Morgunblaðið - 14.09.2002, Page 2

FRÉTTIR
2 LAUGARDAGUR 14. SEPTEMBER 2002 MORGUNBLAÐIÐ
Fylgstu
með
nýjustu
fréttum
www.mbl.isLandsliðskonurnar setja
markið hátt / B4
Fylkismenn eru hungraðri
í titilinn / B2
4 SÍÐUR16 SÍÐUR
Sérblöð í dag
Á LAUGARDÖGUM
BÆJARYFIRVÖLD í Hafnarfirði
hyggjast rifta samningi sínum við Ís-
lensku menntasamtökin um rekstur
Áslandsskóla og ráða nýjan skóla-
stjóra. Að sögn bæjarstjóra liggur
fyrir yfirlýsing kennara um að þeir
taki til baka uppsagnir sínar taki
bæjarfélagið yfir rekstur skólans.
Stjórnendur Áslandsskóla ákváðu
seint í fyrrakvöld að ganga að öllum
kröfum kennara skólans eftir að ell-
efu kennarar sögðu upp störfum sín-
um fyrr um daginn. Kröfurnar höfðu
kennararnir sett fram í bréfi til
skólastjóra á þriðjudag en þær vörð-
uðu meðal annars vinnuálag og
stjórnun skólans.
Kennarar sendu svo frá sér yfir-
lýsingu í fyrrinótt þar sem sagði að
uppsagnirnar yrðu ekki dregnar til
baka og í gær bættust tvær upp-
sagnir við þær sem fyrir voru. Í ann-
arri yfirlýsingu kennaranna frá í
gær segja þeir ekki ástæðu til að
fjalla um málið frekar í fjölmiðlum,
„enda verður deilan ekki leyst þar“,
eins og segir í yfirlýsingunni.
Stjórn ÍMS mætti ekki til
fundar með fræðsluyfirvöldum
Stjórn Íslensku menntasamtak-
anna var boðuð á fund fræðsluyfir-
valda í Hafnarfirði í gær, fyrst um
morguninn og svo var honum frestað
þar til eftir hádegi en að sögn Magn-
úsar Baldurssonar fræðslustjóra
mætti enginn fulltrúi hennar á fund-
inn. Í framhaldinu var að sögn
Magnúsar fundað með fulltrúum for-
eldra barna í skólanum og um eft-
irmiðdag í gær boðuðu bæjaryfirvöld
til fundar í Áslandsskóla með for-
eldrum barna í hverfinu.
Á fundinum tilkynnti Lúðvík
Geirsson bæjarstjóri þá ákvörðun
sína að leggja til að samningum við
Íslensku menntasamtökin yrði rift.
„Við munum taka yfir ráðningar-
samninga kennara en fyrir liggur yf-
irlýsing þeirra um að þeir eru allir
tilbúnir til að falla frá uppsögn sinni
ef bæjarfélagið tekur yfir rekstur
skólans. Við munum einnig leggja
fram tillögu um ráðningu nýs skóla-
stjóra sem mun halda utan um stjórn
skólans fram til áramóta og síðan
verður sú staða auglýst,“ sagði Lúð-
vík í samtali við Morgunblaðið að
fundi loknum.
Hann sagði að boðað yrði til auka-
fundar í fræðsluráði á mánudag þar
sem tillagan yrði til umfjöllunar og í
framhaldi af því átti hann von á að
hún kæmi til afgreiðslu bæjarstjórn-
ar á þriðjudagskvöld. Nýr skóla-
stjóri tæki síðan til starfa í skólanum
á miðvikudagsmorgun.
Lúðvík sagði að rík áhersla yrði
lögð á gott samstarf við foreldra,
kennara og starfslið skólans og að
áfram yrði reynt að starfa eftir þeirri
hugmyndafræði sem skólinn hefur
byggt á hingað til. „Við höfum lagt
áherslu á að tryggja starfsfrið í skól-
anum og munum kappkosta að koma
með alla þá aðstoð og þjónustu inn í
skólann sem þarf til að koma þessum
málum í lag.“
Óskuðu eftir tíma
til að leysa málið
Böðvar Jónsson, formaður stjórn-
ar ÍMS, segir ástæðu þess að stjórn-
in mætti ekki til fundar með fræðslu-
yfirvöldum í Hafnarfirði í gær, vera
fyrst og fremst þá að of stuttur tími
gafst fyrir stjórnina til að átta sig á
staðreyndum málsins. Hún hafi talið
að með því að ákveða að ganga að öll-
um kröfum kennaranna í gær væri
búið að höggva á ákveðinn hnút.
„Síðan kom í ljós að þetta dugði ekki
til og uppsagnirnar yrðu látnar
standa og það kom okkur gersam-
lega í opna skjöldu. Þá höfðum við
samband við skólaskrifstofuna og
sögðum að við teldum illgerlegt að
mæta á fund til að ræða þessi mál
fyrr en það lægi ljóst fyrir hvers
vegna uppsagnirnar væru látnar
standa.“
Hann segir að í framhaldinu hafi
skólastjórnendur boðað til fundar
með kennurum síðar um daginn þar
sem reynt yrði að komast til botns í
málunum og óskaði stjórn ÍMS eftir
því við fræðsluyfirvöld að þeim yrði
gefinn tími til að reyna að leysa mál-
ið. Í framhaldi af fundi með kenn-
urum yrði ekkert því til fyrirstöðu að
funda með fræðsluyfirvöldum. Þessu
hafi hins vegar verið hafnað. Ekkert
hafi síðan orðið af fundi skólastjórn-
enda með kennurum.
Spurður um framhald málsins af
hálfu ÍMS segir Böðvar að samning-
ur samtakanna við bæjaryfirvöld
verði skoðaður og þá sérstaklega
þau ákvæði sem lúta að uppsögn
hans. „Það sem gerir þetta nokkuð
snúið er að þetta er keyrt áfram af
svo miklum hraða að það tekur eitt
við af öðru án þess að hægt sé að
komast til botns í nokkru.“
Foreldrar harma deilur með
tilvísan í hagsmuni barna sinna
Að lokinni tilkynningu Lúðvíks á
fundinum í gær samþykktu foreldrar
ályktun vegna málsins þar sem með-
al annars segir: „Foreldrar harma
ennfremur það drullukast sem aðilar
viðhafa í fjölmiðlum þessa dagana og
harma sérstaklega að það skuli gert
með tilvísan í hagsmuni barna okkar.
Foreldrar barna í Áslandsskóla frá-
biðja börnum sínum að deiluaðilar og
þeir sem boða pólitískan rétttrúnað
um rekstur gunnskóla, á hvaða veg
sem vera skal, beiti skóla barnanna
okkar til þess að níða skóinn hver af
öðrum eða berja sér á brjóst.“
Þá segir að starfsemi skólans hafi
frá upphafi mætt miklum mótbyr og
verið pólitískt deiluefni. Margir for-
eldrar hafi tekið vel í þær nýjungar
sem kynntar voru í skólastarfinu en
hins vegar hafi foreldrar margítrek-
að gert alvarlegar athugasemdir við
stjórnskipulag og ábyrgð stjórn-
enda. „Það er alls kostar óviðunandi
að okkar mati hvernig skólastjórn-
endur og forsvarsmenn ÍMS brugð-
ust við kalli kennara um úrlausnir en
á móti gáfu kennarar skólastjórn-
endum óraunhæf tímamörk til þess
að svara athugasemdum þeirra.“
Fara foreldrar fram á það við bæj-
aryfirvöld að áfram verði byggt á því
sem vel hefur tekist í skólahaldinu
og að skapaðar verði aðstæður til að
vinna að metnaðarfullu og fram-
sæknu skólastarfi.
Bæjaryfirvöld í Hafnarfirði ákveða að rifta samningi við rekstraraðila Áslandsskóla
Fyrir liggur yfirlýsing
kennara um að þeir
dragi uppsagnir til baka
Morgunblaðið/Golli
Það var þungt hljóð í foreldrum á fundi þeirra í gær með bæjarstjóra og í harðorðri ályktun sem samþykkt var á
fundinum eru deiluaðilar gagnrýndir fyrir að hafa ekki borið gæfu til að leysa ágreiningsefni sín.
Morgunblaðinu í
dag fylgir auglýs-
ingablað frá
Hreyfingu.
Blaðinu verður
dreift á höf-
uðborgarsvæð-
inu.
VÍGÐ voru í gær við hátíðlega athöfn snjó-
flóðavarnarmannvirkin í Neskaupstað. Um-
hverfisráðherra Siv Friðleifsdóttir var við-
stödd vígsluna og afhjúpaði upplýsinga- og
leiðbeiningaskilti um garðinn og upp-
takastoðvirkin en sr. Sigurður Rúnar Ragn-
arsson blessaði mannvirkin. Þá flutti Guð-
mundur Bjarnason, bæjarstjóri
Fjarðabyggðar, ávarp og Blús-, rokk- og
djassklúbburinn á Nesi flutti nokkur lög.
Snjóflóðavarnarmannvirkin, sem kostuðu
um 600 milljónir króna, og er ætlað að verja
byggðina flóðum úr Drangagili, samanstanda
af 400 metra löngum og 15 metra háum þver-
garði sem ætlað er að stöðva flóð sem á hann
falla. Ofar í hlíðinni eru keilur sem eiga að
kljúfa snjóflóð og draga úr þeim kraft áður
en þau falla á garðinn. Loks eru svokölluð
upptakastoðvirki efst í Drangagili sem ætlað
er að koma í veg fyrir að snjóflóð fari af stað.
Óhætt er að segja að varnarmannvirkin
séu mikilfengleg og fellur garðurinn ótrú-
lega vel inn í landslagið. Garðurinn og um-
hverfi hans eru þegar orðin mikið gróin og er
þar nú vinsælt útivistarsvæði. Þá er garð-
urinn aðdráttarafl fyrir ferðamenn sem
flykkjast að honum til að skoða hann.
Áður en til vígslu kom fór Siv Friðleifs-
dóttir með þyrlu upp í Drangaskarð til að
skoða upptakastoðvirki sem þar hafa verið
reist sl. tvö sumur af frönskum verktökum.
Þessi varnarmannvirki eru fyrsti áfanginn í
vörnum gegn snjóflóðum fyrir byggð í Nes-
kaupstað og áætlað er að fljótlega verði haf-
ist handa við að reisa svipuð mannvirki í
Tröllagili sem er innan við Drangagil.
Snjóflóðavarnarmann-
virkin í Neskaupstað vígð
Neskaupstað. Morgunblaðið.
Morgunblaðið/Ágúst Blöndal
Gestir stilltu sér upp á snjóflóðavarnargarðinum við vígsluna.