Morgunblaðið - 14.09.2002, Blaðsíða 25

ERLENT
MORGUNBLAÐIÐ LAUGARDAGUR 14. SEPTEMBER 2002 25
ARABARÍKI hvöttu í gær Íraksstjórn til að
leyfa vopnaeftirlitsmönnum Sameinuðu þjóð-
anna (SÞ) að koma aftur til landsins, í kjölfar
þess að George W. Bush Bandaríkjaforseti sagði
í ræðu í fyrradag að óhjákvæmilegt væri að
grípa til aðgerða gegn Írökum nema því aðeins
að SÞ hlutuðust til um að Írakar yrðu afvopn-
aðir.
Hosni Mubarak, forseti Egyptalands, hvatti
Saddam Hussein Íraksforseta til að „grípa tæki-
færið“, sem Bush hefði gefið í ræðunni á alls-
herjarþingi SÞ, og hleypa eftirlitsmönnunum nú
til landsins. Yrði það ekki gert myndi slíkt hafa
„skelfilegar afleiðingar“ fyrir Írak og Miðaust-
urlönd öll, sagði Mubarak.
Utanríkisráðherra Egyptalands, Ahmed Mah-
er, sagði að egypsku stjórninni væri nauðugur
einn kostur að lýsa stuðningi við hernaðarað-
gerðir gegn Írak ef SÞ veittu slíkum aðgerðum
stuðning. Egyptar væru andvígir því að Banda-
ríkjamenn gripu einhliða til aðgerða, en ef SÞ
samþykktu ályktun gegn Írak gætu Egyptar
ekki annað en hlítt „alþjóðlega lögmætri álykt-
un“.
Amr Moussa, framkvæmdastjóri Arababanda-
lagsins, sem í eru 22 ríki, hvatti til áframhald-
andi viðræðna milli Íraka og SÞ. „Ræða Bush,
þar sem hann sagði að SÞ ættu að axla ábyrgð
gagnvart Írak, var góð. Arabar geta tekist á við
þetta,“ sagði Moussa í viðtali við Rödd araba,
sem er ríkisútvarp í Egyptalandi. Moussa komst
í heimsfréttirnar í síðustu viku er hann sagði að
Bandaríkjamenn myndu „opna dyr helvítis“ fyrir
arabaheiminn ef þeir réðust á Íraka.
Ríkisfjölmiðlar í Sýrlandi komust næst því í
arabaheiminum að taka upp hanskann fyrir
Íraka. Sagði málgagn stjórnarflokksins, dag-
blaðið Al-Baath, að Bush hefði farið fram á að
samþykkt yrði ályktun er í raun myndi gefa
Bandaríkjamönnum frjálsar hendur til árása á
Írak með alþjóðlegum stuðningi. „Atlaga gegn
Írak yrði talin atlaga gegn öllum aröbum,“ sagði
í leiðara blaðsins.
Schröder enn andvígur hernaði
Gerhard Schröder, kanslari Þýskalands, sagði
í gær að þótt Bush hefði heitið því að hann myndi
leita eftir ályktun frá SÞ áður en ráðist yrði til
aðgerða hefði það ekki slegið á áhyggjur sínar af
hugsanlegri árás Bandaríkjamanna á Írak. „Rök
mín gegn hernaðaraðgerðum standa óhrakin, og
það er ljóst að undir minni stjórn mun Þýskaland
ekki taka þátt í neinni herför,“ sagði Schröder.
Þýski kanslarinn er sá eini af bandamönnum
Bandaríkjanna sem hefur algerlega útilokað
stuðning við hernaðaraðgerðir. Kosningar fara
fram í Þýskalandi um næstu helgi, og hafa tveir
þriðju þýskra kjósenda lýst sig andvíga hernaði
gegn Írak. Eindregin afstaða Schröders hefur
aukið fylgi flokks hans í skoðanakönnunum und-
anfarið, en lengst af naut flokkurinn talsvert
minna fylgis en helsti keppinauturinn.
Frakkar, sem fyrr í vikunni lögðu fram áætlun
um hvernig SÞ gætu leyft beitingu hervalds,
sögðu að allt kæmi til greina ef Íraksstjórn neit-
aði að verða við þeim kröfum sem settar hafa
verið fram. Frakkar ítrekuðu þó að þeir myndu
ekki taka þátt í aðgerðum sem ekki hefðu verið
samþykktar af öryggisráði SÞ. „Við munum
meta aðstæður er þar að kemur,“ sagði Michele
Alliot-Marie, varnarmálaráðherra Frakklands.
„Það þýðir að ekkert er útilokað.“
Forseti kínverska þingsins hvatti Íraka til að
vera samvinnuþýðir og sagði að til hernaðar-
aðgerða gæti aðeins komið samkvæmt ályktun
SÞ. Kínverjar eiga fastafulltrúa í öryggisráðinu
og gætu beitt neitunarvaldi gegn ályktun sem
heimilaði herför gegn Írökum.
Hvetja Íraka til að
heimila vopnaeftirlit
Viðbrögð arabaríkja við
ræðu Bush Bandaríkja-
forseta yfirleitt jákvæð
Kaíró, Berlín. AFP, AP.
CHRISTOPHER Reeve,
bandaríski kvikmyndaleikar-
inn, sem er best þekktur fyrir
leik sinn
sem ofur-
hetjan Sup-
erman, hef-
ur komið
læknum sín-
um á óvart
með bata
sem talinn
er undra-
verður.
Reeve lamaðist fyrir neðan háls
fyrir sjö árum þegar hann datt
af hestbaki og hálsbrotnaði.
Þess var orðið vart fyrir um
tveimur árum að Reeve væri á
nokkrum batavegi þegar hann
hreyfði vísifingur vinstri hand-
ar, en nú getur hann hreyft alla
fingurna, einnig getur hann
hreyft úlnliðina og fæturna og
hefur öðlast snertiskyn.
„Engum hefði dottið í hug að
hann gæti leyft sér að vonast
eftir nokkrum bata,“ sögðu
læknar Reeves um ástand hans
og bættu því við að óvíst væri
hversu miklum bata búast
mætti við í framtíðinni.
„Læknarnir vita að ég er
hraustari og sterkari núna og
gæti hlotið óvæntan bata hve-
nær sem er,“ sagði Reeves um
bata sinn.
Óvæntur
bati
Reeves
Boston. AP.
Reeve
ÓTTAST er að mikið umhverfis-
slys sé í vændum við St. Lús-
íuhöfða á austurströnd Suður-
Afríku. Ítalska flutningaskipið
Jolly Rubino sendi frá sér neyð-
arkall í gær eftir að eldur kom
upp í skipinu og var 22 manna
áhöfn bjargað um borð í þyrlur. Í
kjölfarið hefur skipið rekið upp í
fjöru og loga enn eldar í skips-
flakinu. Skipið var að flytja leysi-
efnafarm frá Durban í Suður-
Afríku til Mombasa í Kenýa, þar á
meðal acetone og metanól, og að
auki eru um 1.100 tonn af gasolíu
og 225 lestir af bensíni um borð.
AP
Talin hætta á
umhverfisslysi
FIMMTÁN pakistanskir ríkisborg-
arar hafa verið handteknir á Sikiley
á Ítalíu, grunaðir um að eiga aðild að
hryðjuverkasamtökunum al-Qaeda.
Pakistanarnir, sem allir eru karl-
menn, eiga yfir höfði sér ákæru fyrir
samsæri um að fremja hryðjuverk.
Mennirnir voru handteknir í ágúst
eftir að ítalska strandgæslan stöðv-
aði skip þeirra í ítalskri lögsögu eftir
ábendingu frá ítölsku leyniþjónust-
unni. Í ljós kom að Pakistanarnir
voru allir með fölsuð vegabréf og
dularfull tákn og skilaboð fundust
einnig í fórum þeirra. Um var að
ræða flutningaskip sem var á leið
með blýfarm frá Casablanka í Mar-
okkó til Líbýu.
Meintir al-
Qaeda-liðar
handteknir
ÍSRAELSKI herinn hélt í gær
áfram aðgerðum gegn Palestínu-
mönnum, skaut einn til bana og
særði sex, þar af þrjá alvarlega, í at-
lögu á Gazasvæðinu. Tugir manna
voru handteknir á heimastjórnar-
svæðum Palestínumanna. Sögðu Ísr-
aelar að þ.á m. hefðu verið menn sem
voru eftirlýstir af ísraelskum yfir-
völdum.
Í sprengingu sem varð í Jabalya-
flóttamannabúðunum á Gaza létust
þrír bræður, þar af einn sem var
meðlimur í harðlínuhreyfingunni
Heilagt stríð Islams, og átta aðrir
Palestínumenn særðust. Ekki lá fyr-
ir hvað olli sprengingunni, en hún
var sögð hafa orðið í húsi þar sem
hafi verið sprengjuverksmiðja. Var
húsið í eigu félaga í Fatah-hreyfingu
Yassers Arafats Palestínuleiðtoga.
Að sögn palestínskra heimildar-
manna brutust ísraelskir hermenn
inn á skrifstofur Fatah á Gaza og
eyðilögðu þar tækjabúnað. Einnig
hafi hermennirnir brotið niður sex
járnsmiðjur og tuttugu hús, og séu
íbúar þeirra nú heimilislausir.
Fjórir féllu á Gaza
Gazaborg. AFP, AP.