í
rafmagns-
verkfræði
Kristján
Leósson
HÁLFT annað þúsund fjárskipta-
lömb verður flutt í haust á milli varn-
arhólfa frá ósýktum svæðum til tíu
bæja, sem þurft hafa að lóga fé sínu
vegna riðuveiki og til tveggja bæja í
viðbót vegna sérstakra aðstæðna.
Fimm fjárskiptabæjanna eru í Vest-
ur-Húnavatnssýslu, þrír í Austur-
Húnavatnssýslu, einn í Eyjafirði og
einn í Árnessýslu. Lömbin eru flutt
frá Öræfum og Strandasýslu norðan
Bitru, Snæfellsnesi, Þistilfirði og Suð-
ursveit.
Þá verða um 300 lambhrútar fluttir
frá sömu svæðum til kynbóta á 125
bæjum á varnarsvæðum vegna með-
mæla viðkomandi sauðfjárræktar-
ráðunauta, þar sem óráðlegt er að
versla með lífhrúta vegna riðuveiki
eða vegna þess að kynbótastörf tak-
markast af einhverjum ástæðum, s.s.
þeim að sauðfjársæðingar nýtast
ekki, að því er fram kemur í frétt frá
Sigurði Sigurðarsyni, dýralækni.
Fram kemur að í ómerktu eða hálf-
merktu fé og óskráðu séu kynbæturn-
ar lítils virði. Þeir sem fá leyfi til að
flytja lambhrúta til kynbóta og nota
þau leyfi hafi um leið skuldbundið sig
til að hafa allt fé sitt merkt og skráð.
Þá kemur fram að fé sem leyft sé að
flytja megi ekki selja öðrum og því
miður hafi þurft að synja nokkrum
mönnum um flutningsleyfi vegna
ófullnægjandi aðstæðna. Auk þessa
hafi verið leyft af verndarsjónarmið-
um að flytja nokkur lömb af forustu-
kyni til fjögurra staða í öðrum varn-
arhólfum.
„Þegar fé er flutt á milli varnar-
hólfa er alltaf viss smithætta til stað-
ar. Slíkt leyfi er því ekki auðvelt að fá.
Allar kindur, sem seldar verða og
fluttar milli varnarhólfa, skal sprauta
tvisvar sinnum fyrir flutning með
langvirku sníkjudýralyfi. Líða skal
vika til 10 dagar milli þess sem
sprautað er.
Lyfið er varasamt og ekki þykir
rétt að aðrir en dýralæknar sprauti
féð. Nauðsynlegt er því að þeir sem
vilja kaupa fé samræmi komur sínar
til að velja fé sem þeir ætla að kaupa
og taki tillit til þess að seljendurnir
hafa talsverða fyrirhöfn og kostnað af
tvísprautuninni áður en féð er flutt.
Þeir sem flytja skulu hafa flutnings-
tækin hrein og sótthreinsa í samráði
við héraðsdýralækni milli varnar-
hólfa,“ segir ennfremur.
Ósýkt fé flutt á milli
varnarhólfa í haust
Fjórir ljósastaurar
eyðilögðust í óveðrinu
Tjónið um
ein milljón
króna
TALIÐ er að tjónið sem varð er fjór-
ir ljósastaurar lögðust á hliðina við
Glerárgötu á Akureyri í óveðrinu á
sunnudag, nemi að minnsta kosti
einni milljón króna. Að sögn Franz
Árnasonar, framkvæmdastjóra
Norðurorku, eru staurarnir ónýtir,
auk þess sem skipta þarf um kapal á
því svæði sem staurarnir stóðu á.
Staurarnir sem eyðilögðust voru
prýddir stórum hátíðarborðum og
tóku því á sig meiri vind en ella með
fyrrgreindum afleiðingum. Borðarn-
ir voru settir upp í tilefni hátíðahalda
vegna 140 ára afmælis Akureyrar-
bæjar. Afmælishaldið varð því held-
ur dýrara en ráð var fyrir gert.